رواية حياة شلتوت الحلقة 32 - كوكا صالح
اقرأ لنفس الكاتبة:
وعت وكان حمزة مش في الشقة وتت دبشها وخشت ادوش وطلعت لابسة ديشمبر الحمام وتمسح في شعرها وتنصدم بحمزة قاعد في الدار صبت مكانها وجامدة وترعش وخايفة
حمزة وكان باين ان سكران
حمزة وايشوفلها بنظرات تمعن الجسمها كله
حمزة:الاسبوع كمل ياحلوة😋
يسرا قعدت اتوخر وبتطلع مالدار وهو لحقها ومسكها من شعرها وعزقها عالسرير
وقعد ايحاول ايحوللها الديشمبر وهي اتعيط وشريط لحظة اغتصابها ايمر قدامها واتشوف في وجه حمزة وجه اللي اغتصبها 😭
قعدت اتعيط وتبكي وادف في حمزة وتضرب واتعظ فيه بس حمزة زي الكلب السعران وبكل همجية ووحشية بياخذ اللي يبيه 😭
بعد محاولات واجد من يسرا انها اتبعده وكل مااتحاول ادفه ايرد عليها واخر شيئ كانت اقريبة من الوناسة اللي عالكوميدين وكانت اتمد في يدها الها لعند مامسكتها وخبطاته بيها علي راسه وحول من عليها وهو حاط يده علي راسه وهي صبت تجري
حمزة حول يده من علي راسه وبعد شافها كلها دم مشى دغري في جرة يسرا ومسكها في نص الصالة وبدى فيها ضرب 💔
/
/
ملاك قعدت تبكي في حظن سجى وبعد قريب دقيقتين سجى بعدتها منها
سجى:صح انتي وجهاد اتحبو بعضكم
ملاك:انتي من حكالك هكي
سجى:جاوبيني ياملاك وردبالك تكذبي عليا لان والله حنزعل منك بجد
ملاك قمعزت ;صح انحبو بعضنا بس اقسم بالله الكلام اللي كانت تحكي فيه رغد وان نا بنخرب عليهم كذب انا حبيت جهاد من زمان من نحن اصغار بس ولا مرة حاولت انصارحة ولما خطب قعدت بنشيله من بالي ولا مرة فكرت انخرب عليه بس رغد مش عارف ليش قعدت تحكي عليا هكي ومانعرفش ليش جهاد سيبها بس والله ماسيبها عشاني وحتى لما قالي ان ايحبني ماعطيتش وجه ورفضته اكثر من مرة لاني كنت نحسابه قالي انحبك عشان ينسى رغد
سجى:باهي ليش ماحكيتيلي اول ماحبيتو بعضكم
ملاك:كنت خايفة من ردة فعل الكل ويفهمو ان نا فعلا سبب فراق جهاد من رغد كنت خايفة نخسر صحبتي انا وانتي
سجى قمعزت جنب ملاك:وعشان ماتخسريش صحبتنا خسرتي حبك اللي من انتي اصغيرة داستيه في قلبك 💔
ملاك:انتي مش عارفة انتي شنو بالنسبة ليا
سجى تبكي:باهي ليش كل هالوقت رفضتي تحكي امعايا 😭
ملاك:ماكنتش حابة تعرفي بقصة جهاد لين انتخطاها
سجى صبت:مش حتخطيها لأنك اتحبيه انا حنحكي مع جهاد وانقوله ان اللي تبعنا شوري نا واللي بيصير ايصير
ملاك:ردبالك اديري هكي والله تخسريني
سجى:بس انتي اخسرتي حبك من ورا كذبتي
ملاك:جهاد لو ايحبني صح راه ماخذش اي كلام وراه حاول حتى يفهم مني بدل كلامه ليا واتهامه ليا اني مش محترمة
سجى:ردبالك اتقولي هكي انتي احسن حتى مني
ملاك:المهم انتي عارفة هكي اما جهاد موضوعه سكرت عليه ولو اتحبيني ومش حابة تخسريني ماتحكيله شيئ خليه فاهم اللي فاهمة
سجى:بس انتو اتحبو بعضكم
ملاك:نا حبيته صح بس حنقدر انتخطى المرحلة هذي وحنطلعه من قلبي اما هو ابدا ماحبني هو كان بينسى بيا رغد بس 💔
سجى :لوكة حبي ماتخسريش الشخص اللي اتحبيه عشان حد حتى عشاني وخليني نحكي الجهاد الحقيقية ونا متحملة اي نتيجة اهم شيئ عندي انصلح الخطأ اللي درته واتردو البعضكم
ملاك:بس نا معش بنرد عليه لاني عارفة ومتأكدة حنتعب مع جهاد واجد هذا اول موقف ودار هكي امالا بعدين شنو جهاد حبه مش حقيقي جهاد غرضه ينسى البنت اللي حبها بيا نا
سجى;لوكة🥺
ملاك:خلاص سجى سكريلي عالموضوع
سجى سكتت ومعش قدرت اتزر اكثر من هكي علي ملاك
/
/
كانت في دارها وتسمع في مرات عمها وبناتها يحكن عليها وانهن ملن منها ويبن يستقرن بروحهن في حوش هلهن وتسمع فيه فريحة اتقول ان منصور بيجوزها الاول واحد يخطب عشان اتريح هي وايتريحن بناتها وجعها الكلام بكل وقعدت تبكي 😭
وفي لحظة مسكت تليفونها ورنت علي عالية وعالية ردت
عالية:خيرات يااسويرة كيف حالك وحال جوري
سارة :مش اكويسين
عالية بخوف:شن فيه ياسارة خوفتيني
سارة تبكي:اعميمة انا موافقة علي صدام 😭
عالية بحزن:صدقيني ياسارة هذا هو القرار المناسب انتي وجوري مكانكن بينا وصدام مش حيكون غير سند وخير لك زي ماكانلك ياسين 😔
سارة تبكي:عمره مافيه راجل حيقعد كيف ياسين ولولا ظروفي اللي نا فيهن عمري ماانفكر انكون الراجل غيره 😭
عالية تبكي:الله غالب لو بالود والغاية راه قعد وربى بنيته بروحه نحن بروحنا فقدناه وكسر ظهورنا بميته لكن ربي حكم ولا اعتراض علي حكمه😭
سارة قعدت تبكي 😭
عالية تمسح في ادموعها:توا نحكي مع عمك وانشوف شن ايقرر عشان نطلبوك من عمك ونقرو الفاتحة وانجيبوك هنا
سارة سمعت كلمة فاتحة انهارت وسكرت الخط وقعدت تبكي بصوت عالي كأنه اليوم كيف مات ياسين😭
/
/
وهي اتهدرز مع ياسمين جت التليفونها رسالة ولما شافتها كانت من رقم مكتوب فيها(انتي ترفعي قضية علي عفريته امعلمنا والله حتندمي واللي ماخذش عفريته حنخذوه منك نحن )
نور خافت وقعدت تبكي وياسمين جنبها انفجعت ومعش فهمت كنها وكل مااتقوللها كنك نور اتزيد في ابكاها 😭
مشت ياسمين بسرعة اليوسف وحكتله اللي صار وكيف نور تبكي بهستيريا
خش يوسف عليها ونور مازالت مستمرة في ابكاها وحالتها حاله
يوسف بخوف:نور شن فيه شن صاير
نور تبكي وخلاص 😭
يوسف:باهي وريني شن جاك عالتليفون ليش تبكي هكي
نور اتشوف للتليفون وتبكي 😭
يوسف مسك التليفون وخش عالرسائل ولقى الرسالة
يوسف بعصبية:مااتخافيش والله مايقدر راجل ولد امه ايقرب منك
نور تبكي 😭
يوسف قرب منها اشوي
يوسف:نور شوفيلي هنا
نور تبكي 😭
يوسف بعصبية:شوفيلي هنا قتلك
نور شافتله وادموعها ينزلن وترعش مالخوف
يوسف:ونقسملك بالله ماواحد يقدر ايقرب منك وانتي امعايا هنا اطمني
نور :😭
يوسف:اوثقي فيا والله مااتصيرلك حاجة ولا يقدر حد ايجي شورك
نور اتشوف اليوسف وادموعها ينزلو: انت ماتعرفش شن يقدرو ايديرو هما عارفين ان مروان محبوس ومافيش حد امعايا
يوسف قرب من نور:انا امعاك وحنقعد وراك والله نحميك لين انسلمك المروان بعد يطلع
نور ;😭
يوسف:نور اهدي واوثقي فيا انا امعاك والله ماانسيبك امسحي ادموعك ومااتفكري في شيئ
نور قعدت تمسح في ادموعها
يوسف ابتسملها:نا وراك مااتخافيش من شيئ ولو عادي خلي تليفونك امعايا عشان لو حد فيهم رن انرد عليه نا
نور:ولو رن مروان
يوسف:لو رن مروان حنعطيه لكي بس بنبعد منك التليفون اليوم بس ومنها اندز الرقم الجهاد وايضيف الرسالة هذي للقضية
نور :باهي
يوسف خذا التليفون وصبى وكانت ياسمين مصبية عند الباب
يوسف بشويش:خليك جنبها وديري بالك منها
ياسمين:شن صاير امعاها
يوسف:انتي بس ديري بالك منها وماتسأليهش عن شيئ
ياسمين:حاضر
طلع يوسف وياسمين خشت علي نور وقعدت اتحاول اتغيرلها جوها
/
/
طلعت من ملاك وزقبت علي حوشهم من عند السور ومانزلت الا في عين جهاد اللي كان بيطلع واول ماشافها
جهاد بعصبية:انا شن قلت علي ملاك
سجى:جهاد اصبر خليني انفهمك
جهاد زاد عصب:تكسري كلامي واتقولي انفهمك
سجى تبكي:جهاد انت ضلمت لوكة راه اللي صار
جهاد بعصبية:معش اتقولي اسمها قدامي واقسم بالله ياسجى نعرف انك علي تواصل امعاها تنحرمي من كل حاجة حتى المدرسة معش فيه
سجى تبكي:جهاد اسمع الللي صار وبعدين احكم
جهاد زاد عصب:مش سامع شيئ خشي جوا حتى انتي معش بنشوف وجك
طلعت ربيعة وماريا من جوا وشافن حالة جهاد وكيف ايعيط وكيف سجى تبكي
ربيعة بخوف:شن صاير كنكم
جهاد بعصبية:الحوش ماشي توا انتم فيه مع الراجل اللي بيشريه وماشي اندور علي حوش اخرى وربي الشارع هذا ماعاد قاعدين فيه وتوا انوريك كيف اتشوفيها مرة اخرى وطلع
ربيعة بعصبية:شن درتي شنو القصة اللي داستيها اللي مخلية جهاد منكلب هك احكي عليش ماتبيش تحكي الحد
سجى ماقدرتش اترد علي امها سيبتها وخشت الدارها وسكرت علي روحها وقعدت تبكي 😭
/
/
طلعوه مالحبس وشالوه المكتب الضابط لان جايته المحامية امتاعه
وصل للمكتب وخش لقى امال جوا وسلم عليها
مروان:شن اخبارك
أمال:بخير شني اخبارك انت
مروان:كويس بس مليت مالحبس ولعند توا مازال ماتحاكمت بكل 😔
أمال:الشخص اللي اسمه عفريته كل مرة زايديله تهمة ولازم تتحاكمو مع بعضكم
مروان:باهي أمتى
أمال:لعند توا ايقولو الاحد الجاي اذا ماتغيرش الموعد
مروان:ان شاءلله معش ايتغير
أمال:ان شاءلله وبدت اطلع في الاوراق من شنطتها
مروان قعد ايشوف الأمال وهي اطلع في اوراقها وهي رفعت وجهها وجت عينها في عين مروان وانحرجت وطبست راسها
مروان ابتسم من خجلها
مروان:أسف علي تتعيبك امعايا هذا لكي كم قاعدة هنا وكل مرة اياجلو في المحكمة اكيدة هلك عندهم مشاغل وتعطلو عليهن
أمال:لا عادي هما عاجبهم الجو اهني وكل يوم رافعنا بابا المكان
مروان:مش عارف كيف انردلك جميلك هذا بجد يعني اللي درتيه عشاني مافيش حد ايديره يشهد ربي كيف انك انسانة طيبة ومواقفك حتى الرجالة ماايديروهنش
أمال ابتسمت:هادا واجبي وانت تستحق كل خير لان اللي زيك قليل توا
مروان ابتسم وقعد ايشوفلها وهي انحرجت الدرجة ارتبكت وطاحن منها اوراقها
طبس مروان ولمهن الها كلهن ومدهن الها
أمال خذتهن وصبت وهي مرتبكة
أمال:شكرا واني بنمشي توا
مروان:بس ماحكينا شيئ عالقضية
أمال:غدوة انجيك ونحكو فيها
مروان:تمام
أمال طلعت بسرعة ومروان قمعز عالكرسي وحس بإرتباك امال من نظرته الها
مروان:نا شن درت عيب المفروض واطيت اعيوني اهو حرجتها 🤦♀️
واسند عالكرسي وهو حاس روحه متضايق من تصرفه
مروان: غريبة نا مش من طبعي التبحيت بس هي كل شيئ فيها حلو وهو اللي خلاني انشوفلها ولا ياامال وشغلتي بالي بروحك الحلوة قبل شكلك سبحان من صورك وصور اخلاقك يابخت اللي بتكوني مراته حيطمن علي حوشه ويعرف روحه حط بنت ناس فيه
مع خشة الشرطي وخذاه للحبس
/
/
أمال طلعت وكان باتها يرجى فيها في سيارة تاكسي برا ركبت امعاه وهي مازال مرتبكة
بات أمال:شني فيه
أمال:مافيش شيئ لكن طلعت بسرعة علي خاطر تاخرت عليك
بات امال:امتى المحكمة
أمال:ان شاءلله الاحد
بات أمال:ان شاءلله سخفني حاله هالولد
أمال:اي مسكين 💔
أمال اتفكر:اني شني صارلي علاش ارتبكت هكي هو مش اول متهم انشوف قضيته ومش اول شخص يشبحلي علاش ارتبكت من نظرته ليا علاش جسمي كله ارعش
أمال:لكن مروان اول مرة يشبحلي هكي شن قصده بشبحته هادي 🥺
وقعدت طول الطريق اتفكر في مروان
/
/
خشت علي عمي موسى في داره وقمعزت احذاه
عالية:فيه خبر بنقوله لك ياحاج
موسى هز براسه بمعنى احكي
عالية بحزن:سارة وافقت علي انها تجوز صدام
موسى غمض عيونه بحسره
عالية:شنو اتقول انديرو توا
موسى كتبلها:كلمي فتح الله وخليه ايكلم ضنى عمنا ويمشي المنصور ويطلبو منه سارة وثاني يوم يقرو الفاتحة وايجيبوها هنا هي وجوري ساد ماقعدن في هذك النار
عالية:حاضر
موسى كتبلها:الله يرحمك ياياسين ميتك هدت حيلنا وخربت حياتنا وادموعه انزلن😢
عالية تبكي:الله يرحمه وايسامحه ويرضى عليه اليوم الدين
طلعت عالية وخذت تليفونها وبتكلم فتح الله واتقوله زي ماقال عمي موسى
/
/
خشيت للحوش بنشوف باتي ونا وصلت عند الباب وسمعت امي اتقوله سارة وافقت انها تجوزني في اللحظة هذي الدنيا ضببت قدامي ماكنتش متخيل ان سارة اتوافق يعني توا انفرض عليا كل شيئ
وفوق من اللي داراته يسرا وقهرتني بيه بناخذ مرات خويا اللي طول ماجتنا ونا حاسبها زي خواتي
في اللحظة هذي تمنيت الموت تباعدت مالدار وطلعت ورقيت للسطوح وبكيت ابكى حتى يوم عزاء ياسين مابكيته😭
/
/
#عند_يسرا
بعد ضربها حمزة طلع مالشقة وهي كملتها تبكي علي حظها واللي صاير فيها 😭
/
/
كان وضعهم مافيش احلى من هكي
رهام اول ماسافرت قررت اتسيب الماضي وراها وتبدى صفحة جديدة مافيهش الا أحمد
وأحمد كان ايدير في كل اللي تسعد رهام وبس وكان وضعهم متريح وحلو ❤️
/
/
بعد رفض ميرو له مااستسلمش وهالشيئ زاده اصرار ان يوصل فيها الشيئ اللي خلاه يبدى مهمة البحث عشان يوصل الرقمها 😍
/
/
مشى اليوم كله عادي وكل واحد لاهي في روحه لعند الليل وتحديدا عند سجى
بعد اللي صارلها مع جهاد معش طلعت من دارها بكل وكان طول الوقت أسامة ايرن وهي مااتردش عليه
بس بعد اسامة كثر رنين ورسائل ان مشغول عليها واخر رسالة وصلتها كان مكتوب فيها(حبيبي ردي عليا والله مشغول طمنيني شن صاير امعاك مانقدرش انسافر بكرا من غير مانحكي امعاك)
سجى بعد وصلتها الرسالة هذي وعرفت ان أسامة بيسافر رنت عليه وهو رد دغري
أسامة بخوف:شن صاير امعاك خوفتيني عليك
سجى بحزن:مافيش شيئ
أسامة:كيف مافيش شيئ ونا مالصبح انرن مااترديش وتوا صوتك مش تمام
سجى قعدت تبكي 😭
أسامة بخوف:شن صاير مااترعشينيش
سجى تبكي:درت لقطة مع ملاك مستحيل انسامح روحي عليها لعند ماانموت
أسامة:بعيد السو عليك شن درتي احكيلي
سجى :قعدت تحكيله في كل حاجة صارت من يوم اللي جهاد شافه يمشي وراهن
سجى تبكي:واليوم جهاد بيبيع حوشنا وبيشري حوش اخرى ويبيني انسيب سجى بكل ونقطع علاقتي بيها ونا لو يقتلوني مستحيل اندير هكي 😭
أسامة:وليش ماحكيتيلي من اول ماصار هكي
سجى تبكي:كنت نحساب الموضوع انحل وقلت جهاد كلها كم يوم وايرد طبيعي واترد لوكة اتجيني عادي بس ماكنتش عارفة انهم ايحبو بعضهم وان نا خربت كل حاجة بغبائي 😭
أسامة:خلاص حبيبي بطلي ابكى وباذن الله كل شيئ ينحل
سجى تبكي:مافيش شيئ ينحل نا خربت كل حاجة وخسرت توأمي وخسرتها حبها اللي من زمان داسته 😭
أسامة:انتي ماكنتيش عارفة لو عارفة اللي بينهم ماكنتيش درتي هكي
سجى تبكي:بس نا غلط انقول علي صاحبتي هكي كنت نكرت او حكيت الحقيقة بس مادفيتهش في لوكة 😭
أسامة:حبيبي بطلي ابكى وباذن الله كل شيئ ينحل بس انتي مااتزعليش روحك لو اتحبيني بطلي ابكى هي
سجى تمسح في ادموعها:حاضر
أسامة:بكرا بنسافر نا
سجى بحزن:حنرايف عليك
أسامة:حتى نا ياقلبي ❤️
/
/
صدام وسارة ويسرا كانت الليلة بالنسبة الهم أصعب ليلية تمشي عليهم
سارة غير تبكي علي ياسين وعلي حياتها امعاه😭
صدام ايفكر في يسرا واللي داراته وايفكر كيف حيبدى حياته مع سارة اللي عمره ما شافها زوجه له 💔
يسرا اتفكر في حياتها وفي الظلم اللي هي فيه كله عشان غلطها اللي غلطاته واللي اتحمل في نتيجته لعند توا الغلط اللي خسرها كل شيئ وحرمها انها اتعيش حياة طبيعية زي اي بنت وحرمها من الانسان الوحيد اللي حست امعاه بالامان والطيبة والحب 💔
/
/
وتحديدا في العشية
عند هل سارة جاهم عمي منصور وامعاه ضنى عمه الاثنين وطلبو سارة الصدام وعمها منصور عطاها
مش حنحكيلكم حالة سارة جوا واللي صار فيها بعد عطت عمها الموافقة بس كان هالشيئ هو اللي لازم ايصير لانها ماتقدرش اتعيش في وضع عيت عمها وهي ينقاللها في وجهها انها مش مقبولة ولا مرحب بيها بينهم😢
/
/
بالنسبة الصدام كان وضعه أسوء من سارة لان وخذة مرات الأخ أصعب حاجة اتمر عليك بعد كان ايشوف فيها مع ياسين وسامع كيف ياسين كان يحكي عليها وعلي حبها فجأة تقعد له
واكثر شيئ كاسر اظهره هو طلب باته بأن يعطيها حقها كزوجة 💔
هذي من جهة سارة أما من جهة يسرا فكان أكثر ألم خصوصا ان عنده الف سؤال في راسه مش لاقيلهن اجابة ولاعارف ينسى يسرا ولا عارف يكرها ولا عارف يعذرها ولا ايحط اللوم عليها 😢
/
/
كان جاية الراجل اللي بيشري منه الحوش وتفرج عالحوش وطلع امعاه برا بيتم امعاه فيه
قعد هو والراجل يتفقو عالسعر برا مع تدريسة سيارة ونزل منها أسامة وسلم علي جهاد والراجل اللي امعاه
أسامة:خوي جهاد نبيك في كلمة بروحنا
الراجل:انا بنمشي عشان انجيبلك الفلوس كاملات
جهاد:تمام تلقاني نرجى فيك هنا
الراجل:تم ومشى وركب في سيارته
جهاد:تفضل
أسامة:انعرفك علي روحي أسامة ال--
جهاد:تشرفت بيك تفضل بشن نقدر نخدمك
أسامة:خنخش في الموضوع دغري وبدون اي مقدمات انا جاي نبي اناسبك ونطلب يد اختك الصغيرة
جهاد :شنووو
أسامة:عارف الاصول مش هكي والمفروض ايجو هلي يخطو قبل بس باذن الله حيجوكم اليومين هذينا لكن نا جيت اليوم بروحي عشان صاير سوء فهم وانت لازم تعرفه
جهاد:اي سوء فهم وانت شن عرفك بينا وبخواتي
أسامة:انا حنحكيلك كل حاجة لكن نبي منك حاجة وحدة تسمعني لعند الاخير قبل ماتصرف اي تصرف
جهاد:احكي نسمع فيك
أسامة:اوعدني تسمع لعند الاخير بدون مااتهور
جهاد تنهد:نوعدك
أسامة:من فترة بسيطة تعرفت علي سجى ويشهد ربي علي اخلاقها وتربيتها ومن اول ماعرفتها ونويتها حلالي وكنت مقرر قبل ماانسافر انكمل اقرايتي اندز هلي بس صار وفاة جاركم وشفتها كيف متأثرة مااقدرتش اندزهم بس بعد صار سوء الفهم ولما لحقتها وهي طالعة مالمدرسة وانت فهمت ان لاحق بنت جيرانكم اللي امس سجى حكتلي انك اتحبها قررت انجي ونطلب سجى منك وانفهمك القصة كلها
جهاد بعصبية وقرب منه:كيف عندك وجه اتجي لعند هنا
أسامة:اول حاجة انت وعدت انك مااتهورش وثاني حاجة نا جايك مالباب وطالبها منك بحلال ربي ويشهد ربي اني ناوي انجي من فترة بس حكيتلك اللي صار نا راجل ونعجبك ومستحيل اندير شيئ ايضرها ونا جايك شاريها ومش بايعها وانت شاب كيفي كيفك وفاهم في الجو ونا جيتك بكرعيا وقتلك طالبها والوقت اللي اتحدده هلي حيجوكم فيه ويطلبوها رسمي منكم بس جيتك بروحي عشان انوضحلك سوء الفهم اللي صار
جهاد بحت في أسامة وهو يغلي من جوا ان سجى هي اللي طلعت دايرة علاقة وخانت ثقته فيها وفي ان ظلم ملاك وسمعها كلام مافيش حد ايتحمله
جهاد:دز هلك وبعدين نحن انقررو
أسامة:حاضر وان شاءلله مافيش زعل ونا نقسملك بالله ناوي الحلال ومش في نيتي ابدا الضحك واللعب علي بنات الناس لان نا بروحي عندي خوات وعارف ان اللي اديرها تلقاها
جهاد:تمام وصل كلامك دز هلك وساهل
أسامة:تمام هلي في اليومين هذينا ايجوكم
جهاد:تمام ووقفلي الاتصالات وخلينا نحن انقررو
أسامة:حاضر وسلام توا ومشى وركب في سيارته وطلع
وجهاد خش الحوشهم وهو معصب بكل
جهاد بعصبية'سجى سجى
ربيعة طلعت مالمطبخ تجري:شن فيه
جهاد:سجى وين
ربيعة:من تهزيبتك الها امس مسكرة علي روحها في الدار حتى للمدرسة مابت تمشي
جهاد ماردش علي امه ومشى الدار سجى وقعد ايدق عليها
سجى:من
جهاد بعصبية:افتحي نبيك
سجى فتحتله الباب وجهاد خش وسكر الباب وراه
جهاد بعصبية:طلع الشاب اللي في السيارة يلحق فيك انتي
سجى نزلت راسها:من امس كنت بنحكيلك بس انت ماعطيتنيش فرصة😔
جهاد بعصبية:ليش اديري هكي هذي هي الثقة اللي عطيتها لكي
سجى تبكي:مش هذي الثقة ونا عارفة روحي غلطانة ومتحملة نتيجة غلطي واي شيئ اديره ليا راضية بيه بس لازم تعرف ان ملاك مالهش ذنب وملاك اتحبك وبسببي نا انتو تفارقتو 😭
جهاد :انتي من حكالك اللي بيني وبين ملاك
سجى:ماريا شايفتكم مع بعضكم ايام العزاء بس ماحكتليش الا بعد صارت القصة ولما امس عديت اللوكة وسألتها حكتلي ولما قلتلها نبي نحكيلك الحقيقة ماخلتنيش وقالتلي ان جهاد ماايحبنيش وهو كان بينسى بيا رغد
جهاد بعصبية :هي حكتلك هكي
سجى تبكي:اها وهي متأثرة بكل ونا والله لو نعلم بينكم حاجة ماكنتش قلت شور ملاك 😭
جهاد بعصبية;تمام واحسابك انتي امعايا بعدين وطلع
مشى للمربوعة وقعد ايرن علي ملاك يلقى فيها مقفل ورد علي سجى في الدار
جهاد:توا امشي السجى في الحوش وخليها اتحل تليفونها
سجى :حاضر بس لو مابتش اتحله شنو اندير
جهاد:قوليلها قالك جهاد نا مش عيل عشان انقولك نبيك ونا نضحك عليك ونا مستعد في هاللحظة نطلبها من عمي موسى عشان اتأكد من حبي الها
سجى:حاضر وخذت وشاحها وعبايتها ودغري مشت الحوش عيت عمي موسى
/
/
كان قاعد مع واحد صاحبه
عبد العزيز: يعني كيف امقرر اتساعدها
يوسف:مش عارف بس رسائل التهديد كاثرات علي رقمها ونا خايف عليها
عبد العزيز :وحكيت للمحامي اللي ماسك القضية
يوسف:حكيتله ورفع قضية وضاف التهديدات للي صار امعاها قبل لكن مازال ماانحكم فيها انت عارف الحكومة روحها طويلة وديما عندهم في جو تأجيل المحاكمة
عبد العزيز:شن كبرها البنت
يوسف: اصغيرة تقريبا عمرها 16 سنة
عبد العزيز :باهي ليش ماتجوزها
يوسف:تي انقولك عمرها 16 سنة حاسب العمر اللي بينا تي قريب بيني وبينها 20 سنة
عبد العزيز:وشن فيها ياما ناس اجوزو وفرق العمر هكي
يوسف:تي لا مستحيل البنت اصغيرة مش في عمر زواج بكل
عبد العزيز:تي انت تحكي توا العمر هذا متجوزات وبعيالهن
يوسف:هذا اسمه زواج قاصرات
عبد العزيز:توا يجوزن عادي لا قاصرات ولا الموضوع هذا ايفكر فيه واحد
يوسف:لالا البنت لو متجوز راه ضاني في عمرها مانجنيش عليها مسكينة ونفرض عليها تجوز واحد بينها وبينه 20 سنة
عبد العزيز: علي راحتك نا حكيتلك هكي عشان انت قلت خايف عليها ومش عارف كيف تحميها فقلت لما تقعد مراتك معش يقدر حد ايقرب منها
يوسف:حنقدر نحميها حتى وهي مش مراتي
عبد العزيز:باهي براحتك
يوسف سكت وقعد سارح
/
/
ملاك بعصبية:قتلك لا ومعش بنحكي امعاه ولا بنشوفه نهائي
سجى:بس هو عرف غلطه ويبي ايصلحه
ملاك:كيف عرفه ان شاءلله
سجى:مش عارفة كيف عرف بس خش عليا وهو عارف ان أسامة كان ايتبع فيا انا
ملاك:قوليله صح النوم عمره ماكان الحب بالشك وبالظلم وبالكلام الجارح واصلا جهاد ماحبنيش هو يضحك علي روحه بالكلمة هذي
سجى:بس هو مستعد يخطبك من عمي موسى وتوا
ملاك:عشان حس روحه ظلمني بيكفر عن غلطه بس قوليله لو قعدت اخر راجل في الدنيا مش حناخذك
سجى بترد قعد تليفونها ايرن
سجى:اهو جهاد ايرن عشاني غيري كلامك
ملاك بعصبية:لا مش امغيرته وقوليله ملاك معش تبيك
سجى ردت علي جهاد
جهاد:كنها مافتحتش تليفونها لعند توا
سجى شافت الملاك:هي توا تعبانة اشوي لما تقعد اكويسة توا تحكي امعاك
ملاك فنصت في ملاك وخذت منها التليفون
ملاك بعصبية:سجى تكذب ونا مافيا شيئ بس معش نبيك ولو تقعد اخر راجل في الدنيا مش واخذتك نا مش لعبة بين ايديك امتى ماتبيها تاخذها ولما اتمل تعزقها ياجهاد افندي وسكرت في وجه
سجى:حرام عليك
ملاك نزلن ادموعها:ونا مش حرام اللي ايدير فيه فيا يوم يبيني ويوم لا ويوم ايسمعني احقر واوسخ كلام ويوم يبيني انسامحه 😭
سجى قربت من ملاك وحظنتها وقعدت اتهدي فيها
/
/
#عند_جهاد
كلام ملاك قهرة بكل وحس ان خسرها وانها مستحيل عاد اتسامحه بعد كلامه الها لان كان عارف ان كلامه وجعها وقهرها😔
رقتله بكل من تصرفه ومن كلامه وان ماكان فيه ثقة ودغري خذا الكلام فيها وقاللها ابشع كلام وطلع من حوشهم وهو غامتله 💔
/
/
#عند_ملاك_وسجى
وسجى قاعدة اتهدي في ملاك خشت عليهن عالية
عالية:تعالن ساعدني اندير في عشاء العمامك بعد ايجو من عند سارة
سجى بخوف:كنها سارة
ملاك بحزن:بيردها صدام
سجى بصدمة:تكذبي😳
ملاك وادموعها نزلن:وحق ربي صح 😢
عالية:الله غالب سارة وجوري ماعاد عندهن حد غيرنا لازم انديرو هك عشان ايردن وسطنا
سجى بحزن:صح سارة مسكينة لا عندها أب ولا أم 😔
عالية نزلو ادموعها:ربي يرحمك ياياسين وان شاءلله اتسامحنا😭
سجى وملاك :😭
عالية مسحت ادموعها:هي تعالن عالساعة 8 لازم العشاء يقعد واتي
سجي وملاك صبن:هي
ومشن كلهن للمطبخ وبدن ايوتن في العشاء
/
/
#عند_سارة
بعد بكت لين طاح جهدها مسكت تليفونها وقعدت اتفرج علي صور ياسين وصورها هي وياه ومقاطعة اللي عندهم وكل شيئ ايخصهم وتذكر في كل لحظة امعاه من اول يوم تلاقت امعاه فيه لعند اخر لحظه لما طلع من عندها 💔
/
/
#عندي_نا
طلعت مالحوش كله وبرمت واجد في البلاد اخر شيئ مشيت للغابة ونزلت وقمعزت علي حيطة ونا انفكر بروحي وشريط حياتي مع ياسين وطفولتي امعاه وكيف كان ايعامل فيا كله ايمر قدام عيوني
نفسيتي في اللحظة هذي كانت تحت الصفر 💔
تمنيت لو متت زي ياسين راه تريحت لان الموت راحة للميت لكن الم وشقى وتعب ووجع للحي اللي مش قادر ينسى 😔
/
/
عند ملاك وسجى في المطبخ
عالية:ملاك خوذي الشربة ديريها
ملاك:باهي
ومشت وبدت اتوتي للشربة وقرضت لحمها وبشرت البصل وحطت الزيت والملح وحطت اللحم وولعت الغاز و في لحظة بكت فيها النار والدنيا شاطت
قعدت اتعيط والنار مسكت في وشاحها وهي حطت ايديها علي وجها خايفة مالنار تحرقها مع جية عالية طفت البنبة وكرت من ملاك الوشاح وعزقاته في حوض المية
وملاك ماللحظة اللي عاشتها والخوف اغمى عليها
مع جية عمها فتح الله وسعفها للمستشفى ومشت امعاها عالية وسجى
وصلو للمستشفى وخششوها للاسعاف وقدرو ايوعوها لان اغمائها كان نتيجة الخوف والصدمة
لكن كان عندها حروق في ايديها ورقبتها اشوي داووهن الها والدكتور نصحهم ان اليوم تقعد في المستشفى عشان تعقيم الحروق اكويس
عالية تبكي:نا كيف اندير توا
سجى:اعميمة مااتفكريش انتي عدي وكملي العشاء للرجالة ونا حنقعد امعاها هنا وبكرا حنروحو
عالية:لالا ياسجى هلك مرات ايتكلمو وانديرلك مشكلة
سجى:توا حنكلم ماما وانقولها الها وهي مش حتكلم انتي عارفة معزة لوكة عند ماما
عالية:شوفيها قبل
سجى:باهي
سجى رنت علي امها وحكتلها الظرف كله وربيعة وافقت ان سجى تقعد مع ملاك في المستشفى والصبح يطلعن
وروحت عالية وقعدت سجى مع ملاك
صدام بعد سمع القصة جا للمستسفى اطمن علي ملاك وقعد تحت عشان لو قعدن يبن حاجة
/
/
#عند_جهاد
اليوم هذا كله كان عند صاحبه وماروحش للحوش لان كان متضايق بكل وحتى تليفونه قفله عشان مايبيش يحكي مع حد
/
/
#عند_يوسف
طول الليل وهو ايفكر في نور وفي التهديدات اللي ايجنها وكيف يقدر يحميها منهم وهو ماعندش اي صلة بيها وكل تفكيره في لما تطلع من حوشهم شن ممكن ايصير فيها وخصوصا ان اتباع عفريته مايبوش ايخلوها في حالها 💔
/
/
#عند_يسرا
كانت مش قادرة اتحرك مالطريحة اللي خذتها من حمزة حاسة بان جسمها كله مكسر ومتقلص🥺
/
/
مشى اليوم عادي كل واحد قاعد في عالمه اللي انفرض عليه فرض 😔
/
/
جهاد طلع من صاحبه وماشي الشغله وهو في الطريق فتح تليفونه وجنه عرم مكالمات فائته من امه لان اول مرة ايبات برا وكانت مشغولة عليه جا بيرن عليها انتبه الرسالة من سجى مكتوب فيها (جهاد راه نا في المستشفى مع ملاك امس شاطت فيها النار وانحرقت)
جهاد دغري حط علي رقم سجى ورن عليها
سجى كانت راقدة ووعت علي رنة جهاد
سجى ابتسمت وقعدت اتوعي في ملاك
ملاك:تي كنك خليني نرقد مش ساد مداعكتني في سريري 😒
سجى:جهاد ايرن
ملاك بعصبية:نا شن قتلك مش قتلك جهاد قصته انتهت امعايا
سجى:ياغبية نا درت خطة عشان اتأكدي من حب جهاد لكي
ملاك:فكيني من خططك وخوك ماايحبنيش يكذب
سجى:بلاش برادة واسمعيني نا من جيتنا هنا ونا انرن عليه مقفل فدزيتله رسالة ان النار شاطت فيك وانحرقتي
ملاك:ماهو هذا اللي صار وين الخطة في الموضوع
سجى:انا بنجرب جهاد شن ردة فعلة لو قتله انك اشوهتي هل حيقعد مازال يبيكي وبيخطبك ولا ايغير رأيه
ملاك:باهي وشن دخل التشوه في الحب
سجى:بلا غباء مافيش راجل يرضى ياخذ وحدة انحرقت واشوهت الا اذا ايحبها فعلا مش كذب زي ماانتي اتقولي
ملاك:فكيني من خططك موضوع جهاد اسكر
سجى:لا مااسكرش ونا خاطري تقعدي مرات خويا بس مانبيش هالشيئ ايصير الا اذا تأكدت من حب جهاد لكي وهذي الطريقة الوحيدة اللي انتأكد بيها وبالك نقدر انصلح اللي خربته
ملاك:سجى
سجى:اسمعي خلينا انجربو مش خاسرين شيئ
ملاك سكتت
سجى :شوفي 5مكالمات و3 رسائل وكلهن طمنيني شن صارلها
مع رنة جهاد عليها اخري وسجى ردت
جهاد:انا قريب مالمستشفى
سجى دارت روحها تبكي:ملاك قالتلك مااتعبش روحك ماعندكش ماتبي في وحدة اشوهت
جهاد بعصبية:قوليلها معش اتقول هكي ومش مهم التشوه اهم شيئ هي اكويسة وقوليلها لو صارلها شنو بتقعد احسن بنت في نظري
سجى تبكي:لوكة منهارة بكل ماللي صار 😭
جهاد زاد عصب:عطيها ليا بنحكي امعاها توا
سجى مدت التليفون الملاك وملاك ردت عليه
ملاك طبعا مشت علي كلام سجى ودارت روحها تبكي زيها😂
ملاك:جهاد معش اتعب روحك ورايا نا معش نصلح بيك ولا عاد نصلح بأي راجل 😭
جهاد بعصبية:ملاك حطي في بالك اني انحبك مش عشان سماحتك انحبك عشان روحك عشان انتي ملاكي اللي ربي عطاه ليا اما الشكل هذا اخر همي
ملاك تبكي:ماتضحكش علي روحك مجرد مااتشوفني حتكرهني عدي شوفلك وحدة احسن مني 😭
جهاد بعصبية:ونا مانببش الا انتي سمحة شينة مشوهة مقعدة نبيك وتوا هالوقت حنثبتلك كلامي وسكر
ملاك بخوف:خوك الغبي شن بيدير
سجى ابتسمت:لو دار اللي في بالي معناها ايحبك جد
ملاك:شن قصدك
سجى:اشوي وانروحو ولو دارها حنعرفو
ملاك:راك تطلعي متفقة امعاه
سجى;نقسملك بالله ان الخطة مديورة عليه هو مش عليك ونا امعاك وضده هو
ملاك ابتسمت:نجك ليا
سجى:وانتي نجك ليا😘
/
/
#عند_جهاد
غير طريقه ومشى الحوش عمي موسى ودق وفتحتله عمتي عالية وطلب ايشوف عمي موسى وخششاته عليه
جهاد:صباح الخير ياعمي شن اخبار صحتك
موسى هز براسه بمعنى اكويس
جهاد:عمي موسى جايك بنطلب منك طلب ومانبيكش اتردني
وجا قمعز جنبه عالسرير ومسكله الكراسة اللي يكتب فيها
موسى كتبله:خير ان شاءلله
جهاد:نا عارف ان موضوعي مش وقته بس نا نبيك تعتبرها كلمة بيني وبينك لعند الظروف يسمحن وتمشي غيمة هالحزن
موسى بحت فيه وهو مش فاهم شن طلب جهاد
جهاد:عمي موسى نا جايك وطالب منك ملاك ومانبيكش اتردني
موسى بحت في جهاد زين وكتبله
موسى:انت عارف الوضع توا مش وقت مواضيع هكي
جهاد:عارف ونا مانبيش اندير شيئ توا نبي منك بس تعرف اني رايدها وماتعطيهش الاي حد غيري
موسى كتبله :جهاد انت وليدي وعارف معزتك عندي لكن لازم نسألها وناخذ رأيها
جهاد:حقك ياعمي
موسى كتبله: ان شاءلله ايصير خير بس جهاد بعد ياسين ماعاد عندي الا صدام وانت وراه صدام اصغير وخايب واليوم بيقرو فاتحته علي سارة خليك امعاه مااتسيبش ناعارف انها واعرة عليه وخايفة ايدير حاجة ولا اتصيرله حاجة
جهاد:كون مطمن باذن الله مش حنسيبه بروحه بكل
موسى كتبله:الله ايربحك
جهاد:نا ماشيله توا اتوصيني علي حاجة
موسى كتبله:سلامتك
جهاد صبى وطلع وهو وصل عند الباب وتلاقه مع ملاك وسجى وصدام خاشيين مع بعضهم وشاف ملاك وفرح لما لقى مافيها شيئ وابتسملها وهي قلبت وجهها وخشت جوا 😒
طلع جهاد برا ومسك تليفونه ودز رسالة علي تليفون سجى مكتوب فيها( قولي الملاك راه انحبها ونبيها متشوهة ولا لا نبيها وراه طلبتها من عمي موسى وهو بياخذ رأيها ولو ترفض نقسم بالله نخطفها )
سجى قرت الرسالة ومدتها الملاك وملاك قرتها
سجى:كنت متأكدة ان حيدير هكي شفتي ان ايحبك بجديات
ملاك ابتسمت:خوك مطرشق
سجى حظنت ملاك:بتقعدي مرات خويا ياكلبة
ملاك:نا مازال ماوافقتش 😒
سجى:بتوافقي وغصبن عنك 😏
ملاك:لا مازال غير الزواج بالغصب
سجى ضحكت:تي وافقي عشان نقعدو ديما مع بعضنا وماحدش ايقولك روحي
ملاك ضحكت:اذا هكي حنوافق😂
سجي قعدت تضحك😂
/
/
مر الوقت وكل واحد لاهي في حياته
لعند العشية وجا وقت قراية الفاتحة
قرو فاتحة سارة علي صدام والاثنين كانو في عالم ثاني ماحدش فيهم راضي باللي صار لكن كان امر واقع وانفرض عليهم
صدام كان مع جهاد في حوشهم ومن اول ماقرو الفاتحة وهو يبكي 😭
أما سارة اول ماقرو الفاتحة من كثر القهرة لين اغمى عليها ولما وعيت كملتها غير تبكي 😭
في حوش عمي موسى من اول ماانقرت الفاتحة والكل وواجعهم اللي صار بس هذا الحل الوحيد عشان سارة وجوري يقعدن بينهم💔
/
/
طبعا عيت عمي موسى دارو عشاء بسيط علي جية سارة الهم
سارة خذاها عمها هي وجوري وشالها الحوش عيت عمي موسى ومن اول ماخشت وهي تبكي هي وعالية وملاك 😭
/
/
#عندي_نا
مالعشية ونا مع جهاد في حوشهم لعند الساعة 12 كلمتني امي عشان نرقى علي سارة في الشقة واول ماسكرت من امي عزقت التليفون لعند تكسر
جهاد:كنك
نا قعدت نبكي:يبوني نرقالها
جهاد;وسع بالك مراتك توا وهذا اللي لازم ايصير
نا نبكي:مانقدرش ياراجل هذي مرات ياسين
جهاد بعصبية:معش اتقول هكي توا هي مراتك
نا قعدت انخبط في راسي عالساس ونا نبكي ومش مصدق اللي بيصير وان توا بنخش علي سارة علي اساس انها مراتي ونا من اول ماعرفتها وهي مرات ياسين 💔
/
/
#عند_يوسف
كان في المربوعة وايفكر في نور واللي صاير امعاها خصوصا ان رسائل التهديد كاثرات علي رقمها وهو فعلا كان خايف عليها وخصوصا ان مروان مازال لعند توا ماتحاكمش
واكثر شيئ كان ايفكر فيه هو كلام صاحبة وقعد ايقلب في الموضوع في راسه
وبعد تفكير طويل صبى ومشى الدار ياسمين دق الباب
ياسمين:من
يوسف :نبي نور اشوي
ياسمين فتحت الباب ونور لبست وشاحها
يوسف خش وقمعز مصادر نور
يوسف:نور نا من بدري انفكر فيك وفي اللي قاعد ايصير امعاك وخايف مروان ايطول مايطلع ومالقيتش الا حل واحد عشان نعرف كيف نحميك ماللي قاعد ايصير امعاك ونمنع اي حد ايقرب منك
نور:شنو
يوسف:نا بنمشي نطلبك من مروان ونجوزو
نور:???
/
/
#عندي_نا
بعد رنين امي علي تليفون جهاد تبيني نمشي السارة قويت روحي وطلعت للشقة ونا في كل درجة نرقاها كرعي ايرقدن لعند ماوصلت عند الباب 💔
/
/
جهاد هو اللي وصل صدام عند الباب وبعد صدام رقى فوق كلم سجى وخلاها اطلع ملاك برا واول ماطلعت للجنان خش عليهن وسجى سيبتهم وخشت وملاك جت بتخش وراها وجهاد مسكها من يدها
جهاد:صار اشوهتي
ملاك ارتبكت:سجى هي اللي قالت انديرو هكي
جهاد:عشان بتأكدي من حبي لك
ملاك ماردتش
جهاد:انتي عارفة اني انحبك
ملاك :نا بنخش وجت بتخش
جهاد زر علي يدها زين :بتوافقي صح
ملاك:لا 😒
جهاد:غصبن عنك بتوافقي
ملاك بهزوة:عليش غصبن عني 😏
جهاد: عشان انحبك وبناخذك غصبن عنك
ملاك:بس نا ماانحبكش 😒
جهاد كرها شوره وقربها منه زين وقعد ايشوفلها:متأكدة مااتحبينيش
ملاك ترعش:متأكدة
جهاد: حنتأكد بروحي وقعد ايشوف الشفايفها وايقرب منها
ملاك ترعش:نكذب نكذب انحبك واموافقة عليك وخشت تجري
/
/
#عند_يسرا
راقدة في دارها ووعاها من نومها صوت حمزة وامعاه شباب وصوتهم يضحكو وامولعين اغاني والدنيا شايلة قعدت خايفة وترعش وبعد اشوي خش عليها حمزة
حمزة والسانه ثاقل:هي صبي وتي روحك
يسرا بخوف:علاش
حمزة:اصحابي بيسهرو مع وحدة ومالقيناش خليهم يسهرو امعاك
يسرا بصدمة:انت شني اتقول
حمزة يضحك :علي اساس الشيئ هادا غريب عليك ماهو دايرتيه ازمان
يسرا تبكي:مستحيييل انديرها
حمزة مسكها من شعرها:توا بتلبسي احوايجك وبتطلعي ورايا فهمتي
يسرا;???