رواية جريمتي الثانية الحلقة 9 التاسعة - بنوتة الشيخ

 رواية جريمتي الثانية الحلقة 9 التاسعة - بنوتة الشيخ

     رواية جريمتي الثانية الحلقة 9 التاسعة - بنوتة الشيخ

     رواية جريمتي الثانية الحلقة 9 التاسعة - بنوتة الشيخ

    لقراءة رواية جريمتي الثانية كاملة : اضغط هنا


    رواية جرمتي الثانية الحلقة التاسعة 9 كاملة مكتوبة للكاتبة أروى طاهر المسلاتي - بنوتة الشيخ  



    زياد:تبي تعرفي شن هيا القصه؟
    بسمه:مسحت دموعها وبنضره حاده...اي نبي نعرف وتوا ...
    زياد:ضحك...القصه ان مفيش قصه ..كل القصه
    اني مش طايقك ولا خشيتي خاطرى حتى شويه نساير فيك وبس
    بسمه:نصدمت😨...لل ل ليش؟!شن درت؟؟؟
    زياد:يتمايل وعيونه حمر...هاذي المسكله انك مدرتي شي غلط ولا رح اديري وهاذا يلي خلاني نتزوج ..مرا مصنعه امنعه دايره بالها ع حوشها ستره قدام الناس على كل شي درته ومزال بنديره
    بسمه:ساكته وتشوفله بصدمه !!!
    زياد:باعدي من عليا متهدرزيش معاي امتى يبدا عندي نيه نكلمك ولا نرقد معاك ولا نرد عليك اصلا تو نجيك بروحى غيره لاااا اخطيني ...عطاها بضهر بيطلع لكن وقفه كلامها
    بسمه:تتكلم وصوتها مخنوق 💔...رجعني حوش بوي
    زياد:ضحك وتلفت ...تمام البسي ووتي روحك
    بسمه:سيباته بتخش وتسمع فيه يحكي
    زياد:لكن مش مشكلتي عروستي من ثالث يوم مروحه لي اهلها !!...يعني في شي غلط في الموضوع ويمكن يكون منها مثلا
    بسمه:شبحتله...شن قصدك؟
    زياد:قصدي واضح يا مدام بترجعي حوش بوك من ثالث يوم يعني انتي فيك مشكله
    بسمه:تكلمت وطاحو دموعها...منو يلي فيه الغلط انا ولا اننننت💔
    زياد:ابتسم ع جنب...جيبي حد يصدقك توا
    بسمه:فهمت انه تهديد..قعدت ساكته ومصدومه كيف نخدعت في زياد؟كيف شافت لي جماله الخارجي بس!!
    كيف مكتشفتش وساخته من داخل من البدايه؟؟
    زياد:سيبها وطلع
    _____________________
    ماريا:ساندها نفسها على محمد ...خشو الاثنين لي الصاله
    محمد:حط كيسة الدواء وسكر الباب
    ماريا:رقدت ع الصالون ومدت رجلها
    محمد:حط عصير ع الطاوله ...نوضي اشربي
    ماريا:تنخي في عبايتها...والله مخاطري توا
    محمد:لازم تاخديه قبل المسكن هيا
    طق طق طق
    محمد:حط باكو الدواء ع الطاوله وناض يفتح في الباب
    ماريا:انتبهت لي تالفون محمد وصله مسج
    عزه:هلا محمد كيفك اسفه ع الازعاج بنقولك السياره دارتها فيا من جديد لو تقدر تجيني بكرا للحوش تعدلها
    ماريا:رجعت التالفون في مكانه وهيا مستغربه
    محمد:ها شنو صار
    ماريا:الحمد الله شربت
    محمد:صحه
    ماريا:سلمك ....منو ع الباب؟
    محمد:موده ربطلها النت لي تالفونها
    ماريا:اهااا...تالفونك وصله مسج توا
    محمد:فتح شاشة تالفونه وقري الرساله ...ورجع تالفونه لي مكانه
    ماريا:في شي مهم؟
    محمد:لا ابدا حاجه بسيطه
    ماريا:اهاا ...تمام
    __________________
    عُلا:بطل زياد ...انا اكتر وحده نعرفك في الدنيا كلها
    وفاهمه قصتك من البدايه ...
    زياد:يدخن ويشوف لي السقف
    عُلا:قاعد تحبها
    زياد:لا
    عُلا:تحبها زياد!؟
    زياد:لوح الدخان....لا الزززززح لا قلنا لااااا
    عُلا:امالا علاش جوك هكي؟متكهرب مش متحمل حد !!..منبيش نسألك علاش محبيتش مرتك رغم ان مفيها شي عيب لاني عارفاتك انت واحد متحبش ولا يمكن تحب اصلا
    لاكن نبي نفهم ليش هكي صاير فيك الايام هاذي؟؟؟
    زياد:يتكلم بنفس ثقييييل...انتى ءء..انتي عارفه لما يكون عندك شي تحبيه وبعدين ترتكبي فيه جريمه
    جريمه اخييي رغم انك تحبيه الشخص هاذا💔
    عُلا:ليش درت فيها هكي؟
    زياد؛لوح الشيشه يلي في يده وكانت فاضيه....لاني منعرررررفش منعرفش كنت نشوف فيها نقطة ضعفي لما معش قدرت نمس بنت غيرها ونكلم وحده غيرها عرفت اني طحت على وجهي وح يجي يوم تكسرني فيه
    عُلا:بس هيا مكسراتكش!!
    زياد:كسرتني الززح انا كنت في عداد الموتى وهيا تفكر في نفسها قدام الناس فقط
    عُلا:به ومرتك؟تعرف بي قصتك هاذي
    زياد:متعرف بشي ولا نبيها تعرف اصلا!
    عُلا:ولا امتى بتقعد هكى؟
    زياد:وقف...كان مضايقه مني اهو ماشي
    عُلا:اقعد معندك وين ماشي ارتاح
    زياد:فتح بطم سوريته لوحها ورقد ع الصالون
    عُلا:حطت يديها على ضهره تحاول اديرله مساج
    زياد:بعدي من عليا مش متحمل حد يمسني
    عُلا:تنهدت وناضت من جنبه ....
    _______________
    اسراء:والله؟ليك عين حتى تتصل بيا وتسألني على حالها؟؟انت دمرتها مارياااا
    فيصل:اسراء انتي فاهمه غلط
    اسراء:هه غلط صار؟؟..عشمتها في الزواج والايام الخيره كلها تتهرب منها!
    حتى لما خطبها محمد وخوتها ضربوها انت مدرت شي !
    وقلت معندكش امكانيه تخطب وتوا جاي تقوللها خليك مع راجل انا خطوبتي الخميس؟
    فيصل:خذي نفس عميق...لانها مستحيل تعيش معاي!!وانا لاني نحبها نبيها تعيش فرحانه مع شخص يقدر يحميها ويدير باله عليها
    اسراء:ضحكت بهزوا....هاذا يلي فالحين فيه الذكوره تستاهلي واحد خير مني ...برا ياعيل مبروك امك خطبتلك ربي ياخد فيك الحق
    فيصل:معش قدر!...اسراء
    اسراء:ها شنو تبي ؟نعرم ماريا ع خطوبتك مثلا
    فيصل:انا مخطبتش حد ولا ناوي نخطب ...انا فيا الورم في الدماغ ومقدرتش نقوللها 💔
    اسراء:مصدووومه😨😨
    فيصل:منبيهاش تبكي ..عارف ان قلبها محروق توا لاكن يجيها يوم وتحب راجلها وتكمل حياتها معاه!!
    خليها تكرهني وتهتم بي راجلها عشان تحرقني احسن من انها تعرف الحقيقه وتقعد تبكي عليا طول عمرها ومتتقبلش حد بعد!
    اسراء:اءء ف ف ففي ص فيصل
    فيصل:الورم اكتشفناه من ايامنا الاخيره مع بعض وصدفه جت قصة خطوبتها ...الورم منتشر ومفيش علاج عارف روحي ايام وبنموت ....نبيك تسلميلي عليها وقوليلها فيصل شاف حياته ومرتاح مع خطيبته
    اسراء:حطت يدها ع فمها تبكي
    فيصل:دموعه ينزلو وصوته مخنووق...نبيها تكون فرحانه يا اسراء بالله عليك
    انا نحبهااا...متقوليلهاش بس وربي نحبها وح تقعد حبيبتي لين نموت
    اسراء:تبكي
    فيصل:مسح دموعه...قالو المحبين يتلاقو في الجنه !
    مرات مكانتش نصيبي في الدنيا تكون في الاخره💔
    بس وربي نحبها والمرض اقوى مني ومنها ومن حبي ليها كنهاذا حاربت وقلبت الدنيا باش محد يسكر عليها دار
    اسراء:ساكته مش عارفه شنو ترد
    فيصل:تصبحي ع خير وديري بالك عليها ...سكر الخط
    واسراء نهاااااارت بي البكي ...نحطت في موقف صعب متقدرش تحكي لي ماريا وفي نفس الوقت فيصل قطعلها قلبها💔💔
    __________________
    ايمان:نحطلك تتعشى؟
    جلال:لالا مخاطريش ...ورقد ع السرير وعطاها بضهر
    ايمان:رقدت جنبه ❤️
    جلال:سكر عيونه وراح فيها نومه طوول من كثر التعب !
    ايمان:قعدت تقرب منه شوي شوي لين وصلت ولصقت في ضهره ❤️
    حطت يدها علي يده وسكرت عيونها براااااحه
    _________________
    فاتت ليله صاعبه على بسمه!
    كلام زياد يرن في ودانها ...يعني رح تقعد مجرد خدامه في حوشه بس !!
    زي هلباااا قصص ناس سمعتهم قبل!..مش رح تقدر ترجع بيت اهلها لانها قاعده عروسه
    وقلبها يموووت في زياد وكل شي فيه حتى عيوبه💔...اول مره في حياتها تبكي بطريقه هاذي!
    كانت مجهزه نفسها تخش لي حياة زوجيه وتكون المرا المثاليه لي زياد لاكن فجاه كسرها وحطمها💔...كل شي كانت تحلم بيه ضاااع وتبخر !
    اما ماريا مقعمزه تتأمل في محمد كيف راقد!...رغم طيبته وحنيته معاها كانت حاسه ان هدوء محمد ليها هوا نفسه هدوء ما قبل العاصفه !!
    كانت حاسه انه رح يدير شي يخليها تندم انها حكتله وفيصل مش مفارق عقلها💔
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    ثاني يوم⛅️⛅️
    زياد:خش لي الحوش وكان حالته مبهدددل ....استغرب !كان الضي مطفى والحوش فاضي مفيشي صوت
    خش لي غرفة النوم شاف بسمه راقده ومغطيه وجها ع السرير
    زياد:راقده؟؟
    بسمه:كانت تسمع فيه بس مردتش
    زياد:طلع حوايج نضاف وخش الحمام بدون مايزيد او يحاول يكلمها
    __________________
    جلال:مسك يد ايمان وبعدها من عليه ...نزل من السرير
    ايمان:ناضت...صباح الخير
    جلال:صباح النور
    ايمان:طالع؟
    جلال:اي امالا شن بندير
    قيس:يحك في عيونه...بابا
    جلال:ابتسم...عيون بابا
    قيس:نبي نمشي معاك
    جلال:قعد يساير في ولده وقامه في حضنه للحمام عشان يغسله وجها
    وايمان كانت تتفرج من بعيد وساكته❤️..حست ان الحاجه الوحيده الكويسه يلي دارتها في حياتها هيا ان جابت قيس لي جلال ❤️كان محلى الايام رغم قساوتها
    _________________
    زياد:صباح الخير
    بسمه:مردتش عليه كملت خدمه في المطبخ ومحكتش شي
    زياد:نكلم فيك
    بسمه:ساكته
    زياد:جبدها من يدها ...لما ندوي معااااك ردي عليااااا
    بسمه:مش م.....
    طق طق طق
    زياد:طلق يدها بقوه وفتح الباب ...
    موده:صباحو
    زياد:يلبس في سبيدروه...صباح النور
    موده:قالتلك امي بسمه معزومه اليوم هيا ومرت محمد لي حفلة هنيدا
    زياد:نضمو اموركم...طلع وسيبها
    موده:خيره هاذا🤨....بسمه بسمه؟؟
    خشت موده للحوش واستغربت لما شافت بسمه تبكي
    موده:خيرررك😱
    بسمه:انهارت ومقدرتش تشد دموعهااا
    موده:حي عليا شن دارلك ؟
    بسمه:ولا شي 💔انسي
    موده:اتصلت بي غفران وقعدت تحاول تهدي بسمه
    ______________
    ماريا:تحكي بي هاتف محمد...انشاء الله عمتي حاضر
    شيخه:كان رجلك توجع فيك هلبا ومتقدريش تمشي ارتاحي انا والله فرحانه بي كناينط الزوز اول مره بيطلعو معاي لي عرس
    ماريا:ابتسمت...سلمها ياربي لالا اموري تمام توا الحمد الله قادره نمشي عليها
    محمد:يفطر ويتفرج عليها
    شيخه:تمام امالا كلمي محمد راهو هوا بيرفعنا
    ماريا:ان شاء الله حاضر
    شيخه:هي بسلامه
    ماريا:سلامات ...جت بتسكر الخط فجآه خشت عزه انتضار
    محمد:خيرها امي
    ماريا:عندك مكالمه
    محمد:سكر عليها وكمل ...خيرها شن في؟!
    ماريا:قعمزت ع الطاوله...ولا شي حفلة قريبتك اليوم تبينا نمشو انا وبسمه
    محمد:اهااا ..به تمام
    ماريا:تشوف لي تالفونه
    محمد:ناقصك شي؟
    ماريا:كيف
    محمد:نزبطكم البنات تبو الف حاجه للعراس
    ماريا:ضحكت...لا عندي حوايج جدد بس بنكلم مزينه تجيني للحوش ...عادي ؟
    محمد:اي تجيك هيا احسن...الفلوس في الدولاب عطيها قداش ماتبي
    ماريا:شكرا❤️
    محمد:ضحك...هي انا طالع كلميني لما بتطلعو
    ماريا:ان شاء الله
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    موده:غفران انا ناديتك باش تساعديها نزبطك فانص في المواضيع هيا مش تشهدري ب.....
    غفران:سكري فمك انتي ...تعاليلي الجاي
    بسمه:تمسح في دموعها
    غفران:اول حاجه لازم تفهمي قصة راجلك من طق طق لعند السلام عليكم
    موده:لااااااااا غفران م....
    غفران:لوحت عليها المخده...سكري فمك عطيك دي
    بسمه:قصة شنو؟
    غفران:احمم ايمان مرت جلال كانت على علاقه بي زياد زمان ...وحسب ما سمعنا قالو انه يموت فيها
    بسمه😨
    موده:ضعنا🤦🏻‍♀️
    غفران:المهم ايمان هاذي قريبة زياد يعني تكون بنت خال امه وكانت بين فتره وفتره تتلاقى معاه
    بسمه:ساكته وتسمع
    غفران:فيه يوم تلاقو وصار يلي صار طبعا قالت ان هوا اغتصبها وانا متأكده بي ارادتها التيسه الحربايه هاذي
    بسمه:ششش شنو كيف صار يلي صار شن تحكي انتي !
    غفران:اي اي معش قعدت بنت ...وبعدين بدي يتغير عليها ومعش يتلاقى معاها زي قبل ولا عاد يحكي معاها هلبا
    موده:حي عليا من زياد بيعدمني 🤦🏻‍♀️😭
    غفران:المهم في يوم كان مروح من صحابه دار حادث خشت فيه حافله كبيره والسياره نعجنت عجننن ورقدوه في العنايه
    كل الدكاتره يطلعو يقولولهم ولدكم يعتبر ميت
    وبدو حتى يهيئو في نفسيتهم لي خبر الوفاة لان كانت حالته منتهيااا
    وطبعا هذيك الحيوانه خافت على روحها مان زياد مات هيا منو بياخدها وزياده رح تنفضح
    مشت دارت يوم مغبر عند عمتي شيخه يناري وزادت رعشتها والعيله نقلبت هيا اهلها قريب قتلوها وتبرو منها ...وباش يلمو القصه كلها مشي جلال كتب كتابه عليها
    وقعد زياد في غيبوبه 4شهور ...وطبعا لان شقفت الخرا متتكسرش ناض زي الجن 🙂
    وللافس كانت هيا متزوجه خوه وحتى مسافرين وحملت من ثاني شهر
    بسمه:صدمه ورا صدمه كل شويه تحاول تاخد نفس💔
    غفران:لاكن جلال تحسيه قاعد مش ناسي القصه ومش قادر يتقبلها
    موده:سرحت...يناري جلال نحط في موقف اهي مقدرش يطلقها لان اهلها معش يبوها
    غفران:تستاهل فرخة الكلب ياريتني جيت حماتها كنهادا جليتها
    موده:غفران حرام عليك الغلط مش منها من زيااااد انتي عارفه انه....وسكتت بعد ما نتبهت ان بسمه مقعمزه
    بسمه:منزله عيونها...انه متع بنات ولا؟
    موده:ساكته ..اءء لا بس🥺
    بسمه:حطت يديها على وجها....مفهمتش علاش يصير معاي هكي 😭💔💔💔
    حاولت بكل الطرق نكسبه كان يقرب عليا ويباعد كل فتره وفتره لين امس نزل عليا كلامه زي الكف
    غفران:قامت كمامها....لا ياماما مش كل الطرق جربتيها ...توا سبيلي نفسك كده
    وخليني نربيك ع طريقتي باش تربيه وتجيبيه لطريق
    بسمه:منبي منه شي ولاعاد نبيه💔
    غفران:اي وتروحي لي حوش بوك من اول اسبوع زي المهزبه وهديكا عايشه حياتها مع جلال وولدها ولا🙂
    بسمه:ساكته ودموعها ينزلو
    عفران:مووده..بري ديري مع امك الغدي عندنا حجات قليلة ادب بنديروها
    موده:وقفت...اقسم بالله تحشيني في مشكله لاعاد بنت عمي ولا نعرفك
    غفران:اطلعي وانتي خرا زي خوك...شافت لي بسمه سوري يعني بغض النضر انه زوجك ..زوج العازه هوا بس يلا
    موده:طلعت وهيا تضحك
    غفران:وتوااااا خلينا نبدو🙏🏻🙏🏻🙏🏻...يتبع