رواية إنتحال طفلة الحلقة الثالثة عشر 13 كاملة pdf - بنووتة الشيخ

 رواية إنتحال طفلة الحلقة الثالثة عشر 13 كاملة pdf - بنووتة الشيخ

     رواية إنتحال طفلة الحلقة الثالثة عشر 13 كاملة pdf - بنووتة الشيخ

     رواية إنتحال طفلة الحلقة الثالثة عشر 13 كاملة pdf - بنووتة الشيخ

    لقراءة رواية إنتحال طفلة كاملة للكاتبة أروى طاهر المسلاتي : اضغط هنا

    فيديو مُهم قبل قراءة الفصل

    رواية انتحال طفلة الحلقة الثالثه عشر 13 كاملة مكتوبة


    هناء:صباح الخير
    سراج:صباح النور
    هناء:ساكته
    سراج:ادكر...اءء تفضلي
    هناء:خشت ووقفت ع البار ....سراج دقيقه بس من وقتك فيه خبر او قرار خذوه لازم تسمعه
    سراج:قام حاجبه...خير ؟
    هناء:ال....
    منار:سراج
    سراج:اها
    منار:اه اهلين مريتكش😅
    هناء:اهلين
    منار:تالفونك يشرين من بكري
    سراج:حط الكوب ع البار وطلع من المطبخ للغرفه
    منار:فتحت الثلاجه..تفطري معانا؟😊
    هناء:شافت لي سراج لقاته لاهي...جديات انتى مصدقه روحك؟
    منار:معم🙄
    هناء:تتعاملي كأنك مرته هنايا انتي متتحشميش حتى قاعده مع واحد مش محرم ليك!!!
    منار:تشبحلها وساكته
    هناء:بالك تسحابيه بياخدك ؟او يبيك عشان يحس بي شي اتجاهك لا ياماما لاااا اصحى من الوهم يلي انتي فيه واذكري انتي بنت منووو ويلي قاعده معاه منو
    منار:شن تحاولي تقولي،؟
    هناء:سراج خلاك تتعلقى فيه عشان مصلحته وبس يومين بلكتير وتكوني في المكان يلي مفروض تكوني فيه من البدايه
    منار:ساكته وتشوف لي هناء بكسرة خاطر
    سراج:شنو هناء شن كنتي بتقولي؟
    منار:خشت للغرفه متنرفزه وسراج لاحض ها الشي !
    سراج:شن قلتيلها؟
    هناء:يلي لازم تسمعه من البدايه هيا صغيره وشايفه نضراتها ليك وكلامها كيف م...
    سراج:عصب عليها انتى شنو دخلك فيهاااا
    هناء:جيت هنايا عشان نعطيك خبر ان البنت بياخدوها بكرا لمؤسسة الاصلاع عمرها 17تحت السن القانونيه ومعندهاش حد ..المركز كله يحكي عليك اليوم ومطلعين عليك كلام غلط بس انا وقفت قدامهم ودافعت عليك سراج اصحى من يلي انت فيه متقوليش شنو تحكى واضح من كلامكم معاها ان في شي بينكم لازم تذكر انها بنت امين ورح تقعد بنته مش......
    سراج:قاطعها...خلااااااااص خلاص عاد اطلعى من حياتي حاشيه راسك في كل شي خلاص مليكش علاقه فيها ولا فيا ومعش ادافعي عليا الهي في روحك وفى خدمتك وبسسس
    هناء:حست ان في شي انكسر داخلها💔وعيونها تعبو دموع
    سراج:سيبها ولحق منار
    هناء:خذت المفاتيح وطلعت من الشقه صدمتها وقلبها يلي كسره سراج في لحضات منعوها حتى تبكي من الصدمه 💔

    _________________
    ناصر:واقف قدام المركز يدخن ويحكى مع غزلان واتس
    غزلان:تمام دير بالك ع روحك
    ناصر:شنو بديري؟
    غزلان:ولا شي بنرقد شويه
    ناصر:اي ارقدي باش تسهرى معاي بعدين مش زي امس رقدتي والنت مفتوح
    عزلان:😂😂به تمام
    ناصر:هي غزالتي ديري بالك لين نروحلك
    غزلان:تمام🙈❤️
    ناصر:سكرت تالفونه ..حطه في جيبه ...وين ياااا
    اوس:قاعد ياعمنا انت غارق في العسل
    ناصر:اخخخ يا اوس 🤤🤤
    اوس:ع اساس بتخطبها يعني
    ناصر:قعمز ع الكرسي...امالا بنضيع وقتي معاها ونسيبها؟خيرك هبلت ولاشايفني مراهق
    اوس:لا بس يعني ...هيا مطلقه
    ناصر:شن ناقصها؟وكان مطلقه
    اوس:نضم امورك يا حبيبي قصدي بتقابلك هلبا مشاكل
    ناصر:فداها 🤤❤️
    اوس:بصوت واطي ..طيح سعدكم

    __________________
    هناء:ولعت سيارتها تسوق وكانت منهاره تبككككي 💔وتخبط في السياره ...كله ممممني مني انااااا 😭انا يلي غلطت وحبيته ومرضيت فيه شي رغم اني مفروض منعبرااااااش زي مادارلي 😭😭
    انا حماره علقت قلبي بيه وعارفاته مش رح يكون ليا 😭💔...اااااه😭😭😭😭
    نزلت راسها وهيا تسوق تمسح في دموعها واول ما قامت راسها شهقت بصدمه من طانطا كبيرررره قدامها بسرعه غيرت اتجاه السياره ع اليمين ونقلبت السياره مرتين !!!
    طلع الدخان من السياره وبسرعه ماتلاقت عليها الناس

    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥

    طق طق طق
    منار:مسحت دموعها بسرعه وتحاول تبين طبيعيه
    سراج:فتح الباب ...نخش ؟
    منار:ضحكت ...انت خشيت خلاص
    سراج:ابتسم لانها ضحكت❤️...بنسبه لي كلام هناء م.....
    منار:قاطعاته ...عندها الحق وكلامها صح!
    يعني في النهايه منو نكون انا وغلط يلي درته قعدت معاك هنايا ..انت في النهايه عندك اهل لازم تروحلهم
    سراج:ساكت ويشبحلها
    منار:وانا نمشي للمؤسسه زي ما حكت 💔اصلا كويس يلي عندي مكان نقعد فيه مهما كان سيئ
    سراج:منار لاز.....
    منار:شبحتله..سراج!
    خلاص انا فاهمه كل شي شفت المسج يلي وصلك اليوم واضح طالبينك في الخدمه عشان موضوعي عارفه انا ..امك كل يوم تتصل تسأل فيك امتى بتروح وانت مش قادر تعطيها موعد رغم انك خلاص كملت المهمه متعك
    سراج:قرب عليها ومرر يده بين شعرها وقرب عليها...منار
    منار:حطت يدها علي صدره تبي تباعده وسكرت عيونها ...سراج!
    حبيتك❤️نقصد ان حبيت الامان يلي كنت فيه معاك حبيت حنيتك وكيف انك مخليتنيش بس اناضريتك هلبا توا 💔
    سراج:سكر عيونه وقرب راسه لي وجها...يعني محبيتينيش؟!
    منار:لا مش هكي !
    سراج:بي انفاس سخونه يحكي وببطئ..امالا شنو؟
    منار:ارتبكت...انا!! انا
    سراج:مسكر عيونه ومقرب عليها...انتي شنو
    منار:انا غلطت وحبيتك عارفه روحي صغيره وبنت ....
    سراج:اشششش متكمليش ...انتي بنتي انا توا
    منار:فتحت عيونها حست الكلمه في داخلها❤️❤️
    سراج:انتي بنتي وفي حمايتي وحتى لما نرجع لي مدينتي بتكوني معاي واول منوصلو تكوني حلالي
    منار:قلبها بيطلع...سراج تحكي جديات؟
    سراج:فتح عيونه وباسها على خدها...امتى كذبت عليك انا؟
    منار:ساكته ..🥺🥺🥺
    سراج:يمسح علي شعرها ويحكي بطريقه تجنن🔥...هيا نفطرو باش نعطيك تكلمي امي بعدين ع الاقل لما نوصلو تكون تعرفك
    منار:مصدومه
    سراج:منار؟
    منار:ها😅
    سراج:ضحك...امشي اسبقيني
    منار:رجعت شعرها ورا وذنها وطلعت وخلاته ❤️

    __________________
    هويدا:واقفه هيا وامها قدام حجرة العمليات يبكو وبوها مقعمز من بعيد بحيل مهدود 💔
    هويدا:ماشيه جايه تدعي وقلبها بيتقطععع على امها
    اما هناء كانت مش حاسه على شي ...كانت في عالم تاني تحت العمليات مش عارفه حد ولا فايقه على ولا حاجه 💔

    الدكتور:طالع من الحجره يمسح في وجها من العرق
    اب هناء:طمنا دكتور الله يخليك
    الدكتور:حاليا العمليه نجحت الحمد الله كسر في اليد وشوية جروح خارجيه
    هويدا:مسحت دموعها...شكرا ربي يبارك فيك
    ام هناء:نبي نشوفها تربح😭💔
    الدكتور:اول ما تطلع للملاحضه بي اذن الله تقدري تشوفيها بس توا ممنوع !

    _______________
    سراج:غير حوايجه ولبس بدلة الشرطه زي العاده
    منار:طالع 🙄
    سراج:اي عندي كم حاجه بنديرها وجايك مش رح نعطل❤️
    منار:بي نضرات خوف..به تمام
    سراج:خذي تالفونه وطلع ...وصل قدام الباب بعدين رجع شاف منار قاعده تشوفله !
    منار:واقفه ..خيرك نسيت شي؟
    سراج:ابتسم وباسها علي راسها ❤️
    منار:حست براحه غريبه كأنه يوعد فيها ان يقعد معاها ومش رح يخليها❤️❤️
    سراج:طلع وسكر الباب وراه ...كان عارف ان رح يواجه هلبااااا مشاكل وهلبا قصص💔لاكن في شي داخله رااافض فكرة انه يقعد بدون منار ..ادمن عليها وعلى ضحكتها وكلامها ❤️حبها وكان اول مره في حياته يعيش شعور زي هاذا!!
    طووول الطريق وهوا يفكر ويفكر في نفس الموضوع لو قررو ياخدوها منه بي القوه شنو رح يدير؟وكيف رح يتصرف؟!!!
    نزل من السياره بدون مايحكي مع حد وكلهم يوشوشو ويحكو عليه !
    سراج:صباح الخير
    اوس:صباح النور وينك الدنيا مقلوبه عليك كلهم يقولو ان....
    سراج:وين اللواء؟
    اوس:سكت شويه...داخل ..علاش شن بيصير ؟
    سراج:نحى النضرات وخش

    طق طق طق
    اللواء:تفضل
    سراج:السلام عليكم ..احتراماتي
    اللواء:سكر الاوراق يلي قدامه ...اهلا سراج قعمز
    سراج:قعمز ع الكرسي ونحى طاقيته
    اللواء:عندك جواب لي السؤال يلي بنسأله؟
    سراج:اي سؤال؟
    اللواء:الكلام يلي يحكو فيه كلهم ..علاقتك بي البنت وليش رافض تسلمها؟
    سراج:البنت صغيره ومنقدرش نعطيها لي اي حد مش ضامن شنو ممكن يديرو فيها!
    اللواء:مفيش سبب تاني يعني
    سراج:لا اكيد
    اللواء:به كويس ...المهم بكرا الساعه9الصبح رح يتم تسليم البنت للمؤسسه متخافش عليها غادي
    سراج:لا ..نقصد ان مش رح نسلمها ..لو البنت شاغلتكم خلاص اطمنو هيا معاي وفي حمايتي
    اللواء:مفهمتش قصدك؟
    سراج:بنروح بيها معاي وناوي نستر عليها
    اللواء:وقف ...نعممم؟!تستر على منو؟!انت عارف بنت منو هاذي
    سراج:لاكن هيا....
    اللواء:حتى لو بتبني ..وين عقلك انت ضابط معروف ومحترم زيك الخميس الجاي بيكرموه وبيترقى ياخد بنت امين اكبر تاجر مخدرات ومجرم
    سراج:يعني؟
    اللواء:يتكلم ومتنرفز....يعني غلط وغير مقبول ضابط زيك ياخد بنت هكي
    سراج:قام يده ونحى النجمات يلي على كتافه وحطهم ع الطاوله ....خليهم عندك مش رتبه يلي تحكم في حياتي وتحدد مصيري بي شي انا منبيشي
    اللواء:😨😨😨
    سراج:انا نستقيل ...

    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥

    اوس:سراااج؟
    سراج:تلفت...نعم
    اوس:وين؟خليك
    سراج:لا مش قاعد تبي شي؟
    اوس:انتبه على كتاف سراج!!...انت استقلت😨؟
    سراج:تبي شي اوس؟
    اوس:لا لا سلامتك لاكن لاميين بعضنا كلنا بنمشو لي هناء
    سراج:قام حاجبه بي استغراب...علاش خيرها
    اوس:متعلمش بيها شكلك ...بنمشو للمشفى نسألو عليها مدايره حادث كبير والسياره مقلوبه بيها
    سراج:بصدمه...امتى صار؟
    اوس:اليوم مع جورالساعه10 ...تمشي معانا؟
    سراج:تمام
    ناصر:طلع من المكتب ...شنو سراج ؟مشت امورك؟
    سراج:هز براسه
    اوس:خلي نمشي اناديهم امالا..ومشي
    ناصر:سبب الدوه يلي تنقال هنايا ...هشام
    حسد من يوم نجحت في القضيه يدور في ابسط شي يشده عليك
    سراج:خليتهالا واسعه وعريضه ينضم اموره
    ناصر:صلي ع نبي
    سراج:اللهم صلي وسلم عليه
    ناصر:منقدرش نلومك مهما كان حياتك وانت عارف كويس شنو ادير فيها
    ندى:هلا سراج
    سراج:رد السلام بحواجبه وطلعو مع بعض

    ________________
    صبريه:الخميس خوك مروح
    فراس:اي؟
    صبريه:يعني الفاتحه قريب وتي روحك
    فراس:ابتسم بخبث...الله الله 😈
    صبريه:اقسم بالله يافراس تلعب بي ذيلك ..تزعلها ولا تتكلم حرف بس يضايقها نطلعك انت برا الحوش ومعاد تجيني
    فراس:ياخوفي ندوب فيها ونطلعك انتي يما 😂😂
    صبريه:ضرباته على كتفه ...سخيف
    حواء:عمتى نديرلك شربت خضار؟
    صبريه:كان بتاكليها معاي ديري
    حواء:به تمام ناكلها معاك❤️😊
    فراس:ديري ديري ياعسى ماحد ياكل غيرك 🤤
    صبريه:فراااااس😒😒😒
    حواء:خشت للمطبخ تضحك❤️

    ________________
    سراج:واقف مع زملاء العمل قدام غرفة هناء
    حاولت امها تنوضها لاكن هناء كانت في عالم تااااني راقده من اثر المخدر ...كان سراج حاس بذنب كأنه عرف انه هوا السبب في الحادث هاذا!!
    واقف في المشفى معاهم يحاول يدير اي شي كويس ليها لاكن قلبه مع منار في الحوش❤️
    ويستنى بدقيقه امتى يروحلها

    ناصر:هناء جاتك اليوم؟
    سراج:خذي نفس...اي جتني
    ناصر:بنت اوصول لاكن اليوم الصبح يتكلمو عليك وقفتلهم كلهم سكتتهم
    سراج:اها💔
    ناصر؛سراج اول مره نشوفك هكي حاس بيك ملخبط وعقلك مش معاك!
    سراج:خليها على ربي وخلاص ...محتاجه سفر هيا؟
    ناصر:قالو امورها طيبه كسر في يدها دارولها بلاتين وجروح بسيطه..الحمد الله جتها هكي مش عارف كيف رغم السياره مشت كلها
    سراج:مردش بحرف وتنهد بوجع!!

    ________________
    طق طق طق
    غزلان:لبست وشاحها...منو؟
    مفيش حد رد
    طق طق طق
    غزلان:فتحت الباب ..تفضل خوي ؟
    الشاب:الاخت غزلان؟؟
    غزلان:ان شاء الله
    الشاب:طلع شيشة اميه ورشها على وجها
    وبسرعه ما غزلان غطت وجها بيديها وعيطت بصوت عااالي

    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥

    منار؛فتحت عيونها ببطئ...قعمزت في مكانها تحاول تصحصح ونزلت من السرير !!
    نصدمت في..يتبع

    بكرا الحلقه الاخيره رح تكون طويله هلبا وفيها تفاصيل منقدرش نكملها اليوم

     

    إرسال تعليق