القائمة الرئيسية

الصفحات

رواية نورتي عتمتي الحلقة 23 و الاخيرة - رواسي بحر الدين

رواية نورتي عتمتي الحلقة 23 و الاخيرة - رواسي بحر الدين

رواية نورتي عتمتي الحلقة 23 و الاخيرة - رواسي بحر الدين

لقراءة وتحميل رواية نورتي عتمتي كاملة pdf : اضغط هنا 

رواية نورتي عتمتي الحلقة 23 كاملة مكتوبة للكاتبة رواسي بحر الدين 

بقلم "رواسي بحرالدين "
انوار : مصبيه قدام المدخل
رواد: فتح الباب و لقى انوار تراجي فيه السلام عليكم
انوار : وعليكم السلام احكي يا رواد شن فيه راك رعشتني
رواد:علاش رعشتك
انوار: رواد ماتقوليش بتسيب العرس والله نفضحك راه
رواد: ههههه لا جيت في موضوع اهم من هكي
انوار: شنو ؟
رواد: طلع من جيبه التلفون هذا لك
انوار؛ خذت تلفونها بدهشه .... هذا تلفوني كيف وصل لعندك ؟؟
رواد: مش مهم كيف وصل لعندي بس
انوار: شنو بتهددني بيه ولا بصوري وربي انك
رواد: انوار اسكتي علاش واخذه فكرت اني الشرير في القصة .... فعلا انا غلطت وقت سيبتك في المستشفى بس وقتها خفت من الموقف وحقك عليا و حاولت اني نخرب بينك وبين صقر بس النصيب اقوى مني و اليوم انا حنبدا حياة جديده مع مرتي و ولدي وجاي نطلب السماح منك
انوار؛ ببرائة .... تحكي جد 🥺🥺
رواد: كشخ لا نبصر😕
انوار؛ ههه ونا مسامحتك
رواد : شكرا 💗
انوار: صدمتني بجد رواد ربي يوفقك في حياتك ونشاءالله بداية خير لك
رواد: نشاءالله يارب ... و فكر في كلام هدى
___________
هدى: رفعت تلفونها و اتصلت برواد
رواد: ايووه هدى شن فيه جديد
هدى: فيه جديد بس اخبار مش حلوه
رواد: شنو الزحححح
هدى: صقر قالي يحب انوار ومايقدرش يطلقها
رواد: ونا دفاعلك عشان تقوليلي الكلام هذا
هدى: انا متحيره من الموضوع كيف بس ؟؟ لاني دايرتله حجاب
رواد: قعمز مخلوع شن تقولي ؟؟؟ حجاب شنو يابنت
هدى: ساحرته يعني انه يقعد يحبني و تايه في افكاره و يبعد عن عيلته بس مش عارفه كيف صار غدوا نمشي للمرا يلي دارته ليا ونسالها
رواد: بس قلتلي قبل انه هو ما لمسك بكل كيف دايرتله حجاب ؟؟
هدى : لما ...
_____________
قبل ايام:-
صقر:- درس السيارة كالعادة بعيدا عن الحوش ونزل ع رجليه
دق دق دق
هدى؛ صبت قدام لمرايا ساوت شعرها و نزلت البدى متاعها عشان يبان صدرها عرفت انه صقر ... و مشت فتحت الباب .... حبيبي
صقر: عيونه 💗
هدى: مسكاته من يده خش هيا
صقر؛ خش و سكر الباب وراه
هدى: خشت للمبطخ تبي شي تشربه ؟؟ او تاكله ؟
صقر:- قعمز ع الطاولة نحس في روحي عطشان طاسه اميه بالهي عليك
هدى: خليني نصبلك عصير
صقر: يلي هو بس قتلك
هدى: نعم
صقر : قتيلي امس انه ضربك بس مافيش اي علامات ضرب
هدى: تصب في لميه ... اكيده يعني مش حيعلم فيا شن حيقولوا اهلى و اهله و قت يشوفني و مشت تجاهه بتمدله طاسة عصير
صقر: مد يده بياخذها
هدى: تطلق الطاسة و تلبز صقر .... اووووه اسفه حبيبي اسفه
صقر: ناص ينفض في روحه هدى وين عيونك
هدى: مش بقصدي سامحني وقعدت تمسح فيه
صقر: خليه خليه توا نرد للحوش نغير
هدى:لا حبيبي توا يعسل بيك العصير و هذا عنب يصبغ في قميصك و هو لونه فاتح
صقر: لا عادي قتلك
هدى: حبيبي مش غريب انت خش غسل و توا نعطيك من رجب نفس الشخصية انتم و ماتخافش مش حيلاحظ في حاجات مايلبس فيهم هو
صقر:- باهي تمام اصلا ماعنديش وقت هلبا لين نروح للحوش و نغسل
هدى: خشت للدار حطتله ملابس ع السرير ... خوذ راحتك الحوش حوشك و طلعت
صقر:متعود يسلح في كل شي قبل مايدخل للحمام "اكرمكم الله" حطهن ع الطاولة وخش
هدى: فتحت الباب بشويش وقعدت تشوف في دبش صقر و تحاول تفكرس الساعه ماعرفتش شن اندير لين جابت مبرد وحولت الفص من الاسورة و طلعت لحجاب من صدرها و حطاته تحت الفصة و ردتها ضغطت عليها كويس و طلعت كانه شي لم يحدث...
____________
رواد : يعني السحر يلي درتيه حيخلي صقر يسب انوار ؟
هدى:- لا المفروض هي تسيبه بسبب تصرفاته بس معاش عرفت شن صار
رواد: اصلا مانأمنش بالقطاف هذا بس يلا نشوفوا
____________
نرجعوا ليوم الفرح:-
انوار؛ رواد وين سرحت
رواد؛ حك شعره مش عارف كيف نحكيلك بس
انوار؛ فيه شي ثاني ؟؟-
رواد: انا ما انأمنش بالموضوع هذا بس صقر
انوار؛-خيره صقر ادوي
رواد: ماتسألنيش اي سوال ثاني يا انوار ع الموضوع هذا "مايبيش يقوللها انه صقر كان يخون فيها "
بس صقر مسحور و الاسورة يلي في يدها معاش تخليه يلبسها
انوار: وانت كيف عرفت بالموضوع ؟ ماتقوليش انك انت يلي سحرته يارواد
رواد: لالا بس عرفت و خلاص و نا هكي ريحت ضميري
انوار؛ لا ارتاح انا قريبه بما يكفي من زوجي لدرجه عرفت بالموضوع و حمدلله درنا اللازم
رواد: صقر محظوظ بيك وربي يهنيكم
انوار: وساره محظوظة بشخص كويس زيك بس لازم تتعب مسكينه عشان اطلع الطيبه يلي جوا منك
رواد: ههههه باهي صحيتي انك مدحتيني وقلتي كويس
انوار: انا ماكذبتش قلت الحق .... و توا وقت عليك و ع سارة هي سلام
رواد: سلام
انوار : رواد نسيت
رواد: تلفت شنو ؟
انوار :الف الف مبروك وربي يهنيكم نشاءالله
رواد: توا تذكرتي 😅 يبارك فيك يارب  و عقبال نشوف صغارك انتي و صقر
انوار: نحرجت و صغارك يارب ليلتك سعيده💗
رواد: ليلتك اسعد ... و فتح الباب و طلع ركب في السيارة
انوار؛ نزلوا دموعها من الفرحه بالموقف 🙈💚
تسنيم: انوار وينك 😮.... خيرك تبكي ؟؟
انوار: مانبكيش بس في حاجة خشت في عيوني و تحرك في عيونها
تسنيم: ترا نشوفهن لك مافيها شي
انوار: توا نعدي نشوف ع لمرايا سارة كملت
تسنيم: خلاص في اخر لمسات ... و انتبهت ليدها تلفونك يلي راح هذا ولا !!! وين القيتيه
انوار : قصة طويله توا نحكيلك هيا نخشوا ..... وخشن البنات جوا و كملت سارة و رن ع صقر عشان ايجي يشيلهم للصالة لانه كلهم بيركبوا مع صقر و في المرواح بتروح مع رواد
تسنيم: رنيت عليه اهو جاي
سارة؛ طلعي الشناطي يا تسنيم و اطلعي و نا توا تساعدني انوار
تسنيم: تمام و رفعت الشناطي و طلعت ... و تشوف في سيارة بيضة نفس نوع سيارة صقر ... فتحت الباب الخلفي افتح الشنطة يا صقر
وسيم: شافلها في لمرايا و ابتسم و فتح الشنطة
تسنيم: حطت الشناطي و ركبت من ورا ... اهني لاحقتني راه
وسيم: باهي يتفضلوا بس من انتي ومن هم ؟
تسنيم:😱😱😱😱 و نزلت بسرعه من السيارة
وسيم: نزل حتي هو ... خيرك دايخ ولا زارطه شي 😂
تسنيم: تحشمت... لخبطت في السيارة اعذرني وجت بتمشي
وسيم: ولايهمك بس راجي الشناطي
تسنيم: ااه نسيتهم😓
وسيم: رد فتح الشنطة و نزلهم هي تفضلي
تسنيم: صحيت و اسفه و الله عقلي مشوش
وسيم: ولا يهمك ... و عيونه قلوب قلوب في تسنيم 😍
خطرها مش واصفتلكم تسنيم مش قبل :-
هي قصيرة ع عكس سارة ومشاءالله عليها جميله جدا عيونه عسليات و خشمها واقف و جسمها لا سمينه ولا رقيقة واخذه الوسط
تسنيم: هي عن اذنك و بتمشي
وسيم: اسمعي
تسنيم: تلفتت نعم !
وسيم : مدلها كرته لو احتجتي شي ما اترديني
تسنيم: كشخت ... صحيت مش محتاجه و بتمشي
______________
سارة لبست الكاب فوق الفيلو و انوار حطت العبايه و طلعن ركبن مع صقر بس تسنيم وين اختفت !
صقر: تي كيف مش عارفت وين
انوار: طلعت قبلنا هي
سارة؛ اتصلي بيها يا انوار
انوار: هي و رنت ع تسنيم
_____________
وسيم: تسنيم شاده زوز شناطي كل وحده في يد ... مسكها من ذراعها ... ونا مش مخليك تمشي لين تاخذي الكرت
تسنيم: والله نعيط ونلم الناس عليك تحشم ع وجهك ....... وتسمع في تلفونها يرن
وسيم: اكيده اهلك يرنوا عليك ... هبلتي عقلي يابنت خوذي الرقم ومش حتخسري شي
تسنيم: حطت الشنطه و خذت الكرت ورفعت الشنطه و مشت عنه و قبل ماتوصل للسيارة عزقتله الكرت و كملت طريقها بسرعه
وسيم: قعد يضحك وقعد شافها تجري عاود للسيارة و لف بيعرفها بنت شكون
تسنيم: مشت اشوي ولقت سيارة صقر فتحت الباب افتح الشنطة
صقر: فتح الشنطه... باهي يلي جيتي
تسنيم: ركبت الشناطي من ورا و جت قعمزت و حكتلهم انه لخبطت في السيارة

وصلوا للقاعه و خشت سارة و الله يبارك طلعت تحفة🔥.... هي طويله و ملامحها حاده😍 وماكثرتش مكياج دارت خفيف يبين ملامحها بس عرايسي💋👰
و جايبن فرقة و ناضن البنات يرقصن و جت حفلة ع قيس النية احلى ماتكون💃👏
ع الطاولة :-
بسمه: نوضي ارقصي يا انوار عرس حماتك عيب تقعدي مقعمزه هكي
افطيمه: اي يابنتي هذا اول عرس تخشيله نوضي نوضي
ابتسام: حتي نا بنوض و سلحت كندرها
انوار: هي
ابتسام: بترقصي بالكعب هذا 😮
انوار: اها نعرف نرقص بيه .... وناضت انوار ترقص و حييي ع رقصها و زغروتتها 😍💙
و الناس عاد يحكوا انه فال خير للعيلة خشتها جابتلهم الرزق و فتحت باب الزواج ع حماتها
افطيمه: القنه ماعندي مانقول فيها بنت حلال نورت عتمتنا 💗
بسمه: فرحانه عاد يشكروا في بنتها 
و عاد العين حق علينا كلنا ماقعدتش انوار حتي ربع دقايق ترقص كعبها ينكسر و تجي طايحه و اطيح معاها بنت ثانيه🧿🙂 🤦‍♀️
تلمدن عليها البنات ..... و اتصلت تسنيم بصقر و رفعنها للسيارة و شالها صقر للحوش
_______________
قدام الحوش :-
انوار : فتحت الباب بتنزل مش قادره
صقر: نرفعك
انوار: لالا توا نحاول و قعدت تتآلم
صقر: قرب منها ورفعها و دف الباب الخارجي و خش ... لعند وصل للباب الثاني يلي يدخل ع الصالة ... انوار المفتاح في جيبي طلعيه و افتحي الباب
انوار؛- دخلت يدها في جاكة صقر و طلعت المفتاح و فتحت الباب
صقر: بيمشي للدروج
انوار؛ لالا واعر عليك الدروج ياصقر و صعب نرقي للدور الثالث شن بينزلني
صقر؛ به و دخلها لدار الجلوس و اول ماحطها علق الخرز يلي في عباية انوار في جاكة صقر
انوار؛ كان صقر قريب هلبا منها و يحاول يفك جاكته منها...و ياناري حتي هي بشر و حنت لراجلها نزلوا دموعها ..
صقر: انتبهلها فيه شي ؟
انوار؛- لالا بس حسيتها الطيحه حق و مسكت العباية وبقوة نتلتها لين اطحوا الخرز يلي في العباية
صقر: علاش فكيتهم هكي خربتي عبايتك
انوار : لالا عادي مادروش و سحلت العباية و هي متمدده مش قادره تحرك رجلها
صقر؛- مشي طلع جاب فراش طويل و بطانية و وساده فراشلها
انوار: ابتسمت شكرا وجت بتصبي بتنزل من ع الصالون
صقر: جا رفعها و نزلها ... وقعد يشوفلها حنة لاوين و العطور و البخور😍 وسماحه الله يبارك
بترقدي بلبستك هذي ؟
انوار: لما تخف رجلي انوض نغير
صقر: لالا خليك ومشي رقي فوق للدار نزللها روبها الموف و نزل
انوار : مجنون انت نلبس روب في حالتي هذي و بعد ايجو اهلي و اهلك ؟
صقر: البسيه توا ع خاطري وبعد يجوا غيريه
انوار: تحشمت به اطلع
صقر: كيف حتلبسيه بوضعك هذا ؟
انوار؛ مش حنقولك لبسني راه اطلع نلايم نلبس
صقر: ضحك به ياانوار به ... وطلع و حتي هو حن في النهاية راجل و بيستاحش مرته خلها دقايق ورد للدار
انوار؛ قلبها معلق هل صقر اليوم بيجيها او لا ... و اول ماخش شنو
صقر:تبي شي بنطلع انا
انوار؛ خاب املها و وطت راسها لالا سكر الباب بس
صقر:- معاش قدر يقاومها خاصتا بعد لبست هكي قرب منها .... عارفة انك طالعه تهبلي اليوم
انوار: تحشمت
صقر: قرب منها و باسها ع شفايفها و سلح جاكته وركب فوق منها و هو يبوس فيها اشوي اشوي
انوار : ذابت معاه و نست كل مواجعها
صقر: وهو في عز انسجامه ... انوار
انوار : مش مصدقه يلي صار و مش اول مرة يديرها صقر ... نعم شن فيه ؟
صقر: قوليلي يا انوار و عليك الامان في شخص مسك قبلي او لا
انوار؛ و عزة جلالة الله انك الوحيد يلي لمستني يا صقر فهمني كيف مش مذكر اول ليلة لينا بس
صقر: ورحمة بويا مش مذكر يا انوار بس انا نحبك و واثق فيك ومستحيل نسيبك
انوار: ونا نموت فيك ..... و عاشوا اجمل اللحظات مع بعض 
_________________
و مر الوقت و هما في حظن بعض
انوار؛ تعرف زعلانه انه فاتني الفرح و خليت سارة بروحها
صقر: ونا خو العريس مخلي الشباب بروحهم ذهبتيلي شيرتي يابنت
انوار: ههههه به نوض بسرعه هيا
صقر:- ماشبعتش منك بس الله غالب و باسها ع راسها و رفع جاكته
انوار:نزلي التوتة الحمرا من فوق ياصقر
صقر: به حاظر و رقي فوق غسل و لبس زبون و نزل الانوار توتها و باسها ع خدها و سكر باب الحوش و طلع
______________
في الصالة البنات انشغلن ع انوار بس صقر طمنهم عليها
و خش رواد صور مع سارة
سارة؛ صقر ماجاش
رواد: لا انا جيت و ما القيته
تسنيم: توا رنيت عليه في الطريق قال كان مع انوار
سارة: تمام
و قعدوا سارة و رواد و العيلة يصوروا و دقايق و جا صقر و حتي هو صور معاهم و طلعوا لخيمه التريس و و عشوا و تمت الحفلة ع خير 
وجا رواد طلع سارة و ياناري خذوها شوط بكى و تسنيم لعند الباب و هي تودع في سارة و تبكي خويتها الوحيده صبت قدام المدخل متاع الصالة معاش قدرت تطلع شباب برا و هي لابسة قصير ردت
_____________
رواد: حط سارة في السيارة راجي اشوي
سارة: تمام
رواد: مشي لصقر ياصقر
صقر: بدون نيه نعم
رواد: اضبطة و بكي وراس وخيي سامحني عارف يلي درته مايديره العدوى فيك بس والله زلة و لعب الشيطان بعقلي
صقر: تأثر خلاص عاد ليلة فرحك بتبكي زي لبنيات نوض هيا مرتك تراجي فيك
رواد: انا نقولك سامحني و انت بالك مشغول ع اختك
صقر:ههههه مسامح دنيا و اخره ياصاحبي
رواد: وهكي بالي ارتاح  تصبح ع خير
صقر:-تلاقي الخير .... ومشي رواد ركب في السيارة
_______________
و بعد وقت روحوا للحوش خشوا طول اطمنوا ع انوار
بسمه؛- شن وضعك توا يابنتي بنروح غير عمتك شدت فيا و قتلي صقر معاك
انوار؛ والله بخير يا امي وفعلا صقر قعد معايا لين اطمن
تسنيم: عين ياقلبي ياريتها في العدو ولا فيك
و طلعت تسنيم لدارها اما بسمه فرشت بترقد جنب بنتها
________________
صقر: روح و هو تعبان خش ع انوار لقاها راقده و بجنبها بسمه رقي فوق غير الزبون و لبس توتة وتوضي و صلى لعشاء و هو صح قرر مايسيبش انوار بس مزال الشك في باله صلى الاستخاره يلي قاله عليها الشيخ و خش للسرير رقد
_______________
رواد: فتح باب الشقه وخش و خشت سارة وراه
سارة : تقول اول مرة تخش للشقه مع رواد الحشمه بتاكلها
رواد: خذا بيدها و قعمزها ع السرير ... اسمعيني يلي صار انا نستيه و نبيك تنسيه و حاجة يلي قلته لك ع انوار كله كذب راهي بنت حلال و نا يلي غلطت في حقها
سارة؛ استغربت كيف
رواد: زي ماقتلك كان سوء فهم و انحل و نحن صغار اليوم و توا نبيك تهتمي بيا و بالسمح يلي في بطنك و حط راسه ع بطنها
سارة : حطت يدها ع شعره ونا كنت واثقه انوار مااديرش العيبه و الحمدلله سوء فهم زي ماقلت و انحل
رواد: رفع راسه توا ليلة فرحنها مش حنخربوها بالدوه هذي انا ماتعشيتش قلت نتعشي معاك
سارة؛ ماخطريش بس نتعشي عشانك
رواد: هي خليك هنا نجيب العشاء و نا حجزت من برا
سارة؛ تمام
و كانت ليلة هناء ع سارة و رواد و سبحان الله مغير الاحوال 
________________
بعد يومين من العرس روحوا اهل انوار و وعدهم صقر ايجيب انوار بعد اسبوع لانه حتي دراستها حتبدا ويبي يجيب ملفها و في اليومين هذين صقر و انوار حبهم لبعض كل يوم يزيد و الحياة بينهم سمنه ع عسل 🤤🍯♥️

في الفجر :-
صقر: ناض و هو مش مصدق يلي صار لدرجه قلبه غاصره مش عارف يفرح ولا شن ايدير شاف الساعه لقاها 4:30
انوار انوار
انوار : راقده بجنبه نعم خيرك
صقر : باسها ع فمها مش حتصدقي قعمزي
انوار : شنو يلي مش حنصدقه
صقر: اقسم بالله مش حتصدقي بالساهل
انوار: صلحت تقعميزتها تي احكي وماتخوفني
صقر: اوعديني ماتزعلي
انوار :مش حنزعل بس احكي بنرقد
صقر: تذكرت اول يوم لمستك فيه .... هو ما اذكرت احلمت بيه انا و الشي هذا خلاني نتذكر
انوار؛ كيف ؟
صقر:- حظنها ماهو اول يوم لمستك فيه كنت مع الشباب انا و كنت سكران وقتها لذالك ماكنتش مذكر كويس بس توا اذكرت
انوار؛ تلفتت له و هو لاف يديها عليها .... يعني تقول اول ليلة بيني وبينك كنت سكران يا واطي
صقر: يضم في ضحكته للاسف هذا يلي صار
انوار؛ خززززي ما القيت ماتخبرني في هل فجر و حولت ايديها عنه و جت بتنوض
صقر: اوراس حبيبي تعال و كرها و لف يديه عليها نحبك يابنت
انوار : حطت يديها ع خشمها... صقر ريحتك ما مادوشت
صقر: مسك قميصة لا مدوش و هذا العطر يلي من سارة وقلتي ريحته حلوه
انوار؛ تحشمت من كلمتها .... مش عارفه بس كبدي زاهق
صقر:-كذابه غير تبي تهربي مني ونزل يبوس فيها ع رقبتها
انوار : صقر حول و ناضت جري للحمام "يكرم القارئ" و بدت تستفرغ
صقر:- جا صبي قدام الباب ... حبي ماتكونيش حامل 😍
انوار :تلفتتله بفرحه زعما ؟؟
صقر:- غدوا نمشوا للمختبرات ديري تحاليل
انوار : جت حظناته نشاءالله
و فعلا من غدويتها دارت انوار تحاليل و طلعت حامل 🥺♥️🤰

النهاية 
نخبركم شن صار في ابطالنا
سارة عاشت اجمل ايامها مع رواد يلي تغلب ع الجشع يلي فيه و الكل استغرب و علق عليها يوم اعلنوا عن حملها من اول شهر بس لاسف الولد جا في الشهر الثامن و جا عنده إعاقة و ماقعدش غير شهرين و اشوي و توفي💔 ممكن خسارة اول ولد كان عقاب لهم ع يلي داره .... بس هما تابوا فاكيده هذا اختبار من ربي ليهم لتوبتهم 💚
انوار الكل فرح بخبر حملها و بعد 9 شهور جابت بنيه عسل تشبه لصقر هلبا 😍💚 و سماها نور قريب من اسم امها ع امل تنور حياته زي ما انوار نورت عتمته 😻 و اخيرا زارت انوار هلها و في حظنها بنتها و دارولها احلى و اكبر زياره 🙈😍

_ و بعد 4 سنوات تسنيم ازوجت و تعرفوا من 🙊 وسيم في ليلة فرح اختها شافها طلعت البنت يلي معاهم في الكوافير اخته و ماشيه لعرس سارة هي من اهل العريس تكون قريبت رواد ...و شاف وسيم تسنيم لما طلعت تودع في اختها و سال عليها و شبكت العلاقة بينهم 3 سنوات و السنه رابعه خطبها و تزوجوا في نهايتها
_ و بعد سنتين من زواج تسنيم مرضت افطيمه و ياروحي عليها قعدت طريحت فراش لمدة 6 شهور و في ليلة جمعة و هي بين بناتها و كنتها و احفادها
تسنيم : عندها ولد
سارة: عندها زوز بنات
انوار: ماسكه في حظنها نور و حامل في الخامس امبشرينها بتوأم
تعبت افطيمه هلبا و كلموا الدكاترة بس كان هذا يومها و توفت 💔
و بعد 4 شهور جابت انوار وربي رزقها ب3 توأم كانت عابية ع زوز بس طلعوا 3 
بنتين و ولد
في المستشفي :-
انوار؛ راقده ع السرير
صقر: خش عليها و رافع نور .. قولي لماما عند من كنا
انوار؛ بنتي السمحه و خذتها و باستها
صقر: نور طلعت تشبهلي بس ال3 الحلوين كلهم يشبهولك
انوار ؛ تحكي جد😍 ... تعرف ماخلونيش نشوفهم
صقر؛ مخلينهم في الحظانه حبي و لازم ترتاحي و غدوا شوفيهم
انوار؛ عارف في شن انفكر
صقر: شنو
انوار : نديروا قصتنا روايه 🙈💚
صقر:- ديريها حتي كتاب و انتي ماتعيشش من لقرايا
انوار 🙈🙈

... تمت 
نشاءالله نكون نقلت القصة بشكل حلو و استمتعوا فيها 
صح قصة حب هي بس لو ركزتوا فيها هلبا مواعض
اولها خليك بنت اصل و عاملي الناس بأخلاقك و وربي حيكون معاك  و الراجل مش برزقه الرزق ع الله اهو انوار خشت في حوش صغير و قعدت في دار بس اليوم عايشة هي و صغارها في حوش من 3 ادوار  و كل شخص زي رواد فيه جانب خبيث و جانب طيب بس معاملتك تحدد اي جانب يتعامل بيه معاك  و صورك يابنتي مرتين انوار تعرضت لمشكله بسبب اهمالها لصورها بس ربي نوالها الستره لذالك كل بنت لازم تحافظ ع تلفونها و صورها الدنيا فيها كل شي 👌💕
و اخيرا وَيَراكَ اللعه تَرْضَىٰ وَتَصْبِرُ، فِيرَاضِيكَ بِمَا تَتَمَنَّى عِوَضًا عَنْ اَيّامِكَ اَلْثِّقَالِ
« إِنِّي جَزَيْتُهُمُ الْيَوْمَ بِمَا صَبَرُوا » 💭🖤 

" تحياتي رواسي بحرالدين "

هل اعجبك الموضوع :

تعليقات

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟