القائمة الرئيسية

الصفحات

رواية حياة يتيمة الحلقة السابعة عشر 17 - مروان فرج

رواية حياة يتيمة الحلقة السابعة عشر 17 - مروان فرج

إضرواية حياة يتيمة الحلقة السابعة عشر 17 - مروان فرجافة شرح

لتحميل رواية حياة يتيمه pdf : اضغط هنا 

رواية حياة يتيمه الحلقة 17 مكتوبة للكاتب مروان فرج

بقلم مروان فرج
.
.
.
.
.
.
.
.
.
.نضنا ومشينا بحدا الباب وكنا خايفين 💔

انا فتحت الباب ........😳
لقيت ماما وخالي انا بصدمة فرحه ماما 😍😭
ماما : اي ياروحي
جيت وحضنت ماما بالقويه انا وقمر كان شعور حلووو هلبا 😍😭😭
فرحنا لانا ماما روحت بالسلامة بس زعلنا هلباا لما شفنا امي بالوضع هدا كان شكلها متغير هلباااا ضعفت هلبااا لانا كان تضرب في الكيماوي وعيونها من لوطا ولو سود كان واضح عليها التعب💔😢
خشت ماما للحوش وخالي استادن وقالي بنروح لحوشي روح خالي وخشينا وكانا مستاحشين ماما هلبااا😍😭
ماما : استاحشتكم بنوتاتي
انا وقمر بس احني استاحشناك أكثر
انا ماما نبي نرقد معاك اليوم 😍
قمر حتي اني
وسهرنا االليل كله واحني نهدرزو وطبعا ماما جبتلنا هدايا من تونس وحاجات وجابت لقمر حاجات لعرسها وهكي😍
رقدنا جنب ماما وسميه رقدت معانا في الدار♥️

في الصبح
انا : ماما شن كملتي علاجك💔
ماما : لا خالك روح لانا انشغل علي عيلته وخصوصا لما كلمتاته وفاء معاش يقدر يصبر وللاسف بنكمل علاجي هنا في صبراته
انا وقمر :شبحنا لي بعض😭😭😭💔معاش قدرنا نقولو شي حسينا بي حرقه في القلب شي يقهر بس الحمد الله على كل حال
تعرفو وقتها لو شفت وفاء قدامي احتمال عطيتها طريحه لين قتلتها🔥🙂
فطرنا معا ماما وضحكنا وماما كلمت قمر وقالتها شن صار في عرسك
قمر مش معروف قولت لمالك ياجله شوي لين تروحي
علي جيه خالتي ومرت خالي وبنات خالي خشوو للحوش واستحمدو لامي ع السلامه ♥️
وصل لليل قمر دارت العشي واني وتيت صفره
اني مامتي
ماما :نعم
انا : نوضي نتعشو 🥺
ماما : حاضر خلي نصلي
ماما :خشت صلت وجت
تعشينا انا واختي وماما وخالتو معا بعض وقعدت ماما تحكيلنا ع كل شي صاير معاها
قعدت نغسل في الماعين وماما قعده ع الطاوله تهدرز معاي شن درنا لما هيا كانت غايبه ومن جي قعد معانا وهكي
وخالتي في الدار تهدرز معا قمر
خالتو قمر شن درتي في العرس♥️
قمر اجلنا شهر 🥺
خالتو : هكي كويس
قمر شفتي شن دارت وفاء بنت خوك كان نشدها نقتلها 😭💔
خالتو مصح وجهك خيرك عاد كل شي الا بنات خوي فاهمه😳
قمر :غير خلي نحكيلك شن دارت كلمة خالي وقاتله مريضه وخالي ماخلاش علاج ماما يتم ع خاطرها
خالتو من حقها بوها استاحشاته وخوي يعرف مصلحت أخته ورح يعالجها هنا واصلا هدا حوشهم يعني ما عندكش الحق تدوي عليهم كلمه عيلتك لزوك وهما استقبلوك ومزال تتكلمي عليهم 💔🙂
قمر :انصدمت لما سمعت الكلام هدا من خالتي💔😳
قمر .:معاش بنقعدلكم في الحوش هدا اشبعو بيه وبدت تبكي 😭 انتي اصلا ما تحبناش تحبي صغار خوك بس ديما توقفي معاهم واحني لي نحبوك مش هما 💔🥺
ماما : فتحت الباب خيركم
قمر : قعدت تبكي
خالتي : هادي هبلت ما تعدليش عليها
قمر /والله اكلامك زي سم ياخالتي وانتي ماتحبيناش🥺
ماما :قمر اسكتي هادي خالتك
انا : خيركم الطف شن صارلكم 😕
قمر : قعدت تبكي وطلعت من الدار
ماما :خيرها قمر
خالتي قالت هدا كلا من وفاء روحتو وماكملتوش علاجك غادي وتقولي ماتجبيناش قعدت تخرف بنتك هادي مش عارفه من يلي لعب في راسها🙂
اني : اااه اي صح كلام قمر وقتها وفاء كلمة خالي وقاتله هكي
خالتي : خوي يعرف مصلحت شريفه ويبيها تتعالج
انا :اي اكيد هيا أخته وسكتت ما نبيش نتكلم وتزعل ماما🥺
انا :ماما حبيبتي ما دوريش قمر زعلانه شويه بالك متعاركه معا مالك توا نشوفها ♥️
ماما :باهي وقعدت تكلم في خالتي ويهدرزو
انا : قمر
قمر :شن تبي توا بلا تفلفيس متعك قلبي وجهك 🙂🔥
اني : يا حماره خيرك امي مريضه ره مش وقته لكلام هوا 😕
قمر : وجعني كلام خالتي وبدت تحكيلي شن صار
جي الصبح وتصالحت قمر وخالتو وفطرنا معا بعض وجي راجل خالتو روح بيها وقعدنا معا بعض انا وماما وقمر قعدنا نهتمو بي ماما بشكل كبير ونوكلو فيها
جو الجيران وكانو يشوفو فينا كيف نهتمو بي ماما يقلولها نيالك ببناتك 😍
ماما : هما حياتي كلها
مشو ايام وجي يوم موعد ماما متاع المصحه ع شان عندها جلسه قعدنا نتصلو بي خالي ما يردش 😭😭💔
قعدنا حايرين وخايفين في نفس الوقت لانا الدكتور يلي في تونس قالو ممنوع امك تغيب علي اي جلسه لانهم مهمات هلبااااا💔💔🥺
قمر شاده التلفون وترد لين رد خالي وقال مش فاضي
قمر : بس موعد ماما هوا
خالي : مش فاضي توا نرفعها غدوا ولا بعد غدوا وصكر الخط😭
قعدنا نبكو انا وقمر وندسو ع ماما نقلولها قاللنا مشغول شوي وبيرفعك لي موعدك عندها جرعت كيماوي ضروري تاخدها
تعرفو كنا خايفين هلبا خايفين نخسروو ماما ونقعدو بروحنا انا واختي وخالتي كانت مش وافقه معانا بكل 🥺💔
فات سبوع وخالي مجاش بكل ولا دورنا وكان ماعندناش حد نتصلو بيه غيره💔
قمر :ملاك هيا نمشو لي خالي نقوله ضروري ترفع ماما والله حرام هكي
انا نوضي بدلي هي واتي انا بس خليني نمشي نقول لي امي😕
اني ماما بنمشي انا وقمر بنكلمو خالي باهي
ماما : لا متكلموشي بينه ع راحته
انا : لا المهم صحتك توا نكلموه ضروري وطلعنا
طلعت انا وقمر ومشينا لي خالي وقعدنا نكلمو في خالي بس كان بارد يقلولنا باهي باهي يومين هما وتوا نجي
قوتله حرام عليك ياخالو هادي مش برده هدا سرطان حرام عليك💔🥺
خالي حس بيها الكلمه مني لما قوتلها ونزلت دمعتي قال باهي وجي رفع ماما ودارت علاجها ماما بدت تتحسن شويه وبدينا نوتو لي عرس قمر جي اسبوع العرس😍♥️
واخيرا خشت فرحه لي حوشنا بدينا نرقصو ونغنو وجو جارتنا واقربنا كلهم فرحانين وماما فرحتها كبير كانت طائره من الفرحه وجت خالتو حتي هيا فرحانه ومشي العرس حلو كيف ما تبي قمر واحسن عزمت صديقاتها وجبتلي قفطان حلو ع دوقها ع خاطر نلبسه يوم عرسها لنا لهيت نعول نسيت روحي😂💔
جي يوم الحفله وقمر كانت في المزين كانت متوتره هلبا ومش عارفه شن ادير😅
انتصلت بيها قمر الو
قمر : نعم ملوكتي
انا . كيف طالعه متشوقا نشوفك
قمر : سبرايز حبي 😍
انا هيا امتا بتجي طولتي راهو
قمر : هيا وتو توا قريب نستنا في خالي قريب يوصل هوا ومرام
قمر : ملاك صكري مالك يتصل بااااي باااي بااااي 😍😂
انا ووك بياخدك مني وفوقها مخلانيش نشبع منك
قمر : جاياتك يا حبي معاك سلام 😅
صكرت الخط وردت قمر علي راجلها مالك، ♥️ 😍
قمر : يا عمري
مالك : يا حلالي
قمر : هههههههههههه راجلي مش مصدقه اليوم عرسنا
مالك :صدقي يا قلبي انتي مرتي ونستنا فيك تنوري حوشي المتواضع يا قمري😍
وقعدو يغزلو في بعض لين وصل خالي وقص عليهم المكالمه😂 جت قمر لي حوشنا
طلعت نجري اول ما شبحت قمر قعدت نبكي معاد قدرت نشد دموعي 😭😭😭 حيييي بتخليني بروحي
قمر :شبحتلي طول وضحكت طلعت زي القمر بجد حلوه وتهبل ما شاء الله 😍
خشينا للحوش ودرنا حلفه ضغيرونه وكان الجو حلوو هدا وماما كانت معانا والجو كان حلووو لين شويه ونسمعو في صوت سياره جت قالو العريس جي وكلهم قعدو يزعرطو 🔥😍
وجي مالك خش وسلم علي ماما كان طرف هلباا ولابس بدله حلوه طالعه عليه حاجه صح وجي شد قمر من يدها وروح بيها لحوشهم😍♥️
قعدت انا وماما بروحنا في الحوش وقمر خلت فراغ كبير روحو الناس كلهم وقعدت في داري بروحي قعدت نبكي استحشتها 😭😭😭
جت ماما : بنوتي الحلوه خيرك
انا استاحشت قمر
ماما :قمر مش بعيده اهني وتقدري تزوريها وقت ما تبي وهيا رح تجينا
انا باهي حضنت ماما بقوه  ارتحت شوي
ورقدت بدموعي😭فقدت قمر هلبا
صبح .... ترن ترن ترن
انا الو😴
قمر : حبي 😍
انا : قمر 😍ياعمري استاحشتك
مالك :جنب قمر اني بس حبك ممنوع تقوليها لي غيري هههه
انا :قوليلا عينك يكفي خداك مني ومزال يتشرط😕
قمر : هههههههههههه ياروحي مخداني منك حد اني معاك ونستنا فيك تجيني في اليل اسبوع
انا اكيد بنجي 😍 تبي نجبلك حاجه معاي
قمر :لالا تعالي انتي وماما وخالتو
اني : حاضر
قمر : كيف حال ماما
انا بخير الحمد الله توا نجو بعدين وتشوفينا
فات شهر كامل
خالتو قعدت عندنا وراجلها كل يوم يقوللها غدوا بنجيك ومايجيهاش💔
ماما مستمره معا علاجها طاح شعرها بس ماما قويه وكانت تتحمل وتضحك وعمرها ماضعفت بكل ديما تصلي وتحمد في ربي تعلمت منها نكون قويه 😍
اناا فقدت قمر هلبا بس ماما كانت معاي نرقد معاها ونحكيلها شن صاير معاي في المدرسه وهيا كانت صديقتي وامي وكل حياتي♥️
قمر عايشه فوق حوش اهل مالك في شقه ضغيرونه ويكملو في حوشهم الارضي واهل مالك يحبوها وهيا تحبهم وتحب رجلها وحياتها حلوه بكل ومتريحه😍♥️
فاتو 5 شهور علي زواج قمر
وزي يوم الصبح
انا راقده
ماما : بدت تنوض فيا ع طريقتها زي العاده
انا: خليني نرقد
ماما : لو متت رح تدكري كيف نوض فيك وتقولي ياريت نضت
انا ... فتحت عيوني بسرعه بعيد سر عليك ياروحي ربي يخليك ليا يا غاليا🙈
ماما : حضنتني ويخليك ليا هيا نوضي اغسلي وجهك وتيتلك فطور
انا ماما مش قوتلك معاش اديري شي اني نديرلك
ماما. شني حرام ندلع بنوتي الحلوه
انا : يا حليلي 😍اكيد حلال
نضت غسلت وجهي
تليفوني .. ترن ترن ترن
ماما :ملاك تليفونك
انا : هيا جيت خديت تليفون الو
قمر ملوكتي🙈
انا : فاتحه الميك عيونها
ماما :مافيش مامتي
قمر : هههههههههههه كيف حالك مامتي
ماما : بخير الحمد الله وانتي
قمر : اني بخير وتوا جايتلكم افتحولي الباب عندي ليكم خبر حلو
انا إن شاء الله خير 😍
قمر : هيا قريب نوصل
طلعت نجري فتحت الباب 😍😍
وقعدنا نستنو انا وماما في قمر
قمر :خشت تجري حضنتها 😍😍 ستحشتكم حبيباتي
انا . حماتك تحبك جايه ع الفطور
قمر : احم احم حقه هوا اني ممنوع نجري وو شن فطوركم بالك ما نقدرش ناكل كبدي بنرجع😂
ماما.😍😍😍مبروك
انا شن معنا كلامك 😕💔
قمر : كنت عند دكتور واني حامل 😍😍
انا ياس بنصير خاله يا حليلي 😍😍😍 بجد فرحانه هلبا
خشينا داخل كنت فرحانه بنمشي نبشر خالتي بتاخد بشاره هههههههههههه 😍😍
قربت الباب وخشيت خالتووو
خالتو ناضت مخلوعه شن في😳
انا :نبي بشاره
خالتو :بشارت شني 😕
انا قمر حامل 😍♥️
خالتو بجد 😍😍
فرحت خالتو ودرنا غدي حلو بعدها درنا قهوة ونشربو
الباب ..طق طق طق
نضت فتحت الباب 😳
المراه بحثث فيااا بنظره 😕انتي ملاك
انا...... انتي مني 😳
المراه..... 🔥

هل اعجبك الموضوع :

تعليقات

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟