رواية عائلة من جهنم الحلقة الثالثه 3 - أروى طاهر المسلاتي ( بنووتة الشيخ)

رواية عائلة من جهنم الحلقة الثالثه 3 - أروى طاهر المسلاتي ( بنووتة الشيخ)

رواية عائلة من جهنم الحلقة الثالثه 3 - أروى طاهر المسلاتي ( بنووتة الشيخ)

لقراءة رواية عائلة من جهنم كاملة : اضغط هنا

رواية عائلة من جهنم الحلقة الثالثه 3 كاملة مكتوبة للكاتبة أروى طاهر المسلاتي (بنووتة الشيخ)



قمر:كانت الاوضاع متفركسه وزادت صدمتي لما طاحت عيني على اماني تخبط على وجها وتقول العرس إلتغي إلتغي
رجعت خطوات وانا خايفه ومصدومه من يلي سمعته !!
حسيت ان لحضات والصاله بتنقلب فوق روسنا !!
وجعت بسرعه جنب ماما وخواتي
والحفله قاعده ماشيه تمام اغاني والناس ترقص وتصفق عادي جدا
قعدت ملاحضه وجه مرت عمي (ام العروسه)
واضح عليها التوتر ...شن يلي صار في غرفة العروسه عشان يلتغى العرس؟؟
______________________
زيد:شن صار؟
غيث:اتكى ع السياره وولع دخانه وهوا يحاول يكون هادي
زيد:نكلم فيك..علاش بيلتغى العرس؟بسببي؟؟
غيث:مفيش عروسه تلغي عرسها يوم حفلتها ع خاطر واحد خاين رفض يوقف معاها!
وخلاها تمشي لي غيره بكل سهوله
زيد:غيث انت خوي وفاهمني كويس فكني من الهزايب توا وقولي شنو السبب؟؟علاش العرس بيوقف
غيث:خدي جبده دخانه كبيرررره...موضوع طويل
زيد:ادوى
مجد:شنو يصير في المصير؟
غيث:لوح الدخان ....شي الامور طيبه
مجد:ورب الكعبه لو طلعت انت ورا موضوع تخريب العرس هاذا بتشوف حجات مش ....
زيد:تي وربي مدرت حاجه ياناس
غيث:طبطب ع كتف مجد...كان طلع خوي ورا الموضوع هاذا انا ناخدلك حقك
ولو طلع مليشي دخل تحمل رد فعلي على تهديدك هاذا
مجد:يشوف لي زيد بنضرات شك🔥 وحاول يغير الدوا ...افففف مشفتش بنات الشرقاويه؟
زيد:يحك في راسه بتوتر ...مريتش حد
مجد:ان شاء الله يكونو طروف بس...ع الاقل الواحد يطبق قانون العيله وهوا فرحان
غيث:رجعت بيه ذاكرته لما شاف قمر❤️جمالها وشعرها يلي مقدرش يمنع نفسه ان يقيم عيونه فيه
____________________
قمر:وقف قلبي لما تسكر ضي الصاله !
نفتحت الزفه وخشت العروسه وانا مش فاهمه شي!
واضح من وجه العروسه ان صاير شي!!
خواتها وامها الدنيا كلها مفركسه ...خشت وسط زغاريط وقعدت تتمشى شوي شوي لين قعمزت ع الكوشه
بدو الناس يسلمو عليها وهيا مبتسمه وكنت متأكده ان فيه شي
مشت الحفله عادي ...امها وخواتها الزوز معش شفناهم
وانا عقلى في غيث!...والشبحه الغريبه يلي شبحها ليا قبل ما يخش❤️
لحضه😨😨😨زعمه هوا يلي منع العروسه؟!
اي صح...اكيد العروسه قررت تتراجع ومعش تبي لكن هوا خش غصبها ...يناري💔
غيث الحقير كيف يدير شي زي هكي؟..اصلا واضح من منضره
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
جليله:ريتيهم؟!متقوليش علينا سلفات وكناينها العزوز الحرفه هاذي ...متأكده ان في شي وتو تشوفي
راضيه:زعمه مش زيد ولد سلفى مداير حاجه؟
جليله:علاش زيد شن دخله؟
راضيه:كيف شن دخله يا مرا مش قبل يبو بعض؟
جليله:لالا ميدير شي ...عارفتيه يخاف من جده موت كان بيدير حاجه راهو وقف في وجه جده وقال نبي اكرام مش يخليها تتزوج غيره!
راضيه:يستر الله وخلاص
جليله:قتلك
راضيه:تشوف في العروسه من بعيد...ها شنو
جليله:حطت يدها على فمها وتحكى بصوت واطي...عزوزتي الفالحه شوفي حدايدها
امس ولدها زادها حديدة ذهب
راضيه:زعمى كان باعتهم قداش يجيبو؟
جليله:شافتلها بنضرات خبث....شن رايك حنى نشوفو قداش يحيبولنا ؟
راضيه:وكيف بناخدهم وهيا متنحيش فيهم من يديها
جليله:خوذي كلامي بس ونفدي يلي نقولهولك وتو تشوفي الخير كيف يصب علينا من كل مكان
راضيه:اي ياسلفتي علاش لا!!
_____________________
قمر:طول الوقت وانا نراقب في العروسه يلي كل شويه تقيم في راسها فوق متبيش دموعها ينزلو
المعازيم يسحابوها زي اي عروسه تبكي من فرحتها
بس انا كنت متأكده ان في شي كبير صاير !!
صاحبتها يلي زي اختها ماشيه جايه عليها وتصبر فيها لين خذت تركينه بروحها تحكي بي الهاتف وتضحك؟!
نهال(صاحبة اكرام):ايوا
المصوره:صوتها يرعش من الخوف..يلي قلتيلي عليه درته
نهال:اي حلو والواضح ان العرس حيلتغى رسمي
المصوره:حسبي الله فيك ...كيف قادره اديري شي زي هاذا في صاحبتك بس!!
ليش خربتي فرحتها وهيا لابسه الڤيلو بسسس ليش
نهال:اسمعي انتي ...سكري فمك ومتعطينيش درس في الاخلاق والصداقه توا
يمين بالله نسمعك معاوده حاجه وان انا ورا هاذا كله ننهيك في مكانك سامعه؟
المصوره:حسبي الله ونعم الوكيل...وسكرت الخط
نهال:رجعت شعرها ورا ضهرها ورجعت قعمزت جنب العروسه (اكرام)
نهال:خلاص كرومه اهدي كل شي يفوت تمام ان شاء الله
اكرام:تمسح في دمعتها يلي على طرف عينها ...مستحيل يتصلح شي مستحيل
نهال:وتوا كيف بيصير به؟
اكرام:منعرفش الشي الوحيد يلي نعرفه اني بنرجع احوش جدي اليوم ومش رح يسكر عليا دار
نهال:ابتسمت داخلها فرحانه ووجها من برا يبان حزين على صاحبتها
__________________
قمر:شفت وجوه خايفه!!ووجوه متوتره ووجوه متشمته وحتى وجوه فرحانه ..لين بدو يحطو العشي
كملنا عشانا واول مره منضحكش على حد ومنقرمش حد انا واختي جنى...كان عقلي مشغوول ومش معاي بكل ...طلعنا انا وخواتي ركبنا مع ماما
وقعدنا نراجو في باقي السيارات باش نطلعو طابور واحد
قعدت نتفرج من الروشن ...غيث🔥
وقفته ولبسه شعره لحيته طريقة كلامه بيديه والدخان ونضراته ...كل شي فيه كان مختلف على اي حد شفته في العيله هادي!
شن الفايده لو كان حقير واجبر البنت انها تتزوج بسيف عليها!
جيهان:قمر؟من بداية الحفله مسمعناش صوتك؟
قمر:عيونها في غيث...حاسه راسي يوجع فيا بنرقد
جنى:ماما هيا معش قادره امي بنرقد
سميه:به مزال استنو
قمر:ركب في سيارته بعد ما عطي امر لكل واحد فيهم كأن هوا الكل في الكل
كل شويه نسمع فيهم ينادو بي اسمه ..غيث غيث
اي حد يبي شي يجيه هوا ...حبيت شخصيته!!
تحركت سيارت ماما وانا سكرت عيوني واتكيت ع الباب
______________
اكرام:ركبت في السياره ونهارت بي البكي ...اخيرا قعدت بروحها !!.
بدت تبكي وتبكي ولوحت الباقه
اماني:اكرام اسكتي متفضحيناش قاعدين قدام القاعه
اكرام:تخبط على فودرة السياره...الحقيرررر الحقيرررر الواطي كيف قدر يدير هكي فيا😭😭😭💔ااااااااااااااااااه
اماني:تبكي معاها...اكرام اسكتي مطلعناش الله يخليك اسكتي
مجد:فتح الباب وركب
واكرام تعيط بأعلى حسها...
مجد:اسكتي اكرام مش وقت عياطك وانا مش فاهم شي
اكرام:قامت الكاب العرايسي من على وجها وبدت تعيط
مجد:طلع بسياره ويحكي بصوت عالي...انا مش فاهم شي
لكن وربي لو طلع فرخ زيد ورا القصه هاذي هوا وخوه غيث يلي نافخ روحه بننهيهم
اكرام:كملت الطريق كلها بكى واماني تحاول تهديها بس مفيش اي فايده !
___________________
في حوش العيله:-
قمر:اول ماوصلنا جت حناي صالحه يلي مليهاش اي علاقه بلحنان!
قالت كل واحد لي شقته وكل واحد لي غرفته
ركبت انا وامي وخواتي
واماني وامينه لي دارهم هما وامهم ونفس الشي وفاء وحوريه بنات عمي للغرف متعهم
وباقي نساوين عمى ركبو لي شققهم فوق
بدلت حوايجي وطلعت من الدار بهدوء ..طلعت بخطوات هادئه لين وصلت لدروج
قعدت نشوف ...كانت الصاله معبيه هلبااااا
اكرام مقعمزه بي الڤيلو متاعها ومغطيه وجها بي الكاب ومجد خوها مقعمز جنبها وغيث وخوه مقعمزين حتى هما
من غير عمامي كلهمممم مقعمزين ومنزلين راسهم وقدام اكرام بزبط واحد لابس بدله رسميه واضح انه العريس ومنزل راسه حتى هوا
كأن الكلمه الاولى والاخيره لي الراجل يلي مقعمز وقايم خشمه فوق بكل غرور اي صح هوا جدي!!
قعدت نراقب وانا ساكته
الشامخ(جدهم):اليوم اول مره تصير في تاريخ العيله هاذي
بنت من بنات ولدي ترفض تتزوج...وامتى؟
ليلة الفرح.
نقدر نفهم توا شنو سبب التفركيسه هاذي؟
احمد(العريس):ياحدي والله مفي حاجه لعند امس بعد الفاتحه كانت الامور تمام
زيد:يشوف للعريس وكان خاطره ينوض يقتله وينهيه في ارضه !!...الواضح ان قلبه قاعد يدق لي بنت عمه ومنسهاش رغم كل شي داره فيها❤️
الشامخ:حط يديه الزوز على العصا متعه وقام راسه...اكرااام
تكلمى يابنت شنو يلي صاير ؟
اكرام:بصوت يرجف من تحت الكاب ودموع كحل ينزلو ع الڤيلو ...جدي نبي نقولك السبب بروحنا
الشامخ:لاااا...امورنا العائليه تنقال قدام الجميع في الحوش هاذا
تكلمى شن صاير
اكرام:ياجدي جتنى بنت مبكري وباش يخلوها تخش غرفة العروسه قالت انها مصوره ...طلعتلي تالفونها وورتلي فيديو
زيد:قام راسه بسرعه يستنى شن صار!!
كلهم ساكتين ويشوفو لبعض..لان ممنوع حد يتكلم والجد بينهم
الشامخ:وشن فيه الفيديو هاذا يلي يخليك تطلبي الطلاق وهوا مدخلش عليك!!
اكرام:سكتت لكن صوت بكاها واضح
الشامخ:بصوت حااااد...جااااااوبي
اكرام:باعت ريقها....راقد مع بنت والتاريخ قبل الفاتحه بي اسبوع بس يعني في تونس
احمد(العريس):وجها احمررررر ..نزل راسه ويفك في القرواطه متعه
سالم(بو اكرام):عقد حاجبه وشاف للعريس بحقد
اما زيد..حس داخله ان فيه فرصه لي طلاق اكرام وترجعله من جديد!
الكل ساكت يراجو في قرار الشامخ زي ما اعتداو الكلمه الاولى والاخيره ليه حتى كلام اب العروسه نفسها مليشي قيمه
اكرام:نطقت من جديد...كيف تبيني ياجدي نكمل حياتي معاه وهوا من البدايه خاين؟؟!
الشامخ:سكت شويه وبعدين وقف ...يديه الزوز على العصاة زي العاده ...الراجل مكانش قاري فيك فاتحه
وحتى لو قاريها الشرع محلل بي4 وهاذي اسمها نزوه وتعدي
نوضي روحي مع راجلك معندناش بنا يطلقو من اول ليله زواج
اكرام:طاحت ع الارض قدام رجلين جدها تبرس فيهم وتبكي...الله يخليك ياجدي بالله عليك بالله عليك منبيش نروح معاه ارجوك😭
الشامخ:دفها بي رجله لين طاحت ...كلمتى تمشي مدامك انخلقتي في الحوش هاذا
احمد:قام وجها وهوا يبتسم بنصر وبكل وقاحه وقف وقرب من اكرام...هيا نروحو
الشامخ:يالله كل واحد على شقته وغرفته الدنيا ليل وانت يا احمد عروستك وروح الا غيث الحقني لمكتبي نبيك.
ناض سالم اب اكرام ركب لي غرفته وفجآه الصاله بدت فاضيه مفيهاش حد!
كأن كلمة بوهم كانت سيف قاطع محدش يتكلم بعده
ناضت اكرام بدون اي صوت ووجها مغطي...قامت الڤيلو وطلعت مع احمد وزيد واقف مصدوم !
مجدي:بصوت واطي...تشك ملك راحت منك للمره الثانيه واحمد ربك مكانش عندك يد في تخريب الجوازه هيا!
زيد:مهتمش لي كلام مجد وقعد ساكت كأن الذكريات تلف بيه وترجع
قمر:كنت مصدووووومه ...ساعه حاطه يدي على فمي كيف ؟؟ضلم هاااادا ضلم
كيف يخليها تروح مع واخد خاين حقير متبيشي ...رجعت لي غرفتي وكنت مصدومه لدرجة بكيت
اي بكيت على منضرها كيف طايحه ع الارض تبوس في رجليه وهوا دفها كأنها حشره
ومفيش واحد تكلم حتى بوها؟؟...الواضح ان بابا كان معاه حق في كل كلمه قالها على عيلته
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
سالم:خش للجناح متعه مقهور على بنته والمنضر يلي شافها فيه💔
خديجه:جت تجري ترعش ومتوتره...هااا طمني شن صار وين اكرام
امينه واماني:واقفين الزوز على نار
سالم:قعمز ع الكرسي...روحت مع راجلها ربي يهنيها
اماني:اااااه الحمد الله ياربي
امينه:اوووف هاذا وين رتحت...ورجعت لي غرفتها
خديجه:الحمد الله ان شاء الله غير بوك راضي علينا؟
سالم:راضي راضي
خديجه:به كويس..نحطك تتعشى؟
سالم:مخاطريش
خديجه:ناضت تغسل في وجها من المكياج وقلبها ارتاح انا سالم سرح!!...وبدي في خاطره يحكى
لعند امتى مصير بناته ومرته ومصيره حتى هوا بين يدين بوه يلي كل قراراته واعره!!!؟
_____________________
الشامخ:زي ماقتلك هاذم مفاتيح المحلات متع طريق النهر !
خود منهم الايجارات ويلي ميبيش يعطيك انت بتتصرف معاه نعرفك قدها ويخافو منك
غيث:تم
الشامخ:حوش عمك الله يرحمه ...حطه في العقارات
غيث:قام حاجبه...بتبيعه؟!
الشامخ:اي ...معنداش ولاد يورثوه ولازم ينباع الحوش باش نقدر نسيطر على بناته يلي وصلو امس
من اليوم مليهمش اي مكان غير هنايا بس
مجبورين يمشو على الخط لان لو طلعو من هني مش رح يلقو مكان
غيث:هز براسه بمعنى تمام
الشامخ:خلاص اليوم كملنا شغل ..تصبح على خير
غيث:باس يد جده..وانت بخير
وطلع من المكتب زي كل مره
كان غيث الوحيد في العيله كلها يلي يخش للمكتب حتى وجده مش موجود
لان الشامخ كان يعتمد عليه في كل شي اكتر حتى من ولاده❤️
__________________
العيله كلهم رقدو بعد ما رتاح قلبهم على اكرام
الا قمر قعدت نايضه طول الليل
تذكر في ضحكات صاحبتها ع التالفون
وفي نضرات اكرام ع الكوشه وبكاها قدام رجلين جدها يلي مدار شي غير ان زاد كسرها💔
جنى:فتحت عيونها بصعوبه...قمر ليش مارقدتي؟
قمر:واقفه ع الروشن...مجانيش نوم
جنى:عطتها بضهر وكملت نومها ..اما قمر
اما قمر لبست تُبْ التوته وطلعت من الغرفه !
نزلت من الدروج بشويه ! تتفرج على الصاله الكبيررره وتذكر في يلي شفاته كانت الدنيا هااااديه
خشت المطبخ فتحت الثلاجه خدت اميه وحست بحد خش للمطبخ...تلفتت بسرعه!
غيث:خش للمطبخ وغسل يديه
قمر:عطاته بضهر وجت طالعه بدون ماتحكى معاه ....
غيث:استنى
قمر:تجمدت في مكاني 🔥حسيت بلخوف منعرفش علاش ....
غيث:يمسح في يديه ....
قمر:تلفتت...وقعدت نشوفله اول مره نكون قريبه منه ونعرف ملامحه بزبط كيف ...وقلبي يدق وخفت نكون مدايره شي !!
غيث:حركة اليوم معش تعاوديها
قمر:بصعوبه تكلمت.....اءءء انا !!شنو درت
غيث:حط الفوطه بقوه ع الطاوله معش تتسمعي على حد
قمر:انصدمت...هوا مشافنيش وقتها ولا قام راسه
كيف عرف!!
غيث:عارفك جديده هنايا وفي هلبا حجات متعرفيهاش بس تتعودي وهاذي اول حاجه تمشي عليها هنايا خليك في حالك بس!
قمر:رمشت عيونها بسرعه وجت بتطلع ..لكن رجعت ..انت راضي ع الشي يلي صار؟
غيث:عطاها بضهر وطلع كوب بيدير قهوا ....يلي صار هوا الصح
قمر:شن هوا الصح!!...تبكى وتترجى فيه متبيش تروح مع واحد خامر خاين و.....
غيث:عيط عليها....الحجات هيا مليكش دخل فيهااااا واركبي توا
قمر:بصوت هاذي...لو كانت اختك!؟
غيث:في الخوش هاذا مفيش فرق بين اخت والبنت عم كله زي بعض ..وانتي بديتي زيهم
قمر:تعيش معاك اخت وبعدين تتزوجهااا هه ...حشاني نكون وحده منكم
غيث:شبحلها بنضرة ثقه....الايام بينا
قمر:ركبت لي داري وقلبي بيطلع !!...حسيت ان سجن ونحبسنا خلاص 💔💔💔
نضرة الثقه يلي عنده !!!...معقوله يصير فينا زي اكرام!!
____________________
غيث:قعمز يشرب في القهوا ويفكر .
طريقة حكم جده وتفكيره ببيع حوش البنات مكانش من فراغ ابداً.
جده كان كل تفكيره يلم العيله كلهااااا ...وتكون تحت سيطرته ! هوا الامر الناهي
هوا يلي يحكم ويتحكم
يكون ضاغط على ولاده واحفاده ومفيش حد يتكلم علاش؟...لان الفلوس والرزق كله في يده هوا
لو قطع المصروف على حد من ولاده رح ينتهى!!
وتقاطعه العيله كلها زي مصار لي اب قمر
خدي غيث رشفه من القهوا وهوا واثق ان قرارات جده كلها صح!...مكانش عارف ان البنت يلي طولها ميوصلش لعند كتفه رح تقلب كل شي في الحوش !!
_____________________
احمد:سكر باب الحوش ونحى القرواطه والجاكيت...انا ياكلبه تفضحيني قدام عماااامك؟
اكرام :لوحت الطرحه وعطاته بضهر
احمد:مسكها من يدها ولفتها ليه ....شنو استفدتي ها!؟؟؟
شنو استفدتي يا زباله رجعتي معاي وخشمك في الارض
بوك العيل وخوك مفيش واحد فيهم قال اغغغ قدام جدك
اكرام:نفضت يدها ...مفيش عيل في الدنيا غيرك وسخ حقير عمري ماتوقعت تكون نذل متع بنات
احمد:فقد اعصابه وطاح فيها ضوب وهيا بي الڤيلو 💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم🌦
قمر:نضت على صوت جنى ك العاده ..ارل يوم للعيله بدون حوست العرس
نزلنا للفطور كانت الصاله مقسومه بين زوز
جيهة اليمين للبنات ونساوين عمي ...وجيهت اليسار جدي وصغار عمي وعمامي
تفاجآة انا وخواتي ان حتى نساوين عمي يلي يسكنو فوق لاااازم يكونو موجودين على سفرة الفطور
قعمزنا نفطرو
وفاء:اففف امتى بتجي اريام اختي
امينه:من الصبح نراجي حتى انا
حوريه:جابت الخبزه وقعمزت ...تو تجي
وفاء:غمزت لي اماني ...خوي لابس الحديده يلي جبتيهوله في عيد ميلاده
اماني:تلفتت وضحكت وهيا فرحانه
قمر:جت عينها في عين جنى
جنى:بصوت واطي ....مرزن دمهم
سميه:ماما عيب...كولي وانتي ساكته
______________________
مجد:بصوت واطي...اووووف ع الانتاج الشرقاوي يا راجل
غيث:يتصفح ومقامش عيونه
مجد:هاذي قمر هكي راحت!!...قنينه للوح
غيث:قام عيونه شاف قمر ❤️
مجد:اي هكي البني ادم ياخد من العيله وهوا متهني
غيث:ناض وقف خذي جاكيته وطلع بدون ما يحكي حرف
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
قمر:كا العاده انا وخواتي بس يلي نضنا نغسلو في الماعين 💔ماما 24ساعه جيهان ديري قمر حطي جنى جيبي وهيا اطيب
هاذا كله ومش عاجبهم شي 🤦🏻‍♀️...لمحت نساوين عمي راضيه وجليله يوشوشو لي بعض قدام دار حناي مفهمتش شنو يديرو!!
لين خش عمي سالم(اب اكرام وامينه واماني ومجد)
خش للحوش وصدمنا كلنا ...
خديجه:سالم...شنو هاذا يلي في يدك !
سالم:لوح الڤيلو ع الارض..قفطان بنتك
خديجه:شافت للڤيلو كيف معبي دم وعيونها بيطلعو
اكرام؟...سالم؟...شن شن شش شنو هاذا....يتبع
تعليقات



حجم الخط
+
16
-
تباعد السطور
+
2
-