رواية جريمتي الثانية الحلقة الثانية 2 - بنوتة الشيخ

رواية جريمتي الثانية الحلقة الثانية 2 - بنوتة الشيخ

    رواية جريمتي الثانية الحلقة الثانية 2 - بنوتة الشيخ

    رواية جريمتي الثانية الحلقة الثانية 2 - بنوتة الشيخ 

     

    لقراءة رواية جريمتي الثانية كاملة : اضغط هنا

    رواية جرمتي الثانية الحلقة الثانية 2 كاملة مكتوبة للكاتبة أروى طاهر المسلاتي - بنوتة الشيخ  

    الحلقة قيد الكتابة حاليًا وستتوفر قريبًا كل ما عليك هو حفظ هذا الرابط لديك ومعاودة زيارتنا بعد قليل.


    كان زياد واقف برا يحكي ع التالفون ويضحك بصوت عالي ويدخن ...سمع الخبطه تلفت شاف بسمه مغمى عليها
    زياد:تمام تو نهدرزو طير توا عندي مندير ...ماشي سلام
    سكر الخط وطلع سلاحه ..كان حاس ان بسمه تمثل وممكن تستدرج فيه للاسطبل عشان يشدوه 🤷🏻‍♂️
    تفكير زياد كله كان حربي هلبااا ويتعامل بي الخبث
    سحب سلاحه وخش للاسطبل يتفحص في المكان بعيونه لين عرف انه فاضي
    رجع السلاح لي جيبه وحط يده تحت رقبت بسمه يحاول يفيقها ...يابنت يابنت
    بسمه:مغمى عليها في عالم تاني
    زياد:فهم شنو يلي صار !...واضح ان اللوحه الكبيره طاحت على راسها من كثر الخبط علي الباب ولهاذا السبب طاحت دايخه
    بسمه:بدت تستعيد في وعيها بس عيونها كانو مقلوبات
    زياد:قعمزها ع الارض ويحاول يخليها تنوض بس عيونه كانت مسافره لي اماكن ثااانيه🔥
    بسمه:حطت يدها على راسها ...اااه وين من انت بعد
    زياد:يتفحص فيها بعيونه بنضرات مش مزبوطه
    بسمه:نتبهت ان عيون زياد على بلوزتها المفتوحه شويه ناضت بسرعه خايفه وطاحت مرتين وتحاول تنوض
    زياد:بشويه عليك حوشكم مش طاير
    بسمه:كملت طريقها مستنده ع الحيط لين وصلت الحوش وراسها يوجع فيها من اثر الطيحه 💔
    زياد:رجع شعره للخلف...قنينه لشيت
    بالبان(صاحب زياد):شنو بترقد برا جنب دجاجاتهم ؟كأن عجبك جو المزارع من بكري وانت برا
    زياد:خش داخل راهم يغلطو فيك ويربطوك مع الحمير 😂
    بالبان:توجع شويه لاكن ميه ميه خش تعشى
    زياد:خلي عيونك مفتحه مش مطمن لشباني
    بالبان:من بكري معش ريته يخدم في الفلوس يا راجل علاش بتخاف منه
    زياد:خلي سلاحك تحتك تشوفه دار لقطه غبيه ولا ناويه على حاجه اجبد بناته طول
    بالبان:بناته؟😧
    زياد:لوح المستكه ع الارض...اي بناته يلعب بديله مش رح نرحمه هيا خش
    بالبان:خش ورا زياد وهوا مش متمني تكبر القصه ويصير فيها اعتداء ع البنات 🤷🏻‍♂️
    بالبان هوا واحد من رجالة زياد او الاقرب ليه ويفهم فيه على الطاير مشكلجي زيه وعقدته في الحياة انه معنداش لحيه 😂بس دمه خفيف ويحب يستفز الناس تو نتعرفو على شخصيته القدام
    _______________
    بسمه:قعمزت ع الكرسي ..ولا شي اللوحه طاحت على راسي بس اااااه
    سميره:شافت راس بسمه ...نوضي مفيك شي بلا دلع
    بسمه:خشيت بسرعه شفت واحد من الرجالا طلع برا
    سميره:كله لازم نديره بروحي بايرات متهنوش على شي ...وطلعت
    فرح:ياوخيتي واحد منهم يجنن منضره 🤤
    بسمه:اذكرت نضرات زياد ليها وجماله❤️🔥..ناضت للحمام تغسل في وجها وتصحصح محكتش لي امها ان اغمى عليها 🤦🏻‍♀️
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    في مدينه تااانيه⭐️⭐️
    شيخه:مقالكش خوك وين طالع؟
    محمد:ماسك يقرا في كتاب ...بايت برا بكرا مروح
    شيخه:احمم..اءء الجو قنين اليوم
    محمد:ابتسم...في كلام عندك احكي امي
    شيخه:شوف ياولدي الدنيا نصيبات
    محمد:سكر الكتاب بي انتباه ....اي؟
    شيخه:بنت الصادق يلي خطبناها رفضو العيله
    محمد:ابتسم بي ارتياح ❤️
    شيخه:متأكده سبب الرفض خوك زياد وعمايله الوسخه الله يهديه
    محمد:فرحان من داخل ...في النهايه زياد خوي الصغير مهما كان سيئ يقعد خوي
    شيخه:تنهدت ...به توا شنو ؟!كيف يصير
    موده:حطت سفرة القهوا ...امي خلي محمد هوا يختار المره هاذي
    شيخه:قامت حاجبها...وهوا من وين يعرف البنات؟بالك تسحابيه صايع زي مقصوف الرقبه زياد حتى التشاديه بلي ساكنه ورانا مش مخليها في حالها غبر فيه
    موده:ههههههه تي لا يا امي مش هكي ..نقصد مرات محمد عاجباته وحده او مرات يختار ويطلع حضه حلو ويوافقو
    شيخه:شبحت لي محمد....رسمي ها الكلام يا ولد؟
    محمد:بلع ريقه بتوتر...صراحه كنت حاط في بالي بنت الحاجه فاطمه بنت كويسه واضح عليها
    شيخه:ماريا بنت فاطمه؟😧
    موده:اي خيرك مصدومه والله محلاها البنيه
    شيخه:مفكرتش فيها الحق ...اي كويس غضوا نمشي نكلمها ان شاء الله
    محمد:تحشم...هي متبو شي!
    شيخه:سلامتك كلم خوك يروح غضوا ياسر من التنسريف برا
    محمد:ان شاء الله ....وطلع
    محمد اخ زياد وعكسه تمااااما شخصيه رزينه هلبا مش متع الدوا الفارغه مثقف وحتى محبوب بين الناس ❤️مش متع مشاكل محافض على صلاته وطبعه هااادي
    ___________________
    زياد:راقد ع الكنبه بي حوايجه وكندرته وسارح
    فتحي:شنو زعمى الشباني كملهم الفلوس؟
    بالبان:تسحابه بيدير كيكه امالا ..تي تزوير ياتشم يبي دقه وتركيز
    فتحي:الزح مستعجلين الجماعه يبوهم غضوا المغرب
    بالبان:شنو يا زياد امتى بنطلعو غضوا؟
    زياد:سارح يذكر لي بسمه وعيونها ..ضفرة شعرها يلي نازله لعند نهاية ضهرها
    فتحي:بصوت عالي ...زيااااد
    زياد:انخلع...تي ها النم
    بالبان:وين وصلت وين
    زياد:طلع من جيبه شيشه وشرب....عنده خلقت بنت الشباني هاذا ..واااك 🔥
    فتحي:ريحنا ياراجل وانت متقدرش تشد روحك لازم يصير موضوع نتايات
    زياد:شرب ...الله يبارك على انتاج المزارع وخلاص
    بالبان:كيف ريتها الهم انا مشفتش الا الدجاج صدعولي راسي تقول مقعمز في كنتاكي 😂
    زياد:رقد على ضهره والشيشه في يده....وهل يخفى القمر ؟
    فتحى:ياكل في الفستق...زياد كل مايتعرف على وحده يقول عليها قمر الله يبارك مجره كامله عنده 😂
    بالبان:حاله اقسم بالله
    زياد:سارح ويشرب
    _______________
    الساعه12:30في الليل...
    محمد:مقعمز في سيارته زي العاده ..متكي ع الكرسي ويفكر ...زعمى تتسخر الامور وناخدها؟!
    عمري ما فكرت ناخذ غيرها ولا حتى تخيلت روحي مع حد تاني رغم اني مكلمتهاش
    ولا حتى تعلم بيا !...هل توافق ولا تصدني ؟؟
    اااه الف حاجه في راسي مش لاقيلها تفسير 🤦🏻‍♂️امتى بنرتب اموري بس ....كمل محمد الليل كله يفكر في ماريا يلي حبها ونواها بي الحلال وكان فرحان مش عارف الزمان شنو مخبيله 🤷🏻‍♂️🔥
    مصطفى:السلام عليكم
    زياد:راقد...وعليكم السلام وين اختفيت
    مصطفى:نحى نضراته ....جبت العده متعي كانت في المخزن وقداش ليا مخدمتش بيها
    فتحى:وانت ان شاء الله مبديتش قاعد😱نهار اسود امتى تكملهم عاطيين كلمه لجماعه حني
    مصطفى:الطوم بي اذن الله نسهر عليهم
    بالبان:تي شنو بتسهر م....
    زياد:قاطعه...خلاص قالك بنسهر عليهم ...بعدين على راحته الراجل حتى كان يبي يرقد اليوم وغضوا ويبدا فيهم عادي
    فتحى:يشوف لي زياد بي استغراب
    زياد:تفضل يا عمي برا نضم امورك وبراحتك
    مصطفى:يشوف لي زياد ومش مطمن !...فاهم ان ورا اسلوبه الحلو شي تاني بس مش عارف شنو هوا؟
    طلع مصطفى وكمل زياد شرب وسارح يفكر
    اما فتحى وبالبان يلعبو في كارطه :-
    فتحي:علاش سموك بالبان؟
    بالبان:زمان خنبت لُبان بعته على الطريق ..مشي فيا الاسم
    فتحي:فقري من يومك في حد يخنب لوبان ياحمار
    بالبان:ترا خليني ساكت ومندكركش الاسبوع يلي فات شنو خنبت ...العب العب واسكت
    فتحى:😂😂
    بالبان:زياد سارح ...وشبحات هيا نعرفها في لقطه بتصير
    فتحى:شاف لي زياد ...يستر الله
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    ثاني يوم:-
    بسمه:ربطت راسها بي شاش ابيض وفوقه وشاح ❤️وزي العاده طلعت عشان خدمتها يلي متعوده كل يوم ادير فيها ...خشت للاسطبل حطت ماكله للحصان وطلعت
    زياد:واقف يغسل في وجها ويحاول يصحصح
    بسمه:تتفرج عليه من بعيد ....الميه يلي تنزل على لحيته وشعره المتناثر 🔥جاكيته الجلد والكدار يلي عاطينه منضر يجنن
    زياد:ابتسملها...صباح الخير
    بسمه:نزلت راسها ...صباح النور
    زياد:قرب ....حلوه مزرعتكم ع فكره
    بسمه:تلم في عدة الزرع متع بوها...اي عارفه
    زياد:اتكى على السياج...حرام جمال زيك عايش هنايا النم
    بسمه:قامت راسها...عن اذنك وعطاته بضهر
    زياد:ولع دخانه يتفرج عليها وعلى شعرها المضفور يلي واضح انه طالع بدون قصد❤️ومخ زياد كان مسافر بعيدددد
    _____________
    شيخه:الله يسلمك الله يسلمك حبيبتي
    فاطمه:شنو الصدفه الحلوه يلي جابتكم عندنا اليوم
    شيخه:هههههه تزبطي ع الطاير يا فطومه
    ماريا:تفضلي عمتي
    شيخه:زايد فضلك ياعزاله ربي يخليك
    ماريا:حطت سفرة القهوا ع الطاوله وقعمزت
    شيخه:خذت رشفه من الفنجان...خلي نجيك من الاخر ياغاليه ...انتم عيله كويسه ونعرفك يافاطمه زي مانعرف نفسي
    ماريا:حطت يدها على قلبها بخوف
    فاطمه:يبارك فيك
    شيخه:تعبتي وربيتي بنيتك مشاء الله لين كبرت وراحت عروس
    ماريا:لونها انخطف وخافت يلي في بالها يطلع صح !
    شيخه:نبي نطلب يد ماريا لي محمد ولدي على سنة الله ورسوله
    ماريا:طلعت بسرعه من الدار بدون ما تتكلم وقلبها يرعش من الخوف !!...عارفه كويس ان خوتها يحبو محمد ويحترموه ومستحيل يرفضوه او حتى يخلوها هيا ترفضه🤷🏻‍♂️...سكرت على روحها الدار وبيدين مرتعشه اتصلت ...
    _______________
    مصطفى:هادم بي الدولار زي ماطلبت
    زياد:نحى الجاكيت وقام كمامه...منور ياحاج
    مصطفى:ياريت متخبرش حد ع الخدمه هاذي لاني خلاص بطلتها
    زياد:يعد في الفلوس...لا الامور طيبه ياغالي مدور شي
    مصطفى:تمام
    زياد:تم هيا ياولاد خلاص تمينا شغل هنايا
    بالبان:بالله ياعمي بيع دجاجاتك ينفخو فيهم في الليل مش عارف كيف متحملهم
    فتحى:ضربه على رقبته...سكفمك مدخلكش
    بالبان:ركب السياره هوا وفتحي وزياد لبس نضراته وماسك جاكيته ...بنقولك
    مصطفى:نعم
    زياد:الايام الجايه توقع نديرلك زياره عندي معاك موضوع
    مصطفى:معليشي لو قصة التزوير اكتر من هكي م...
    زياد:قاطعه...اطمن ميخصش الخدمه
    مصطفى:خذي نفس...يصير خير
    زياد:تم ياغالي هي ....ركب زياد سيارته
    بسمه:تتفرج عليه من الروشن كان في شي داخله منجذب ليه بس مش عارفه شنو!!
    زياد:ولع السياره وجت عينه في عينها 🔥
    بسمه:رجعت بسرعه وسكرت الروشن
    زياد:ابتسم وطلع بي السياره
    _____________________
    ماريا:فيصل ديرلي حل وراسك😭💔
    فيصل:شن خطر على امه الكلب هوا باش تجي تخطبك فهميني ؟؟
    ماريا:تمسح في دموعها منعلمش معنديش اي علم بي الموضوع لين توا سمعت منها
    فيصل:انا محمد معنديش معاه دوا تو نتفاهم مع زياد
    ماريا:به المهم دير حل
    فيصل:تمام توا سكري
    ماريا:سكرت الخط وكانت مرعووبه !!...مش مستوعبه فكرة ان شخص تاني ياخدها غير فيصل !!
    __________________
    ((مشهد مسرع ))
    بسمه:حطت يدها علي يد زياد يلي ماسك بيها الموس ....بتقتلني زياد؟
    زياد:سكري فمك متزديش معاي حرف وربي لو نتأكد بسسسس ساعه متقعديش حيه
    بسمه:رمشت بعيونها نزلو دموعها مع بعض
    زياد:قرب منها وكان نفسهم مختلط ببعض ...متبكيش
    بسمه:تبكي بصوت واطي....زياد معش نتحمل
    زياد:دخل يده بين شعرها ومسكها بقوه...متبكيييييش قتلك
    بسمه:تحاول تهدا بس قلبها بيوقف
    زياد:بدون شعور قرب منها كان يبي يبوسها يحضنها ع الاقل عشان تسكت💔بس اول ما انتبه على نفس جن جنونه و......
    نرجعو للوقت الحاضر ..خلونا نمشو شوي شوي لين نفهمو شنو يلي صاير ❤️❤️
    ___________________
    زياد:هاذم الفلوس برو نضمو معاهم الجو انا بنرقد تاعب
    بالبان:تم يا أبآ زيد
    زياد:ضحك ..اقلب وجهك انزل
    بالبان:نزل من السياره هوا وفتحى وزياد فتح تالفونه
    زياد:ايوا
    عُلا:صارله زمان القمر مابان
    زياد:في الحوش انتي؟
    عُلا:اي ان شاء الله بتجي؟
    زياد:اي حاس بروحي متصندل من شرب امس منبيش نروح هكي للحوش خوي قاعد ونفخ
    عُلا:به تعالا يابيبي تو انضملك الجو عندي
    زياد:تم هي
    عُلا:باي...وسكرت الخط
    ___________________
    بسمه:خشت اضم في الغرفه يلي كانو فيها زياد واصحابه كانت في ريحة بارفان قويه !!نفس يلي شكتها لما وقف عليها زياد ...السؤال يلي محيرها ليش في شي قوي جذبها ليه؟!
    واضح من لبسه والسلسله يلي لابسه وضحكه العالي وخواتمه وحتى نضراته انه صايع!!...عنده شخصيه قويه لاكن صايع ومستهتر ..شنو الشي المميز يلي خلاها تفكر فيه بي الطريقه هاذي؟
    نهت سؤالها هاذي بكلمة.....ممكن اعجاب بي شكله بس 🤦🏻‍♀️خلاص روح وتمت القصه
    بدت ترتب في الغرفه ولقت شي غريب طايح ع الكنبه....يتبع
    مزال في شخصيات مطلعتش ...خلو رايكم في تعليق هي❤️

    إرسال تعليق