رواية جريمتي الثانية الحلقة 10 العاشرة - بنوتة الشيخ

 رواية جريمتي الثانية الحلقة 10 العاشرة - بنوتة الشيخ

     رواية جريمتي الثانية الحلقة 10 العاشرة - بنوتة الشيخ

     رواية جريمتي الثانية الحلقة 10 العاشرة - بنوتة الشيخ

    لقراءة رواية جريمتي الثانية كاملة : اضغط هنا



    رواية جرمتي الثانية الحلقة العاشرة 10 كاملة مكتوبة للكاتبة أروى طاهر المسلاتي - بنوتة الشيخ  



    غفران:اطلعي وانتي خرا زي خوك...شافت لي بسمه سوري يعني بغض النضر انه زوجك ..زوج العازه هوا بس يلا
    موده:طلعت وهيا تضحك
    غفران:وتوااااا خلينا نبدو🙏🏻🙏🏻🙏🏻...اول حاجه نوضي ديري دوش مابين طلعتلك ثلج لي خليقتك كلها منفخه تقول ماكرون الساحل
    بسمه:معنديش نيه 💔
    غفران:لا ياعمري الكلمه هادي تقوليها لي عزوزتك لما تناديك ع الغدي هيا نوضي بسرعه عندك حفله اليوم
    بسمه:حفلة منو؟!..
    غفران:شكلها موده جت بتقولك لقاتك تعيطي🤦🏻‍♀️
    المهم انتي ومرت محمد اليوم معزومين على حفلة وحده قريبتهم خرا طبعا منحبهاش
    بسمه:تمسح في عيونها
    غفران:هيا نوضي
    بسمه:لمت شعرها وخشت للحمام ...اما غفران بدون اي استئذان فتحت دولاب الحوايج وبدت تختار في قفطان بشويه عليها
    ___________________
    في المقر:-
    زياد:قعمز ع الكرسي
    بالبان:باهي يلي شفنا هاذا الوجه الجميل والله
    زياد:معش طلعت الجو اخي
    بالبان:شن صاير جديد
    زياد:شي كساد
    بالبان:اليوم مناوبه انت ره ..اجازتك تمت خلاص
    زياد:عارف اي واحسن
    بالبان:شن امورك مع مدام بدت تنكد ولا اموركم لوز؟!
    زياد:ضحك...لوز وغصب عليها طبعا تقدر ادير حاجه هيا
    بالبان:صقر ياكلب صقر😂😂
    زياد:يحبو يلي حادفهم ع الحيط ومش مدورهم تعطيهم العين الحمره يبدو تحت رجليك لاكن تقدرهم يعفسو عليك
    بالبان:رسمي اقسم بالله ..مع اني عمري ماجربت لاكن رسمي
    زياد:شبحله ع جنب..وانت علاش مجربتش
    بالبان:تي بدو يدورو في اللحيه اكتر من الفلوس ياراجل 😂وانا معنديش
    زياد:ضحك....تمشي الامور عادي😂🔥
    ____________________
    بسمه:طالعه بي روب الحمام...شن اديري
    غفران:هيا سلم بنتي وقت ورانا هلبا حجات بنديروها قعمزي
    بسمه:شنو بنقعمز في المطبخ خيرك انتي خلي نلبس قبل
    غفران:لا ياماما اقعدي هكي ...قعمزتها بسيف وجابت طنجره فيها اميه سخوونه حطتها ع الطاوله
    فتحت المغطه ...وتوا حطي راسك قدام البخار
    بسمه:غبر فيك شنو اديري
    غفران:خذت الفوطه يلي كانت فوق شعر بسمه ونزلتلها راسها وحطت الفوطه ...اسكتي هاذا تنضيف بخار
    بسمه قعدت شويه وقامت واسها...احوو احوو خلاص
    عفران :خذت كلينكس...وتوا نطلعو الرؤس السوداء والوسخ يلي في البشره
    بسمه:ساكته ....اول مره نسمع بيها الحجات هيا
    غفران:لانك عبيطه وهلبااا...توا نجيبو ثلج هكي نمرروه ع الوجه باش يتسكرو المسام
    بسمه:انت حالتي النفسيه مدمره وهيا تحكيلي ع المسام
    غفران:وتوا قناع العسل والليمون وتيتا من بكري ومزالك فقرات التعامل مع زوجك الخايب
    بسمه:ضحكت
    غفران:قعمزت....اقسم بالله مديريش كلامي بي الحرف نريشك راجلك الخايب مدامك تحبيه لازم لازم يجي لي الطريق
    بسمه:خذت نفس ....اممم
    غفران:بنضرات خبث ...اليوم بتطلعي قنينه ومدام الخايب مسك ليلة دخوله معناها الامور لوز وبيحاول يقرب منك اليوم
    بسمه:وجها احمررر
    غفران:ديري العااااار ومتخليشي يجي جيهتك نهااائي صديه وارقدي
    بسمه:لاكن حرام 🥺...عند ربي تقعد الملائكه تلعن في المرا امي هكي قالت
    غفران:ان شاء الله تموتي انتي وامك ويجينا الكرونا كلنا ونتوفو باهي 🙂....هبلللللتي انتي ؟؟
    ياحماره راجلك ييخون فيك ومسمعك وسخ ودانك وتقوليلي حرام
    بسمه:عيونها تعبو دموع
    غفران:ايااااه عاد انا مقلتش هكي باش تبكي نبيك تكوني اقوى ونجيبوه لي الطريق ياهمي
    بسمه:طايره منه النيه افهمي معش يهمني
    غفران:بنضرات استهزاء...ع اساس بتقنعيني انك متحبيشي تواا قبل شويه كنتي تبي ترقدي معاه وحاطتيها في راس الملايكه
    بسمه:تحشمت ...خزي عليك مش هكي 😂
    غفران:المهم متخليشي يمسك ولا يجي جيهتك
    وردي من راس خشمك
    بسمه:به ؟
    غفران:ااااه ياربي انتي عبيطه لازم نعلمك الف حاجه اليوم
    بسمه:هاذا يلي ع وجهي بدي يابس😂
    غفران:نوضي اغسليه ورانا الف حاجه
    بسمه:اوكي
    غفران:تبي هلبا شغل بس عادي المهم تاخده من هديك الحقيره
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    ماريا:شاف لي شكلها في المرايا وكانت تجنن🤤...يسلمو حبيبتي
    المزينه:الله يسلمك ربي يخليك
    ماريا:تفضلي
    المرينه:خدت فلوسها وطلعت ..ووراها ماريا عشان تسكر الباب
    محمد:عيونه مقدرش يقيمهم لان المزينه قدامه
    ماريا:خش محمد
    محمد:خش وسكر الباب ...قام عيونه
    ماريا:تتكلم وناسيه روحها امكيجه 😂...محمد جبتلي كرت زي ما قتلك؟امي مكلمتهاش من امس
    محمد:سارح فيها ...هاا😧
    ماريا:الكرت؟
    محمد:اءء ن نسيت لا جبته ممكن ...دخل يده في جيبه ...هاك
    ماريا:صحيت❤️
    محمد :سلمك طالعه قمر بخري روحك
    ماريا:اذكرت لمنضرها 🙈..عيونك الحلوات
    محمد:توتر ...اءء تمام هي كملي راهو امي توافتلي هيا
    ماريا:تمام نلبس حوايجي ونطلعو
    محمد:تم...وخش للمطبخ طلع عصير
    ماريا:رجعت لي غرفة نومها تلبس
    محمد:يبتسم مره مره بروحه😂
    _________________
    غفران:مكيجت بسمه ع الخفيف ودارتلها شعرها تسريحه مفتوحه مع فير مموج وهيا شعرها طويل واسود طلعت خياااال ...انا توا طالعه يلي قلته ليا ساعه يتنفد بلحرف سامعه؟
    بسمه:ان شاء الله
    غفران:هي باي
    بسمه:سلام
    زياد:خاش للحوش والتالفون في يده ...تي علاش اتعبو فيا به ارفعوها معاكم
    شيخه:زياااد متنرفزنيش 🙂...مرتك قاعده عروسها قفطانها كبير ومرت خوك زيها ميجوش الزوز في سياره وحده حرك روحك وجيب مرتك
    غفران:اهلا زياد😑
    زياد:اهلا...وخش
    غفران:طلعت وهيا تحكي داخلها...ليلتك سوده نوده
    زياد:به تمام يصير خير
    شيخه:مش يصير خير تعالو ورانا منقعدش نشرحلك في مكان الصاله انا
    زياد:تمام به
    شيخه:سكرت الخط
    زياد:خش لغرفة النوم بدون ما يشوف لبسمه...وتي روحك بسرعه عندي خدمه اليوم منبيش نعطل
    بسمه:تمام
    زياد:وقف ع المرايا ينحي في سوريته ..ونصدم لما شاف في المرايا بسمه وجمالها🤤
    بسمه:تذكر في كلام غفران
    غغران:تعمدددي تنحى الروب هاذا بشويه قدامه ومتخليشي يشوف شي بدلي ملابسك برا ان شاء الله في المخرن لاكن قدامه لاااااا
    بسمه:نحت الطرف الاول من الروب وخذت قفطانها
    زياد:ساكت ويتفرج عليها من المرايا
    بسمه:خذت قفطانها وطلعت
    ____________________
    محمد:مسك يد ماريا❤️ وركبها في السياره
    ماريا:محمد افتحلي المكيف
    محمد:الدنيا صقع مكيف شنو تبيه
    ماريا:ووه متت انا مش متعوده ه الخمار
    محمد:قاملها الخمار بيديه❤️...خليك هكي لين يطلع زياد ولما نطلعو لطريق نزليه
    ماريا:ضحكت ..محلاك كيف مش معقد الامور 😅
    محمد:باش تعرفي بس
    ماريا:عمتي عطلت !
    محمد:خليهم براحتهم ...ولع المسجل ونفتحت اغنية ...الله ياخدك منهم ولا ياخدني من يدك ولا ياخد غلاك وعمرك الغالي وتبقى لي❤️
    محمد:شاف لي الروشن وهوا يذكر ايام كان بسمه فيها الاغنيه هاذي ومستنى يتزوج ماريا بي الثانيه !💔مكانش يسحاب ان رح تجيه صدمة عمره💔
    ماريا:حست ان وجه محمد تغير..وحست ان محمد يحبها وهيا السبب في كل شي قاعد يصير توا
    ندمت هلبا انها حكت لي محمد وقالتله قلبي مع غيرك
    لان فيصل خلاها بكل سهوله ومش ح ياخدها !!
    _________________
    زياد:ضربه الفضول وقعد يراجي في بسمه ترجع لي دار النوم ويشوفها 🤤...نصدم لما خشت لابسه حتى عبايتها
    بسمه:انا واتيه
    زياد:وين بدلتي؟😧
    بسمه:تبخ في العطر ...في الدار التانيه
    زياد:سكت شويه...تمام اطلعي
    بسمه:نزلت خمارها وطلعت بدون ما تحكى ولا كلمه
    اما زياد كان ملاحض تغير بسمه في اسلوبها وكلامها
    طلعو السيارات الزوز مع بعض محمد يهدرز هوا وامه وماريا ويضحكو
    وسيارة زياد هدوء تاام مفيش ولا صوت غير صوت تالفون زياد يشرين كل مره وحده !وبسمه تقاوم في دموعها
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    غفران:خذت رسفه من القهوا..اصبري بس تو نعلمها كيف توريه الزنباع وين ينباع
    موده:حاله تعرفي زياد مكثره هلبااا
    غفران:انا نبي نعرف البنات يلي معاهم معندهمش اهل ولا انا مش في ليبيا ولا حوشنا مدين هلبا!
    موده:في اخر عركه صارت سمعت انه يمشي لي وحده مطلقه عايشه بروحها في الايجار لان بوها لزها
    ووحده تانيه مش ليبيه
    غفران:غبر فيهم وفيه خوك الخايب
    موده:عار تعرفي امالا البنات يلي يجيبو فيهم للاستراحات كيف🤦🏻‍♀️مش عارف كيف يرضو لي روحهم بسسس
    غفران؛يسحابوها ساهله الزفت تبدا سمعتهم تحت الارض قصدي بشنو مستفيدين ؟على شوية فلوس مثلا! فلوس حرام شويه ويكملو
    موده:اي مش م.....
    ايمان :مساء الخير
    موده:اهلا امونه تعالي اشربي قاعده سخونه القهوا
    ايمان:قعمزت جنبها
    غفران:وانتى علاش ما مشيتيش؟ولا مش محسوبه من الكناين ؟
    موده:قالتلها امى هيا مخاطرهاش
    ايمان:جلال مداير دايت ياخد في ماكله معينه قعدت بنديرله عشاه
    غفران:ع اساس مهتمه بي راجلها ولقطات
    ايمان:ضحكت
    غفران:مرزن دمك مفهمتش علاش مقدرتش نبلعك
    ايمان:ابتسمت..عادي كله بسيف الا حبتي يابنادم
    غفران:😑😑
    ________________
    نزلت بسمه وماريا من السياره وع شيخه يلي كانت فرحانه بيهم بشكل مش طبيعي والزوز كانو يهبلوو🤤❤️
    قعمزو جتب بعض وبدت الحفله 🔥🔥
    بالبان:تي علاش متبيش تجى؟
    زياد:مدرس قدام الصاله...مفيهاش كيف اليوم عندي ما ندير
    بالبان:عند منو بتمشي🤦🏻‍♀️🤦🏻‍♀️
    زياد:هههههه للحوش يا وسخ
    بالبان:متأكد؟
    زياد:اي متأكد
    بالبان:به تو ندير راي ونكلم المشرف
    زياد:تم هي تصرف
    بالبان؛سكر الخط
    محمد:شن الحو
    زياد:اهو ماشيه الامور معذله
    محمد:عقلت ولا...
    زياد:على شنو بنعقل بالله
    محمد:ربع يديه ويشبح لي الصاله...مرتك يازياد بنت ناس
    رغم اني مستغرب كيف لقيت وحده هكي وانت واطي لاكن البنت كويسه
    زياد:عارفه كويسه ...وين الواو في الموضوع،؟محمد:شبحله....متغلطش وتخسر كل شي سلم خوي
    زياد:ابتسم بي استهزاء...والله انت ياخوي يلي فاهم الدنيا غلط
    تسحابه لو عاملت الجنس الناعم كويس رح تلقى منهم خير؟
    ولا كان مشيت كل بي الحلال رح تعيش حياتك؟
    محمد:انا حدرتك ...وبراحتك
    زياد:ولع دخان وقعد واقف
    اما محمد قعد يفكر في كلام خوه ..زعمى صح يلي قاله ؟؟؟
    _______________
    بسمه:تتفرج على العروسه كيف تضحك ..اذكرت يوم عرسها كيف كانت فرحانه💔
    حست بي غضه في قلبها ...البنت تموت لو كان راجلها زي زياد جميل من برا بس كل مره مع وحده 💔
    حتى لو مكانتش تحبه رح تنقهر فمابالك لو كانت ميته فيه
    اما ماريا...تسمع في تدريجة العروسه وادكرت ايام كانت تسهر لعند الفحر مع فيصل 💔ويختارو في اغاني عرسهم ويتسهوك عليها وينسي فيها الجحيم يلي كانت عايشاته مع خوتها 💔
    _________________________
    جلال:ليش مامشيتيش؟
    ايمان:مخاطريش زحمه ...قعدتي معاك هنايا احسن من كل شي
    جلال:تجاهل كلامها ...جعان حطيلي بناكل
    ايمان:حاضر💔
    جلال:قعد يلاعب في ولده وايمان طلعت من الدار
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    بعد مرور ساعتين:-
    زياد:قام عيونه من التالفون..اخيرا الزح
    شيخه:ركبت في السياره ومحمد يساعد في ماريا❤️
    زياد:يتلصق ع بسمه ومسكلها يدها عشان يركبها
    بسمه:سحبت يدها وركبت بروحها
    زياد:من اولها😏يابله دبارك عندي خلي نوصلو الحوش
    __________________
    اسراء:ضميرها بيقتلهااااا ...مش قادره تحكي لي ماريا ان فيصل مريض ورح يموت💔
    مش قادره تحكيلها ان فيصل قاعد يحبها وتخلى عليها لان يبيها تعيش حياتها !!...مقدرتش تحكي لان رح تخرب حياة ماريا ومتفدرتش تسكت ع الحق 💔
    كان شعور صعب لدرجة متتصورش ابداااا
    ______________
    ماريا:خشت غرفة النوم وتنحي في عبايتها ...هههه اقسم بالله ضحكت من قلبي امك كل شويه تحكيلنا ع وحده انا وبسمه قريب متنا اليوم😂
    محمد:يتفرج على جمالها بي القفطان ومش سامع شي ❤️
    ماريا:مدتله بكلاوه❤️...شوف كيف نعرف في الاصول البكلاوده والمكسرات لي الراجل ولا
    محمد:ضحك...شاطره بنتي
    ماريا:تنحي في اكسسوارها...المهم امك قالت بكرا عازيمين حوش عمك ع العشي
    محمد:يتأمل فيها ...اي سمعت
    ماريا:تمسح في الروج ...قلت ندير كيكه نرفعها ...معناها ياسمح لازم بكرا تطلع تجيبلي الحجات يلي نقولك عليها
    محمد:يشوف لي فمها🤤....اي ليش لا
    ماريا:ياجمالك وانت تسمع في الكلام😂❤️
    محمد:😅
    __________________
    بسمه:خشت للمطبخ تشرب في اميه وهيا قاعده بي عبايتها ..وقلبها بيطلللع !!...كيف بدير كل يلي قلاته عفران ؟!
    خشت لغرغة النوم نحت الوشاح والعبايه
    زياد:لبس سروال توته وكناتيرا ..منضره يجنن🤤
    بسمه:تذكر
    غفران:ارقفي قدام المرايا ديري روحك مش قاادره تفتحي خيوط القفطان نقتتتلك تنحي بروحك
    بسمه:وقفت ..جابت شعرها عل جنب كله وبدت تمثل انها مش قادره تفتحه
    زياد:قرب منها...خليك
    بسمه:خلاته يفتح في الخيوط وهيا تجيب في شعرها ع جيهة اليمين
    زياد:كمل وفتح خيوط القفطان كلهم وبدي عاد في الخبره
    بسمه:بدت تحس في انفاس زياد تقرب علي رقبتها
    غفران:ولما تحسيه بيدير شي تقلبي وجهك للحمام طووول
    بسمه:بعدت من عليه...صحيت
    زياد:فتح عيونه ورجع شعره للخلف
    بسمه:خدت ملابسها وطلعت
    زياد:تنفس بعمق ....تمام تمام
    ____________________
    محمد:سارح في ماريا طوول الوقت كيف تهدرز ع الحفله وتضحك وتحكي بعفويه
    ماريا:نفختلك راسك صح!
    محمد:لا والله😅نسجمت
    ماريا:بترقد توا؟
    محمد:عندي فيلم نراجي فيه
    ماريا:اها به ...وناضت
    محمد:ربع يديه وكمل يتفرج ع التلفزيون
    ماريا:جت وجايبه بطانيه...قعمزت جنبه وتغطت...نبي نتفرج حتى انا
    محمد:حط يده ع كتفها وضمها ليه❤️..وهيا ليش لا
    ماريا:😅
    ___________
    بسمه:خشت لدار علقت القفطان في مكانه وقعمزت ع السرير مسحت مكياجها وبدت ادير في كريمه لي حسما وزياد شاد روحه
    بسمه:نسكر الضي !
    زياد:شن رايك انتي ؟
    بسمه:اركي براحتك ...تصبح ع خير
    وعطاته بضهر
    زياد:ضحك في داخله ...مستوعبش بنت تكون بارده معاه هكي !!
    بسمه:تغطت ورمت شعرها وراها
    زياد:...يتبع
    اسفه ع التأخير وربي الحلقه نكتب فيها من الساعه 1