رواية جعلوني عاهرة الحلقة الأخيرة - محمود محمد
لتحميل رواية جعلوني عاهرة كاملة pdf : اضغط هنا
الحلقة الأخيرة من رواية جعلوني عاهرة
 |
| رواية جعلوني عاهرة الحلقة الأخيرة - محمود محمد |
خشيت عليهم لقيتهم هما هما الي اغتصبوني من قبل وبديت فيهم بالواحد لين كملت معاهم كلهم وسيبتهم وطلعت طبعا ماحد يعرف اني انا عندي ايدز كنت فرحانه بكل وانا نتقم منهم بالواحد شعور حلو بكل لما تاخد حقك وتنقم من الي ظلموك هكي مزال ايمن و الضابط وراجلي🙁بس كيف نوصل فيهم مشيت لي هدي قعدت معاها شويه بعدها قلتلها ممكن نطلب منك طلب قالتلي تفضلي عيوني ليكي قلتلها في كراسه تحت فراشي تلقيها ماتجيش شورها بكل لين نموت بعدها طلعيها بحتت فيا وقالتلي شن تقولي انتي معش تقولي هكي حرام عليكي انتي مش حيصيرلك شي وحتتعالجلي وتكوني كويسه وقعدت تضبط فيا وتبكي فعلا احسن صديقه عرفتها
.
.
قلتلها توا مش وقت اعياط ماتنسيش تديري زي ماقلتلك .
.
.
تاني يوم رنيت ع احمدصاحب ايمن قلتله اسمع نبيك في موضوع قالي قولي قلتله لا خلينا نتلاقو قالي تم توا نستناكي ف القهوه جاني ف القهوه قلتله اسمع نبيك تجيبلي رقم ايمن ضروري وانا متاكده انه عندك قعد يقولي لا مش عندي قلتله به نعطيك 50 دينار وتجيبلي الرقم شن قلت😑
.
بحت فيا وقالي لا نبي 100 قلتله به توا نعطيك 100 هات الرقم طلع تلفونه وعطاني الرقم رنيت ع ايمن رد عليا الو انا اهلين ايمن قالي من انتي قلتله انا حب عمرك بسمه😏 قالي ها شن تبي مش فاضي نا قلتله حرام عليك انا مرايفه عليك ونبي نحكي معاك شويه وتقولي مش فاضي😐 قالي لا والله قلتله اسمع يا ايمن انسي موضوع الفلوس بكل انا مسامحتك فيهم ع خاطر انا نحبك ومانقدرش نعيش منغيرك ولا دقيقه وحده😍 قالي ههههههه شن تقولي انتي قلتله يا ايمن والله نا مانبي منك شي غير اني مانقدرش نعيش منغيرك ياريت تفهمني وانا خدمت ف قهوه ودرت فلوس وعندي دهب واجد شريته وعندي حتا شقه بسمي وقعدت نغري فيه كلب الفلوس هدا😡
.
.
.
قالي بجد قلتله والله تعال اقعدمعايا حتا اسبوع بس والله رايفت عليك وع ضحتك وكلامك وخيانتك يا ابن الكلب😠
.
.
تدققوش انفعلت شويه بس🐸
.
.
.
قالي تم ياحبي توا بعد نحصل فرصه توا نجيكي
.
قلتله تعال وانا نستني فيك ع احر من الجمر انا والاديز😑
.
.
.
يا ابن الكلب مره تانيه😏
.
قعدت نخدم ف القهوه ولما نروح ناخد كراستي ونكتب كتبت كل شي صارلي في حياتي من يوم ماجابتني امي بالحرف وبالتفصيل الممل
.
يوم كنت نخدم ف القهوه لقيت الضابط الي سجني جا القهوه وقعمز كانت في بنت تخدم معايا مشت تشيله الارقيله قلتله لا خلي الزبون هدا ليا انا😉.
.
.
جبتله الشيشه وحطيتها قدامه وقلتله احلي ارقيله لي احلي ضابط في ليبيا كلها بحت فيا وقالي انتي مره تانيه قلتله يافندي تبت والله وانا خدامتك
.
قالي وهوا يضحك ماكان من الاول قلتله غلطه ومعش تتكر بكل قالي يعني بتسمعي الكلام قلتله خدامتك قالي ملا اليوم نبيكي تباتي معايا قلتله ياسلام وانا رايفت عليك اصلا😍قالي بجد قلتله والله بجد شكلي كبدت عليك يا ابن الكلب انتا التاني😠
.
هههههه معلش الكاتب منفعل اشويه ماعلينا نكملكم
.
.
.
اسمعو معاكم الكاتب محمود محمد ع خاطرالسراقه بس🐸
.
المهم مشيت معاه لي شقته خشيت قالي هيا عدي ديري حمام وانا نستنا فيكي ف دار النوم قلتله من عيوني خشيت دوشت وطلعت لقيته يستني فيا قالي نبيكي اليوم تدلعيني احلي دلع قلتله ياسلام منغير ماتقول ياقلبي انتا تدلل بس😍
.
ههههه مسكين كان فرحان بكل ومايعرفش انه الايدز يستني فيه ابن الكلب🐸
.
اليله هدي دلعته اخر دلع المهم الصبح وانا مروحه حط يده في جيبه وطلع 100 دينار وقالي خودي حقاتك انتي تستاهلي😘
.
.
هه بحتت فيه وقلتله لا شكرا مانبي شي حقي وصلني😑
.
قالي كيف مافهمتش😐
.
قلتله هه توا يجي يوم وتفهم ماتعدلش المهم انتا امس ادلعت ولالا ياعمري بحت فيا بي استغراب وقالي اي ادلعت بس والله مافهمتك انتي في شي في عقلك نبي نعرفه شن هوا قلتله لا والله مافي شي انسي هيا نتلاقو ومشيت وسيبته
.
روحت الحوش جسمي مكسر
.
خشيت الحمام وقدت قدام المرايه ونراجع في روحي شنو هدا الي نا ندير فيه معقوله هكي بي سهوله نبيع في روحي😴ضميري يانب فيا وعقلي يقولي لا هدا هوا الصح لازم تاخدي حقك وماتسيبهوش
.
وضمريري يقولي هدا حرام وفي يوم احساب وانتي خلاص قريب تموتي ديري حاجه لي اخرتك
.
وفي نفس الوقت الي داروه فيا مش قادره ننساه هما السبب في الي صارلي كله قعدت نبكي ف الحمام بعدها بحتت في روحي وقلت لا انا اقوي منهم انا قويه ولازم ننتقم من اي حد دارفيا شي
.
.
حسيت روحي قويه مسحت دموعي وطلعت من الحمام شافتني هدي قالتلي كنك يابسمه شن صايرلك لكي يومين مش ع بعضك بكل😓 احكيلي شن صايرلك بالك نقدر نساعدك
.
بحتت فيها وقلتها مافي شي ياهدي مغير تاعبه شويه بنرقد وخشيت رقدت
.
طبعا هدا كله ومزال اعراض الايدز ماجنيش تاني يوم مشيت القهوه كالعاده ع العصر هكي حسيت بي دوخه و صوداع غريب صوداع اول مره يجيني كلمت صاحب القهوه قلتله معلش انا تاعبه شويه بنروح وروحت خشت داري بيش نرقد لاكن ماعرفتش بكل ماقدرتش والصوداع بدا يزيد اكثر حاسه راصي بتنفجر😣 حاولت نتحمل لاكن ماقدرتش كانه في حد قاعد في راصي جوا ويعيط بي اعلي صوته وبديت نعيط بصوت عالي واااك بنموت بنموت مش قادره جتني هدي تجري كنك شن في وانا مش قادره نرد عليها قاعده نعيط ونقول راصي راصي وهيا تقولي باهي نوضي نشيلك المستفي وانا نقوللها مش قادره بنموت ومن كتر الام والصوداع ماقدرتش نتحمل قعدت نخبط في راصي ف الساس😢
.
.
هدي لما شافتني هكي قعدت تعيط وتقولي حرام عليكي ماتديرش هكي وتمسك فيا وانا من الصوداع ماحسيتش بي روحي دفيت هدي بالقوه لين خبطت ف الباب وطاحت مسكينه وانا رجعت نخبط في راصي ف الساس بالقوه مش متحمله لين راصي نفتحت وقدت تنزل في دم وهدي تعيط بصوت عالي وتقولي لا لا ماتموتيش وتسيبيني حرام عليكي الي تديري فيه هدا بتموتي كافره وانا هدا كله مش حاسه بشي غير اني مش متحمله حتا دبشي وفجاه هكي .......؟ يبتع
.
.
طبعا اسف ع التاخير هدا اول شي
.
تاني شي انا كان عندي ظروف يعني مش نجكتر عليكم ولا شي وربي هوا الي يعلم وربي يحفظكم كلكم وع فكره ناس واجده سارق روايتي بس حسبي الله فيهم والي بنطيح فيه بنسكره اميله منغير زعل اللهم مابلغت اللهم مافشهد