القائمة الرئيسية

الصفحات

رواية جريمتي الثانية الحلقة 6 السادسة - بنوتة الشيخ

 رواية جريمتي الثانية الحلقة 6 السادسة  - بنوتة الشيخ

 رواية جريمتي الثانية الحلقة 6 السادسة - بنوتة الشيخ


لقراءة رواية جريمتي الثانية كاملة : اضغط هنا

رواية جرمتي الثانية الحلقة السادسه 6 كاملة مكتوبة للكاتبة أروى طاهر المسلاتي - بنوتة الشيخ  





رجعو العرايس الزوز لي مكناتهم يهدرزو ويتعرفو على بعض لين صار شي غريب!!
خشت بنت من باب الحوش قامت خمارها ومعاها بيبي صغير ...من اول ما خشت واضح العيله كلها نصدمت وجوهم انقلب ..
ماريا:حست ان في شي غلط!
وحست ان حتى بسمه مش فاهمه شي !!
موده:ابتسمت...هلا ايمان حبيبتي تفضلي تفضلي
ايمان: نحت خمارها وخشت سلمت على العيله كلها واحد واحد بدي الجو يرجع زي قبل طبيعي
شيخه:مسكت الولد الصغير يلي كان مع ايمان تحضن وتبوس فيه وواضح ان فيها غصه في قلبها تحاول تخفيها ❤️
موده:هاذي ماريا مرت محمد
ايمان:سلمت عليها....الف مبروك
ماريا:يبارك فيك
موده:و ...هاذي بسمه سومه مرت زياد
ايمان:ابتسمت ...الف مبروك بسمه
بسمه:سلمت عليها ...يبارك في عمرك
موده:نعرفكم ايمان مرت خويا الكبير جلال
بسمه:شافت لي ماريا بصدمه وطلع منها الكلام بدون شعور....زياد عنده اخ كبير😧
موده:اي مسافر قداش ليه
ايمان:ع اساس بنحضرو العرس لاكن محصلناش طياره ❤️المهم حيت شفتكم ربي يهنيكم
ماريا:شكرا ربي يخليك❤️
ايمان:مشاء الله حلوين الزوز ...محمد يعرف يختار
وزياد حتى هوا
موده:بلعت ريقها بي صعوبه ...اي ربي يحفضهم
شيخه:وين جلال ؟
ايمان:قامت ولدها...برا ياعمتي يبارك لي خوته شوي ويخش
شيخه:موده بري وتي سفرة عدي لي خوك ومرته سلم بنتي
موده:قبل ما ترد عليها خشت بنت
غفران؛السلام عليكم وووه على ريحة البصله تقتل جعانه ياخالتي
شيخه:غبر فيك غير اوصلي
غفران:وشاحها طاح وتكر في الشناطي....اااه عييت كان مش ع خاطر ختي راهو بايته امس والله ما نروح المهم هاذم ال....😨😨إيمان؟
ايمان:اهلين غفران كيفك
غفران:ساكته مصدومه تشوف للعرايس ماريا وبسمه وساكته
موده:تبي تغير الموضوع...بما انك جعانه تعالي وتي معاي غدي جلال وايمان وبي المره انتي تاكلي مره وحده
غفران:تشوف لي ايمان بصدمه وساكته
موده:جبدت غفران من يدها وطلعت للمطبخ
_______________________
جلال:يبتسم ويشوف لي خوه محمد...شن حال الزواج يا حميدا
محمد:بلع غصته💔...اهو ماشيه الامور قاعدين مرينا شي قاعدين في البدايات 😅
جلال:هههههه ربي يستر ع الباقي
زياد:ساكت ومداير روحه لاهي في التالفون
محمد:تمنيتك حضرت معانا الفرح الحق
جلال:والله حاولت اقسم بالله مفيش رحله لبعد 3ايام تقول حاسين بي العرس سبحان الله
محمد:يالله عادي تتعوض ❤️
جلال:اي والله
محمد:شن خبار العيله كيف وضعك في المانيا
جلال:الحمد الله ماشيه الامور
محمد:دوم وخي
جلال:يدوم صحتك....شاف لي زياد وتكلم بسيف...كيف حالك زياد
زياد:قام عيونه بس داخله مش قادر يرفع راسه 💔الحمد الله تمام
جلال:حس ان الحكايه بينهم بدت رسميه هلبا قرر يغير الجو.....كيف طعم الحلال معاك
زياد:ضحك....هههههه حلو ومنضم
جلال:😄😄ربي يهنيك ...هي بنخش لي تمي استاحشتها
محمد:خش معاه وزياد يشوفلهم من بعيد
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
بسمه:بصوت واطي...كنتي تعرفي ان عندهم اخ كبير؟
ماريا:اي نعرف ...من فتره تزوج فجآه وسافر نقطعت اخباره وجي كم مره هوا وولده بس
بسمه:ليش!
ماريا:منعرفش امي سمعت من الجيران ان مرته متعاركين معاها وصاير بينهم سوء تفاهم هاذا باش متمشيش وتجي عليهم هلبا
بسمه:لكن شوفي كيف باين عليها طيبه وهاديه
ماريا:متغركش المضاهر
بسمه:يستر الله منك حتى انتي ياسلفتي
ماريا:ضحكت من قلبها...ليا ايام مضحكتش اقسم بالله
بسمه:هوا في عروسه تنكد ياهبله؟
ماريا:تنهد بحزن وابتسمت
___________________
جلال:حاضن امه ويبكي وامه تبكي معاه بي العبره
شيخه:وينك ياولدي هكي تقطعنى مره وحده
جلال:باس يد امه...متقوليش قاطعني يما كل يوم نتصل بيك
شيخه:مش زي...نبي نشوفك قدامى زي توا ونشوف وليدك كيف يكبر قدام عيوني
جلال:ساكت
شيخه:خلاص خوتك تزوجو والقصه تمت ليها سنين م....
جلال:قاطعها...امي بالله سكرى السيره تربحي
شيخه:تنهدت...به حاضر
جلال:خدمتي غادي وخلاص استقريت معش نقدر
شيخه:ساكته
جلال:اهم شي تكوني راضيه عليا بس
شيخه:الله يرضى عليك انت ومحمد ويهدي خوك زياد يارب ونشوف صغارهم قبل ما نموت
جلال:بعيد الشر عليك
شيخه:هيا خش تغدى مع مرتك اكيد جعان وتاعبين من السفر
جلال:ابتسم وخش مع امه❤️
____________________
غفران:بكل ثقه جايه مع راجلها !!
موده:توتي في السفره..غفران ونبي اسكتي انتي مش راحمه حد من لسانك هاذا
غفران:لا جديات مش مستوعبه انااا
موده:اسكتي غفرااان بعدين البنت مش مدايره غلط الحق كله على خوي
غفران:حطت يديها في نصها...ووووونبي امالا منو يلي ف.....
موده:حطت يدها ع فم غفران نهاري اسود سكري فمك اقسم بالله يسمعونا نحكو علي نفس السيره يفرمونا فرم
غفران:😒سراحه منقدر مستفزين عيله فري هكى تسحابو روحكم في بنات الشمس
موده:يسمعك محمد ولا زياد خليهم يمرجوك بروحك مدخليش انا
غفران:خرا عليك وعلى خوت العازه متعك
موده:طلعت تضحك من المطبخ حطت السفره سلمت ع خوها وطلعت ❤️
________________
الساعه8في الليل:-
بسمه:بعتت مسج لي زياد...هيا تعالى بنروح تاعبه معش قادره
زياد:رد عليها...قدام الحوش انا
ماريا:ساكته مش قادره تنوض تروح بروحها ولا قادره تحكى مع محمد !!
زياد:خش للحوش سلم على عماته وخلاته وطبعا يبصرو عليه ويضحكو كلهم وهوا صوته واصل لبره من الضحك
اما بسمه تتفرج من بعيد وميته في ضحكته وملامحه
زياد:كمل السلام ووصل في ايمان🔥...مد يده كيف الحال
ايمان:سلمت عليه...تمام الحمد الله بخير
زياد:سحب يده بدون اي تعبير في ملامحه
ايمان:الف مبروك ربي يهنيك
زياد:بدون حتى ابتسامه....ويهنيك ...شاف لي بسمه
هي شنو تنوضي؟
بسمه:اي ....وناضت تلبس
موده وامها وغفران يراقبو في الوضع وساكتين
لحضات بس وخش محمد سلم علي الزحمه كلها وشاف لي ماريا وهوا يبتسم كأن مفي شي بينهم والامور تمام
محمد:😊هيا ياغاليه نوضي البسي خلاص هضاكا هوا ره
حنين(عمته):هاذي من اول يوم قلها ياغاليه 😂ياسعدك بيه ياماريا يومين تانيه ومعش نلقوه ولدنا خلاص
محمد:يضحك...امالا شنو
ماريا:تلبس وعاطيتهم بضهر تحاول تخفي ملامح وجها💔
اما محمد كان ثابت رزين وكلامه وضحكته كأنها طالعه من القلب❤️💔
زياد:هي تصبحو ع خير
كلهم:تلاقي الخير
ايمان:تشوف لس زياد ومرته من بعيد كيف طالعين وبعدها محمد وماريا ..معندها شي اديره غير السكوت لان مفيش حد يفهمها ديمه الناس تشوف للفضيحه والغلط بس محدش يشوف لي اي جانب تاني 🔥💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
بسمه:مقعمزه تنحي في خراصاتها ...زياد ليش مقلتوش ان عندك اخ كبير؟
زياد:متلوح ع السرير وعيونه في التالفون....مش ضروري بعدين هوا ديمه برا ميروحش
بسمه:تمسح في مكياجها...قالت ماريا ان في سوء تفاهم بين مرت خوك والعيله هاذا باش متجيش بكل
زياد:تغيرت ملامح وجها...مفيش شي وهما مستقرين برا سكري الموضوع وحاجات مليكش علاقه فيها مدخليش راسك راهو منحبش الك للك الفاضي انا
بسمه:نصدمت...به زياد نحنا نهدرزو بس
زياد:فوتي امها الهدرزه هي
بسمه:ساكته
زياد:عطاها بضهر ...معش تهدرزي في الحجات هيا ...تصبحى
بسمه:بترقد من توا 😧
زياد:سكر عيونه ومردش عليها ....
________________
ماريا:نصدمت في محمد كيف اول ما طلع من حوش اهله اختفت ابتسامته وحتى معش يشوفلها !
يعني محمد كان يمثل قدامهم ان متريحين وامورهم تمام باش محد يحكي عليهم!!!
لهدرجه كان محمد عقله كبير؟او قلبه يلي اكبر !!
عمرها ماكانت تتخيل ردة فعل زي هكي نهائي !
________________
#مشهد_مسرع_للحلقات_الجايه
بسمه:تبكي بصوت واطي....زياد معش نتحمل
زياد:دخل يده بين شعرها ومسكها بقوه...متبكيييييش قتلك
بسمه:تحاول تهدا بس قلبها بيوقف
زياد:بدون شعور قرب منها كان يبي يبوسها يحضنها ع الاقل عشان تسكت💔بس اول ما انتبه على نفس جن جنونه خنقها وزاد قرب الموس على بطنها وضغط
بسمه:زياد!!!!!😧
زياد:رح تكوني جريمتي الثاني لو تأكدت يابسمه
بسمه؛......
__________________
نرجعو للحاضر:-
بسمه؛سكرت التالفون من امها وبدت تقلب في قنوات التلفزيون ومزاجها معكرررر هلبا
زياد:طلع من غرفة النوم وريحته سابقاته ..كان لابس سروال حينز ازرق وسوريه سواء
بسمه:طالع؟
زياد:خذي مفاتيحه...اي علاش تبي حاجه!
بسمه:اءء اء ل لا لا سلامتك
زياد:لبس سبيدرو ويساوي في شعره ع المرايه
بسمه:متبيش تتعشى معاي!
زياد:يشوف لي نفسه في المرايا...كولي صحتين
وطلع وسكر الباب
بسمه:حطت يدها على وجها...اففف اكيد حرجان من الدوا يلي حكيتها حمااااره انا غبيه ...من اول يوم زعلته كيف بنراضيه 😣😣😣
________________
ماريا:مقعمزه ع الصالون تتفرج على البوم العرس لانه كيف وصلها تفاجأة بي محمد
محمد:حط صواني ع الطاوله ...تتعشي خفيف عادي ولا
ماريا:تشوفله مصدومه
محمد:يتكلم بي برود...عصير ولا مشروب!؟
ماريا:اءء ع عصير
محمد:جاب العصير ورتب الطاوله بروحه ...ابتسم ع جنب ...حلوات طلعو الصور؟
ماريا:مصدومه في معاملته...اي كويسات
محمد:طبعا حتى انا مصور..عندي كميرا وهكي 😅
ماريا:ضحكت وهيا مش مستوعبه كيف يعامل فيها عادي ...والله!!مكانش عندي علم
محمد:يصب في العصير...نحب نصور بس مش ديمه يعني وقت نبدا فاضي لا اكتر
ماريا:حلو لما يبدا عندك موهبه
محمد:اكيد ...مدي يدك كولي
ماريا:شكرا ❤️
محمد:هه ع شنو طبعا انا متعود ديما ندير في عشاي بروحي عادي يعني 😅
ماريا:ضحكت...غريبه
محمد:ياكل ...شنو الغريب!
ماريا:يعني ولد ليبي يطيب بروحه مستحيل انا خوتي حتى الميه الساهله نجيبلهم فيها انا
محمد:انتي عارفه امى كبيره في السن وعندي اخت وحده يالله تحاول تسلعد امي واكيد هيا بنت وعندها هلبا حجات خاصه بيها اديرها ..ف علاش نضيق عليها ونزيدها ع شوية ماكله
ماريا:حبيت تفكيرك🥺
محمد:ابتسم وكمل ياكل
ماريا:تاكل شويه وتحاول تتكلم بس تتراجع في اخر لحضه!!
لين اخيرا طلعت منها
ماريا:محمد انت كيف قادر تعاملني عادي ؟!
محمد:ضحك...عادي يعني شنو تبيني ندير ؟
خذيت انسانه طلع قلبها مع غيري والقلب محدش يقدر يتحكم فيه انا لو كنت نعلم مستحيل نكمل الخطبه!...المهم توا يلي صار صار وهاذا الامر الواقع ال3شهور هاذم خلينا نعيشوها زي الصحاب يعيني نهدرزو ونطلعو عادي كله ...وزي ماخشينا بي المعروف نطلعو بي المعروف
ماريا:بلعت ريقها
محمد:كملي تعشي نجيبلك شي تاني!
ماريا:هزت راسها بمعنى لا وهيا تشوفله مش مصدقه يلي قاله وكمية الذوق والثقافه عنده ❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
زياد:يشرب وياكل في مكسرات....شن عندي بندير يعني حسب رايك
بالبان:صدمه كبيره ...قصدي متوقعتش خوك يجي شهاده بالله
زياد:يلف في الحشيش....ولا انا
بالبان:به توا شنو؟
زياد:يدخن...شنو الشنو؟
بالبان:قصدي..نقصد ان شنو وضعك معاه
زياد:ولع الدخان....عادي جدا
بالبان:تبي الحق !!...خايفك تعلط بتريس
زياد:معندي علاش غالط انت تزبط حاجه تخص خوتي مستحيل نديرها!!
بالبان:ان شاء الله
زياد:خلي انوض انا حاس براسي بيطلع
بالبان:وبتروح بشكل هاذا للمدام
زياد:لا طبعا تو نشوف وحده من يلي عندي الفاضيه فيهم تستقبلني
بالبان:اعقل يافرخ ال🔞ياسرك
زياد:نننننننن فوتني تربح مش ناقص
__________________
ماريا:حست براحه نفسيه بعد ما حكالها محمد الكلام هاذا وفي نفس الوقت قعدت تستنى في الصبح امتى يجي عشان تجيها صاحبتها وتكلم فيصل تحكيله يلي صار معاها❤️
قعدت ماريا ساهره ع التلفزيون وجنبها محمد يقرا في كتاب ومره مره تركز فيه وفي ملامحه كيف هادي
اما بسمه كانت حاسه بتأنيب الضمير وقعدت ماشيه جايه مش عارفه كيف تتصرف!!وتتصل بيه ميردش عليها كانت خايفه عليه لدرجه مش طبيعيه
خافت ان ممكن يكون صاير معاه شي !!💔
وبدت عاد تتخيل في زياد مداير حادث ولا خطفوه و و و ....وتبكي 🤦🏻‍♀️
________________
موده:ههههه ياعمري على ولد خوي تعالا قيس حبيبي تعال
ايمان:يستغرب قاعد😅
موده:اي شن مدايرين غادي حاسه انكم متأقلمين ع الوضع ولا لا؟
ايمان:الحمد الله
غفران:وعلاش لا ياماما ...منو زيها مهيجه لين تاعبه ومحصله راجل حلم كل بنيه وزياده اقامه برا
موده:غفراااان 🤦🏻‍♀️😨
ايمان:بلعت ريقها...عادي خليها تعودت عليها من قبل غفران
غفران:والله هاذا حالي معليشي انا منحبش نجامل ره كله في الوجه
ايمان:عادي 😅💔
________________
زياد:راقد وفي حضنه هيام
هيام:تمرر في يدها على لحيته ....من بكري تالفونك يشرين
زياد:دايخ....نحي من عليا فوتيني
هيام:ناضت قعمزت ع السرير وهيا تشوفله بخبث كأنها ناويه ع شي اديره🔥...يتبع
بنااااات قاعده نخدم على حمله عباره على فيديو انا وهلبا ناس ليبيين كل واحد مشهور ع السوشل ميديا وعنده محتوى اول ما نكملوه انزله ورح تنصدمو منو معاي في الفيديو 😂❤️هيااا تفاعلو ع الحلقه احداثها توا بس بدت

هل اعجبك الموضوع :

تعليقات

تقرأ في هذا المقال: