القائمة الرئيسية

الصفحات

رواية إنتحال طفلة الحلقة الثامنة كاملة pdf - بنووتة الشيخ

 رواية إنتحال طفلة الحلقة الثامنة كاملة pdf - بنووتة الشيخ

 رواية إنتحال طفلة الحلقة الثامنة كاملة pdf - بنووتة الشيخ

لقراءة رواية إنتحال طفلة كاملة للكاتبة أروى طاهر المسلاتي : اضغط هنا

فيديو مُهم قبل قراءة الفصل

رواية انتحال طفلة الحلقة الثامنة 8 كاملة مكتوبة


سراج:بتردد...منااار ...يابنت ..منار
منار:مسكره عيونها وفي عالم تاني
سراج:نخصها علي كتفها ومردتش ...منار؟
منار:....
:حط يده علي راسها..وكانت سخوونه هلبا
سراج:لالالا 😨مش وقت المرض توا ....منااار منار تسمعي فيا
منار:فتحت عيونها ..وتكلمت بي انين خفيف ..همم
سراج:ولع السياره من الجديد وحط يده علي رقبتها وكانت الحراره تزيد اكتر واكتر

______________
ناصر:ماشي جاي في مكتبه يفكر ومتوتر !!
اوس:سلام...تجي تتغدى
ناصر:مخاطريش صحتين عليكم
اوس:شنو شاغلك ؟كأنه في شي صح🙃
ناصر:لا شنو بيكون فيه
اوس:قوووول الحق 🙃
ناصر:اوس ريحني وبرا شوف شغلك
اوس:ياكل...به بلاش فيه زوز مضحكه شادينهم يخنبو في محل خشو للمحل وسكرو الباب معش قدرو يطلعو 😂😂يبوك تاخذ اقوالهم
ناصر:دخلهم
اوس:به...مشي للباب ورجع...متأكد مفي شي🙃
ناصر:اووووس 😒
اوس:به خلاص
ناصر:مسك التالفون وبعد تردد كبيرررر قرر يتصل

ندى:الو
ناصر:اهلين اءء اهلين ندى كيف الحال
ندى:بخير الحمد الله
ناصر:وين انتي!
ندى:تلم في اوراقها..كيف طالعه من المحكمه
ناصر:اهاا اي ع ذكر المحكمه بنسألك شنو صار في قضية البنت ...نسيت اسمها
ندى:ضحكت...غزلان تقصد؟
ناصر:اي بزبط
ندى:حضر راجلها عكس ما كنت متوقعه وطبعا رافض فكرة الطلاق ومطلع روحه يبي مرته ويحبها ومن ها الكلام
ناصر:اي به؟
ندى:سمع القاضي من الطرفين وقدمنا الادله والجلسه الثانيه رح تكون الخميس الجاي لان بدينا بي الخميس
ناصر:به كويس يعني مفيش مشاكل
ندى:اممم شن بنقولك ...واضح ان رجلها مش سخل عنده نفوذ ومكانه فهمت!!يعني حتى لو طلقها مش رح يخليها في حالها
ناصر:فهمت عليك ...يالله شكرا تعبناك
ندى:ولا يهمك ...ناصر بنسألك سراج وين مختفي
ناصر:اليوم رجع لي اهله بيشوفهم وبيولي
ندى:اهااا اوكي تمام

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

سراج:طمني؟شنو سبب الحراره المفاجئه هاذي؟
الدكتور:واكله شي من برا ومتحسسه منه
سراج:كيف؟🤨
الدكتور:ممكن يكون اكل او اي شي تاني متحملتاش سببلها الحراره ...ع العموم عطيناها خافض نص ساعه وتقدر تطلع
سراج:شكرا تعبناك
الدكتور:ولا يهمك ..لو سمحت سيادة الضابط
سراج:نعم
الدكتور:هيا اختك او قريبتك؟!
سراج:قام حاجبه🤨
الدكتور:ااءء اسف علي سؤالي عشان الاجراءات بس
سراج:سرح شويه...اكتب بنتي ❤️
الدكتور:😨😨..تمام زي ماتبي
سراج:ابتسم بي عفويه وخش الغرفه ...كانت منار راقده

قعمز جنبها وهوا مش عارف كيف يتصرف كل الامور تلخبطت عليه وين بيحط منار امتى بيرجع للحوش وتوا مريضه ميقدرش يخليها بروحها ..خشت الامور في بعضها وحس ان راسه واقف جديات
ترن ترن ترن
صبريه:الو
سراج:اهلين امي كيف الحال
صبريه:تمام الحمد الله وينك وصلت ولا شنو
سراج:اي وصلت ..صار معاي موضوع الولد يلي جايبه مرض شويه ..توافي المشفى شويه ونجيكم لاكن مش معطل منقدرش نخليه بروحه هنايا
صبريه:به الف سلامه عليه تعالا من الصبح نراجو فيك
سراج:تمام ..وسكر الخط
صبريه:سكرت الخط وشافت لي حواء يلي كانت فرحانه بي جية سراج وتبخر في الحوش ❤️
حواء:وصل؟
صبريه:اي وقال مش معطل عنده صاحبه مريض
حواء:اهاا خلي نمشي نسخنله الغدي اكيد جعان
صبريه:اي بري سخني

______________
اوس:الوو
هناء:بتوتر...هلا اوس كيف الحال
اوس:تمام اهو نتنفس
هناء:ههههه كويس كيف المركز في غيابي
اوس:بصحه جيده حتى المجرمين في غيابك كيوت😂
هناء:خزي بارد...بنسألك
اوس:سراج رجع لي مدينته وراجع بكرا
هناء:اصلا مكنتش بنسألك عليه😒
اوس:كذابه في نص عينك
هناء:حيوان والله مش عليه
اوس:به شن تبي؟
هناء:اءء كنت كنت نبي
اوس:معش تحلفي مره تانيه ياشرطيه الكدابه🙂
هناء:به😂
اوس:بسلامه عندي خدمه
هناء:ربي يعاونك
اوس:واستمتعي بي عطلتك باهي 🙂حاسدك ان شاء الله تفوت عليك اسرع من قطار الصين
هناء:😂😂😂به

__________________
طق طق طق
حواء:وصل😍
صبريه:بري افتحي الباب
حواء:حطت وشاح علي راسها وطلعت فتحت الباب وابتسمت....هلا بيك ع سلامتك
سراج:الله يسلمك ....خش وخلاها تشبحله ❤️
حواء:كانت ذايبه فيه وفي صوته وشكله وكل شي ❤️
سراج:سلم علي امه وقعمز ...امالا وين عاصم؟
حواء:رقد ..من بكري يستنى فيك بعدين خداه النوم
سراج:اتكى ع الكنبه...مش بيدي التعطيل والله
صبريه :اشرت لي حواء براسها بمعنى ....بري للمطبخ وطبعا حواء فهمت
صبريه:كيف اخبارك وشن امورك
سراج:الحمد الله ياغاليه اهو خدمه وضغط عليا معش عرفت وين نركز اقسم بالله
صبريه:نحي خدمتك وكل شي على جيها وخلينا في موضوعنا
سراج:شن في!
صبريه:حواء
سراج:خيرها
صبريه:امتى بتاخدها وتستر عليها؟
سراج:امي الموضوع هاذا قتلك سكريه من البدايه
صبريه:لا مش مسكراااااته وانت اولى من اي حد
سراج:عدل تقعميزته.....انتي فاهمه شنو يعني كانت مرت خوي؟مرت خوووووي كيف تبيني ناخذها
صبريه:وولد خوك من بيربيه ؟
سراج:انا نربيه ونصرف عليه وعلى امها لاكن زواج لاااااااا
صبريه:بتاخدها ياسراج وراسي وراسك
سراج:وقف...زوجيها لي ولدك فراس شنو قاعد يدير ولا فالح في الصياعه وخلاص لا خدمه ولا قرايه
صبريه:فراس مش قدها المسؤليه هاذي ولد ومرا مع بعض لاا!
سراج:وانا منتحملش مسؤليه فوق الف حاجه في راسي بالك تسحابي خدمتي ساهله يما قدري الزفت مرت خوي الله يرحمه كيف تبيني نخش عليها تي حتى التفكير متجيش
صبريه:سكتت وهيا متنرفزه وسراج طلع من الحوش وقربع الباب
حواء:جايبه السفره...وين سراج؟
صبريه:طلع تكنطا مني ...خليه تو يرجع
حواء:حطت السفره بي خاطر مكسور ورجعت لي ولدها ❤️
اما سراج كأنه سبله ولقاها عشان يطلع ويرجع لي منار لان مكانش مطمن لما خلاها بروحها ❤️

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

ناصر:طلع من المركز للقهوا ..واقف يحرك في النسكافي فجآه جي حد وقف قدامه
اكرم:خير ياسيادة الضابط
ناصر:عرفه ان يكون راجل عزلان!...اهلين
اكرم:ماسك القهوا....شن امورك
ناصر:خلى روحه عادي جدا...تمام يا اكرم النجار
اكرم:ضحك...ومدامك عرفتني اكرم النجار ليش مش مداير بالك علي نفسك؟
ناصر:من شنو لا سمح الله!
اكرم:مني مثلا ...تخيل في اي لحضه قادر نوقف مهنتك والرتبه يلي واصلها معش يبدا ليها داعي
ناصر:هه ع اساس يعني حاجه كبيره ولا خدمتي شي عضيم ...اصلا احتمال انا نستقيل بسبب النماذج الفاسده يلي قاعده نشوف فيها من امثالك
اكرم:عرف ان التهديد بي الخدمه مش رح يجيب نتيجه قرر يغير الخطه....شوف يا باشا
القضيه بكرا تتسكر وتنتهي غزلان مرتي ورح تقعد مرتي لين تموت
ناصر:بتحدي...ولو متسكرتش ؟
اكرم:ابتسم وقتها دير بالك على روحك وعلى عيلتك كوووويس
ناصر:ضحك...اي اي حلو بس خليني نعطيك شي بسيط هكي ...رد بالك يغرك شكلي المنضم يا باشا
لان وقت الجديات ننقلب الف قلبه 👌يعني انت يلي دير بالك
اكرم:ابتسم...وحضرتك تعامل فيهم كلهم هكي ولا المدامات الحلوات ليهم معاكله خاصه
ناصر:بي استفزاز....شي يرجعلي هيا تبي الحق من ناحية حلوه حلوه😉
اكرم:جي بيضربه
ناصر:قام يديه....تنحبس بتهمة تعدى علي العداله وتمشي فيها سنه ونص
اكرم:نزل يده وهوا يغلي داخله🔥🔥
ناصر:قهوتك بردة ....وطلع

____________________
منار:طالعه ورا سراج ...نسحابك حطيتني ومعش بترجع 🥺
سراج:اسكتي وكملي طريقك لين نوصلو السياره
منار:نحت جاكيتها وحطاته علي يدها وجت قدام سراج تمشي بي المقلوب وتشبحله ...به وين بنمشو
سراج:بطلى هبال وتلفتي
منار:تمشي وكأنها توخر وسراج قدامها....غير قولي وين بنمشو قبل
سراج:شاف ان الرصيف قريب يتم ...عدلي مشيتك
منار:ضحكت...شبحت الماكله من برا شن دارت فيا م....قريب طاحت لاكن بسرعه ما شدها سراج❤️
منار:قامت فيه عيونها وماسكاته من كتافه 🥺
سراج:طلقها...من البدايه قتلك بري كويس
منار:ساكته وتشبحله اما سراج سيبها وركب السياره
منار:حطت يدها على قلبها وسكرت عيونها
تحكى داخلها ....شعور الامان معاه ياربي ❤️
سراة:دار كلاكس عشان تنتبه وتركب السياره

______________
فراس:صبحخير صبحنور صباح التنور
صبريه:قول صباح العشيه صباح المغررررب صباح الليل يلي نايضلي توا الساعه 6العصر
فراس:قعمز جنبها صب قهوا...يلي ندادك بي صغارهم ياطويل ياخايب يلي مش مداير ثمره في حياتك خلاص فهمت وربي حفضت
صبريه:ااااه بتجيني الجلطه كان مش منك انت من خوك
فراس:علاش خيره سراج
صبريه:مسكر راسه ميبيش ياخذ مرت خوه
فراس:فمه معبي...يمى مصح وجهك
صبريه:فنصت لي عيونها طلعو ...مش قصدي تسيت روحي😅...لاكن بجديات كيف تبي سراج ياخذ مرت محمد وانتي عارفه كيف كان قريب ليه وصدمة موته لعند توا مش مستوعبها
صبريه:البنت صغيره وحلوه وكويسه معاي بيبدو الناس يطلبو فيها ..تبي حفيدي يضيع مني ؟؟؟
فراس:يشوفلها بنضرات من تحت لتحت...به كان مرضاش ناخذها انا عادي
صبريه:ضرباته علي رقبته...تاخذ عينك ياطويل ياخايب هاذا مناقص نعلق بنت الناس في رقبتك نوض اقلب وجهك مش طايقاتك
فراس:وااااااك كان بوي حي نقولو حامل وتتوحمي مش عارف شنو جايك علينا انا وسراج
صبريه:قليل ادب 😒

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

منار:ساكته واتبع في سراج بس
سراج:خش بيها لي فندق دفع ونضم اموره وركبو للغرفه

منار:قعمزت ع السرير...بتمشي لي حوش اهلك تبات غادي صح ؟
سراج:ولع الدخان...منعرفش ع الجو
منار:عادي برا لي ولدك تو نقعد منخافش
سراج:بطلي تقولي ولدك ولدك ولدك نفختيلي راسي معنديش ولاد ولا متزوج
منار:الله😨الحمد الله 😂 هههههه حسيت روحي واخذاتك من عيلتك وحصلت فيا
سراج:قلب عيونه بملل وكمل يدخن
منار:حطت يدها علي راسها...حاسه بروحى قاعده سخونه
سراج:قرب عليها وحط يده علي راسها
منار:مسكت يدها وحطتها على رقبتها بعفويه...هنايا حاسه تقول جمر
سراج:كانت انعم شي لمسه في حياته كلها❤️عارف ان اللقطه دارتها بي عفويه مش قاصده شي خبيث
لاكن بجد في شي قاعد يصير🔥
منار:سخونه صح ؟
سراج:سحب يده...لالا امورك طيبه
منار:رقدت ع السرير وتغطت ...حاسه اني تاعبه بنرقد ..وسكرت عيونها
سراج:كمل دخانه ...ارقدي
منار:سكتت شويه لين يسحابها سراج رقدت
سراج:قعمز ع الكرسي فتح مشروب طاقه وقعد يشرب ويتفرج ع التلفزيون
منار:بصوت ناعس وعيونها مسكرات...سراج
سراج:عيونه في التلفزيون ..ها؟
منار.....يتبع

هل اعجبك الموضوع :

تعليقات