رواية عصابات الحلقة الأولى كاملة للقراءة والتحميل pdf - ميلو حسن

رواية عصابات الحلقة الأولى كاملة للقراءة والتحميل pdf - ميلو حسن

رواية عصابات الحلقة الأولى كاملة للتحميل pdf : اضغط هنا 
رواية عصابات كاملة  : اضغط هنا
رواية عصابات الحلقة الأولى كاملة للقراءة والتحميل pdf - ميلو حسن

رواية عصابات الحلقة الأولى كاملة مكتوبة 

محمد:واقف قدام لبحر يششوف للقارب ويشوف في كمية الشباب لمهاجرين كل واحد عنده قصه جبراته ع الحرق وكل حد عنده اوجااااع يششوف في حاال لبلاد الي الاهل بدو يعطو في بناتهم للي عندهم فلوس ومعبين وبدون مايسألو حتا من وين جابو لفلوس اما الي حالته زيني يرفضوه ويفرقو زوز قلوب حببو بعض خشيت طريق مش ليا ع خاطرها وقريب مشيت في الهاويه واستجرمت انا وصحابي لكن بفضل ربي ودعاء امي بعدت عليهم بس اكيد حاندفعو الثمن لأنه اسمنا بين الناس ي مطاردين ي مجرمين الاهم انه ميصاحبنا حد ولا يخالطنا حد لانه مشبووه علينا وفي اي لحضه تكوون رصاصه قاتله ونتحولو لجثث (ليبيا ولت عصابات،،🔥🔥
علاش محمد يبي يطلع من ليبيا ؟؟ وعلاش ع طريق لبحر ؟؟ وزي اي شاب ليبي خدم مع مليشيات بس في الي منعه ضميره يكمل بسس للاسف وصلنا لزمن حتا الي يبعد ع الشر ولاد لحرام ميخلوشي في حاله ؟؟

تعالو نقرو قصتهم من الاول💔🔥💪🏻

ترن ترن ترن :-
محمد:الوو
عمار:ايوا وين من امس نتصل بيك
محمد:اسمعني كويس توا
عمار:خير شن في انشاءالله خير
محمد: انا ساعات وطالع ع لبحر
عمار:تي شن تخرط ي راجل شن تقول اما بحر هدا خيرك بتهبل
محمد:انتا عارف انا منقدرش نعيش من غير غفران
عمار:معقوله بنت بتورطك في حاجات هكي متعرفش هل تعيش وله تموت
محمد:بصوتت متنفرز.... ركز معايا توا انا خديت قراري خلاص
عمار:بصوت متعصب .....ادوي شن تبي
محمد:نبيك ترد بالك ع امي وتطمن علاها
عمار:امك لو تهمك مكنتش خليتها وحرقت
محمد:انا متصلتش باش ناخد رايك بترد بالك ع امي وهيا عارف اني مسافر وقتلها قعد مطارد
عمار:اكييد عمتي عائشه في عيوني لكن ي خساره معندهاش سند
محمد:تي مطارد قتلك كل يوم يوصل فيا تهديد
عمار:تي تكدب ع واحد تاني انتا كنت تبي تقعد في ليبيا وع خاطر بنت تبي تحرق
محمد:تي جت مع بعضها هيا غير توا افهمني رد بالك ع امي بس توا قعدا معاها عمتي وراجلها
عمار:نبيك تسافر لكن مش بطريقه هادي
محمد:مافيش حل غير هكي
عمار:بصوت زعلان....ميه ميه دبر راسك
محمد:طيح الدخان وعفس عليه.....عماااااار
عمار:بصوت مليان حسسسره..... بسسلامتك توا وانشاءالله زينه
محمد:سلاااام...وسكر الخط
محمد:انا محمد ليبي حر نحب بلادي ونغاار علاها مواليد 92 نعيش مع امي بويا متوفي من لما جيت ع دنيا الحمد الله مضعتش كان رضاء امي اهم من كل شي عندي مريت في فتره الجامعه في علاقه مع بنت استمرت علاقتنا 4 سنوات ولما تقدمتلها رفضوني اهلها مش مره بس حبيتها وحاولت هلبا بس للأسف مكتبهاش النصيب ليا خشيت في حاله نفسيه فتره كرهت حلوه وكرهت كل شي بعده فكرت نسافر باش ننسا لكن لفلوس مافيش لن اقترحو عليا صحابي نخشو مع مليشيات وناخدو في الشهر 2000 لكن متوقعناش الخدمه حاتكون هكي وتوصلنا لهني وبنقعدو تحت الخطر ومطاردين حاولت هلبا مرات يغتالونا ولما شاهين نضرب في رجله سافر وانا كرهت العيله ولبلاد وقررت نحرق هادي قصتي ومواصفاتي زي الصوورة🔥


رزان:نششوف في الدنيا ضلام وصووت سيارات فجاءه خف ومعاش سمعت دووشه ونشششوف بنضرات مفاجئه ومصدوومه كيف شاارعنا فضا في وقت زي هدا عكس الايام لأنه شارعنا كان فيه حركه ونا نستنا في خويا يروح لأنه تخلل شعور الخووف في جسمي وقلبي بدا يدق دقاااات متسسرعه لن سمعت تلفوووني يررن

رزان:الوو خوخه
خوخه:ايوا رزونه وين قعدا
رزان:في حوشنا وعمار لتوا مروحش ميته من خوفي
خوخه:هههه والله خوفتيني عليك بهي اطلعي وتعالي لحوشنا
رزان:بصوت يرعش...لالا والله الشارع فااضي وحتا الضي مطفي كأنه الضي هارب
خوخه:تي اطلعي ي حماره تلقيني في بداية الشارع نستنا فيك
رزان:تنهدت بخوووف... الضي هررب ي خوخه
خوخه:باهي اطلعي ديري كااشف التلفون
رزان:وهيا تفكر.....اوكى شويه ونطلع خليك في بداية الشااارع
خوخه:بخبث....انا طالعه
رزان:تنفست بعمق.....تمام..وسكرت التلفووون🔥

)ميلو حسسسسسسسسسن)🔥🔥

رزان:طلعت نجري بخووف ونا نرعش مع بعضي واول ماوصصلت الكيااس دارو بيا زوز سيارات فخماات سووود مضلمات كان منضررهم يخووووف جمدت في مكاني ومكانش فيا ولا شي يتحرك الا عيووني يمين يسااار لن سمعت باب السيارره نفتحح غمضت عيووني بدون حتا مانطلع صووتي ونسمع في صوت حركة رجلين ورايا وفجاءه نشوف رجاله ملتمين في كل مكااان ورصااااص عبااا لمكااان حطيت يديا ع وداني وكنت نبي نجري لن حسيت بشخص سحبني من يدي ونحط كلينكس ع وجهي وفقدتت الووعي..

رزان:انا رزان مواليد 95 من طرابلس طبعا نا اهلي متوفين عايشه مع خويا عمار بعد ما كنا نعيشو في حوش عمي بس الحمدالله لما كبرنا واعتمدنا ع نفسنا شرينا حوش وكانو الي جنبنا عباره ع جيران بس وطبعا صاحبتي خووخه ومتعلقه باها هلبا ...طبعا نا متخرجه من كلية طب وكنت ممتازه في دراستي والحمدالله اصلنا مسلمين بس الشي الي مش مريحني انه خويا عمار كان يخدم مع اشخاص يبيعو في الأسلحة وفيكم تسموهم عصابات بس انا مافقدتش الامل اني نكلمه ونترجاه باش يبعد عليهم والحمد الله توا ليه قريب شهور امبطل ومعاش يخدم معاهم وشبه نسينا الموضوع هدا بس كان عمار يوصلو فيه تهديدات وهوا متجاهلهم لن جي اليوم وصار ......يتبببع🔥🔥

عمار يتصل بي شاهين مكالمة فيديو:-

عمار:دخان في يده.....معاش تجبدلي سيررته انسسساه وراس امك
شاهين:تي خيرا مكلمنيش راهو حجزتله في طياره وجي اهني
عمار:ايي خلاص مسكر راسه انه يحرق ع لبحر وامه مسكينه متعلمش بي شي
شاهين:تمام تمام اهم شي لو كلمك طمني عليه
عمار:انشاءالله خير ...المهم شن حال جرحك توا
شاهين:اهو شوويه وبنوصل المصحه الدكتوره بتكشفلي عليه وانشاءالله خير ي وخي خايف يكون خامر
عمار:تي الله غالب ولاد لحرام مخلوكش حتا تخيطه زمان
شاهين:المهم ي صاحبي طلعنا منها الطريق هادي واهم شي صحابي عايشين لانه لو نخسر واحد منكم نطبقها ليبيا فووق روسهم
عمار:الحمدالله يااارب وانشاءالله يطلع جرحك براني وترجع احسن من قبل
شاهين:انششاءالله عمووري وتوا نعطلكش عليك بسسلامه
عمار:سلام حبي وغير متنساش اطمني ع صحتك
شاهين:تي حااضر ي مبحبح المهم ليبيا قعدا خاشه في خيط
عمار:قصدك مش راجع لي ليبيا انتا
شاهين:لا ليبيا معاش اطمن خلاص شهر لو كثرت وبنرجع تركيا
عمار:ايي هجيتو وخليتووني قعد حاصل مع لكلاب
شاهين:تي شنوو سيبناك انا اكتر من مره قتلك لو تبي تسافر كلمني متبيش مسكر راسك
عمار:تي اختي ي راجل وين بنخلاها هيا جواز معندهاش والحاله متزبره وهلبا كلام لو بنقوله ينفخ الراس
شاهين:بصووت طرابلسي حرر......الي ليا ليك راهو نحسبوش فها ي وخي
عمار:باهي نرجع نتصل بيك توا في رقم يرن نفخهم
شاهين:بسسلامه ....وتسكر الخط

شاهين:انا شاهين مواليد 93 مواصفاتي شخصيه مش طويل زي محمد لكن طرررف دمي عسسل ابيض ملامحي ع صغير ضحكتي احلا شي فيا نحب نغااامر هلبا طبعا عيلتي عايشين برا من الاحداث انا بس قعدت وراء الشله الحرفه.... راهو شبوب عسسل ولد بلاد مليان نص لبنات يجرو وراي ع خاطر فلووسي جعانات حشااكم طبعا زيني زي اي شاب ليبي مصاحب ولاد خششو مع المليشيات خشيت معاهم حتا ع نار نخش معاهم مع الايام وبسرعة الوقت حطونا في امر الواقع ي تقتلو ي تنقتلوو وكشفنا انه المليشيات ع ورق بس وانه هما يتاجرو حتا بالاعضاااء وبما انه احنا شباب ليبين نوصلو لكل شي الا القتل والاجرام حاولنا نهربو بي سياسه وقدرنا نهربوو لكن دفعنا ثمن انا نضربت في رجلي وقعدت يومين لولا ستر ربي كنت ميت لكن مش عارف توا مرات تنقص وله ربك يستر وانتم ادعولي يطلع الجرح براني🔥🔥

ترن ترن ترن :-
عمار:الوو مني
رئيس(العصابه):الوو عماااار وين مغيب
عمار:شن تبو مني قعدين باش دفعتلكم فلووس
رئيس(العصابه):لا كل شي ماشي حلوو بس اليوم عندنا ضيفه جديده
عمار:علامات الصدمه ع وجه...شش ششن تقوول
رئيس(العصابه):اختتك وحيدتك وتوا ورينا شن بيطلع منك
عمار:بصووت متعصب...رد بالك تفكر تلمس اختي ي ندل
رئيس(العصابه):رد بالك ع صووتك وتصرفاتك لانه المره هادي كل شي في صالحنا
عمار:شن المطلوب توا؟؟
رئيس(العصابه):تررجع انتا وصحابك تخدمو معانا ي اختك تلقاها في الجبانه
عمار:من الصدمه معاش قدر حتا يتكلم ...لن سمع طووول طوووط
عمار:طلع من القهووة يجرري ومش عارف بمن يتصل ولا كيف يتصرف لانه اخته بين مجررمين ....ركب سيارته ...يسسمع في تلفوونه يرررن...فتحح الخط...الوو

عمار:مواليد 93 طوويل عريض عندي لحيه طويله نبان زي المجررم غير ابيض وعيوني ملونات نلبس في نص كم حتا في شتااء مع صحابي حتا ع المووت لكن منحبش التهوور قصدي اعقل واحد فيهم نحل في مشاكل بهدووء منتعصبش بااارد هلبااا منضحكش ع اي شي فيكم تقولو رزيين وقصتي حكاها صحاابي والله لو مش اختي كنت نهيج البرا وطلعت من لبلاد الي بدت عباره عصابات بسس🔥

(ميلو حسسسسسسسسسن)🔥🔥

(تونس):-

شاهين:السلام عليكم
الريسبشن:عليكم السلام تفضل
شاهين:مد الملف متعه لريسبشن.....انا ي خويا عندي مراجعه ع رجلي
الرسيبشن:تفضل ع دور الفوقي تلقا قسسم الجراحه تقدر تسأل ع دكتوره(؟؟؟؟؟؟) وهما يدخلك
شاهين:اوكى تمام شكرا ....خدا الملف وهوا طالع لن وصل القسسم ....
الممرضه:تفضل خويا وين دخل
شاهين:شن لحلاوه هادي مصنوعه من سكر وله عسسل
الممرضه:مش مصدقه بضحكه متحشمه...... تفضل خويا
شاهين:الحق انا رجلي كانت توجع فيا لكن من لما شفت شفيت
الممرضه:😌😌....سلمك يارب
شاهين:في خاطره(وربي لما شفتك اذكرت احداث ليبيا من 2011.....المهم نا نبي الدكتوره(؟؟؟؟؟؟)
الممرضه:عندها حاله توا استناا هني اول ماتطلع تدخل انتا
شاهين:حاط عيونه في عيونها.....تي نستنو عادي شن ورانا
ممرضه:😌😌....ومششت
شاهين: قعمز ع كرسي يستنا .....لن حس روحه مزرور بيخش الحمام.....وهوا كيف داخل الحمام ..يسمع في واحد يتكلم ع تلفووون

شخص1:تي قتلك ناضت من الغيبوبه افهم وخالتها سمعت توا من الدكاتره ...تي اسكت متنفخهمش ادخل كأنك دكتور وتسألها ع حالتها
شاهين:فتح السنبور...ع اساس يغسسل في يديه....وقام حاجبه وموجه ودنه جهة الراجل
شخص1:ضروري توا تضربلها اليبرا لانه خالتها ع جايه بسسرعه
شاهين:سكر السنبور .....وطلع من الحماام بخطوات متسرعه....ركب من الدررووج يدور بعيوونه في قسم الغيبوبه لن يشوف في دكتور خاش للغرفه ومشيته مش طبيعيه ...قعد وراء لن شافه خش الغرفه ..
شاهين:طق طق....يتبببع🔥🔥

في هلبا شخصيات بتطلع وهلبا احداث بتتغير بس حكيت شوويه في المقدمه نبي رايكم فها ( عصابات)واقع ليبي..🔥🔥

تعليقات



حجم الخط
+
16
-
تباعد السطور
+
2
-