رواية جريمتي الثانية الحلقة 17 السابعة عشر - بنوتة الشيخ

 رواية جريمتي الثانية الحلقة 17 السابعة عشر - بنوتة الشيخ

 رواية جريمتي الثانية الحلقة 17 السابعة عشر - بنوتة الشيخ

لقراءة رواية جريمتي الثانية كاملة : اضغط هنا



رواية جرمتي الثانية الحلقة السابعة عشر 17 كاملة مكتوبة للكاتبة أروى طاهر المسلاتي - بنوتة الشيخ  

ماريا:تلفتت وشافت محمد....جبت اميه عشان امك مم.....
محمد:ماريا انتي طالق
ماريا:طاحت منها شيشة الميه وتشوف لي محمد في عيونه💔
محمد:كلمي اي حد من خوتك يجي يرفعك من هنايا
ماريا:تشوفله بصدمه عيونها دموع مش قادره ترمش من الكلمه يلي سمعتها
محمد:عطاها بضهر ومشي وخلى قلبه عندها 💔مش مصدق الكلمه يلي طلعت من فمه لاكن عقله كان مقتنع بي شي هاذا
ماريا:بلعت ريقها وكان قلبها رح يوقف💔...قعمزت ع الكرسي وكذت تالفونها حاولت تفتح الرمز 5مرات ومن كتر عقلها المشوش ويديها يرعشو مقدرتش 💔نهااااارت تبكي وهش مش قادره ادير شي ولا مستوعبه يلي صار ...صح كانت حاطه في بالها انهم رح يطلقو بس مكانتش عارفه وجع الطلاق من محمد بذات لما جتها فجآه💔💔
_____________________
بالبان:ياخاين 😂
زياد:سكر فمك ترا ....هيا وقت الدنيا ليل
عُلا:معش تغيب افتح هاتفك معش تخليني نقلب في الدنيا عليك
بسمه:تفجرو عيونها بي الدموع وركبت لدور التاني وهيا تبكي بي هستيريا وتردد في كلمت...عمره ما رح يتغير💔
زياد:خدي نفس عميق...الف مره نقولك افهمي انتي وغيرك اني تزوجت والطريق الوسخه هاذي معش نبيها!!!...يعني اليوم لو مكنتيش على حافة اليوم وكلمتيني مستحيل حوشك نخشله!!
عُلا:وشنو يلي غيرك زياد؟ايام زواجك الاولى كل يوم عندي تقول انا العروسه مش هيا
بالبان:اووووو🤭
زياد:ايام زواجي الاولى ...وتوا درت عقلي في راسي ..بعدي من عليا والهي في حياتك استحقيتي شي اهو بالبان كلميه
عُلا:ااافففف....به تمام
زياد:ولع دخانه وركب سيارته ومشي
_________________
جلال:طايح ع الارض ...رجليه مش قادرين يتحملو خبر ان ايمان قلبها وقف💔
يشوف في الدكاتره يجرو ويحاولو ينقذوها..!
شريط حياته مره عليه بتفصيل💔معاها !!
كيف كانت في كل لحضه تحاول تسعده ومقدراته
كيف تحاول تقرب منه وهوا يصد فيها
كيف تحاول تغيرله جوه وتتقرب منه 💔
كيف ضلمها وقهرها وجاب عليها ضره ومع هاذا موقفتش في طريقه ولاحتى تكلمته 💔
لان معندهاش حد...كانت تشوف فيه هوا السند وهوا العيله ليها ..لاكن قهرها اكتر واكتر
مر عليه كيف فاق على روحه وعرف ان ايمان مستحيل تتعوض وانه تعود عليها وحتى حبها بي تصرفاتها وعقلها الرزين ...ولما جهزلها حفله بسيطه في الحوش وقرر يخشو السنه الجديده كأنهم عشاق جدد صار الحادث وقلبها وقف توا....هاذا كله عقاب من ربي على ضلمه ليها؟💔
قاطع صوت صدمته وتفكيره كلام الدكتور لما قال
الدكتور:الحمد الله عدت على خير رجعلها النبض
شيخه:نهارت ع الارض جنب جلال تحضن فيه وتبكي وتتحمدله على سلامتها وجلال اول مره تنزل دموعه بعبرته وبهستيريا💔مش مصدق يعني ربي عطاه فرصه جديده🔥؟؟
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ماجد:يسوق في السياره بطريقة جنونيه ومتنرفز....شنوووو يلي صارر؟كيف يطلقك الساعه12في الضهر ونجي ناخدك من مشفى مش من حوشكم تكلمممممي
ماريا:معطيه وجها بيديها الزوز وتبكي 💔
ماجد:شن مدايره لي الراجل ياكلبببببه كنت عارف ميستاهلكش الراجل سمعته نضيفه بين الناس انتي يلي كنتي متبيشي من الاول
ماريا:انهارت....ومدااااام منبيشي من الاول ليش جوزتوني ليه؟؟علاااااااش😭😭
ماجد:خبطها على ضهرها....سكرررري فمك تو نروحو للحوش ونتفاهم معاك
ماريا:💔😭😭😭
______________________
غفران:الحمد الله يارب
شيخه:اهدي يابسمه خلاص ياسرك بكي قالو تعدت مرحلة الخطر
بسمه:هزت براسها ومحدش كان فاهم السبب الحقيقي يلي تبكي ع خاطره💔كلهم يسحابوها عشان ايمان محدش سمع صدمة زياد غيرها وطبعا سمعت نص الكلام وحاطه في بالها انه يخون فيها!
محمد:قعمز ع الكرسي ووجها ميتفسرش
غفران:محمد وين ماريا؟!
محمد:جي خوها روح بيها ترتاح
شيخه:الحمد الله ع سلامتكم الحمد الله يارب جتكم بسيطه انت وماريا
محمد:اي الحمد الله
شيخه:كلمة خوك وينه؟
محمد:كيف سكرت منه...كان عند صاحبه سيارته واقفه فيه واهو جاي
بسمه:💔
زياد:السلام عليكم
كلهم:وعليكم السلام
زياد:سلم علي خوه محمد وجلال تحمدلهم ع السلامه وقعمز جنب بسمه
زياد:اسف صارلي ضرف ع السريع طلعت ومرضيتش نقولك لقيتك راقده
بسمه:هزت راسها وعيونها حمر
زياد:مسك يدها...انتى كويسه؟
بسمه:سحبت بسرعه...كويسه
زياد:مرضاش يزيد يحكى او يتناقش معاها لان كانت العيله كلها متوتره
____________________
جلال:غيل وجها وقرر يواجه الموقف وهوا قوي لازم يدير كل شي يقدر عليه عشان ترجعله ايمان وتكمل حياته معاه ويربو ولدهم الاثنين ❤️
جلال:نبي نسفرها برا يعني شنو نوع العلاج يلي تحتاجه انا بنرفعها المانيا عندي ال.....
الدكتور:لالالا مش مستحقه هاذا كله ...زوجتك عندها كسر في اليد كسر عادي جدا وشوية جروح في الراس !كانت حالتها صاعبه واي النبض وقف بس توا حالتها مستقره ومفيش اي داعي من يلي تحكي فيه ....اليوم لازم ترتاح في الملاحضه بكرا بنديرولها تنضيف لي راسها من المرش وكشف عام
وبي اذن الله مفيش الا الخير
جلال:تنهد...ان شاء الله خير
الدكتور:الف سلامه
جلال:الله يسلمك ...ورجع للعيله
شيخه:ها شنو صار ؟
جلال:طمني الحمد الله قال امورها تمام متحتاجش سفر برا
شيخه:به الحمد الله يارب...زياد سلم ولدي روح بي بسمه وغفران ...وانت محمد روح شوف مرتك شن حالها رعشت الحادث بروحها تكفي
زياد:هيا بسمه
طلعت بسمه وغفران مع بعض وطلع محمد روح
قعد جلال واقف ع باب الغرفه يتفرج على ايمان الليل كله ❤️
_____________________
غفران:ماسكه قيس في حضنها...تصبحو ع خير
بسمه:تلاقي الخير ...وخشت لي حوشها وزياد وراها
زياد:حط مفاتيحه ع الطاوله وخش للغرفه ...انصدم في بسمه!
بسمه:اطلع في حوايجها وتحط فيهم في شنطه
زياد:خيرك ؟؟!
بسمه:تبكي...زياد متحكيش معاي ولا كلمممممه
زياد:قرب منها...تي شنو منحكيش معاك شن صايرلك انتي علاش تلمي في حوايجك؟
بسمه:لاني تعببببت تعبت منك تعبتتت من كذبك فرحت نسحابك تغيرت 😭💔...نفس الليله يلي اعترفتلي بحبك وع اساس بنبدو صفحه جديده مع بعض تنوض من حضني ...تنوض من حضني يازياد عشان تخوني 💔
زياد:خيانة شنو شن تحكي انتي
بسمه:شفتك بعيوني معاها في المشفى انت وصاحبك💔...وزياده تقولك معش تغيب عليااا!!!
انت عارف كمية القهر والوجع يلي حسيته....زادت نهارت بي البكي اكتر💔
زياد:رجع شعره للخلف ومتوتر...انتي اهدي بس لانك فهمتي الموضوع غلط
بسمه:متمسنييييييييش بعدددد....خلاص لاعاد تقرب جيهتي ولا عاد نبيك بجد المره هاذي وصلت حدها ولميت حوايجي بنكلم بابا يجي ياخدني وموضوعك تسكر بنسبه ليا
زياد:متكلمش خذي تالفونها وطلع وسكر عليها باب الدار بي المفتاح ...وكملت بسمه الليل كله تبكي💔
___________________
اما عند ماريا ...من لما وصلت لحوش اهلها مقامتش راسها من المخده وهيا تبكي
مجدي:خليييني عليها نبي نفهم منها شنو يخلي الراجل يطلقها في وقت زي هاذا هكي بدون مقدمات
فاطمه:الله يخليك وراس ولدي...خلي البنت ترتاح منهااره مش قادره تتكلم ...الصباح رباح كله سيوره نعرفوه ويتصلح ان شاء الله
مجدي:والله مفي منو مفسدها غيرك ....طلع وقربع الباب
كانت اصعب الليله تفوت عليهم كلهم من بداية قصتنا ...ماريا قلبها محرووووق بتهبل وقاعده كلمة انتي طالق كيف طالعه من فم محمد ترن في ودنها💔
وبسمه:يلي مش قادره تبطل بكي !💔تحاول تقنع روحها ان لازم تكرها وهوا خاين بس قلبها رااافض الشي هاذا
وايمان كانت في عالم تاني متعلم بشي !...اما جلال عيونه متسكرتش لحضه وهوا يراقب فيها من بعيد ويخطط داخله ويدعي انها تنوض بسلامه ❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
لان زياد مش راضي يعطيها التالفون تكلم بوها ولا راضي يرجعها حوش اهلها قعدت بسمه في غرفة نومها متطلعش ومتاكل في شي وزياد مقدرش يطلع ويخليها بروحها !....من غير هكي كانت بسمه مسكره راسها ومش راضيه حتى تسمع منها كلمه وحده 🤷🏻‍♀️
اما ماريا نفسيتها تاعبها وزادت تحطمت لما خوي مشي لي محمد وقاله اختك مريت منها شي علط بس فيه كم نقطه اختلفنا فيها وربي يهنيها💔
يعني مفيش درت امل يرجعها وزاد جرحها اكتر واكتر
ايمان:بدت تتحسن من ثاني يوم وجلال يرعش عليها وخايف بسموت وهيا كانت مستغربه تصرفه معاها كأنه مش نفسه جلال يلي عرفاته طول عمرها !!
ومريم طلبت الطلاق منه لان حست ان جلال بدي يرجع يميل لي مرته الجديد اخترت تنسحب ...النهايه
___________نــٰبـــــصـــر😂😂______________
شيخه:مرتك وين ليها3ايام في حوش اهلها؟
محمد:مش قادر يصدم امه بي خبر طلاقهم يلي قاعد ماتمش في المحاكم!...كانت الاوضاع متفركسه بسبب الحادث مرضاش يزيد يشغل بال امه اكتر واكتر
محمد:خليتها ترتاح محصله كم خبطه من الحادث ع الاقل يهتمو بيها شوي
شيخه:الف لا باس ان شاء الله طل عليها مره مره مش معش ادورها
محمد:ابتسم ...اي اكيد
مجدي:يفطر...كلمي هذيك الكلبه وقوليلها راجلك جاي اليوم
ماريا:ساكته ومغطيه وجها بلمخده
فاطمه:انشاء الله وصلو لي حل ؟🥺❤️
مجدي:لا حل لاسو جايبلها حوايجها بيلوحهم على خليقتها ..وورقتها الخميس الجاي توصلها
فاطمه:لا حول ولا قوه الا بالله خيره محمد هبل ولا شنو بلي صار بس
ماريا:تسمع ودايره روحها راقده
فاطمه:لاكن دباره عندي اليوم بنمشي لي امه نتفاهم معاها
مجدي:لا تمشيلها لا سوء بنتك يلي غالطه الراجل قاعد ميبيش يحكي لي اماليه لان وضعهم صعب
فاطمه:علاش بنتي غالطه شن قال هوا؟
مجدي:لانه ولد اصل مقال شي قال ان في كم حاجه متفاهموش فيهم وبس
فاطمه:وين كانو ها الايام ياربي بس💔
ماريا:حطت يدها ع فمها وتبكي بدون صوت
_________________________
زياد:وقف قدام بسمه....لعند امتى بتقعدي هكي ؟
لا راضيه تاكلي ولا شي ولا راضيه حتى تسمعيني
بسمه:قعمزت تلم في شعرها....انت لعند امتى مش راضي تفهم اني معش نبيك؟
زياد:لا تبيني بس يلي صار سوء تفاهم
بسمه:وقفت وخبطاته على ضهرا..مش سوء تفاااهم
يلي صار انك واحد حقير وخاين ....بس الغلط فيا انا كيف صدقتك ووثقت فيك رغم عارفه الجريمه يلي درتها في ايمان كيف حبيتك ومشيت ورا قلبي😭
وربي معاد راجعتلللللللك ورح اطلقني
زياد:مسك يدها الزوز بغل وبصوت عالي...الطلاق مش رح تشوفي امه لو اضطريت نحبسسسسك طول عمرك
بسمه:تضرب فيه ع صدره وتبكي....معش نبيييك افهمممم
زياد:مسكلها يديها وقرب منها...بسمه وربي لو اضطريت رح نرتكب فيك جريمه ونخليك جريمتي الثانيه حتى انتي
بسمه:عيونها حمررررر وتشوفله
زياد:اعقلي واسمعي مني متخلينيش نتهور
بسمه:حست بدنيا تلف بيها شوي شوي ...لين طاحت على حضن زياد ومسكها ...كانت فاقده الوعي تمااااما
___________________
نزل حوايج ماريا كلهم ومجدي دخلهم
مجدي:متحشم منك وراسي في الارض يامحمد م...
محمد:قاطعه ..متحكيشي هكي ياراجل الدنيا نصيبات
مجدي:تنهد...وبي يحفضك مريناش منك الى كل خير
محمد:طبطب ع كتف مجدي...الله يسلمك يارب
فجآه شاف نفس الولد يلي كان مع ماريا في المشفى وماسك يدها ....راكب سيارته ودار باي لي مجدي 👋🏻👋🏻
ومجدي رد عليه
محمد:تعرفه هاذا؟
مجدي:اي هاذا يكون عمى الصغير لاكن من مرت جدي الثانيه معتقدش ريته قبل
محمد:نزلت عليه الصدمه زي السم !💔💔...يعني الشاب يلي كان مع ماريا وماسك يدها يكون عمها؟!!
يعني هوا ضلمها وطلقها ع سبب ولا شي!💔
حط محمد يده ع راسه وهوا يردد....لااااا!!!!
مجدي:مش فاهم شي
_________________
ايمان:راقده ع سرير المشفه يدها مجبسه وراسها لافسن عليه شاش ابيض تكلمت بصدمه...كيف؟؟؟!
جلال:اي طلقتها
ايمان:ليش شن صار؟!
جلال:بدون اي تردد في كلامه...بي اختصار عرفت مفيش حد يستحق يكون مرتي غيرك
تعودت عليك انتي تصرفاتك كلامك حنيتك قلبك الكبير مستحيل نلقاه عند اي وحده
ايمان:مش مستوعبه يلي تسمع فيه لانها معمرهاش سمعت كلمه حلوه من جلال!!
جلال:ولاني حبيتك ...وحسيت بي قيمتك حبيتك هلبا مش شويه ايمان واسف
ايمان:بلعت ريقها ..نعم!!!
جلال:اي اسف ع كل لحضه ضلمتك فيها وجرحتك
كنت غبي وهلبا
ايمان:قبل مترد
جلال:شرين تالفونه طلع برا الغرفه يرد
وايمان:شعورها ملخبط فرح علي توتر على خوف من ان يكون كدب على قلب مش قادر ينسى الجرح يلي جي من جلال قبل💔
_________________
بسمه:فتحت عيونها ببطئ لقت نفسها في مشفى وزياد جنبها ...اااه شن صاير
زياد:شنو بيصير لوحده مكلتش شي يومين غير الهبوط !؟
بسمه:قعمزت ...بنروح ...نحيلي يلي في يدي وارفعني حوش اهلي
زياد:اتصلت امك مبكرى طمنتها عليك وقلتلها راقده
بسمه:ساكته
زياد:طلع من الغرفه وسيبها
قعدت بسمه تحاول تستعيد توازنها لين تفاجأة بي دخلت نفس البنت يلي كانت واقفه مع زياد !!
بسمه:عقدت حواجبها..تفضلي
عُلا:كيفك بسمه
بسمه:مردتش عليها...كان بسمه وجها تاااعب وعيونها حمر...شن تبي ؟؟!جايه تبي زياد؟
تلقيه برا مش هنايا
عُلا:اسمعيني شوي ...انا مش جايه لا ندير مشاكل ولا شي وبعد الف قصه باش خلاني زياد نجي
بسمه:ضحكت بهزوا ...هه ليش خايف عليك تطلعي مثلا!
عُلا:تنهدت...مش رح ننكر ان زياد كان متع بنات ويدير في هلبا حجات غلط وحتى بداية زواجكم نفس الشي
بسمه:مسحت دموعها...وااو ع اساس قلتي شي جديد
عُلا:هذيك الليل انا اتصلت بيه لانى مرا وحيده معنديش حد...الغاز تفجر عندي في المطبخ ونصبت بشوية حروق ...في اللحضه هاذي ملقيتش غيره ومردش عليا زي العاده لين بعتله مسج
الفتره الاخيره معش رد عليا ولا حتى تقابل معاي وهذيك الليل قدام المشفى صدني...ونبهنى انها رح تكون اخر مره لان يحب مرته ومعش يبي الطريق هاذي
بسمه:اي ومفروض انى نصدق توا
عُلا:فكرى بيها في عقلك شويه..بداية زواج يروحلك الفجر وبعدين معش طلع من الحوش اصلا
زياد مستحيل يتعب مع بنت ويقعد وراها لو مكانش يحبها ...متخربيش حياتك
بسمه:ساكته
عُلا:طلعت من الغرفه وسكرت الباب
___________________
محمد:مكنتش نعرف انه عمك
ماريا:وعرفت
محمد:حطيت في بالي انه يكون ....اءء
يكون حبيبك الاول
ماريا:ارتاح....توفى الاول
محمد:شبحلها بصدمه
ماريا:وقفت...شكرا ع حوايجي يلي جبتهم ...تعبتك
محمد:مسكها من يدها...استنى
ماريا:ساكته وتشوف لي عيونه
محمد:يشوفلها ومش قادر يحكي
ماريا:شنو؟
محمد:منعرفش منعرفش ...منعرفش شنو نحكي لاكن مش متخيل حياتي بلاك !.مش قتدر مفهمتش حتى كيف طلعت مني كلمة الطلاق
ماريا:مقدرتش تشد دموعها
محمد:لا لا لا بالله عليك متبكيش ..اسف اسف ع كل شي اسف
ماريا:زادت تبكي
محمد:بتردد كبير حضنها❤️....اليوم لازم تباتي في حوشنا مستحيل نقدر اكتر من هكي
ماريا:قلبها ارتاح...كأنه كان جمر ونكبت عليه اميه ❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
زياد:التغديه تمت...هيا نروحو لازم تفطري وترتاحي
بسمه:منزله عيونها ومتبيش ترد عليه
زياد:قعمز ع ركبيه ويديه هلى بسمه يلي كانت ع السرير مقعمزه...مش مصدقه قاعده
بسمه:رفعت عيونها ...زي ما انا مفيش راجل في حياتي غيرك ومحافضه عليك ليا الحق يكون راجلي مفيش حد غيري في حياته
زياد:مسك يدها...ومفيش غيرك في حياتي
بسمه:زياد بطل كدب تعبت منك ياسر
زياد:قرب منها وباسها...عارف انك مصدقتيني واديري في الجو عليا ...بس خلينا نديرو اتفاق
بسمه:يلي هوا؟
زياد:لو شفتي اي شي عليا نووعدك
بسمه:بي شنو
زياد:نقعد نكنس الحوش طول عمري تعلمت اصلا
بسمه:بدون ماتتحكم في روحها ضحكت وضرباته ع كتفه...بارد
زياد:حضنها غصب عليها...عارف نفسي غلطت اسف وربي كله يتصلح مدام نحنا ناويين نصلحو
بسمه:سكرت عيونها ورجعت استسلمت من جديد في حضنه ...زياد اخر مره بنوثق فيك !
زياد:مش رح نضيعها الثقه هاذي
_____________________
ايمان:قاعده ما استوعبتش صدمة جلال وحبه وكلامه واعترافه ليها لين نصدمك من جديد لما خشت امها وخوها وبوها!!
صارتلها حاله غريبه من الصدمه ...تبكي وتضحك وترعش ووجها بدي احمررر وحاولت تنزل من السرير طاحت💔وقاعده مستمره في الضحك والبكي مع بعض !!
حضنتها امها وايمان تبكي مش مصدقه!💔💔..اول حضن بعد4سنين💔
ايمان:تبكي وتتأسف من امها وتعاود وامها قلبها محروووق على بنتها يلي مش قادره تكلمها لمدة 4سنين ولا تشوفها ولا حتى تشوف حفيدها!!
ايمان:قربت تمشي واطيح لين وصلت لعند بوها بدت تبوس في يده ورجله وهيا تبكي
ولأول مره وبعد مارفضها بوها لمدة4سنين المره هاذي قامها من ع الارض وحضنها وايمان من كثر الصدمه والفرحه اغمى عليها❤️🙈
___________________
بعد مرور شهر :-
زياد:مد يده ع الصونيه
بسمه:ضرباته ع يده...تحشم لين نحطو
زياد:مصح وجهك هكي يشوفوك يقولو تضرب في راجلها
ماريا:هههههههه
زياد:اضحكي اضحكي يامرت خوي عندك حق
ماريا:محممممد تعالا ارفع السفره
محمد:انت يضربو فيك وانا زي الصبيه الله لايوريك حالتي في الحوش 😂
بسمه:ربعت يديها ووقفت جنب ماريا...وان شاء الله نرضو زياده
محمد:الحقني يامهزب جعان ره
زياد:يعبي في الميه...لاحقاتك يافالحه هي 😂😂
ماريا وبسمه:😂😂😂😂😂
شيخه:ماااااريا بسمه وينكم موده وصلت
طلعو ماريا وبسمه لي موده سلمو عليها وحطو الغدي وطبعا ايمان مقعمزه مرتاحه لان يدها قاعده مجبسه❤️❤️
موده:وين قيس؟
ايمان:في حوش جده بابا مش راضي يبعد عليه كل مايمشب جلال بيروح بيه يقوله زيد خليه اليوم وهوا عاجبه الجو معش يبي يروح 😂
ماريا:هههههه دلال ياكبدي علاش لا
جلال:هيا ايمان
ايمان:اااه ...وناضت
شيخه:وين مزال وقت
جلال:مراجعه اليوم
شيخه:اهاا به ربي معاكم
___________________
الساعه6العشيه :-
ماريا:مطلعه سفرة القهوا لي محمد ..شافت عزه لابسه عبايتها وجايه
ماريا:ايااااه علينا معش تبي تكمل ها السيره 😠
عزه:گ العاده سلمت ع محمد وفتحت موضوع
ماريا:حمودي حموودي
محمد:تعالي هنايا
ماريا:جبتلك القهوا
عزه:اهلين ماريا
ماريا:مردتش ...هيا تعالا داخل بنشريها معاك مدام زياد روح
محمد:بشويه...عيب البنت م...
ماريا:قامت حاجبها
محمد:به 🥺😂
ماريا:مسكت في يده وخشو الاثنين ...
_______________
بسمه:مقعمزه في السرير...بلا برااااده زياد نحكي جديات انا
زياد:نحى التيشرت...شنو مدايره من عمله؟
ماريا:مش مدايره مصيبه لا بس نبي نقولك شي
محمد :شنو؟
زياد:تي هيااا شنو تبي تقولي؟
بسمه:انا
محمد:انتي شنو؟
ماريا:اناا..
محمد:شنووووو
بسمه:انا حامل🤭
ماريا:حامل🥺
زياد:تبصري ؟😨
محمد:قولي وربي 😧😧
بسمه:حطت يدها في نصها...مصح خليقتك وحده تقوله مرته انا حامل يقلها تبصري !!..فاضيه حتى انا مدايرتها مفاجآه مفروض من اول يوم اوحت عليك ورق التحاليل وم...
زياد:حضنها لين طاحت ع السرير وهوا يعيط بصوت عالي....خششششششي خشييييييييييي
بسمه:ميته ضحك...تي اسككككت فضحتنا😱😂😂
زياد:بيجي ولد نسونجي زي بوه وشخصيته قويه
بسمه:عضت فمها وضرباته ع يده...مصحك مصحكككك
زياد:باستها بقوه...تجنني وانتي معصبه يادرااه
بسمه:🙈
_________________
ماريا:والله
محمد:حط يديه ع فمه ويضحك
ماريا:تضحك معاه ...بدو الزوز ميتين ضحك صارتلهم زي الحاله الغريبه 😂😂😂
محمد:حضنها بقوه...يااااارب يااااارب يباركلي فيه وفيك يااااااااارب وتكوني احلا ام
ماريا:زادت حضناته...واكيد رح تكون احسن واروع اب في الدنيا كلها❤️❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ايمان:ركبت في السياره بعد كملت تحاليلها ومراجعتها
جلال:يسوق ..ترا افتحي درج السياره عطيني الرخصه
ايمان:فتحت درج السياره وابتسمت لما شافت باكو هديه صغير فتحاته وكان فيه حديدة ذهب ❤️🙈
ايمان:ليا هاذي؟
جلال:ع اساس في غيرك يستاهل الذهب يعني
ايمان:تجنن محلاهااااا صحيت ❤️❤️😭
جلال:باس يدها...نخطمو ع حوش بوك نجيبو قيس ونتعشو برا
ايمان هزت راسها بمعنى موافقه وهيا مبتسمه
_______________
بالبان:واقف براجى في زياد وطاح على وجها لما شاف غفران
غفران:وقفت في مكانها وقامت التالفون ع استس ادور في تغطيه😂
بالبان:معنديش لحيه زي ماتبو البنات لاكن وربي عندي قلب انضف من سمعتي
غفران:ضحكت....اصلا اول مره نشوف واحد قنين بلا لحيه
بالبان:ايوا كده تعاليلي هنا بقااا😂😂
موده :حملت قبل ماريا وبسمه وجابت بنت❤️
وطبعا ماريا وبسمه كانو متفاهمين يعترفو في نفس اليوم بي حملهم😂😂❤️
بسمه جابت ولد سموه ايوب وزياد مداير العار بولده😂
وماريا جابت بنت سمتها ندى❤️ومحمد ياروحي كيف يعامل فيها ميناديش فيها بي اسمها ينادي فيها اميرتي 🥺❤️
وايمان:تقوت علاقتها بي اهلها وجلال ❤️وال3كانو سلفات يهبلو مع بعض ...النهايه
_________________
*غصبا على هاذا وهاذا لما البني ادم يحب من قلبه مهما كان وسخ رح يتغير عشان الشخص يلي يحبه ❤️🔥
*ديما فيه فرصه تانيه لاااازم ...مهما تكوني غالطه في حياتك وحاسه انك مستحيل تنجحي او تصلحي الغلط يلي صاير لااااا فيه ديمه فرصه بس انتي حاولي ..مدام قاعده تتنفسي مش تحت التراب عندك فرصه متستسلميش ❤️
*قدري قيمة الناس يلي موجوده في حياتك ...مرات ميكونش عندك فرصه تانيه زي جلال ويضيعو منك للابد معش تقدري لا تعترفي بي حبك ليهم ولا تعوضيهم على معاملتك قبل 💔


*الحب مش كلمه تنقال وبس!!...مرات انسان يكرهك فجآه يحبك من معاملتك ليه
راهو الخب حنان❤️واهتمام واحترام قبل كل شي
تعليقات



حجم الخط
+
16
-
تباعد السطور
+
2
-