القائمة الرئيسية

الصفحات

رواية زوجي النكدي الحلقة الرابعة كاملة للقراءة والتحميل pdf - لينة المنفي

رواية زوجي النكدي الحلقة الرابعة كاملة للقراءة والتحميل pdf

رواية زوجي النكدي الحلقة الرابعة كاملة للقراءة والتحميل pdf - لينى المنفي 

لتحميل الحلقة الرابعة 4 من رواية زوجي النكدي pdf : اضغط هنا
لتحميل رواية زوجي النكدي كاملة pdf : اضغط هنا 

رواية زوجي النكدي الحلقة الرابعة كاملة مكتوبة  

اشرف: اول مره تتفقو ع حاجه 😂💅؟ بس شنو !

فاديه"خذت نفس": قلت السجان يفوت قصة البنت اللي جنناته ولدي اصغير وهي اكبر منه مش بعام ولا ثنين لا5 سنين فرق عمر بينهم
اشرف"برفعة حاجب": باه ؟
فاديه: هو كان يبيني نخطبها له بعد كم محاوله اقنعته يتزوج لمدت شهرين بس ..بنت نخترها له بعد شهرين يقدر يقولي اخطبيلي 😔
اشرف"فنص": عيب والله عيب ...شنو ذنب البنت اللي خذيتيها له فكرتي شنو يصير فيها؟
فاديه: ماهو انا كلمتك نبيك تساعدني ...حاول تقنع صاحبك بالبنت..انا فكرت كويس ممكن يتعود عليها وبعد شهرين مش ح يقولي نبي غيرها
اشرف"بهزوه": ع اساس مش عارفه ولدك يامرات عمي ...من قالك سميه سجان ..اخلاق العيل زفت ضربني امس ع كتفي اليوم صبح وعيت ندور في ضريفه 😒💅
فاديه: بلاش كسل انت بس ..بعدين توا غير وعيت حليلك كلمت ضريفه ..اعقل خلاص هبال قريب نزوجك😠
اشرف"حط يده ع عيونه": لحضه مؤثره يامرات عمي كذا خليني نبكي شوي 💔
فاديه: اللهم طولك ياروح....رن ع الهم سجان
اشرف"دير روحه متأثر": اصبري نكمل بكيتي قبل

مشت فاديه وقريب تنفجر من تصرفات سجان والهبل اشرف😂💔...قعد اشرف يفكر شوي بعدين رن ع سجان ..دارله مشغول ...سكن لين رد عليه

سجان"بين في صوته مزكوم": نعم ياثور .. ماتفهمش لما الوحد يصكر عليك خطاه مش فضيلك
اشرف"ببرود": صار ديرين اتفاق انت وفاديه خانم من وراي ..بس ماتخافش مايفوتش عليا الطير الطاير في سماء ...بعد نص ساعه نتلاقو في كافي نستلا
سجان"بقل صبر": نبي نسمسم قبل 😠
اشرف: ياتجيني يانجيك في حوشكم ونسمسمو مع بعضنا ومعانا العروسه💅
سجان"نفخ": امتى بتحط عقلك في راسك
اشرف: مزال نبيه يتهوى شوي ..توا اقلب وجهك رصيدي يبي يكمل
...صكر اشرف ومشى السيارته

________________________

دانيا"بتردد": انا عمري ماحكيتلك ع ضروف عئلتي بس خلاص القصه لازم ندخل فيها...مش هينات عليا دموع امي كل يوم..ع سبا حاجات تافها
إيمان"متأثره": مانقدرش نساعدك غير برقم لارا
دانيا: هذا المطلوب ..اعطيه ليا
إيمان: توا نبعثه لك بعدين
دانيا: تسلميلي يامني
إيمان: بس الله الله اسمي ماتجبديش في السيره
دانيا: ولايهمك ياعيني
إيمان: تتذكري اشرف ولد عم لارا؟
دانيا"برفعة حاجب": وووه مثقل دمه ..مره خذا مني شيت صبى عليا ساعه يحكيلي ليش خذاه مني انا بذات😂💔
إيمان: بلااش رفعة خشم الوليد طرف ..واضح كان معجب😍😂🔥
دانيا: في نهاية تظل لارا بنت عمه هذي بروحها تسد😂💔
إيمان: صدقتي ...توا بنمشي الحوشنا تمشي امعي؟
دانيا: لاصحيتي اهم شي ماتنسيش تبعثي الرقم
إيمان: تمم حبي ..سلام

نزلت دانيا من سياره وهيا تفكر كيف تتقرب من سجان ؟..هيا مش حباً فيه ولاشي اساساً شفاته مره وحده بس يوم العرس !!

خشت دانيا للحوش لقت حسناء قاعده تحكي مع مروه بنتها
حسناء: رجاله غير عليك يامروه ...الا الباقي يطلعن من الحوش ويخشن براحتهن
مروه: شنو تقصدي ي امي ؟
حسناء: نقصد البنات اللي مش متربيات ...
مروه "شافت للخلف لقت دانيا مصبيه تسمع ": مروه خلاص يمي عاد شنو دخلك بيهم
حسناء: نقص غير تعلمني بنت جيبتها من بطني😒
مروه"سكتت بقل حيله " اما دانيا ماتقدرش ترد لذلك سكتت ومشت الدارها وفي كل مره تسمع كلمه من حسناء يزيد حقدها !!
_______________________

كنت في المطبخ ...طفيت ع الغداء وحطيته في الصفرا طلعت القيت سجان يلبس في كويشه ؟!!
انا: وين؟؟
سجان:جهنم الدرك الأسفل ..تمشي امعي ؟
انا"بعصبيه": يعني ماتبيش تتغداء
سجان"ببرود": تعرفي اطيبي اصلا ...ولا مديرتلي مقلب زي فصلت العداد ؟
انا"مصدومه": كيف عرفت ؟
سجان"خذا نظراته من ع طاوله": نعرف كل شي ونمشي بجوي ..بس اكيد كل شي له حساب 😌...خذا مفتاحه ودخانه وطلع ...وقعدت انا بروحي
انا: نكدي اقسم بالله ...ودك غير معش تحكي معه ولاتقدره ...والله فكره زعما نسكت معش نحكي امعه ولانقربه بالك هكي يخليني في حالي 😣...يحب ولايموت انا مش قضيتي هذي ...قضيتي هلي اللي عزقوني هكي 💔...صبيت ع صوت الباب يطق

انا"بخوف": منوو ؟منوو ع الباب؟
صوت بنت: افتحي جارتك نجلاء سجان قالي نجيك
انا..مشيت فتحت الباب
سلمت ع نجلاء ..
انا: تفضلي ...خشينا جوا قعدنا في صاله

نجلاء: كيف حالك
انا: الحمدلله
نجلاء: انا جارتكم ..توا سجان كلم راجلي "فتحي" ع خاطر نقعد معك ع بال ماروح
انا"بستغراب": والله ما كان في داعي ..وقت غداء كيف طلعك
نجلاء"ضحكت": والله معه حق زي القمر وصغيره كان انا بدله نحط حراس 😂❤️
انا"تحشمت": تسلمي
نجلاء: فكيني من الرسميات خوذي راحتك ...انا اسمي نجلاء عمري 26 عندي بنيه ووليد
انا: تشرفت بيك ...انا اسمي ..قصت عليا نجلاء
نجلاء: اسمك ساره عمرك 17 نعرف ...ماتستغربيش حضرت عرسكم ..فتحي يقعد صاحب سجان 😂...بيني وبينك بسلامتي قصقاصه.. ديما نقصقص في فتحي ع اخباركم ايام العلاقه ..
انا"بصدمه": شنو؟!
نجلاء: والله فتحي ديما يقولي سجان كان ماتزوجش البنت اللي يحكي امعاها يموت ...لكن الحمدلله رجعتو البعض وتزوجتو😌❤️
انا"حاولت نبان طبيعيه": عصير ..ولاقهوه
نجلاء: لا صحيتي جايه نحكي امعك ع بال مايجي راجلك ..بس ليش مش حاطه مكياج ؟
انا"نحكي بالغصب": مانحباش ..ومش من محبين اللبس يعني نفضل الحاجت البسيطه
نجلاء"ضحكت": خطرتي عليا روحي ايام وانا عروس بعد نتعارك مع فتحي نمكيج ونلبس ع خاطر نقهره😂💔
انا"في سري ربي يكون في عونك يافتحي" : ربي يحفظكم البعض

استمرت نجلاء تحكي وانا نساير فيها
_____________________

اشرف: حرام عليك تلعب ببنات الناس !!
سجان"فيده دخان": اشرف ماترقيهش ليا انت عارفني من زمان نقوللها يا أما مريم ي بلاش امي احترمتها وقت قالت نتبرا منك ليوم دين كان ماتزوجتش اللي نختارها ..وقلنا باهي وجوزت ...يبي يكمل كلامه عطس
اشرف"ضحك": هذا دوش امتع نص الليل😈😂
سجان: بلاش كلام فارغ خيرلك ...العيله اللي عندي فصلت عليا الضي في نص الدوش كملت الدوش بميه مسقعه😠
اشرف"يضحك": جاك اللي يخذ حقي منك...وانا نقولك حرام بنات الناس...والله ساره ماهي مقصره معك البنت بدت تربي فيك 😂
سجان: كان ماتصكر فمك نمشي العمي نقوله ع المصيبه الي ديرها !!
اشرف: ما فالح غير تهدد فيا ..افرض عضلاتك عليها😒
سجان: بعد نديرلك مشغول ..معناها مشغول معش تسكن
اشرف: مشغول مع من 😜..مع بنتك 😂💅
سجان: انت ماتفهمش بالكلام شكلك !
اشرف: والله بنحكي جد خلاص ...امتى بتبدا شغل لك فتره معطل!
سجان"حط يده ع قلبه":اللي مكبد مايقدرش يشيل سلاح💔!
اشرف: مش وقت نزار القباني ..جماعتك كلهم يكلمو فيا يبو يوصلولك !
سجان: رد بالك تعطيهم رقمي
اشرف"ضحك": ع اساس وحلين فيك..استخبرات هذوم يا بابا غير مزالو يحترمو فيك بس!
سجان"حط يده ع شعره": توا بنروح مسيب العيلا مع مرات فتحي
اشرف: والله ماشي امعك دور الأب استمر😂🔥
سجان: امسخ ..هي اوكِ ...ركب سجان سيارته وطول مشى للحوش بعد شوي وصل رن ع فتحي

فتحي: نعمم؟
سجان: قول الهلك يطلعو
فتحي: خلصت المصلحه يامعلم😂
سجان: خلصت😂
فتحي: تمم ..هي

....بعد شوي طلعت نجلاء وهي مزالت مستمره في الحكي وصبيت امعاها عند الباب ...شفت سيارة سجان واقفه شفتله بحقد

نجلاء: هي مع سلامه...رديلي الزياره
انا: ان شاءالله ...مشت نجلاء وجاني سجان زي الثور مفنص وشوي ويطلع منه دخان ...مسكني من يدي خششني للحوش وصكر الباب بقوه

انا"منصدمه": خير شنو في ؟
سجان" قرب مني لدرجة بيني وبينه المسافه شعره"
انا"أجمدت مكاني "
سجان"بصوت هادي": اخر مره تطلعي لفم الباب ..احدودك المدخل بس!!..شعرك تغطيه فاهمه"فجأه علا صوته"....قتلك فاهمه😠
انا"بخوف": ف..ف فاهمه ..طلقني سجان وخشيت انا للدار ودموعي ع خدي

انا: شنوو ديره في عمري بس عشان نطيح في يد واحد لايعرفربي لايخاف منه😭💔...يارب انا مظلومه يارب خوذلي حقي خشيت في الفراش وتغطيت وانا نار والعه فيا ...ما فطنتش الروحي ورقدت ...

"عندما يأتيني احساس بالأنهيار النوم فقط يمكنه اسعافي😴"
كتاباتي لينة المنفي 🔥✨

المهم رقدت ساره ...وقعد سجان في صاله يدخن

سجان"بعد روق ": مفروض ما درتلهش هكي اكيد خافت ..انا غلطت في حقها بس هكي احسن خليها تكرهني عشان لمايجي وقت الطلاق نقدر نبعد عليها ...قطع تفكيره صوت هاتفه اللي يرن
سجان"خذا نفس": مريم مش قتلك معش تتصلي الا بعد مانطلقها ؟
مريم"تبكي": والله ماقدرت ع فراقك والله افهمني😭..ليش ماتبينيش
سجان"بعصبيه": مريم مانبيش نقعد خاين في نهاية هيا ليها حقوق عليا ..هذا شي لازم تفهميه ..انتِ تعرفيني عندي مبادئ
مريم"تحكي بعضب": والله عندي احساس ح تحبها وتخليني ...ليش تزوجتها ع خاطر اصغر مني😭
سجان"نفخ": مريم معش تحكي امعي... صكر عليها وقفل هاتفه ويحس في حبه لمريم نقص بعد تزوج ...في شي تغير !! ...
سجان: اكيد نتخيل بس ح نخذ مريم مهما يصير

_________________

لارا: انتِ اختي حبيبتي ...خليني نتعامل بطريقتي الخاصه مع سجان ومرته ع خاطر لو قعد الحو هادي هكي والله صدقيني ح يقعد فاصي الها !!
مريم"تبكي": الشغل ...الشغل ...ح نخليه يرد الشغل😭
لارا: كيف تستفيدي هكي ...تعرفي شغله كله انتِ مداهمات وصرب سلاح ..ما ساد اخر مره نجى من الموت بصعوبه
مريم: شنو الحل باهي😭💔
لارا"بخبث": كل شي في وقته حلو ..
مريم: بس ماتضريش حد
لارا: اهم شي مصلحتك انتِ الباقي مادوريهمش
مريم: نعرفك ماديريش حاجه من فراغ
لارا"ابتسمت بخبث": بنساعدك بس
مريم"سكتت"

اما لارا سمعت صوت رساله جتها مشت تشوف الهاتفها
المسج :
"انا دانيا اخت ساره ...رني عليا "
لارا"بستغراب": شنو تبي هذي زعما ؟!
بعد شويت تفكير من لارا رنت ع دانيا
لارا: نعم ..لقيت مسجك
دانيا : قبل كل شي نعرف انك تبي ولد عمك اشرف ولا؟
لارا"بستغراب": وكيف عرفتي ؟
دانيا"ضحكت": حاربتيني واجد ايام الجامعه ع خاطره ولانسيتي؟
لارا"بنزعاج": شنو تبي توا ؟
دانيا:

_______________________

وعيت من النوم وراسي واجعني شفت للساعه متع الحائط القيتها 8 المغرب 😴
انا"بنزعاج": ووه يا راسي معقوله رقدت 3 ساعات ...لازم نشرب قهوه ...حولت البطانيا من عليا وصبيت بنمشي للمطبخ وانا ماشيه لفت انتباهي سجان راقد ع الاريكه لابس تيشرت اسود نص كم

انا"بحقد": الحقير هذا الهمجي ...مايستحقش نغطيه ..لكن انا مش نفسه كله الربي مش الحد...مشيت للدار خذيت بطنيه وجيت نغطي فيه وانا نغطي فيه لمست وجها بالصدفه

انا: وووه ساخن هذا !!...اكيد مرض🤦...سجان ...هي اوعي
سجان"بصوت متقطع": ن..نعمم
انا: مرضت؟
سجان"بصوت مرخي": ب..بندول جيبي
انا"بتوتر": زعما نكلم نجلاء؟
سجان"بصوت تاعب": ل..ااالا
انا"بغضب": املا شنو ندير ...تذكرت امي لما نمرض اديرلي في كمدات ميه امسقعه

مشيت بسرعه جبت الدواء وجبت كمدات
انا: خوذ الدواء ...ساعدته يقعد وعطيته الدواء ..ورديته مكانه وحطيت الكمدات ع راسه ..
سجان: غطيني مسقع
انا: حراره ...ومسقع ..عليك قصه ..نمشي نديرلك حاجه تاكلها ادفيك

خشيت للمطبخ وبديت ندير في شربة ... سمعت صوت هاتفه يرن ..حطيت الطنجره ع نار وطلعت للصاله
انا: سجان ..هاتفك يرن
سجان" مش مركز ساكت"
انا"قريت لاسم القيته مسجلها امي رديت "

المتصل :
انا"بصدمه":

.....يتبع🔥✨
هل اعجبك الموضوع :

تعليقات

لقراءة الرواية كاملة وتحميلها pdf قبل نزولها على المواقع انضم لمجموعتنا عـ الفيس بوك : من هنا