رواية إنتحال طفلة الحلقة الرابعة عشر 14 الأخيرة كاملة pdf - بنووتة الشيخ

 رواية إنتحال طفلة الحلقة الرابعة عشر 14 الأخيرة  كاملة pdf - بنووتة الشيخ



لقراءة رواية إنتحال طفلة كاملة للكاتبة أروى طاهر المسلاتي : اضغط هنا

فيديو مُهم قبل قراءة الفصل

رواية انتحال طفلة الحلقة الرابعة عشر 14  كاملة مكتوبة




منار؛فتحت عيونها ببطئ...قعمزت في مكانها تحاول تصحصح ونزلت من السرير !!
نصدمت في الصاله يلي كانت مقلوبه فوقي لوطي اماعين مكسرات ومرش متناثر كأن صايره حرب فيها !!

ندى:الغلط منها هيااااا ..لانك عطيتها وجه يومين وكلفتها في كل شي بخدمتك وهيا فهمت الاهتمام هاذا غلط في غلط
سراج:امورها انا موهمت حد بشي وموعدت حد
ندى:يالله ربي يشفيها وتطلع من المشفى بي السلامه ..المهم توا منو يلي كان عندك واضح الدنيا مقلوبه
سراج:فتح شيشة الميه ...مجموعه ليهم فتره يلاحقوً فيا وكل شويه يديرو زياره
مدى:هاذا يلي خلاك كل شويه عند قسم الاسعافات
سراج:اي ..
ندى:شن يبو منك؟
سراج:انسي....انتي ليش جايه هنايا ؟في شي
ندى:حطت صندوق صغيره ع الطاوله ...بضاعتك يلي قعدت في المكتب
سراج:مشكوره
ندى:قربت عليه شويه...متأكد من قرارك؟
سراج:شي اكيد
ندى:قامت يدها ومسكت في جاكيته...تبيش مساعده او شي !!
منار:سراج!!
سراج:بدون ما يشوف لي منار مسك يد ندى ونزلها..لالا اموري تمام
ندى:ساوت وشاحها ...تمام امالا موفق في حياتك رغم ان حرام خسرت شغلك بس ان شاء الله تكون قده القرار هاذا..وشافت لي منار بحسد
سراج:هز براسه
ندى:طلعت وسكرت الباب
سراج:خذي نفس عميق وابتسم وتلفت ❤️
منار:قرنت حواجبها وخشت
سراج:لحقها
منار:خشت لدار وحاولت تسكر الباب لاكن بسرعه ما منعها سراج
سراج:فتح الباب وخش ...خيرك؟
منار:ولا شي خيرني!
سراج:ربع يديه وشبحلها بنضره غريبه
منار:نقصد ان ...يعنى عادي شن فيها وحده منعرفهاش واقفه تهدرز عليه وماسكه في سوريتك 🙂عادي يعني
سراج:تغاري؟😉
منار:هه علاش بنغار
سراج:به كويسلان منحبش البنت يلي تغار ونحب ندير صديقات هلبا
منار:حطت يدها في نصها ...والله ياروح امك🤨صديقات قااال!!
سراج:ضحك وحضنها بيد وحده ..😂❤️
منار:خدودها حمررر ومتكنطيه..بعد من عليا سراج 😡
سراج:يتكلم تحت وذنها🔥...اسكتي متعليش صوتك
منار:خذت نفس ...به سكتت
سراج:خلاها توقف مقابله وجها ومسك يديها...بكرا بنرجع لي مدينتي
منار:عيونها يلمعو وقلبها يدق خايفه...به؟
سراج:وتي روحك بنرفعك معاي خلاص معاد عندنا علاش قاعدين هنايا
منار:شنو القرار يلي خذيته في شغلك؟
سراج:خلاص معش تجيبي سيرته الشغل
منار:سيبته😨؟...سيبته الشغل سرااااج
سراج:ابتسم...المهم نكونو مرتاحين
منار:بسببي صح!!بسببي كله مني ان شاء الله نموووت😭😭💔
سراج:حضنها...اششش معش تعاوديه الكلام هاذا معش نبي نسمعه منك !!..مسك وجها بيديه ويشوف لي عيونها ...توا انسي كل شي
خليك مركزه فيا وفي حياتنا يلي بنعيشوها وبس!
بوك مش ساكت ع يلي درتيه ولازم نطلعو من هنايا في اقرب وقت
منار:حضناته بقووه ...خايفه
سراج:مسح عليها بحنان...انا قاعد وزي ما واعدتك متخافي من شي وانا موجود❤️..توا وتي حجاتك وانا بنقيم الدنيا المكسره باش نطلعو الصبح بكري
منار:هزت راسها
سراج:باسها على راسها ...ومشي

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

غزلان:فتحت عيونها مش مذكره هيا وين؟ولا شنو صاير ..لحضات وفهمت ان هيا في المشفى!
الممرضه:الحمد الله ع السلامه
غزلان:مردتش ...انا شن جابني هنايا
الممرضه:عدلت التغديه...تعبانه شويه بس رح تمشي امورك ان شاء الله ..راجلك او خوك من بكري واقف برا خايف عليك
غزلان:مش فاهمه ..منو؟
الممرضه:تلم في الدواء...لابس بدلة شرطه
غزلان:ابتسمت ❤️...لاكن بسرعه ما اختفت الابتسامه لما اذكرت انها فتحت الباب وبعدين اغمى عليها !!
قامت يديها ونصدمت كانو مغطيات نزلو دموعها وتترجى في الممرضه تفهمها يلي صار
الممرضه:تحكي بتوتر...قاعدين يحققو برا في شخص هجم عليك وصب عليك امية نار يقلولها الميه هاذي تخلي الجلد ينحرق
غزلان:تشوف لي يديها وتبكي
الممرضه:تحاولت تخفف عليها..اهدي الحمد الله يلي ماجتش في وجهك تلقيتيها بيديك خير من الوجه
غزلان:كانت تبكي بحرقه وداخلها تندب في حضها ليش يصير معاها هكى وهيا مشافتش يوم حلوو في حياتها !!؟

_____________
هويدا:شوي شوي ردي بالك
هناء:قعمزت في كرسي السياره وتتألم من يدها
اب هناء:شافلها في المرايا...الحمد الله ع السلامه يا احلا شرطيه في الدنيا كلها
هناء:ابتسمت ..الله يسلمك يا اب الشرطيه❤️
ام هناء:وانا جنبك رجل كرسي ؟🙂
هويدا:هههههه امي تغار يابابا رد بالك
اب هناء:ضحك اي اي عارف😂❤️
هناء:حطت راسها ع المرش وهيا تحكي داخلها...مفيش شي كامل💔ممكن هلبا عليا يكون عندي عيله سعيده هكي والانسان يلي نحبه يكون ليا!💔
لازم نتقبل فكرة انه لي غيري والكلام يلي حكيته بي منار كان غلط!...ربي يهنيهم وينسيني فيه
رغم انى عارفه رح نعاني هلباا ..بس هاذا المجود!

___________________
الساعه11في الليل:-
ام غزلان:تنهدت بوجع...الحمد الله على كل حال احمدي ربي يابنتي
غزلان:تبكي..الحمد الله
غاليه(اختها المتزوجه):الحمد الله مجتش في وجهك حسبي الله ونعم الوكيل فيه هذاك الحقير
ام غزلان:ربي ينتقم منه قاصد يشوه وجها باش محد ياخدها ياوليه من ربي ياويله
غاليه:منو يلي واقف برا من الصبح لعند توا قاعد
ام غزلان:هاذا يلي ساعد غزلان على موضوع طلاقها وقاعد يساعد فينا لاتوا بارك الله فيه
غاليه:بالك حاط العين عليها❤️
غزلان:متحت دموعها في كتفها...انتي في شنو وانا في شنو بالله عليك منو مزال يرضى بوحده يديها متشوهات 😭💔
ام غزلان:اففف ياغاليه مش وقتك ووقت الدوه هاذي توا 🤦🏻‍♀️...اهدي بنيتي الله يربحك .

________________
سراج:سكر التلفزيون ...نوضي ارقدي لازم نطلعو بكري بكرا
منار:وقفت...تمام حوايجك وتيتهملك❤️
سراج:ابتسم..سلمها الفالحه
منار:متبيش ترقد انت🥺
سراج:لا بنرقد اكيد تاعب من الصبح نايض
منار:اشرت براسها ..به هيا ❤️
سراج:قرب عليها..خلينا هكي توا
منار:كيف🙄
سراج:بري ارقدي بروحك غلط نرقد جنبك مفي شي رسمي بينا
منار:انا انا مكانش قصدي ان ...
سراج:ابتسم وحط يده علي فمها...عارف وفاهم بس من خوفي عليك نحكي هكي!!
منار:ساكته
سراج:بري ارتاحي توا
منار:تمام تصبح ع خير
سراج:وانتى من اهلى❤️

________________
هناء:تتقلب طول الليل واجعتها يدها..بس اكيد وجع قلبها اكبر بي الف مره ومره !!
فتحت تالفونها تتفرج ع صور سراج ..لانها ديمه كانت تصور فيه بدون ما يعلم !!
من شدة حبها ليه حتى التفاصيل الصغيره ليه مركزه فيها ...ميخلاش الموضوع من شوية دموع نزلت بدون ما تحس رغم انها حاولت الف مره انها تحبسهم لاكن عيونها خانوها 💔

ناصر:طول الليل قدام غرفة غزلان مش قادر يخش ولا قادر يروح ويخليهم وكان يغغغغلي داخلها لانه معنداش اي دليل يثبت ان راجلها الاول هوا يلي اعتدى عليها !!بس حبه لي غزلان خلاه يقرر يطلع ع القانون شويه عشان ياخذ حقها 🔥
منار:بعد صراع طووويل بينها وبين تفكيرها رقدت ❤️عكس سراج يلي استسلم لي النوم من كثر التعب وداخله فرحان ومتريحً بي القرارات يلي خداهم ❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

ثاني يوم ❤️⛅️
هويدا:فاتحه نصف عيونها ...وين ع الصبح؟
هناء:بندير تحليلات وبنخطم علي العمل في حجات بناخدهم
هويدا:من رافعك؟
هناء:تلبس في جاكيتها وتساوي في يدها المكسوره...بابا بيرفعني
هويدا:به ديري بالك ...وتلفتت لي الجيها التانيه رقدت

_____________
غزلان:كانو عيونها تاعبات هلبا !!
الممرضه :صباح الخير
غزلان:صباح النور ..وين امي ؟
الممرضه:تقريبا في الحمام ..تفضلي هاذا ليك
غزلان:تشوف في بوكي الورد يلي قدامها ❤️...منو جابه
الممرضه:ابتسمت...امس نسحابه خوك او راجلك بس اليوم عرفت انه معجب بيك محلاكم ربي يهنيكم بجد❤️
غزلان:بصوت واطي..ناصر؟!...معليشي عادي تقريلي شنو مكتوب؟
الممرضه:خذت الكرت وبدت تقرا....غزالتي
معش تبكي ومتخليش موضوع زي هاذا يأثر عليك
حقك خديته من امس مقدرتش نخليك ترقدي مضلومه ومن اليوم انا يديك وانا سندك وكل شي تبيه ولو وافقتي نكون راجلك اول ما ترمي العده نكون اسعد واحد في الدنيا ....ياربي محلااااكم 😍❤️
غزلان:استني استني ..كيف هاذي لو وافقتي ؟
الممرضه:خذت بوكي الورد تساوي فيه ...يعني يحبك ويبي يطلب يدك
غزلان:سكتت وتشوف لي يديها
الممرضه:حطت يدها على كتفه ...حضك قوي لان طحتي في واحد هكي كان شخص تاني راهو خلاك بتدريج ردي بالك تفرطي فيه ❤️

________________
سراج:ناض من النوم غسل وجها وصلى الصبح ..
ترن ترن ترن
سراج:السلام عليكم ورحمة الله وبراكاته
ترن ترن ترن
سراج:وقف ...الو؟
منار:صباح الخير
سراج:شاف لي غرفة النوم من بعيد ..منار!😨
منار:اي ياروحي منار ...محبيتش نخليك في دوامه مش فاهم شي وعبيت رصيد هلباااا خصوصي ليك عشان نفهمك
سراج:قارن حواجبه وساكت
منار:اول يوم لقيتني فيه في الكوخ كانت بداية اللعبه انا وبابا ❤️هدفنا واحد وقدرت نوصله
الهدف هوا انك تتقاعد على خدمتك ومعش تحط راسك من راس بابا لانك الوحيد في البلاد كلها يلي تجرأت توقف في طريقه ...ومفيش طريقه غير قلبك لان القلب قادر يخرب كل شي في حيات الانسان
سراج:قعمز من صدمته ..كل شي كان كذب؟
منار:اي ياقلبي كله كذب وقت ارتفعت حرارتي فجآه تخطيط مني عشان نتقرب منك عياطي ودموعي الاوراق يلي مخبيتهم حتى حبس بابا كله من ضمن الخطه عشان تثق فيا ونجحت 🔥
سراج:بصوت متقطع ومصدوم..ومدامك نجحتي شنو خلاك تتصلي ؟
منار:عشان نسمع نبرة صوتك هادي ونوريك ان الشر قادر ينتصر على الخير ونوريك اني طفله زي ماتقول وقدرت ننتحل شخصيه دمراتك ودمرت شغلك وخلت الشرطه كلهم مضحكه ...حاليا طالعه انا وبابا في طيارتنا الخاصه ....تعيش وتاكل غيرها ياااا ...سيادة الضابط سابقا ...وسكرت الخط
سراج:قعد فتره مش مستوعب يلي سمعه!!بعدين لوح التالفون ع طوووول يده

___________________
هناء:الله يسلمك شكرا
اب هناء:ماسك الكيسه...خلاص هناء؟
هناء:اي بابا هيا
اوس:خش يجري للمركز وكلهم يلي كانو موجودين اوضاعهم ملخبطه!
هناء:شن فيه؟
اوس:ماسك التالفون...امين هرب
هرب هوا وبنته في المطار
هناء:بنته😨😨😨😨؟؟؟
اوس:ايوا سيادة اللواء ...اي ...تمام ...تمام ...حاضر
هناء:واقفه مصدومه...بنت امين؟منار؟
اوس:يجهز في سلاحه...ضحكت عليه المهزب وبوها هرب بي كمشه وسخين من الحبس وتوا الزوز بيهوبو بي هويات مزوره وناصر من امس مهناش وهشام متشمت وانا معش عرفت وين نفرق روحي ....تي اطلع اطلع اطلللع معاهم يا ريس
هناء:شافت لي بوها
اب هناء:شنو؟
هناء:...

________________
امين:قعمز ع كرسي الطايره ويشوف لي منار...شاطره يافرحه طول عمرك
منار:سكرت مرايتها ...تربيتك ياغالي 🔥
امين:لبس نضراته ويتصفح في تالفونه ومرتاح ❤️
اما منار..اتكت ع الكرسي وغمضت عيونها ...والطايره طلعت

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

صبريه:اتصل بي خوك شوفه وين
فراس:علاش ؟!
صبريه:قال اليوم بيروح ترا كلمه
فراس:خذي تالفونه واتصل....تالفونه مسكر بالك في الطريق
صبريه:هاذا ميتريحش لين يقتلني من خوفي عليه 🤦🏻‍♀️

_________________
امين:منااار منااار
منار:ناضت تحك في عيونها...هااا؟
امين:يتثاوب...هيا وصلنا انزلي
منار:تحرك في رقبتها...مسرع
امين:راحت علينا نومه ...بسرعه ورانا طياره تانيه اطلعنا من تونس
منار:خذت شنطتها ونزلت مع بوها ...وهني كانت الصدمه !!!

المكان كله مطوق بشرطه حراس بوها مسلمين سلاحاتهم وقايمين يديهم !!!
منار:ساكته وتشوف لي بوها
اللواء:امين السيد سلم نفسك بدون شوشره
امين:نزل الشنطه متعه ببطئ وقام يديه بي استسلام
منار:وجها لين اسود من الصدمه ...سمعت صوت وراها تعرفه كويس 💔
سراج:اهلين بيك في ليبيا مره تانيه
منار:تشرف لي سراج وكيف لابس البدله بعد ما تقاعد؟؟
هشام واوس خذو امين حطوه في سيارة الشرطه وصارت دوشه كبيره
سراج:واقف قدام منار وفي عيونه كسرة خاطر ..اول مره يشوف منار بلبس هكي ومكياج بي الطريقه هاذي !!كان مصدوم فيها وفي داخله قهر كبير!!!
منار:س سسراج
سراج:امس لما نضتي في عز الليل وكلمتي شخص اول مره نسمعه وتفاهمتو كنت نسمع فيك💔
كنت نسمع فيك لاني مقدرتش نرقد وانا نفكر في مستقبلي انا وياك !!...مقدرتش نرقد من فرحتي كيف قدرتي تقتحمي حياتي وتخليني نحبك بطريقه هاذي !!...وقعدت للفجر وانا ندعي يكون حلم ويلي سمعته مش صح💔استنيت الشمس تطلع وانوض نلقاك راقده في سريري زي العاده
لاكن لما طلعتي وسكرتي الباب صوت الباب كان كف كبير ليا يا منار
منار:بلعت ريقها..اءء انا
سراج:كانت فيه لمعه في عيونه كأن دموعه بدو يتجمعو💔...اووووس
اوس:نعم سيدي
سراج:سكر عيونه وخذي نفس كبيررر...خذوها هاذي من قدامي
اوس:حاضر سيدي ...جبدو منار وركبوها لي سيارت الشرطه قدام عيون سراج💔
قدام عيون الشخص يلي تخلى علي كل شي عشانها وعرض حياته وخدمته للخطر باش يقعد معاها وهيا كفاته بطنعه في ضهره بدون اي رحمه 💔💔

وقف سراج يشوف كيف رفعوهم وطلعو بسيرات الشرطه وراهم ...سرح بي هلبا حجات صايره معاه !!واذكرهم
هناء:المركز كله يحكي عليك اليوم ومطلعين عليك كلام غلط بس انا وقفت قدامهم ودافعت عليك سراج اصحى من يلي انت فيه متقوليش شنو تحكى واضح من كلامكم معاها ان في شي بينكم لازم تذكر انها بنت امين ورح تقعد بنته واكيد تضحك عليك سراج فكر شويه معقولها بوها ملقاش فيها الخير
سراج:اطللللللللعي من حياتي مدخلكش انتي

اللواء:يتكلم ومتنرفز....يعني غلط وغير مقبول ضابط زيك ياخد بنت هكي
سراج:قام يده ونحى النجمات يلي على كتافه وحطهم ع الطاوله ....خليهم عندك مش رتبه يلي تحكم في حياتي وتحدد مصيري بي شي انا منبيشي
اللواء:😨😨😨
سراج:انا نستقيل ...
اللواء:خذي النجمات...لاني نحبك زي ولدي وعارفك متنرفز مش رح نوقع عليها استقالتك خوذلك راحه بعدين ساهل مستحيل نخليك تخسر شغلك

ندى:ساوت وشاحها ...تمام امالا موفق في حياتك رغم ان حرام خسرت شغلك بس ان شاء الله تكون قده القرار هاذا.
كل هاذي المواقف جو بين عيون سراج وهوا حاس بي قلبه ينزف💔كيف قدر حب منار يعمي عيونه ؟كيف مسمعش تحذيراتهم كلهم وكمل طريقه معاها !!!
سراج:بعدما ذكر الحجات هاذي فتح عيونه وشاف لسماء ويحاول ياخد نفس ...حس بي حد مسك يده❤️...شاف يمينه
هناء:زي ما كنت واقفه معاك قبل مش رح نخليك مكسور توا ❤️رح نقعد معاك لين ترجع توقف علي رجليك وبعدين نمشي زي ما انت تبي
سراج:ساكت وزاد قلبه تقطع اكتر

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

ناصر:قعد يراجي شهر كامل عشان كملت العده تبع غزلان وخطبها رغم انها قاعده مش مصدقه معقوله في حد يقبل بي وحده يديها متشوهات؟؟ومطلقه؟؟
بس ناصر كان يشوف فيها دنيته كلها واجه هلباااا مشاكل لان امهرفي البدايه رفضت تاخدها ع سبب انها مطلقه بس لما شفاته مسكر راسه عليها استسلمت ❤️😍

سراج:ترقى في شغله ورغم ان هناء يدها مكسوره وقاعده تعاني من جروح بس ساعداته لين دار انتقاله لي مدينته وسافر عشان يحضر فرح خوه فراس بدون ما يودعها او يشكرها حتى!!
انحكم علي منار بي السجن بتهمت تهريب مجرم ونقطعت كل اخبارها
اوس:لان كان مجتهد في خدمته هلبا ترقى حتى هوا ويافرحه ويش نديرلك طيريلي ولا نطيرلك😂💃🏻
ناصر:شنو حصلتي
غزلان:تشوف لي نفسها في المرايا ...منعرفش
حاسه نفسي سمينه فيه😭
ناصر:😂😂حبيبتي الدبدوبه
غزلان:واااااك😭💔..زيد اقهرني
ناصر:سكفمك نحبك حتى هكي
غزلان:حتى هكي صار متع واحد مقتنع اني سمينه🙂
ناصر:ههههههه
غزلان:سكر توا المرا جت
ناصر:خووووديه
غزلان:به باااي ...وسكرت الخط

اوس:نحصلو كسكسي قريب معناها
ناصر:طبعا امالا شنو
اوس:مبروك 🙂
ناصر:شنو الشبحه هاذي؟😂
اوس:لا شي حاسدك بس
ناصر:ضربه ع كتفه ..الفال ليك ياغالي
اوس:ان شاء الله

__________________
هناء:مقعمزه في المصحه ...ااه
الدكتور:تمام يدك كويسه هكي بداية شهر6لازم انحو البلاتين بعدين معش تبدي في حاجه ليه
هناء:تتألم ..كويس تمام
السلام عليكم
هناء:فتحت عيونها..صوت سراج😨...وتلفتت
الدكتور:اهلا
سراج:معليشي سامحونا خشيت طرل غير مستعجل
الدكتور:الحكومه تخش اكتى ما تبي تفضل
سراج:خش قعمز والدكتور طلع ...كيف الحال
هناء:بخير وانت
سراج:الحمد الله كيف حال يدك
هناء:تمام احسن ...امتى جيت؟
سراج:اليوم وصلت
هناء:كويس ...لو جيتني عشان اوراق الانتقاله كملتهم خليتهم عند اوس لان الاجازه متعي مكملتش
سراج:تمام...اءء عرس خوي تأجل
هناء:ان ساء الله خير؟
سراج:لا خير ...أجله بنديرو عرسنا مع بعض
هناء:اها💔يعني بتتزوج ..الف مبروك😅💔
سراج:يبارك فيك هاذا باش جيت اليوم
هناء:بلعت ريقها وداخلها غصه ...تمام خودهم الاوراق مختومات وربي يهنيك
سراج:الله يسلمك انا مجيتش عشان الاوراق
هناء:تشوف لي عيون سراج...لي شنو!تبي نساعدك في شي؟
سراج:اي
هناء:شنو به؟
سراج:بنتزوج و ....ملقيتش وحده احسن منك
عارف روحي عارف متحكي شي ومتجبديلي شي من الماضي !!
نبي نبدا صفحه جديده ونبيك فيها
هناء:قلبها يدق بقوه ...هااا!
سراج:منبيش كلام ودوشه هناء...موافقه او لا؟
مهما كان رايك انا نحترمه
هناء:اءءء اظ
سراج:نحى طاقيته وعدل شعره ونزل عيونه..موافقه تتزوجيني هناء؟
هناء:بدون ما تحس ...اي
سراج:قام عيونه وابتسملها ❤️

_______________
فراس :رغم تفاهته لما تزوج حس بي المسؤليه وكان احسن اب لي ولد خوه ❤️وبسرعه ما حواء حباته
اما فراس رغم حبه الكبير لي منار قعد يتلاشي مع الايام بسبب اهتمام هناء ليه وحبها يلي كان واضح في عيونها ❤️...النهايه
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

*مش ديمه يكون حب حياتنا هوا نفسه النصيب 💔لاكن اكيد ربي وح يختارلنا الاحسن ديمه ❤️
*العبره الكبيره والرساله يلي حبيت نوصلها ..راهو مش ديمه الشخص يلي تحبه رح ينفعك !!هلبا ناس انت تحبهم وتتحدى الدنيا على خاطرهم وتخسر احبابك والف حاجه في حياتك على خاطرهم وتجرح الناس يلي يحبوك بردو علي خاطرهم وفي النهايه يكونو اكتو ناس يكسروك 💔
*ركز في الناس يلي يحبوك ويوقفوً معاك وقت الضيق اكتر من الناس يلي انت تجري وراهم وانت بس يلي اضحي على خاطرهم !!
*ديمه افتح عيونك كويس لان لاااااازمً يكون فيه شخص عاطيك كل شي في حياته ويحبك بي عيوبك قبل مميزاتك لاكن انت يلي مش عاطيه مجال وانت يلي مقصر معاه!!!...وصدقيني رح تندمي هلبا لو خسرتيه
*الراجل بس الرااااااجل هوا يلي يحبك لانك انتي مش لي شكلك الراجل بس هوا يلي ياخدك مهما كنتي فيك علل الراجل بس يلي يتحدى كل الضروف عشانم
*مفيش راجل مصنع امنع تحكم فيه عيلته انه مياخدكش !!..معش تصدقو سبلة امي متبيكش وبوي ميبيكش !!...الراجل يقدر يقنع الدنيا كلها بيك لاكن لو كان راجل بس رح يدير هكي 🔥
وزي منقول ديمه انا اروى الطاهر المسلاتي الحب موجود في كل مكان بس انتي دوري واختاري صح ❤️❤️
ورات يكون جنبك وانت مش حاس ره❤️😉
تعليقات



حجم الخط
+
16
-
تباعد السطور
+
2
-