رواية هتلر الجزء الثاني كاملة بنوتة الشيخ ( أروى طاهر المسلاتي )


رواية هتلر الجزء الثاني كاملة بنوتة الشيخ ( أروى طاهر المسلاتي )

فاجئتنا الكاتبة أروى طاهر المسلاتي الشهيرة بـ لقب بنوتة الشيخ بصدور رواية هتلر الجزء الثاني 
بعد النجاح الكبير التي حققته في الجزء الأول من الرواية فكان من الطبيعي 
أنا يستمر هذا النجاح لفترات طويلة أخرى 

وإذا لم تَكُن قرأت الجُزء الأول من رواية هتلر لبنوتة الشيخ : اضغط هنا
لقراءة رواية هتلر الجُزء الثاني لبنوتة الشيخ : اضغط هنا 





رواية هتلر الجزء الثاني كاملة بنوتة الشيخ ( أروى طاهر المسلاتي ) 






عن رواية هتلر ليبية الجزء الثاني بنوتة الشيخ

رواية هتلر الجزء الثاني لا تقل جمالًا عن الجُزء الاول من الرواية 
التي أبدعت فيه أروى طاهر المسلاتي .. لازالت الكاتبة تتميز بأسلوبها الممتاز 
والسرد أكثر من الرائع تشعر أبدًا في رواية هتلر الجزء الثاني 
أو في أي رواية من روايات بنوتة الشيخ أنك تقرأ رواية إلكترونية 
بل ستشعر بإنك تقرأ رواية ورقية منشوره مع المصرية اللبنانية أو جرير أو الشروق! 
أو مع أكبر دور النشر العربية الأخرى
وهذا لأن أسلوب الكاتبة فعلًا مميز .. ولكن للأف ينقصها الكتابة باللغة العربية فقط 
ولو كتبت أروى طاهر المسلاتي بالعربية الفصحى ستكتح الجميع! 
ستُسيطر على الرواية العربية لسنوات قادمة وليس فقط لمجرد أسابيع كما يحدث مع روايتها حاليًا 
بالنسبة لنا دائمًا ما نرى أن روايات أروى طاهر المسلاتي (بنوتة الشيخ) مميزة 
ورواية هتلر الجزء الثاني واحدة من هذه الروايات المميزة
فماذا ترى أنت؟
لقراءة وتحميل رواية هتلر الجزء الثاني :اضغط هنا

تقيم رواية هتلر الجزء الثاني 

لن يختلف تقيم الجُزء الثاني من رواية هتلر كثيرًا عن تقيم الجُزء الأول
وهذا لأن الجُزء الثاني ليس سوى مُتمم لأحداث الجُزء الأول 
وكمالة له
ولكننا بصراحة نرى أن الجزء الثاني أمتع بكثير من الجُزء الأول 
تقيمنا للجزء الثاني من رواية هتلر ليبية بنوتة الشيخ هو 10 من 10 درجات.

رواية هتلر الجزء الثاني كاملة مكتوبة

نور:فتحت عيوني علي مالك ❤️راقد زي الملاك جنبي نازله خصله من شعره علي عيونه المسكرات💕هوا حلو جدايت هكي ولا في عيوني بس ؟!
نضت بهدوء من ع السرير عشان ميفيقش غطيت روحي بي روب قطني ربطت الحزام وبديت نقيم في حوسة الدار
الڤيلو كان ملوح في تركينه وتوكات التسريكه وحوايج مالك والف حاجه خاشه بعضها 😂

____________
منى:فمها معبي خبزه....لا مزال العرس زيد اجله حني مش واتيين
شاهين:سكري فمك انا نكلم في امي منكلمش فيك
منى:شبحتله بحقد
شاهين:المهم شنو رايك امي
كميله:وليدي الجو مصقع قاعد خلي لين الدنيا تدفا شويه بعدين ساهل لان عراس الشتاء صاعبات وراس ولدي
منى:اي والله ناقص هيا خرا والعرس يجي خرا هلبا هكي
شاهين:سكرررري فمك انتي وخلي البنت في حالها
منى:تقيم في شعرها....ياويلها مني غير توصل بس
شاهين:طالعه زي الهنود الحمر بشعرك قداش مره قتلك معش تلعبي فيه
منى:مدخلكككش احكم في مرتك ترااا
شاهين:بتعبنا يما هيا
كميله:ضحكت...وخيتك مهما قالت ميهونش عليها مرت خوها ...ولا منى
منى:غير توصل بس والله كان محرقتهاش بي شكارة نايلو متع كناسه معاد نتسما حماتها 😌
شاهين:لوح عليها المخده...تي نووووضي يادرااه

نور:دوشت ولبست بيجامه خفيفه❤️ طلعت من الحمام وشعرها نازل عليها مبلول خشت المطبخ طلعت كم حاجه من الثلاجه بعدين وقفت ع تالفونها يلي كان في الشحن تشوف في المسجات ..لقت مسج من منى
منى:حاسداتك اديري في العيب معاه يهبببلل ووووه😭
مسج تاني:به انا صاحبتك عادي تسلفيهولي مره مره؟!
مسج ثالث:زعما شنو اديرو توااا .....نور تفو سعدودك 😭😭😭

نور:ضحكت علي هبل منى ومسحت الرسايل ...شهقت مخلوعه لما حست بي شخص حضنها من الخلفه ❤️....هاا😨
مالك:مسكر عيونه ويشم في ريحة شعرها 💕...تعرفي علاش كنت منحبش نشوف شعرك مفتوح؟!
نور:ابتسم ونزلت راسها ع جنب ...علاش
مالك:دفن راسها بين رقبتها وشعرها ...لان كان يهبل فيا نور كل منشوفه
نور:تلفتت وجت قدامه بزبط....به هي يافالح نفطرو امك تبي ادير محضر
مالك:يمسح علي شعرها ...شن رايك نكلم حرس يوقفو برا ومنخلو حد يخش
نور:هههههه مالك بلا هبال هيا وقت الجمعه بتأدن
مالك:جبدها من خصرها...مش قاااادر الزح
نور:بساته ع خده وبعدت بسرعه....هياااا وقت
مالك:شبحلها من بعيد....زيدي العبي بي مشاعري
نور:😂😂😂😂

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

الاء:شنو ماما هاذم بس الحجات يلي بنرفعوها؟
نهله:اي اي وشوفي نيروز كان تبي حاجه
الاء:به ...بدت الاء توتي في حجات المحضر لين انتبهت لي مسج وصلها فتحاته

(جايك يوم استني عليا بس بالك تسحابوني ناسيكم عيله تامه)
الاء:بلعت ريقها بخوف بعد ما قرت الكلمات هاذم وحست ان سليم ورا المسج طبعا منو رح يكون غيره؟!!

________________
نور:خشت لي غرفة النوم وكان مالك يبطم في سوريته شافتله بي اعجاب واتجهت لي روشن الدار بتفتحها بس نصدم في عياط مالك
مالك:تي سكررررررررري
نور:نخلعت وسكرت بسرعه ...شافتله ...خخ خيرك
مالك:قرب عليها وسكر الروشن كويس...خلي امه مسكر هاذا مينفتحش ع الشارع الروشن يبدا يلي ماشي ويلي جاي يشوف فيك
نور:وهكي بيقعد الحوش ديمه رواشنه مسكرات 😳
مالك:اي
نور:لاكن....
مالك:متزيديش معاااااي في الدوا لا يعني لا
نور:سكتت وهيا في داخلها تردد...هاذا من اول يوم هكي؟!
مالك:رجع للمرايا بخ العطر متعه ويشوف بي نضرات خاطفه لي نور من المرايا ...كانت واقفه بكسرة خاطر كيف كشخ عليها من اول يوم وتشوف لي الروشن
مالك:رجع قرب عليها...نورتي
نور:ترا حول مالك عندي ما ندير
مالك:جبدها من يدها وحضنها....نغار الزح افهمي
نور:بعدت عليه....مهما كان من البدايه هكي تكشخ وانا قاعده عروسه؟
مالك:قرص خدها ....كبرت ياحليلي وراحت عروسه
نور:بملامح غضب...منبصرش مالك من اول يوم هكي بعدين شنو بديرلي ان شاء الله ؟!
مالك:نربطك وتقعدي مقعمزه في مكان واحد وانا نتفرج عليك بس❤️
نور؛ضحكت لما عرفاته يبصر
لاكن مالك مبتسمش حتى شويه..والشي هاذا خلا نور تختفي ضحكتها
نور:تبصر صح؟
مالك:حط يده علي خدها بحنيه وباسها...لما تفكري تباعدي عليا بندير احرف من هكي ...هي بنمشي متبي شي؟
نور:تشوف لي عيونه...سلامتك
مالك:باسها علي راسها وطلع
نور:فكرت لحضات ...معقوله الحب يوصل لدرجات هاذي؟! لاااا مالك يبصر اكيد

قالت العبارات هاذي وبدت تستشور في شعرها وتوتي في روحها للمحضر ....
_______________
علاء:خيرك انتي اليوم متغيره مش علي بعضك بكل
دنيا:بصوت يرجف....ااءء انا لا لا عادي
علاء:دنيا متسكريش راسك خيرك ؟!
دنيا:شي عليوا تمام الامور ..المهم مشو اهلك ي نور!
علاء؛كيف طلعو توا ..بتمشي انتي ولا
دنيا:لالا مهما كان هاذا محضر مش العرس كله نغتص فيه
علاء:انتي خطيبتي دنيا بري عادي خلي نحصل تشوفك مره وحده
دنيا:لالا اصلا اء اصلا حاسه نفسي تعبانه شوي
علاء:سلامتك شن واجعك؟
دنيا:تاعبه ممكن خذيت برد وهكي ...المهم انا راسي واجعني بنرقد شوي
علاء:مستغرب من تصرفاتها ...دنيا خيرك ادوي
دنيا:مخيرني شي علاء خليني نبي نرتاح
علاء:متحملش وبدي يعيط في التالفون....تي ادوي قلتتتتت منتحملش الاسلوب هاذا انا
دنيا:خذت نفس وهيا تحاول تكتم بكاها...بنرقد تو نحكو
علاء:تكنطا...ميا ميا دنيا ....وسكر عليها
دنيا:رمت التالفون ع السرير وبدت تبكي ويديها يرجفو 💔كأن في سبب يخليها ادير شي زي هاذا !!

_______________
نيروز:ياسر والله محلاها هكي
منى:مزال تبي شوي هايلايت هنايا وشوي هنايا
نور:هههه منى متلعبيش فيا
منى:يجنن مكياج البدله الكبيره عليك
نيروز:الله واحد مشاء الله محلاها
منى:سلم يدياتي ياكبدي
الاء:ماسكه تالفونها وتبتسم
منى:اي اضحكي ياحنا اضحكي فرحانه برزق خوي عاد امس نسمع فيه يحك في الكروت ويعاود الفال ليا ناخذ خوك ونقهرك
نور:تضحك وتساوي في روحها
الاء:بي برود ...ان شاء الله ونبدا حماتك ونكرهك في عيشتك زي مامدايرتيلي توا
منى:عضت فمها...اقسم بالله كان نشد نريشك بسسس
زكيه:السلام عليكم
كلهم:وعليكم السلام
زكيه:مشاء الله مشاء الله الله يبارك علي بنتي
نور:ابتسمت ...يبارك في عمرك
رونق:محلاهااا نور
نور:ياعمرررري انتي جيتي 😍وين رضا
زكيه:خليته مع بوه قلت يقعد تو يتاعبني
نور:اهااا به مهم البرنسيسه جت....وباست رونق
نيروز:شن حالك زكيه اليوم
زكيه:من راس خشمها..الحمد الله بخير الاء:شافت لي اختها بمعنى انها فهمت كيف تتكلم زكيه وطبعا زي العاده منى مقدرتش تسكت ابدا 🤷🏻‍♀️
منى:وانتي خيرك تتكلمي من راس خشمك اللطف خفي خفي
نور:تبي تغير الموضوع...من جابكم ؟!
زكيه:يزيد 😊
نور:شافت لي الاء بتوتر...اء اها
زكيه:بتجاهل ليهم كلهم ..هي بنتي انا سابقتكم لي حوش نهله المعازيم بدو يوصلو
نور:هزت براسها
زكيه:خدت رونق ونزلت
الاء:بعد يلي صار قاعد يجيب ويرفع فيها
نور:تلبس في العبايه العرايسيه...ترا فكيني منه ومن سيرته ....تجاهلت نور الموضوع بعفويه وكانتش عارفه القصه يلي يخططواها من وراها 💔🤷🏻‍♀️

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

نور:ركبت السياره وكان جنبها مالك لابس زبون عنابي يجنن😍🔥
مالك:زيدي نزلي وجهك
نور:مغطي كله يامالك
مالك:بعدين ملقيتيش الا الطرف الابيض هاذا من بعيد قريب يبان ؟!
نور:حبيبي هاذي العبايه متع عرايس
مالك:ابتسم وخذيها يدها حطها ع قلبه...شوفي قداش قلبي يدق لما سمع كلمة حبيبي
نور:ابتسمتله بحب❤️

منى والاء وصلو لحوش عصام قبل نور وطبعا طووول الطريق وهما عراكات قريب يقتلو بعض 🤦🏻‍♂️وعلاء يسوق بيهم قريب هبل من التلقيح والكلام والعياطات
منى:خشت لحوش عصام وكانت الخيمه زحمه شويه تقريبا كلهم واصلين ❤️...ركبت دار نور وكانت قاعده لابسه عبايتها ..
فراس:طالع من دار مالك
منى:ياحليلنا 🤭....انت طالع من دار مالك وانا من خاشه دار نور شكله حني بعدهم ولا ؟
فراس:ضحكلها....فرخه قاعده غير اطلعي من الثانوي
منى:حطت يدها في نصها...والله خيره نور تزوجت
فراس:سكر الباب بي المفتاح ونزل بدون ميرد عليها
منى:حيوان مره يعطيني اما ومره يدير في الجو لاكن تو نوريك يابارد 😡😡

______________
نور:بعد ما نحت عبايتها وصورت هيا ومالك خشو مع بعض للخيمه وكانو يهبلوووو كيف طالعين مع بعض 😍❤️
قعمزو شوي ع الكوشه ومالك عطونه متنحوش من علي نور والكل كان مركز ع الحركه هاذي ❤️ويحكو
مش خذاها عشان مصارش من مرته الاولى ويبو يغطو ع الموضوع؟!ليش يشوفلها هكي ؟!
وكل وحده تحكي في قصه وتخترع في شي
بس هاذا كله مش مأثر علي نضرات مالك لي نور ❤️

علاء:واقف قدام الحوش يدخن ويحاول يتصل بي دنيا بس رقمها مسكر ...حس بشعور مش تمام 💔
لما فجآه يتغير عليك شخص تحبه يلي تحس بيه صععععب توصفه لشخص 💔تبدا تحس ان خلااااص مزاجك وجوك وحياتك كلها متعلق بي كلمه منه بس 💔💔💔
وهاذا كان شعور علاء بيهبببل ويعرف دنيا خيرها؟!رغم امس بس كان جوها حلو معاه شن يلي تغير ؟!

اكتر الناس الفرحانه اليوم كانت الاء ❤️تحكي مع شاهين وتخطط لي زواجهك والفرحه مش سايعتها
كلللل الزحمه والاغاني والهيصه يلي صايره في حوشهم مكانتش معاها ابدااا...في عالم تاني هيا وشاهين

اما منى:مقعمزه تتسهوك ع الناس وتحرق في دم بنات العيله وطبعا لان عارفينها متع شهدره مفيش حد قادر يرد عليها يلي بيرد بياخد فضيحه بجلاجل قدام الناس 😂
زكيه:تشوف لي بنتها نور من بعيد وحاسه ان مالك انتصر عليها 💔وخذي بنتها بلغصب بس مش رح تسكت ع تهديدات مالك لانها كانت تتمنى لي بنتها ولد كويس ودكتور زي يزيد مثلا 🔥
_______________
بعد ما صورو وتعشو الناس وداروه محضر بي الزمزانات مقوم 😍🔥جت الساعه 11وكل واحد بدي يروح لي حوشه عادا العيله بايتين زي عادة اي عرس في حوش ليبي 😂😂😂
روحت نور مع مالك
ومنى مع خوها بعد ما عيطت عليه لين دهشت باش تنكد ومتخليشي يشوف الاء 😂سم ياكبدي سم

نور:خشت دارها وبدت تنحي في الفجره
مالك:بدل حوايجه وقعد يساعد فيها ويحكي معاها...منو جاب امك اليوم؟
نور:خافت...اء ر رجالها اكيد منو بيجيبها
مالك:يشوفلها في المرايا...نور عيوني متكذبش صح
نور:هزت براسها ووجها اصفر
مالك:ضحك وباسها ع خدها...استاحشتك الهم مش قادر نصدق انك مرتي وليا 😍
نور:تنفست براحه وابتسمت ❤️❤️
مالك:نورتي الحلوه بدلي باش نتعشو جعان
نور:تمام 😊
مالك:طلع لي الصاله ونور حايره !!
شعور انسا يلي قدامك متفهميش طبعه كيف؟!...مره تحسيه احن مخلوق عليك ومره تحسيه شيطان 💔خافي عليك هلبا حجات ونضرته تخوف 🔥

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

كانت ليله رومنسيه بين الاء وشاهين بس كل شويه يقطع عليها مسج بي كلام يخوف 💔...كانت تتجاهل فيه وقررت تحكي لي مالك بس بعد فتره من زواجه خليه يتهنى توا
اما منى كان جوها مش تمام وعاقده حواجبها وبس بسبب فراس ...وفي نفس الوقت حست بي الوحده بعد تزوجة نور 💔معش عندها علي منو تحكي في الليل !!
نور:كان شعورها مختلط بين الحب والفرح والخوف
جديات كان شعور يجنن وهيا مرت هتلر ❤️
جماله شخصيته كل شي فيه يجنن 🔥
بس قاعده تحسب لي روحها في كل خطوه عشان متغلطش ويدير فيها شي لان نضراته مرات تخوف فيها جديات

علاء:سكر تالفونه حتى هوا ورقد رغم انشغال باله
اما دنيا كانت في حاله تااااااني 💔💔💔

______________
ثاني يوم🌤🌤
نور:فتحت عيونها علي صوت الباب ...ناضت بصعوبه ملقتش مالك جنبها بس لما لقت روحها مغطيه عرفت انه طلع❤️
لبست طرف روبها التاني وطلعت من دارها وهيا مزعوجه من صوت التخبيط متع الباب
طق طق طق
نور:افف جايه ...فتحت الباب شهقت بصدمه ...دفها وخش وسكر الباب...يتبع
طق طق طق
نور:افف جايه ...فتحت الباب شهقت بصدمه ...دفها وخش وسكر الباب...
نور:عيطت بصدمه ...بس قبل ما يرتفع صوتها سكرلها فمها
يزيد:اششش اهدي اهدي بنحكى معاك شوي بس
نور:تبكي وتحاول تباعده بس مش قادره
يزيد:يتفحص في شكلها وجسمها...تهبلي طاالعه حاسده الزفت الكلب هوا
نور:نحت يده من علي فمها بعد ما ارتخي شويه....تبكي وتترجى فيه وتحاول تستر روحها كانت ترعششش مع بعضها من الخوف...بالله عليك بالله عليك اطللللع اطللللع وربي يقتلك ويقتلني اطلللع
يزيد:مرتاحه معاه نور؟!
نور:ادف فيه...اطططلع اطططلع وربي ينهينا الزوز اطلع حسبي الله فيك
يزيد:مركبلك حاله نفسيه صح؟!....نور علاش درتي هكي ،؟...علاش حذيتيه م....
نور:تضرب فيه ع كتافه وتبكي....اطططططلع قبل ميجي وربي نموووووتو اطلللللع😭😭😭😭😭
يزيد:تمام ماشي ...لاكن مش رح نخليك ليه ره عارفك واخدتيه بلغصب
نور:دفاته لين طلع وسكرت الباب...من كثر الخوف والرعشه يلي حصلتها طاحت ع الارض تبكي بهستيريا ....الواضح انها مش رح تتريح ويزيد حاطها في راسه 🤷🏻‍♀️

_______________
منى:واقفه ع الروشن وتنقب في السامينسا....الله الله جيران جدد ...منو هاذا ينزل في البضاعه؟!ولدهم شكله
كميله:اطبق في الحوايج...هني روحك معش تقيدي حوال الناس
منى:مركزه ع الولد كيف ينزل في البضاعه لين جت عينها في عينه وابسملها ❤️
منى:فتحت فمها...هاذا منو؟!هاذا الحلو من نضره ذوبني وعلقني في شباكه
الولد:نزل عيونه وكمل تنزيل البضاعه
منى:سكرت الروشن وقعمزت ع السرير وسكر عيونها
كميله:بسم الله خيرك يابنت
منى:نتأمل خليني ...بنجمع قذراتي وبنطلع الطاقه السلبيه باش نعرف نركز ع الهدف الجاي
كميله:خذت سلة الحوايج...ربي يتبت عليك العقل نوضي باش اديري الغدي تحركي
منى:نكمل ونجيك
كميله:طلعت وهيا تهز في راسها بهزوه ...

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

نور:مقعمزه في الصاله ولابسه بدلة الصلاة ..نقزت من مكانها بخوف بعد سمعت صوت الباب ..بس ارتاحت لما شافت مالك خاش عليها ويبتسم❤️
نور:مشتله بسرعه حضناته ❤️
مالك:خيرك ؟
نور:ولا شي بس استاحشتك
مالك:ضحك....شن معش تبيني نطلع ولا كيف
نور:حضناته بقوه...خليك معاي مالك
مالك:حس ان في شي غلط ...خيرك نور ؟
نور:ولا شي
مالك:به شنو نطلعو نتغدو برا ؟!
نور:ابتسمت...به
مالك:بري البسي هي
نور:خشت دار النوم وهيا داخلها تحمد في ربها ان مالك مشاف شي ولا حس بشي لانه وقتها رح تكون منتهيه 💔

___________
علاء:امتى بتروحي؟!
الاء:والله منعرف ع حسب تو لان المحاضرات مش مرتبات
علاء:تمام
الاء:خيره جوك هكي اليوم؟!
علاء:شي عادي
الاء:به هي سلامات
علاء:اشرلها بيده
الاء:نزلت وسكرت الباب...اتجهت للقاعه متاعها وقعدت واقفه بصدمه لما شافت سليم واقف بعيد شوي واشرلها بصبعه ...حاولت انها تبعد عليه بس رجعلته غصب عنها لما وصلها مسج مكتوب فيه !

(اقسم بالله متجيش اليوم خوك بنقتله وخطيبك بنعطيه صورك و و و ...من هاذي التهديدات)
الاء:شن تبي
سليم:هه جديات تسحابيني نسيتكم؟!ولا يعيني عجباتك نهاية المسرحيه؟خوك تزوج وانتي نخطبتي لي حبيبك الاول ؟!
الاء:خذت نفس....ريحني وطلعني من راسك سليم والا والله نخبر هتلر وتشوفه كيف يتصرف معاك
سليم:ضحك بهزوه...بنت امك اديريها
الاء:بعدم اهتمام...انا الفاضيه عاطياتك اكبر من حجمك....ومشت وسيباته

___________
ع التالفون....
منى:تلبس في كندرتها...وين انتي ؟!
نور:مقعمزه في مطعم جنب مالك.....طالعين نتغدو برا
منى:سعد الناس ادجكتري توا عاد حتى راجلي وحتى راجلي
نور:هههههه وين انتي
منى:ماشيه حوش عمك بنعطيهم بضاعه نسيتها في شنطي امس
نور:اممم قولي الحق ياكذابه
منى:افففف بالله ريحيني ترا بديت نمل منه الحقير فراس
نور:كله يجي بي وسعة البال بنتي
منى:والله🙂....ع اساس كبرتي ولقطات تفو ان شاء الله تنخنقي بي زيتونه
نور:هههههه
منى:طالعه لي سيارت خوها وتجمدت لما شافت ولد جرانهم ❤️...هي بسلامه توا
نور:كلميني بعدين نبيك
منى:سكرت في وجها وقعدت تشوفله
الولد:واقف علي العمال وارتبك من نضرات منى
منى:شافت يمين يسار ملقتش شاهين ...اهلين
الولد:اهلين بيك
منى:انتم جيران ولا حلويات معليشي🙂؟
الولد:قعد فاتح عيونه بصدمه
منى:المهم حسبي الله ونعم الوكيل فيك لانك حلو بزياده ...هي باي
الولد:ضحك واشرلها بيده من بعيد

_____________
الاء:كانت سارحه في المحاضره ...وصلتها صوره ع الواتس وخافت لما عرفت انها من سليم...فتحتها وطلع احساسها صح
الصوره كانت الاء واقفه مع سليم الصبح يعني كان مدايرلها فخ اجبرها توقف علي باش يصورها حد تاني وتبدا الصوره كأنهم متفقين يتلاقو🤦🏻‍♂️
استأذنت من الدكتور وطلعت وجها اصفر ترعش كانت فاهمه وعارفه ان سليم رح يديرها ويفضحها مع شاهين

نور:مالك❤️
مالك:ياكل...عيونه
نور:امي اتصلت بيا الصبح وتبيني نجيها زياره
مالك:تبيك تجيك هيا نورتي
نور:علاش به نبي نمشيلها بجد م....
مالك:قلت لا
نور:ع الاقل عطيني سبب مقنع
مالك:خبط ع الطاوله وبصوت عاااالي....لااااا قلت
يلي في المطعم كلهم انتبهو عليه ويشوفوله
نور:تحشمت قدامهم ونزلت راسها...بنروح
مالك:خذي نفس عشان يهدا...منرضاش تمشي لي حوش فيه راجل غريب وولد الكلب هذاكا قريبها
نور:اذكرت شن صار معاها الصبح 💔
مالك:مسك يدها...خودي الكلام نور خليني الحنين معاك
نور:ابتسمت...وهزت راسها بي رضا ❤️

________________
منى:السلام عليكم
نهله:اهلا منو خشي
منى:كيف حالكم اليوم
نهله:الحمد الله كويس تفضلي
منى:خوي يراجي فيا بنركب دار نور نحط البضاعه يلي قتلك عليها
نهله:به خوذي راحتك
صابرين:تلبس في وشاحها بتروح....عليك تلصيق سبحان الله حتى صاحبتها تزوجت ماشيه جايه
وئام:هه بالك موضوعها مش في صاحبتها...موضوعها في حاجه تانيه
صابرين:متستغربيش هههههه
منى:حطت شنطتها بكل هدوء وجت شدت صابرين من شعرها 😂....وبدت تضرب وصابرين تعيط اللتمت العيله كلها يحزو ومنى مطلقتهاش لين بردت كبدها
صابرين:تبكي حقيره همجيه
وبدت العيله تهزب وهاذي ادافع وهاذي تدوي وخشت بعضها لين وقف فراس
فراس:يااااااااااسرررر
منى:بوجه بريئ...هيا بدت 🥺
فراس:بلا تلقيح انتم
منى:😈😈
فراس:وانتي اقلبي وجهك ديري يلي جايه ع خاطره وروحي
منى:موجعهاش الكلام بس تكنطت لما قاله قدامهم 💔...بس مع هاذا مبينتش ابدااا..خدت شنطتها وركبت دار نور
منى كانت قويه قووووويه بشكل يخوف 🔥قويه لدرجة مهما وجعوها تبتسم بي استهزاء لين تخليهم يفقدو حلاة النصر ويحسو روحهم مهزبين جديات منى قويه

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

تعالو نحكيلكم شن صار في الشهر هاذا ....
نور:زادت حبت مالك اكتر واكتر وهيا ميت فيها بس المشكله يلي كانت نور تواجه فيها هيا الغيره ...عيرة مالك مكانتش عاديه كانت مرض وافراااط في التحكم بشكل عنيف...وقت يتكنطا يقلب الدنيا حتى لو حد شافلها بدون متبادله نضرات يقلب الدنيا ع راسه والشي هاذا كان متعب نور هلباااا
بس الحنيه يلي تجي بعد هاذا كله كانت تكفيها ❤️

الاء:💔💔بدي سليم يستفز بيها ويجبر فيها تطلع معاه وكانت اطاوع فيه عشان ميديرش مشاكل مع خطيبها ...وهاذي اكتر مشاكل البنات اي حد يهددهم ياخذو كلامه ويطيعوه وبعدين يصبحو في مشاكل اكبر واقوى 💔
بدت الاء تطلع معاه بس مكانش يمس فيها كانت يدور بيها في السياره ويرجع بيها لي الجامعه كأنه كان يرضي في غروره وحاس ان هكي يهين في هتلر
والاء:كل يوم لازم تبكي ولما تسمع صوت شاهين تحس في انها تخون فيه وتكره روحها💔

علاء:بيهبللللللل تغير بكل بدي 24ساعه مهموم 💔دنيا تغيرت هلبا معش زي قبل لا اتصالاتها لا رسايل ولا شي بس كان يطمن في روحه ممكن لما يتزوجها يتغير كل شي
____________
الاء:حرااام عليك خلاص ارحمني كرهت نمشي الجامعه وربي مان مش امتحانات معاد نجي
سليم:مقتلكش اركبي معاي انا ...قتلك اتصلي بي خطيبك يجيك بس
الاء:مسحت دموعها...ليش؟شن تبي ادير ؟
سليم:نبي نشوفه ليش فضلتيه عليا وكان مدرتيش يلي نبيه تزبطي كيف نتصرف معاك

نور:واقفه في دارها تحكي بي التالفون....الله؟
منى:اقسم بالله اشتركي زيني وخلاص بنمشي ناخد دورت تمريض من لما تزوجتي طارت النيه في القرايا
نور:شكله هكي بيصير وين انتي؟
منى:في الشارع ماشيه لي وكيل متع صبغات
نور:شن بتاخذي لونها😂😂
منى:مفاجآه😂😂😂
نور:الله يستر المهم تعاليلي اليوم
منى:امبه وصلت انا باي توا
نور:سلام...سكرت الخط وتلفتت شافت مالك ينحي في تيشرته ابتسمت وقربت عليه....حبيبي بيرقد؟
مالك:جبدها...ترقدي معاه😍
نور:ضحكت....ندوش ونجيك
مالك:غير تعالي بعدين ساهل 😍😍😍
نور:طبعت علي خده بوسه خفيفه...به ياعمري ندوش من العبره بسبب التنضيف اليوم ونجيك
مالك:استسلمت...تعطليش
نور:هههههه به ❤️
مالك:وقف ع المرايا يشوف للوشم يلي في رقبته ويخطط داخله انه ينحيه بي الليزر ...سمع مسج في تالفون نور وقرب يشوف فيه🔥

__________
منى:لو سمحتي عندي طلبيه بي اسم منى الخالدي وين،؟
البنت:لحضه شوي...بدت البنت ادور في الكمبيوتر ومنى تتفحص في المكان بعيونها
البنت:اختي الطلبيه تبي اسبوع تاني موصلتش
منى:بدت تلعلع...نعممممممم ليا قريب سنه كل يوم تقولو في نفس الكلام
البنت؛لان م....
منى:سكررررري فمك انتي بروحك شعرك لونه زي شلال العيل شركه فاشله وين مديركم الدايح هااااذا وين
البنت:اشرت ورا منى بعيونها
منى:تلفتت وهيا قارنه حواجبها ...ونصدمت
صابر:ابتسم...معاك مدير الشركه صابر تفضلي اختي خيرك معصبه
منى:رغم ان صابر كان يجنن بس كانت معصبه عشان الصبغه ومهتمتش بيه...صابر ؟!سموك صابر باش الناس تصبر علي طلبياتها ولا كيف ياحنى
صابر:ضحك...تفضلي معاي المكتب نتفاهمو
منى:خذت شنطتها وخشت وهيا قايمه خشمها 😂

______________
علاء:يعيط بصوت عاااالي...خلاااااااص عاااد زهقتيها ياااسر قولي معش نبي دين🔞ياعلاء ارجل من يلي اديري فيه
دنيا:نفجرت بي البكي
علاء:تكلللللمي متقعديش اديري في الجو هاذا...عاجبك حد غيري دنيا؟!
دنيا:بصوت بكي ويرجف...علاء انا مريضه 💔

الاء:شافت لي سليم بنضرات ترجي من بعيد انه ميدير شي وبعدين شافت شاهين درس سيارته
شاهين:ابتسملها من بعيد ونداها بيده ...كان جايبلها فطور وباقة ورد
الاء:خدت نفس خايفه وبدت تقدم لي عند شاهين بخطوات متردد...فجآه شافت شاهين مصدووووم والورد طاح منه وحست بي شي سخون نزل من بطنها 💔شافت للارض لقاته دم ينزل منها
والناس يلي جنبها كلها يجرو هاربين ...رجعت شافت لي شاهين يلي كان ماشي اتجاها يجرري بعدين معش شافت شي 💔...يتبع

الحلقة الثالثة

الاء:طاحت ع الارض بعد ما نزل الدم قبلها 💔
اغمى عليها وشاهين عقله وقف 😨✋🏻
كل يلي داره يعيط بعلو صوته ومش مستوعب يلي صار !!خطيبته قبل شويه كانت كويسه تبتسم وهيا جايتله من بعيد ❤️كيف صار وطاحت 💔؟؟
يحط في يده علي بطنها يحاول يوقف الدم 💔

شاهين:وجها احمممر ويعيط بصوت عالي ...الاء الاااااااء الاااااء افتحي عيووونك متخلينيش الااااء من دار هكي افتحي عيووووووووونك
شوي شوي بدت الناس تتجمع عليهم وهوا مش قادر يباعد علي الاء يبكي وحاضنها وكل حوايجه دم 💔
وصلت الاسعاف قاموها وشاهين معاها ولاول مره في حياته ينهد ويبكي من وسط خاطره كأنه بنت 💔
كان شعور الخوف انه يفقدها زي ما فقد بوه مسيطر عليه ومش مخليه يفكر في شي غير البكي وبس

_________________
مالك:فتح المسج وقراه ...(بنتي كان قاعده غضوا بنجي نتغدا عندك )
مالك:سكر المسج ورد التالفون في الشحن ...كان قلبه مش مرتاح لي زكيه ابدااا...صح مهما كانت امها ومترضالهاش الشر بس كان احساس مالك غالبه هلبااا🔥
نور:طلعت من الحمام وكانت لابسه روب الدوش
مالك:ابتسملها....نعيما نورتي ❤️
نور:نزلت شعرها وتجفف فيه...ينعم عليك
مالك:رقد ع السرير بتعب بعد يوم عمل طووووويل
يستنى في نور
نور:تمشط في شعرها وتتفرج ع مالك ..كانت كل ملامحه حلوه❤️جديات شعره عيونه الرماديات جسمه حواجبه وقت يقرنهم بغضب 😍كل شي فيه حلو
مالك:بلا شبحاتك يلي تهبل فيا هيا تعالي جاي يابنت
نور:ضحكت وتلف في شعرها

ترن ترن ترن
مالك:اففف مش وقتكم ...ها؟
شاهين:صوته هااارب...الااء الااااااء
مالك:قعمز مخلوع...شني !!؟
شاهين:الاء ضربوها بطلقه تعاااال في العنايه تعااالا
مالك:مصدوم ناض بسرعه والتالفون قاعد في وذنه...وين انتم اما مستشفى ؟
شاهين:مستشفى ال.....
نور:تشوفله مستغربه كيف يطلع في حوايجه بسرعه!
مالك:سكر الخط لوح التالفون ع السرير ويلبس بسررعه
نور:شن فيه؟
مالك:الاء ضاربينها في المستشفى
نور:حطت يدها ع خدها بصدمه....كككيف ؟!منو
مالك:منعرفش متسأليني علي شي ...وسحب سلاحه بعد تأكد ان فيه طلقات حطه في خصره وخدي مفاتيحه ....ديري بالك لين نجيك متقوليش لحد
نور:قربت منه بسرعه...به انت دير بالك ع روحك طمني عليك
مالك:باسها علي راسها وطلع بسرعه ...

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

علاء:شنو؟شنو مريضه مفهمتش خيرك.؟
دنيا:تبكي بحرقه....مريضه علاء ليا شهر
علاء:مطمن روحه...كيف برده؟برده صح علاش مقلتيش
دنيا:زادت بكت اكترر..لا مش برده شي اخطر
علاء:تجمد الدم في عروقه...شن في دنيا
دنيا:بنموت علاء😭💔
علاء:خذي نفس وهوا مش متأكد مش قادر حتى ينطقها....
دنيا:بنتشوه في العلاج واحتمال كبير منبراش منه💔
علاء:بتردد...سرطان؟
دنيا:تبكي...في الدم💔
علاء:رجليه معش حملوه💔مقدرش يوقف من صدمته ولا قدر يحكي حرف تاني يسمع لي صوت بكاها ويتمنى يطلع حلم
دنيا:مسحت دموعها وتحاول تتمالك اعصابها...مسامحاتك لو خليتني وربي ..انت الله يبارك وسيم من ربي وتحبك اي بنت صح مستحيل تحبك بنت زيني بس منرضاش نضلمك وتقعد معاي بسيف...مستحيل نرضاها ليك مهما كان حبي كبير
علاء:مدار شي اكتر من انه سكر الخط
دنيا:لوحت التالفون وجتها هستيرية بكككككي ...مفيش جنبها ام اطبطب عليها ولا اخت ...مفيش غير مرا تخدم عندهم بدون احساس مهما شافت حالة دنيا صاعبه مستحيل تخفف عليها يهمها فلوسها وبس ...كانت دنيا مصدومه من ردة فعل علاء كيف متكلمش وتخلى عليها هكي
بس ممكن هوا محبهاش او متغيرش لان علاء يحب نفسه ومهتم بيها وديمه حريص يكون البنت يلي يكلمها تكون جميله ❤️مستحيل يكمل مع وحده مريضه وقريبا رح تكون بدون شعر وجمالها يضيع💔

_______________
مالك:خش المشفى ونصدم اكتر في حالة شاهين
كان شاهين مقعمز ع كراسي المصحه ويبكي جديات 💔يديه جف عليهم دم الاء ومش قادر يتكلم
مالك:سأل شاهين كم مره بس كان شاهين يبكي بدون وعي وخلاص

منى:شن تبي فيا جايبني لمكتبك
صابر:يشوفلها ويبتسم...ممكن تفهميني طلبك ونتناقشو بهدوء؟
منى:منعرفش نتناقش...انا وصيت علي 3الوان من نفس الماركه علااااش موصلونيش،؟هذا دليل علي شركتك الفاسده كان بعدت في الحوش تساعد في امك خيرلك
صابر:مفكرتيش اني نأخر في الطلبيه بلعاني مثلا؟
منى:ويقولي فيها بكل وقاحه سخيف الادب😧
صابر:نأخر فيها ليا قريب شهر عشان نشوفك ❤️
تعجب فيا شخصيتك وهبالك حتى عياطك ع الموضفين برا انا موصيهم يستحملوك
منى:اول مره حد يحترمني🥺
صابر:جديات انا معجب بيك هلبا ❤️
منى:خذت شنطتها...وانا مش معجبه والطلبيه متعي اصبغ بيها شعرك ولا دير بيها نفاص معش نبيها ....وطلعت
صابر:تنهد بهدوء...تجنن ❤️
منى:طلعت وهيا تنفخ مش عاجبها ...صح كان قنين واسلوب حلو بس هيا مكانتش تحب الولد يلي يجري وراها كانت تحب الولد الصعب يلي مش عاطيها وجه

__________
نور:لفت ع الحوش كله سكرت الرواشن والابواب كويس بسبب خوفها من يزيد وقعمزت تراجي في مالك 💕
مالك:تحرك من مكانه بسرعه لما شاف الدكتور...اها طمني
شاهين:يشوفله بي انتبهاءً
الدكتور:حضركم اقربائها؟
شاهين:حط يديه ع راسها كأنه متوقع خبر💔
مالك:انا خوها احكي
الدكتور:الحمد الله قدرنا نطلعو الرصاصه مكانها مكانش خطير حاليا محتاجه دم ولازم تشوف موضوعها مع مركز الشرطه
شاهين :طاح ع الارض بي ارتياح
مالك:ان شاء الله منور
الدكتور :مشي وسيبهم
مالك:تي نوض ياراجل نوووض شد حيلك مش هكي
شاهين:ناض بصعوبه قعمز ع الكرسي وياخذ في نفس
فراس؛السلام عليكم
مالك:وعليكم السلام ...شنو منو ؟
فراس:خذي مالك علي جيها....اليوم الساعه9:30سليم خطبيبها الاول كان في الجامعه تلاقت معاه في كلية العلوم بعدين حضرت محاضرتين وطلعت الساعه1:16قعدت تتكلم يي الهاتف شويه وجاها شاهين خطيبها واول ماقربت من السياره وصلتها طلقه من مسدس تركي راكبله كاتم والناس يلي كانت غادي هربت لما شفاته مش من الصوت ...حاول انه يضرب طلقه تانيه بس مقدرش المسدس علق او هوا كان حمار ميعرفش يستخدمه
مالك:حط يديه علي وجها...توا هاذا كيف يتصرفو معاه ترا ؟!
فراس:ساكت
مالك:نزل يده من علي وجها وبصوت عالي وكله غضب.....وهيااااااا شن لاقاها فيه😡😡😡😡كيف قعده تتواصل معاه
فراس:حاط يديه وراه...اششش راهو يسمعك الولد
مالك:تو نديرله راي ولد الكلب هوا !!وهيا حسابها عندي 🔥

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

الاء:فتحت عيونها وحاسه راسها يدور ودايخه ..شافت خوها جنبها حست برااحه
مالك:واقف جنبها وقارن حواجبه
الاء:صحصحت شويه
مالك:شن كنتي اديري معاه ؟!
الاء:تتكلم بصعوبه...م منو؟
مالك:بدون ميراعي حالتها الصحيه قرب عليها...شن كنتي اديررررري معاه سليم النم هواااا
الاء:بدت تبكى وحاطه يدها علي بطنها...يهددفطا بيك يامالك😭 يحلف انه بيقتلك وبيمشي لي شاهيت وربي كرهت عيشتي منه
مالك:قرب من السرير وعيونه نار...طلعتي معاه الاء؟!
الاء:وجها استصفر من الخوف وسكتت
مالك:طلعتي ولا؟
الاء:والله مدرس حاج وررررربي مالك اقسم بالله تحد تهديد كل شي و،...
مالك:خبط يده علي حديدة السرير ....اطلعي من هني وتو نحاسبك بيديا....وطلع
الاء:تمنت لو كانت ماتت وخلاص افتكت من المعاناة هاذي كلها...عرفت غلطها فهمت انها المفروض كانت حكت كللللل شي لي خوها من البدايه راهو مصارش هكي

مالك:طلع من غرفتها وطلع تالفونه....
شاهين:هيا كويسه؟!نقدر نشوفها
مالك:مفيهازشي امورها طيبه...متخشلهاش توا
شاهين:من ولد الحرام يلي دارها
مالك:عركه بين زوز بعيد عليكم شري انتم منتبهتوش
شاهين:مستحيل كيف صار
مالك:قرن حواجبه...عركه قلت....وطلع من جنبه يحكي ع التالفون

_____________
ع التالفون:-
فريد:بضحكه مستغربه...هه هتلر؟ان شاء الله خير
صايرله زمان القمر مابان
مالك؛ولا رح يبان ولا رح يصبح عليكم صبح
فريد:شن فيه؟!
مالك:انا يلي جايكم توا بنسألكم ونضم اموري معاكم وتعرف انت هتلر كيف ينضم في اموره🔥
فريد:مش......
مالك:سكر الخط وطلع...اما شاهين واقف قدام الغرفه ومش قادر يتحرك من خوفه عليها
والاء تبكي بندم وضلم في نفس الرقت ع الشي يلي صاار

فراس:شن صاير
مالك:بلعبو الجماعه ومصرين نرجعو لتفس القصص الخامره
فراس:من لما بطلت خسرو هلبا ويبو يرجعوك بي اي طريقه ويستغلو هتلر وخبرته
مالك:ركب السياره....اركب وتو نهدرزلك
فراس:ركب

_____________
طق طق طق
نور:بخوف...مم منو؟
منى:غوله تجي للمتزوجات بس 😈😈
نور:فتحت الباب وحضنتها....الله قداش استاحشتك
منى:اععع خنقتيني
نور:خشي بسرعه
منى:نحت كندرتها وخشت
نور:سكرت الباب...وخيرك منكده هكي مش عوايدك
منى:في واحد اليوم تحرش فيا
نور؛شن دارلك😧😧
منى:تفتح في التلاجه...قالي معجب بيك مصحه
نور:اطلع في النسكافيه....هههههه تو لما حد يقولك معجب بيك يعني تحرش😂؟خيرك منى
منى:شن عرفني اول مره يقولي ولد هكي
نور:تسخن في الميه.....ها احكيلي منو هاذا
منى:خليك منه توا ركزي معاي عيد ميلاد فراس قريب شنو نديرله
نور:مشاء الله امتى حفضتيه
منى:خانبه3بطاقات شخصيه ليه😂😂
نور:ههههههههه
منى:مهم قعمزي نقرمو الناس مدام معنديش حسنات ياخذوهم ونتفاهمو شنو بنجيب لي فراس
نور:لاحقاتك

____________
ع التالفون:-
نهله:خوفاني الله يهديها به ع الاقل قلتلي انك روحت بيها مش نقعد مشغوله وهيا متردش
مالك:مدوري شي اليوم بايته عندي
نهله:علاش ان شاء الله خير؟
مالك:خير خير ام نور غضوا جايه وبتعاونها شوي
نهله:به عير قلها تفتح تالفونها وتكلمني
مالك؛ان شاء الله عي سلام
نهله:سلام
مالك:رجع التالفون لي جيبه وخش الشركه وفراس وراه يتمخطر بشويه
مالك:خش المكتب والسكرتيره تترجى فيه ميخشش لان في اجتماع مهم
مالك:مشاء الله مشاء الله متجنعين عند النبي ان شاء الله
فريد:هتلر ...وابتسم....كنا في سيرتك والله
مالك:حط يده ع الطاوله وطيح كللللل الاوراق يلي كانت فوقها ....الطرررريق هاذي انا معش نبي امهااااااا فتوووووني وربي ننقلب عليكم ره
خالد:وقف....انت خليتنا في نص الطريق واوقفت هلبا صفقات مفروض انها تكمل
مالك:وقف ببردو....بكيفي !نكملها لا بكيفي شي يرجعلي نخليكم عايشين نقتلكم بكيفي لهاذا اخطوني لان اللعب مع هتلر وااااااعر وانتم زابطين ومجربين ره والكللب يلي دعمه واحد فيكم بي سلاح مصيره معاي وربي معاد نتسمى هتلر كان مخليتاش يتمنى الموت....قام صبعه بتهديد وهاذا اخر تحذير ليكم ...وطلع

كلهم يشوفو لي فراس منتضرين منه اي شي
فراس:هز كتافه وهوا يمضغ في المستكه...نشم في ريحة دم ....

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥

🔥أَروى الطــَـــاهـــــِرْ المــــســـلاتـــــــــي🔥

منى:انا بنروح عابي عليا شاهين في الحوش امي مهناش
نور:منو بيروح بيك
منى:تاكسي يابنتي الحياة ايزي ياعزيزي الايام هاذي واخده راحتي والفضل لي اللفعه بنت عمك ملهياته عليا
نور:😂😂😂غير ردي بالم ع روحك يا همي
منى:تلبس في كندرتها....ان شاء الله توصي ع شي؟
نور:سلامتك
منى:هي باي وياسرك قلة ادب انتي وراجلك
نور:ههههههه حسد ياكبدي حسد
منى:باي
نور:اشرتلها بيدها وسكرت الباب

________________
في المشفى:-
عصام:شن يلي صاير ؟وامتى
الاء:تشوف لي مالك بنضرات ترجي ميحكيش
مالك:يشوف لي اخته وقايم حاجبه....عركة شباب في الجامعه ناشو بنتك بلغلط
عصام:ياساتر ياساتر منو هاذم وكيف سلاحات في الجامعه
مالك:يولع في دخانه....مفرخ متعاركين مع الامن زي العاده عير مبرت شويه...المهم مدام هيا بخير متحكي شي لي امي ترعش ع الفاضي
عصام:مسك يد الاء....الف لاباس عليك ها البلاد معش تعيش بكل دورهم المفرخ هاذم متخليهمش
مالك:شاف لي الاء بحده...شي اكيد
الاء:ابتسمت لاكن شعور تأنيب الضمير بيقتلها
مالك:انا بنروح عندي كم حاجه ضروريه وراجع
عصام:تمام انا قاعد ومسكين الولد مش راضي يروح
مالك:كان ينفع في بعض الناس
الاء:💔
مالك:طلع وطبعا كان كذاب ...معنده شي ضروري غير انه بيهبل علي نور استاحشها كانت زي الاكسجين ليه رغم كللل الضغوطات لاكن مستحيل يقعد بلاها 💕

_______________
منى:لان فلوسها كانو شويه اضطرت تركب افيكو بدل التاكسي ...كانت الافيكو فيها 4شباب ومرا كبيره
نزلت المرا وسرحت منى في تالفونها لين قامت عيونها وشافت الاولاد يغمزو لبعض والافيكو ماشيه في طريق بعيده كأنها طريق حوايز
منى:هي انت وين رااااافعني
السواق:ميردش
منى:تي نكلم فيك
الولد:اهدي ياحلوه بنمشو نديرو جو ع الخفيف ونروحو بيك
منى:خافت لان حست الموضوع جديات 💔وسرعت الافيكو زادت قروب منها الاولاد وبسبب الخرف وتحاول ادير اي شي عشان تنقذ نفسها رمت روحها من الروشن والافيكو تجري 💔

(كانت مقعمزه في الاخير والروشن في المقعد الاخير كان واسع)
_______________
مالك:فتح باب الحوش وخش شاف نور طالعه من الحمام
نور؛اخيرا جيت طمني شن صاير خيرها الاء علاش متردش ع مكالماتي
مالك:حضنها وقعد يبوس فيها بي لهفه وجنون....استاحشتك نور كيف قادره تخليني زي المهبول بلاك
نور:حضناته....حبيبي نحكي معاك اختك خيرها
مالك:يبوس فيها ويشم في ريحتها ....مسيطره ع تفكيري يابنت
نور:ضحكت لما قامها مالك ودخلها لي دارها 🤭❤️

_____________
طق طق طق
دنيا:بتعب...تفضل
نجم الدين:بقلب يتمزق...بنتي ❤️
دنيا:ابتسمت بتعب....اهلا
نجم الدين:كيف حالك
دنيا:بخير ...شنو وقت المصحه؟
نجم الدين:بلع ريقعه يحاول يتحكم في اعصابه...لا بس!!!
دنيا:شنو؟
نجم الدين ...علاء لوطه ويبي يشوفك
دنيا:تبكي...حي يفسخ الخطبه صح💔...اوكي بس منبيش نشوفه ...بالله عليك بابا😭
نجم الدين:لالا اهدي خلينا ننزلو نشوفوه ونتقبلو اي شي يقوله وانا معاك
دنيا:ساكته
نجم:الدين ....هيا
دنيا:ناضت من مكانها لبست وشاح ونزلت مع بوها بدون متغير حوايجها ولا ادير اي شي .

خشت المربوعه وكان علاء مقعمز يشوف للارض
دنيا:عيونها تعبو دموع 💔
علاء:قام راسه وابتسم...اهلا اهلا كيف الحال
دنيا:هزت راسها بدون متحكي لانها بتبكي خلاص
نجم الدين:تفضل ولدي
علاء:قعمز ويشوف لي دنيا ....والله عمي منبيش نلف وندوز بنخش في الموضوع طول
دنيا:حطت يدها ع الذبله بتنحيها
نجم الدين:اكيد احكي
علاء:جاي بنحدد موعد العرس
دنيا:قامت راسها بصدمه وعيون مدمعات



مالك:بعد كمل دوش ونور واتيه ولابسه طلعو مع بعض السياره
نور:ييييي نسيت صحن الكيك داخل
مالك:جيبيه وتعالي بسرعه
نور:اممبه هي
مالك:ابتسم ع منضرها كيف تجري قاعده زي الصغار متغيرتش ابدا ....قاطع صوت ضحكته تالفون نور يشرين...شافه كان رقم
مردش عشان ممكن تكون بنت من قريبات نور او شي
لاكن بسرعه ماوصل مسج مكتوب فيه
(من يوم شفتك بيه في الروب الابيض من صباحيتك ومش قادر نطلعك من راسي )...يتبع

رواية هتلر الجزء الثاني الحلقة الرابعة



لاكن بسرعه ماوصل مسج مكتوب فيه
(من يوم شفتك بيه في الروب الابيض من صباحيتك ومش قادر نطلعك من راسي )
مالك:ساعه وهوا مركز في المسج وناااااااار داخله
كل تفكيره يقتل يزيد ويعذب نور لين قلبه يرتاح ومستحيل يرتاح اصلااااا ...تشنجت اعصابه ونضرته تغيرت وكانت عيونه شراااار ...بس مع هاذا سكر التالفون وحطه ع الدرج وهوا في داخله يقول اكيد لعبه من حد تو نتأكد من الكميرات...وهاذي اول مره مالك يضبط فيها اعصابه
نور:ركبت السياره ....اهو جيت
مالك:مشافلهاش نهائي ونور لاحضت
نور:حبيبي خيرك؟
مالك:شي ...وطلع بسياره يسطرب
نور:بلعت ريقها بخوف عرفت ان مالك فيه شي بس مع هاذا فضلت انها متتكلمش
_________________________
منى:فتحت عيونها وع طول بدت تبكي....اااااه اااااااه انا وين
فراس:ضمي فمك ورقدي
منى:شافت لي فراس بصدمه...ااء انت انت شن جابك
فراس:قعمز وربع يديه ...ممرض هنايا معرفه اتصل بيا
منى:قعمزت وكانت يدها مجبسه قعدت تشوف لي يديها كيف مخبشات ورجليها ....اااه تشوهت 😭تشوهت حسبي الله فيهم
فراس:ع اساس كنتي خارقة الجمال يعني
منى:ضم فمك انت تاني فوتني ترااااا
فراس:ساكت ويتفرج عليها
منى:حي عليا شنو بنقول لي خوي يقتلني وربي 😭
فراس:بي برود...قولي ان التاكسي يلي ركبتي معاه دار حادث وتمت
منى:حي ع الطريحه يلي بناكلها منه ياربي😭علاش خيرني شن درت ياربي علاش انا طيبه صح مره مره ندير في العار لاكن قلبي ابيض من سنون فراس ياربي 😭😭😭💔
فراس:ابتسم بخبث...وانتي شن يلي طيحك من الافيكو ؟
منى:تمسح في دموعها مش طحت ضربتني سياره
فراس:بلا كذب شوفي وجهك كيف معبي خباش من الستاك
منى:حطت يدها علي خدودها وكانو يوجعو فيها...تشوهت 💔😭من بياخذني توااااا منو ؟!
حسبي الله فيهم الكلاب حسبي الله فيهم ان شاء الله يطيح شعرهم ويقعدو صلع كلهم
فراس:وقف...خوك اتصلو بيه شويه ويجيك
منى:رقدت ع المخده وسكرت عيونها....انا انتهيت 💔
فراس:طلع بدون اهتمام ليها ولا حتى نضره
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
دنيا:تشوف لي علاء بصدمه من يلي قاله
علاء:شاف لي نجم الدين ....شنو عمي ؟تحب نجيب بوي اليوم ولا بكرا؟
نجم الدين:تنهد....اسمع علاء حني توا نمرو بي ضرف صعب بنتي الوحيده مريضه ولازم نساف بيها عشان العلاج
علاء:فاهم عليك وانا نبي نسافر بيها...اكيد يعني ميجيش خطيبها يمشي معاها ويقعد جنبها ف ياريت تحدد يوم الفاتحه ونديرو حفله بسيطه قبل السفر
دنيا:عيونها تعبو دموع...متوقعتش علاء يطلع راجل هكي ❤️لما سكر المكالمه توقعت انه خلاص تخلى عليها لاكن ان يجي يحدد العرس عشان يكون معاها في فترة مرضها حاجه صدمتها بجديات ❤️
نجم الدين:انت متأكد من يلي ادير فيه ؟
علاء:اليوم الاثنين الخميس الجاي الضهر فاتحه وفي الليل حفله بسيطه وبي الكثير الاحد نسافرو عندي واسطات والتأشيره بسرعه ما تطلع متخممش فيها
نجم الدين:من قلبه فرح لما تأكد انه عطي بنته لي راااجال ...تمام كلم بوك وميصير الا الخير
علاء:وقف...ان شاء الله هي متبو شي
دنيا:نزلو دموعها وهيا تبتسم
نجم الدين:سلامتك منور
علاء:بنورك...وشاف لي دنيا ...ردي عليا
دنيا:هزت راسها وبي مجرد ما طلع علاء نفجرت بي البكي وبوها يهدي فيها ❤️
_______________
مالك:درس السياره بي غل قدام حوش بوه
نور:خذت شنطتها وصونية الكيكه وشافتله...شنو متبيش تنزل؟
مالك:انزلي انتي مدورينيش
نور:محبتش تزيد معاه في الكلام مدت يدها بتاخد التالفون وقفها صوت مالك
مالك:خلي امه في مكانه
نور:وهنايا خلاااااص 💔عرفت ان هيا سبب تصرفات مالك ...لل ليش شن في؟
مالك:بهدوء ....انزلي متزيديش معاي حتى كلمه
نور:خذت بعضها نزلت من السياره وهيا ترعش خايفه شن يلي بيصير وشن عرف مالك؟
مالك:حرك السياره وطلع كل تفكيره يروح الحوش يشوف تسجيلات الكاميرا بس قاطع تفكيره صوت الهاتف
ترن ترن ترن
مالك:نعم؟
عصام:وين انت
مالك:في الطريق
عصام:تعالا في المصحه يلي فيها اختك ضروري
مالك:في شي مهم؟
عصام:اي تعالا
مالك:تمام جاي ...ودور رجع من الطريق
______________
شاهين:عيونه حمر خش الغرفه
منى:بدت تبكي بصوت عالي....وحق رررربي وحق ررررربي مدرت حاجه😭
شاهين:سكر الباب وحط يديه علي وجها يحاول يمسك نفسه
منى:انتبهت ع خوها مش طبيعي....شش شاهين خيرك؟
شاهين:يمسح في عيونه...ولا شي انتي شن صار فيك قداش مره قتلك يامنى معش تطلعي بدوووون ادني من امتى تركبي في تاكسيات؟
منى:امي في حوش خالي بايته وانت طلعت معش روحت ...جيت مروحه من المحل يلي قتلك عليه خطرت عليا نور استاحشتها
شاهين:قعمز ع الكرسي بحيل مهدود معنداش حتى جهد يحاسب اخته
منى:بخوف...شاهين خيرك؟درتلك حاله نفسيه صح😭
شاهين:ولا شي بس حتى الاء في المشفى مصابه كل المصايب جت في مره وحده هكي
منى:خيرها ؟
شاهين:عركه وجت فيها رصاصه
منى:تبعد في شعرها من علي عيونها....ان شاء الله تمو...نقصد تقوم بسلامه
شاهين:غير تروحي انتي تو نوريك حسابك مش فاضي بيك توا
منى:يدي مكسوره ره منقدرش ندافع علي روحي
شاهين:ضحك عليها بهزوه رغم انه متكنطي منه ومش مسامحها
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
مالك:نزل نضراته....شن فيه؟
عصام:اختك بتروح غضوا
مالك:يعني؟
عصام:عارف ان في قصه ورا الرصاصه هاذي ومتبيش تقولي ...اتصلو بيا مبكري وقالولي تهجمت عليهم
مالك:يقلب في عيونه بي ملل
عصام:تفهمت انك نسحبت من كل شي لاكن هاذا ميخليكش فتحت علي روحك جبهات جديده وحروب انت مش قدها
مالك:ضحك ع جنب ....الشهور يلي فاتو جربت خدمة الحلال واني نباعد ع المشاكل ...لقيتهم حسبوني من الضعاف وبدو يناشبو لاكن اهو بنرجع للملاعب وبنفتح جبهات وين منبي والراجل فيهم يقرب
عصام:مالك م....
مالك:عارفك شن بتقول...خليها عليها نعرف كيف نتصرف
عصام:خذي نفس بي استسلام...المهم منبي حد يعرف بي قصة الاء خليك علي كلامك انها عركه وخلاص حتى قدام خطيبها
مالك:تمام
___________________
منى:طالعه تعكز بي رجلها ومستنده علي خوها...كان منضر منى واضح انها مدايره حادث قوي وجها ويديها وحتى رجليها كلهم مخبشات وجروح ويدها مكسوره ...عينها وفمها منفخات شوي
شاهين:فتحلها الباب
منى:ركبت وشافت فراس واقف يحاول يدرق عليها وجها عشان متشوفاش ...بس مجرد لمحاته طوول اختفى
فراس:بعد من المكان بعد عرف انها بخير وبتروح مع خوها اما منى ابتسمت لما عرفت انه مهتم بيها حتى لو كان من بعيد❤️
______________
مالك:خش الحوش زي المجنون يطلع في اللاب توب بدون ترتيب ويعلق في اشرطة الكاميرا مكانش عنده صبر عشان يشوف الفيديوات
انفتح اللاب توب ..وفتح مالك الفيديو يلي في الصباحيه بس ملقاش شي
شاف الفيديو متع صباحية المحضر وهني كانت صدمته ...يزيد خاش لي حوش مالك بكل ثقه طق الباب وهوا يتسهوك ...فتحتله نور وخش بسرعه كأنه متعود💔🔥
كسرة قلب مالك واحساسه بي الخيانه مخلتاش يكمل الفيديو 💔سكر عيونه بي يديه لحضات وكان خاطره مكسووور ..فجآه كل مشاعر الانهيار تحولت لي غضببببب لوحت اللاب توب ع طول يده وخذي الكلاشن بدل السلاح العادي وطلع ...مكانش يشوف في شي غير قتل يزيد وحتى نور💔
____________
نهله:كيف؟ككيف الاء مس عندك مش ع اساس روح بيها مالك باش تساعدك؟
نور:اءء اظ
نهله:بخوف...بنتي وين يانور؟!
نور:اي صح جابها مبكري و و وتوا طلع معاها قالت بتاخذ ....بتاخذ كفر لي تالفونها تكسر
نهله:لالا مش مطمنه وين تالفوني هاتيه
نور:اهوا جنبي ....واتصلت
كانت نور تدعي الاء ترد بسرعه لان نهله خافت بشكل كبير
الاء:بصوت تاعب..ايوا
نور:اه الوش شن الجو
الاء:احسن الحمد الله
نور:قتلك امك تبي تطمن عليك قتلها انك مشيتي مع مالك بناخذي كفر لي تالفونك بس مصدقتنيش
الاء:حاولت تصحصح ...عطيهولي
نور:هاك مرت عمي
نهله:ايوا الاء
الاء:تحاول تنشط صوتها....ها يما خيرك
نهله؛وين انتي خيره صوتك هكي
الاء:روحت تاعبه من الجامعه رقدت بعدها نضت طلعنا طول
نهله:وين مالك
الاء:مالك اء اء انزل انزل للمحل بياخذ دخان
نهله:متأكده مفي شي؟
الاء:هه شن بيكون فيه امي خيرك
نهله:به به امتى بتجو
الاء:شوي بس نحصلو محل تالفونات كويس قبل
نهله:به تمام هي في حفض الله
الاء:سكرت الخط وسكرت عيونها بتعب 💔
______________
ترن ترن ترن
دنيا:ردت ع الخط وساكته
علاء:عارفك تبكي ياااسرك يلا ...من زيك بتمشي مع حبيبها لي المانيا
دنيا:ضحكت وسط دموعها
علاء:اول ما خلاص تبري بنروح نديرلك عرس كببببير
دنيا:ولو ما......
علاء:اسسسس انتي رح تصحي وبتقعدي احسن واحلا واروع زوجه في العالم كله ..به دنيتي،؟
دنيا:اباسمت بفرح ومسحت دموعها
وبدي علاء يحكى معاها ويغيرلها في جوها ❤️❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
منى:لاعاد متقولش بتسيبني شاهين بروحي في الحوش
شاهين:معش عرفت نمشيلها ولا نقعدلك
منى:انا اختك فلذت كبدك بتخليني يدي مكسوره؟
حسبي الله فيك وخلاص
شاهين:سكري فمك كله من هبالك كنهاذا شن دخلك وركبك في التاكسيات والله لما نوريك غير تنحي الجبس منيش بارد ولما تاكليها الطريحه
منى:وك وك قلبك اسود من نيتي
شاهين:قعمز بسيف معاها وعقله عند الاء اتصل بيها كم مره ومردتش لانها كانت راقده
اما منى كلمت نور عشان تخبرها شن صار معاها بس تالفون نور يعطي مقفل 🤷🏻‍♀️
______________
الساعه 9في الليل
نهله:حطت تالفونها ع المكتبه ومستغربه...نور قالك مالك اطلعي ...خيره اللطف مباش ينزل؟
نور:بخوف...واءء اي الاء معاه بنطلعو ناخذو حجات لان امي جايا بكرا
نهله:نوضي البسب بسرعه خير ميديرلك قضيه
نور:لبست عبايتها ووشاحها خذت شنطتها سلمت ع نهله وهيا ترجف...شنو يراجي فيها ؟!مكانش معروف
نور:ركبت السياره...مساء الخير
مالك:يشوف لي الطريق مردش عليها وطلع بسرررعه
نور:مم م مالك حبيب هدي السرعه خيرك
مالك:صوتك منبيش نسمعه لين نوصلو
نور:سكتت ويدها ع قلبها من الخوف !!!
____________
شاهين:سكر التلفزيون وغطا منى يلي كانت راقده ع الصالون...كان شاهين حنين. هلبا علي اخته وامه قبل حبيبته❤️يحب يهتم بي الكل ومهما يعصب من منى المجنونه ميقدرش يضرها ❤️لانها من يوم يومها متع عمايل
نور:بدي خوفها يزيد لما عرفت انها طريق المزرعه ليش مالك رافعها للمزرعه في الليل هاذا؟!
مالك:خش للمزرعه ونزل من السياره
نور:خذت نفس ونزلت لحقاته
مالك:فتح باب الحوش واشرلها بمعنى خشي
نور:خشت بخطوات مهزوزه
مالك:سكر الباب ....
نور:نحت وشاحها بتوتر..شن في ليش جينا هنايا ؟
مالك:طلع سلاحه وحطه ع الطاوله
نور:بلعت ريقها بخوف
مالك:لينا شهر متزوجين
نور:اي
مالك:قداش دخلتيه الحوش مره ؟
نور:بدون فهم...ع شن تحكي
مالك:بعياااط....مديريش روووووحك غبيه نوووووور ولد الكلب يلي شافك في ام الروووووب الابيض الروووب يلي لبستيه ليا اناااااا راجلك قداش مره شافك فيه
نور:وجها اصفر واذكرت يزيد...لل ل لا مالك لا مش صح يلي فكرت فيه وربي مش.....
مالك:مش متحمل فكرة ان يزيد شافها وخش لحوشه...كل شويه مالك يخبط في حاجه ونور وترعش ومش فاهمه كيف تبررله يلي صار
مالك:عيونه حمممممر ودموووع قرب من نور...شن دار معاك نور احكي
نور:تبكي اقسم بالله م.....
مالك:متكذبيييييييييش متكذبيييييييييش النمممم قولي الححححق
نور:اول مره تشوف تصرفات مالك مش طبيعيه ...كأنه مريض نفسي كيف يحكي ويعيط بعدين يهدا ويتكلم بسرعه وعيونه يلي كانو حمرر وفيهم دموع 💔
مالك:باسك صح ؟!باسك نور زي منبوس فيك ؟!مسك زي ممسيتك نووور ادوووووووووووي
نور:دفاته ...شن تقوووول مالك اصحى ع روحك
مالك:لوح الشاشه ...تي شفتكككككككم بعيووووني شفت الفيديو فتحتيله وخشلك ...خنتيني وكنت معاك راااااااااجل حبيتك ....حبيتك بقلب هتلر ومالك وبي كل شي علاش درتيها
نور:دموعها موقفوش ...مالك اهدى واسمعني اهدى
مالك:سحب سلاحه وقامه في وجه نور...هوا خذي جزاته ومزال دورك
نور:حطت يديها بصدمه ع فمها ...عرفت ان مالك جابها لحوش المزرعه عشان يتخلص منها ....مالك لا لالا 😭اسمعني
مالك....يتبع

رواية هتلر الجزء الثاني الحلقة الخامسة 

نور:حطت يديها بصدمه ع فمها ...عرفت ان مالك جابها لحوش المزرعه عشان يتخلص منها ....مالك لا لالا 😭اسمعني
مالك:سكر عيونه....منبيش نسمع صوتك ..وحط صبعه علي زناد المسدس
نور:تبكي وتترجى فيه
مالك:ضرب الرصاصه 💔
نور:فتحت عيونها بعد مسكرتهم بخوف ..شافت جنبها كانت الرصاص ع الحيط الباين ان مالك مقدرش يضربها في راس نور
مالك:جاته حاله هستيريه لوح المسدس وشدتها من يديها وبدي يعيط عليها
مالك:مش قااااااااادر مش قااااااادر نقتلك حبيتك حبييييييتك النم علاش درتي فيا هكي
نور:تبكي وبشهقات وصوت متقطع...مدرت شي انا 😭
مالك:حدفها بقوه لين طاحت ع الارض ومسح دموعه وكانو عيونه حمررر....رح تدفعي الثمن غالي يانور ....وطلع وسكر الباب بي المفتاح
نور:حطت يديها ع راسها وبكت بكت بحرررقه ع يلي صارلها وقاعد يصير فيها 💔
_______________
فراس:كان مخلصتكش منه راهو توا ميت انت بكل قواك العقليه تحط مرت هتلر في راسك ؟!هبلت
يزيد:الدم معبي وجها وفمه منفخ من الضرب يشوف لي فراس وساكت
فراس:قداش خاطري نقتلك الزح بس منبيش نخربها ع هتلر ....افففف زعما شن دار فيها البنت الزحححح علاش هاذا كله يصير
يزيد:ساكت والدم ينزل منه 🔥
ترن ترن ترن
مالك:بيقلب السياره من الجري ....ايوا
فراس:اخيرااا رديت ...وين انت؟!
مالك:جايك
فراس:بخوف...مالك البنت وين
مالك:قلت جايك
فراس:نور وين شن درت في البنت
مالك:سكر الخط وزاد السرعه
اما فراس قريب مات من الخوف لانه توقع مالك لما يعصب يدير اي شي وتبدا شخصية هتلر هيا يلي مسيطره عليه🤷🏻‍♀️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
شاهين:شاف عصام مقعمز في الكافيتيريا يشرب في قهوته ويحكي بي التالفون ..استغل الفرصه وخش لي الاء
شاهين:قرب علي الاء وباسها علي راسها
الاء:فتحت عيونها بصعوبه ...شش شاهين
شاهين:يمسح علي وجها بحنيه...عيونه ياخطيبته💕
الاء:دمعو عيونها ..حست كأنها متستاهلش هاذا كله شافت لهفة شاهين وخوفه عليها
شاهين:يمسح في دموعها...لالالا تو علاش البكي هي
الاء:كيف قدرت تخش
شاهين:خوتك مهناش وبوك لوطه في الكافي قلت نخش نشوفك استاحشتك كيف حاسه؟
الاء:الحمد الله احسن
شاهين:ابتسملها...جاتك بسيطه وتو ندوروهم المفرخ نهارهم اسود
الاء:شاهين بنقولك شي 💔
شاهين:احكي ياقلبي تبي حاجه نجيبلك؟
الاء:شافت فتره لي عيونه ...لا بس
شاهين:شنو؟
الاء:نحبك بس ❤️
شاهين:ضحكلها...نموت فيك ...وهي شدي حيلك صحصحي بسرعه عشان نتزوجو ياسرنا بعاد
الاء:هزت راسها بمعنى موافقه بس داخلها كانت بتموووت خوف من يلي جاي
________________
فراس:يباعد فيه....يااااسر الولد بيموت مغمى عليه
مالك:يمسح في الدم يلي تنطر عليه...خليني نقتله ونرتاح
فراس:يبعد فيه ...لالالا مالك متوسخش يديك خيرك شن صارلك قبل انت تشد فيا ع القتل شن جاك
مالك:قعمز ع الكرسي بتعب وراسه بين يديه
فراس:خذي نفس...مالك جاوبني بهدوء ..البنت وين ؟
مالك:حوش المزرعه ..الزفتتتتتت مقدررررررتش مقدررررررتش نتخلص منها
فراس:بطل هبال وفهمني كيف تأكدت انت طول جبتلي هاذا مزال اقل من دقيقه ويموت وطلعت تجري فهمتي ع الاقل
مالك:داهش والشر باين في عيونه...وصلتها رساله فيها كلام !!كأنه متلاقي معاها
فراس:به؟
مالك:شفت الكميرات لقيته رسمي جاها وخش ...خش النمممم في حوشي ...وناض يضرب في يزيد يلي كان مغمى عليه وفراس يباعد في مالك ويهدي فيه
فراس:اهدااااا مالك فهمني ريته كله الفيديو بالك انت فاهم غلط نور نزبطها من صغرها مش متع الحجات هيا !!
مالك:يمسح في عيونه بيديه...معش فاهم شي انا
خير امها الدنيا معاي كل منحاول نتعدل تخرب عليا كل شي
فراس:حاول تمسك اعصابك واسمع من البنت وهادا خليه عندي تو نديرله راي
مالك:ساكت
فراس:نوض افهم منها متخليهاش بروحها البنت في المزرعه
مالك:خذي مفاتيحه وطالع وقلبه مكسووور 💔
______________
نهله:بصدمه...شنو شنو☹️لاحول ولا قوه الا بالله
علاء:الله غالب هاذا ربي وحني تحته
نهله:عيونها دمعو...صغيره يناري صغيره مسكينه
نيروز:يناري ع البنيه
علاء:حكيت مع بوها وقال انه قي امل في علاجها بعت ما بعت التحاليل في المانيا لهاذا السبب الخميس الجاي بندير فاتحه وحفله بسيطه في حوشهم باش الاحد ولا السبت بنسافرو
نهله:نحلم انا ولا شنو كيف هكي كله في مره وحده
علاء:نبي نكون معاها فترة علاجها كله
نيروز:اي عليوه متخليهاش رد بالك
علاء:مستحيل ...المهم توا بوي وين؟
نهله:تمسح في دموعها...قاعد مروحش
علاء:تمام خلي يروح ونفتحله الموضوع
نيروز:الله غالب يما قضاء ربي ولازم نرضو بيه
نهله:والله وجعتني فسط كبدي من داخل البنيه صغيره وقنينه
علاء:طلع من بحداهم عشان الكلام ميأثرش عليه وهوا كان في داخله امل قوووي انها رح ترجع زي قبل واحسن ❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
مالك:فتح الباب وخش كانت الدنيا مرتبه كل شي كسره ودمره مهناش ..سكر الباب ولوح جسمها ع الصالون بتعب ..بدون ما ينحي جاكيته ولا سبيدروه ولا شي سكر عيونه وبس
نور:طلعت من الدار متردده..بتحكي بس قاطعها صوت مالك
مالك:حس انها جايه...منبيش نسمع منك حتى كلممه ..ومنبيش نشوفك خليني
نور:رجعت الدار بكسرة خاطر ..ها المره مكانتش خايفه ها المره كانت معصبه من تصرفات مالك وكيف يدير هاذا كله بدون ميتأكد انها مضلومه ...رجعت الدار وسكرت الباب وطول الليل تبكي بجد تعبت من كل شي صارلها
__________
ع التالفون:-
عصام:لا حول ولا قوه إلا بالله
نهله:والله قلبي تقطع عليها اقسم بالله
عصام:اللهم لا نسألك رد القضاء ولاكن نسألك اللطف فيه الله غالب
نهله:تنهدت بوجع...وين انت؟!
عصام:قاعد في المصحه مع صاحبي دار حادث
نهله:منو؟
عصام:واحد متعرفيشي اليوم مش راجع للحوش
نهله:به شن صارله؟!
عصام:كسور بسيطه لاكن معنده حد هنايا
نهله:به به دير بالك علي روحك
عصام:ان شاء الله توصي بي شي
نهله:لا سلامتك
عصام:سكر الخط وتفاجئ بي فراس جاي من بعيد ...
فراس:كيف الحال
عصام:بخير ...شن جابك في ها الليل
فراس:جبت واحد ضاربه ولدك قريب قتله وقلت بلمره نشوفك
عصام:ولع دخانه....شن القصص يلي قاعده تصير ورا ضهري؟!
فراس:ضحك...فايتك هلبا يابوي الجزي الثاني قريب يكمل 😂
عصام:ضحك...بس مطمن تعرفو تتصرفو
فراس:خذي نفس عميق...مش ديمه والله
عصام:طبطب ع كتف فراس...ديمه ديمه مربي اسود انا ..توا ارجع للحوش متخليهمش بروحهم
فراس:متبي شي
عصام:لالا تمام الامور
فراس:تمام...وطلع
_______________
ثاني يوم🌤🌤
كميله:ووووه عليا وووه نهاري اسود وكان صارلك شي غبارتي السوده
منى:افف به يا امي خلاص يلي صار صار توا
كميله:من هبالك من هباااااااالك ...من اليوم معاد فيه طلوع تو نوريك خليتك تسرحي وتمرحي هلبا شوفي وجهك كيف معبي جروح وخباش نهارك اسود
منى:تنهدت بي ملل
كميله:وانت شن صار في خطيبتك
شاهين:يفطر بسرعه...اليوم بتطلع قالو بنلحق عليها
منى:بصوت واطي ...ان شاء الله يطلع عندها الورم في الخشم ويقصولها خشمها يلي رافعاته الكلبه هاذي
شاهين:نسمع فيك وسكري فمك حسابك مش ناسيه
منى:😒😒😒
_____________
نور:فتحت عيونها وحس بي شي بارد ع رجلها قعمز ونحت الغطاء ونصدمت بي دم نازل منها ...عيطت بي اسم مالك لان الدم كان هلبااا ومنضره يخووف
مالك:فتح باب الدار بسرعه ونصدم بي المنضر يلي شافه 💔
نهله:طاحت اغمى عليها ونيروز تبخ في الميه علي وجها
الاء:قعمزت بصعوبه ع الصالون
ونهله اول مافاقت بدت تبكي وتعيط...ياربي اللطف بينا مره ولدي مره خطيبته وتوا بنتي 😭😭😭ياااااارب بس ارحمنا وفكنا من مصايب الدنيا
عصام:ينوض فيها شوي شوي ...الحمد الله بنتك امورها تمام اهو واقفه علي رجليها احمدي ربك
نهله:حضنت الاء وتبكي والاء مقدرتش تشد دموعها
نيروز:بخوف...علاش يابوي من شنو الرصاص
عصام:عركه بين زوز شباب في الجامعه
نيروز:لا حول ولا قوه الا بالله فعلا البلا مفيهاش امان
علاء:يشوف لي فراس بشك وفراس يحاول انه يدرق تعابير وجها يلي توحي. انه زابط كل شي...
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
طق طق طق
كميله:في المطبخ....منى شوووووفي الباب
منى:اااح يما رجليا
كميله:الكسر في يدك نوضي بلا دلع بنات
منى:ناضت بسيف فتحت الباب ...تفضلي؟
البنت:معاك شركة الشريف لتوصيل
منى:قامت حاجبها...وين بتوصلوني ياحنى
البنت:ههههه لا مش بنوصلوك انتي جايبينلك هديه من شخص بعتها معانا يتحمدلك بسلامه
منى:فراااس😍😍😍
البنت:مدت لي منى باقة ورد وبوكس صغير ...تفضلي وقعي هنايا
منى:حطت الهديه ع الارض ووقعت
البنت:تبي شي تاني
منى:منبي شي بري خلي نشوف هديتي
البنت:مشت وهيا تضحك علي تصرفات منى العفويه
منى:خدت الهديه وخشت دارها فتحت الكرت يلي كان في بوكيه الورد لقاته مكتوب فيه
((قريب متت لما عرفت انك درتيه حادث متسألينيش كيف عرفت لاني متابع اخبارك من البدايه الف الحمد الله ع السلامه ...صابر))
منى:الله عطيك مساك لين يرفعك للهلاك ياخامر فرحت نسحابه فراس ...وناضت
_____________
نور:تبكي....لالا بالله عليك زيدي شوفي بالك قاعد ونبي بالله عليك
الدكتور:بملامح تعاطف مع نور...حبيبتي الله غالب البيبي طاح انتي قاعده صغيره ربي يعوضك
نور:😭😭😭😭😭ياررررررربي 💔💔💔
مالك:خش للغرفه بعد ما سمع الخبر وعيطت عليه نور واول ماشفاته
نور:اطللللللللع اطللللللع معش نبيك ولا نبي نشوف وجهك انت السبب كله منننننك😭😭😭😭
الدكتوره:طلعت مالك بسيف ونادت ع الممرضات عشان يعطوها مهدئات 💕
كانت الاوضاع في حوش عصام ملخبطه بكل الاء وضرب يلي صارتلها ومرض دنيا وجوازة علاء يلي جي فجآه والبيبي متع نور يلي طاح 💔💔
______________
بعد مرور يومين 🌤🌤
نور:رجعت لي حوش عمها بحجة انها تبي تستريح ومالك مشغول مع علاء يحضرله في الاوراق بس مش ناسي قصة نور ويزيد
دنيا:لابسه ڤيلو بسيييييط ع الاخر مش منفوخ نازل وطرحه بسيطه وناعمه ومكياج خفيف والتغذيه معلقه فيها 💔
كانت الحفله في حوش نجم الدين صغيره بكل مفيش غير خالك دنيا وعماتها الاثنين وبناتهم والاء ونيروز ونهله ...اما نور قعدت في الحوش تبي ترتاح وكانت نفسيتها تحت الصفر بسبب فقد البيبي 💔
____________
زكيه:الو
نور:بصوت مخنوق..امي💔
زكيه:وينك بنتي قلبت عليك الدنيا تالفونك مسكر
نور:تعالي خوذيني تعبت💔
زكيه؛وين انتي؟
نور:في حوش عمي ...با الله عليك تعالي خوذيني
زكيه:تمام تمام ماخافيش تو نجيك
نور:سكرت التالفون الارضي ورجعت دارها وكان وجها تاااااعب بكل
مالك:جبتهم الاوراق
فراس:اي هاك
مالك:خذاهم وحطهم في السياره
فراس:شن صار في نور؟
مالك:بنخليها ترتاح الايام هاذي بعدين تو ندير راي
فراس:درت يلي قتلك عليه؟
مالك:ع شنو تقصد؟!
فراس:شفت الفيديو كامل؟
مالك:معش روحت الحوش اصلا وبعدين خيرك شاد في موضوع الفيديو قتلك شفته
فراس:قام حاجبه ...عندي الحاسه السابعه متنساش شوفه كامل ممكن يطلع فيه شي
مالك:سكت وهوا يفكر
فراس:ركب السياره وطلع راجع للحوش 💕
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
الساعه 11:20في الليل:-
زكيه:تفرد في الفراش...استريحي ياقلبي مستحيل حد ياخذك بي الغصب من هنايا تو نوريهم ع يلي داروه فيك حسبي الله عليهم من بشر
نور:رقدت في حضن امها ولاول مره حاسه بي الامان
لاكن مالك لما يعرف انها مهناش مستحيل يخليها في حالها !!
_____________
في الفندق :-
علاء:واقف قدام دنيا....خلاص بطلي دموع
دنيا:علاء انت مسخفني 💔
علاء:ليش!!
دنيا:معشتش فرحتك وبتقعد معاي بين الهم والمستشفيات انت متستاهلش هكي
علاء:حط يديه علي خدودها وقرب عليها...اششش متحكيش هكي اليوم انا اسعد بني ادم في الدنيا كلها ياعمري نحبك ورح نقعد معاك لاخر عمري
دنيا:م....
علاء:لالالا متقولي شي ...المرض في بدايته ورح نكافحو انا وياك لين ترجعي زي قبل بس نبي منك تحاولي معاي معش نبي معنوياتك في الارض هكي نبيك دنيا العنيده القويه يلي هبلتني باش فزت بي قلبه
دنيا:ابتسمت وسط دموعها وهزت براسها
علاء:باسها بحنيه ❤️...توا بدلي حوايجك عشان نجيب العشاء بعدين تريحي تعبتي هلبا اليوم
دنيا:تشوف لي عيونه عمرها ما كانت تتوقع علاء متع البنات يحبها لهدرجه ويوقف معاها هكي ❤️
جديات علاء كان رااااجل 🔥
_____________
الاء:رقدت بعد ما حكت مع شاهين وكانو زي قبل واحسن
اما نهله بعد شافت نور مهناش حطت في بالها انها روحت مع مالك لان حتى مالك معش بان عليها
بس مالك كان قدام البحر يفكر !!شن ممكن يدير في نور وهوا يموت فيها؟مهما غلطت مستحيل يقتلها او يأذيها ضميره يأنب فيه عشان البيبي يلي طاح وكان نادم انه مخلصش علي يزيد يلي مش معروف وين هوا توا!!!!......الله قداش كان تاعب واموره متفركسه وهاذا كله بسبب نور مش بسبب شي اكبر منها
الساعه 2في الليل:-
زكيه:غطت نور بعد مارقدت ورجعت دارها حنب راجلها ...لحضات بس وخداها النوم بسبب التعب ورا صغارها بس راجلها(سامي)مرقدش كل تفكيره في نور يلي نصدم بجمالها وجسمها وخدت كل تفكيره 🤷🏻‍♀️
ناضت نور بتعب الساعه 2:6في الليل وكان حلقها جاااف وعتشانه ...تمشي بخطوات مهزوزه مش عارفه المطبخ وين لين لقاته بعد مادورت. كويس...خشت المطبخ وبدت تعبي في الميه من الثلاجه
طاح منها الكوب لما حست بي شخص مسحها اسفل خصرها 😨💔
_________________
مالك:رجع لي حوشه وكان كلام فراس يدور في دماغه ...رجع افتح اللابتوب وفتح ع الڤيديو بدي يتفرج وقلبه يتقطع وعيونها ناااااار بعد شاف يزيد خش بكل صقه كأنه متعود
لاكن صدمته في نهاية الفيديو كيف نور تضرب فيه وتبي اطلع بس يزيد رافض ويحكى معاها لين دفاته وسكر الباب ....بدون شعور مالك خذي بعضه ماشي لحوش بوه عشان نور ....
فراس:مروح من المزرعه متاعهم ...وكانت الطريق خاااااليه وفاضيه
اتفاجأ فراس بي سياره قطعت عليه الطريق ونزل منها سليم ...سلاحه معاه ويهدد فيه عشان ينزل
فراس:نزل وسكر الباب ....اووو نسيبنا
سليم:موجه عليه السلاح...نسيب امك يا.....
جيت نصفي حسابي معاك وخوك التاني حسابه بعدين ...يتبع

رواية هتلر الجزء الثاني الحلقة السادسة

الجزء الثاني .
فراس:نزل وسكر الباب ....اووو نسيبنا
سليم:موجه عليه السلاح...نسيب امك يا.....
جيت نصفي حسابي معاك وخوك التاني حسابه بعدين
فراس:قام يديه وحطهم ورا رقبته بي استسلام ..به
سليم:استغرب في ردة فعل فراس...اعطي بضهر تحرك
فراس:منيش عاطي لا ضهر ولا وذان صفي طول ..ع الاقل انا بنموت ونستريح اما انت....
سليم:انا شنو؟!
فراس:انت مابعدك قداش بتهرب من تركينا لا تركينا وقداش بتعاني من هتلر وفي النهايه بتموت بتموت
سليم:هه به شهد علي روحك
فراس:كان حاط يده ورا رقبته وفجآه جبد سلاحه من الضهر (كان لابس حاملت اسلحه يركبو فيها2ع الجنب واحد يمين ويسار وواحد في الضهر )جبد سلاحه وحطه في وجه سليم
سليم:مش فاهم شي وعيونه بيطلعو
فراس:تسحابني عبيط يافرخ؟واحد وسخ زيني يطلع بدون شي هكي !!
سليم:بكلام واثق ...حتى لو كلفني الموضوع روحي اليوم مش رح ندور
فراس:بس في شي لازم تعرفه
سليم:شافله بي استغراب
فراس:ضرب 3رصاصات لين سليم طاح ع الارض وغرق في دمه
فراس:لازم تعرف انك كان مسبقتش راهو متت...وللاسف مسبقتش فعلا 🤷🏻‍♀شن بنديرلك
نور:نصدمت لما تلفتت ولقاته راجل امها ...رجعت خطوتين لتالي وهيا ترعش مش مصدقه يلي صار او تحاول تقنع روحها انه مسها بي الغلط !!
سامي:ابتسم ...خيرك خايفه ارخي روحك
نور:تبي توضح انها عاديه...اءء انا ك كن كنت عتشان شربت الحمد الله تصبح ع خير ...وجت بتطلع بس مسكها من يدها
سامي:غير تعالي فهميني الجمال هاذا والجسم المنحوت وين كانت مدرقاته عليا امك
نور:دفاته وبصوت وااطي عشان امها متنوضش....احترم نفسك ياحقيرررر وبعد من طريقي خير منعيط بي اعلا صوتي
سامي:عيطي خلي تجي امك ونقلها طالعه شعرها عريان ونادت عليا نسحابها تبي حاجه وطلعت تبي تغريبي في هالليل
نور:زاد جرحها وكسرة قلبها اكتررر...علاش كل مكان تمشيله لازم يكون في ناس حقيره لدرجه هاذي؟!
سامي:حط يده علي رقبتها
نور:تراجعت بسرعه ودفاته ...كانت فكرة الاغتصاب تراود قيها وقاعده مذكره كل شي 💔كأن فوبيا...سيبت اسلوب التهديد لان حساته مش رح يمشي مع سامي وقررت تترجاه يباعد عليها بدون متسمع امها لان متبيش تخسرها من جديد
نور:بالله عليك انا جايه تعبانه هنايا وربي يعلم بحالتي خليني في حالي ليل والشيطان لعب بعقلك مش رح نحكي لحد بس بعد خليني نطلع
سامي:يقرب منها....غير اهدي توا واضحكي وريني غمازتك يلي مهبلتني من اول مشفتها ...وفمك هاذا واااك😍🔥
نور:حاولت تهرب بس سكر عليها الطريق
سامي:نوعدك يعجبك جوي والله نعطيك شن تبي وتعيشي زي الاميره هنايا
نور:بصدمه لين مش قادره تبكي....انت شن تقوووول خيرك شن فيه في راسك😨
سامي:قرب عليها بس قاطعهم صوت الباب يلي كان بيتقلع من مكانه
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
فراس:نزل لمركز الشرطه بي دم باردددد
الضابط:كيف؟!كيف مفهمتش !!
فراس؛هاذا سلاحي مرخص وتقدر تشوف الترخيص
كنت مروح في امان الله وقف عليا بيقتلني وكان سكتت بنموت اكيد ...
الضابط:قاعد مش مستوعب!....جاي تسلم في روحك انت؟!
فراس:بزبط
الضابط:يااااحمدددي
الشرطي:نعم سيدي
الضابط:خوذ فراس لي النضاره لين نرتب الامور وبعدين ساهل
الشرطي:حاضر سيدي
فراس:طلع مع الشرطي بدون اي ردت فعل حتى علي وجها
______________
نور:استغلت استغراب سامي من الباب يلي يطق بصوت عالي وطلعت تجرررري
سامي:لا استني متفتحيش لاااااا
نور:فتحت الباب وبعيون حمر شفاته 
مالك:عاقد حواجبه بغضبببب كان مستعد يقتلها ع الشي يلي دراته وكيف تبات عند امها في واحد غريب وكيف تكسر كلمته لاكن بسرعه ما تغيرو مشاعره لما حضناته 💕
نور:بصوت مخنوق...رغم كل شي صار كل يوم نتأكد انك عيلتي الوحيده وكنت حاميني من هلبا حجات
مالك:تغيرت ملامح وجها وتكلم بهدوء....بري البسي نستنى فيك متعطليش
نور:هزت راسها وخشت بسرعه....في لحضه نست كل شي وكانت تبي تطلع بس وتتخلص من القرف يلي موجود معاها ...خترعبايتها وطلعت بسرعه بدون حتى متقول لي امها
ركبت السياره وحطت يديها علي وجها تذكر في كل شي ...اغتصابها البيبي يلي طاح يزيد ويلي داره معاها وراجل امها 💔
اما مالك يسوق في السياره بدون ميتكلم فاهم ان نور قاعده تمر بي الف حاجه مضايقتها بس .
______________________
علاء:يمسح في فم دنيا بي الكلينكس ...صحتين يادبه
دنيا:ضحكت ...تو انا دبه؟
علاء:مرر خشمه عليها بلطافه💕....واحلا دبه في الدنيا كلها
دنيا:😌
علاء:هي بما ان تعشينا نوضي معاي
دنيا:تغيرت ملامح وجها وكانت تفكر ...هل علاء مقرر يقرب عليها اليوم؟!يعني صح اليوم دخوله بس وضعها النفسي والصحي ميسمحش بشي زي هاذا !....بس برغم كل شي هوا راجل طبيعي يبي الحاجه هاذي يوم دخوله
ناضت دنيا معاه وكانت خايفه ...قعمزت ع السرير وعلاء سكر ضي الدار ولحقها
دنيا:متجمده في مكانها مش عارفها شنو ادير؟!كيف علاء بيتصرف توا هل يضغط عليها؟
علاء:بعد غطاء السرير...تعالي ارقدي هني ...واشر علي حضنه
دنيا:تريحت شوي وقربت علي حطت راسها علي قلبه
علاء:غطاها وقعد طول الليل يمسح علي شعرها لين خذاها النوم ...كان علاء فاهم وعارف ان يلي يصير يوم الدخول مش رح نتحمله دنيا!!وقرر يهتم بيها لين ترجع زي قبل واحسن ومش رح يهتم بي متطلباته هوا ....الحب ياناس
___________________
نور:خشت لحوشها ولي دار نومها طول ...رقدت ع السرير وغطت وجها قبل ميخش مالك عشان تتهرب من الاسئله ومن الاعصاب ومن كل شي
مالك:قعمز ع السرير وعيونه في الارض...نور
نور:ساكته ومسكره عيونها
مالك:نوضي نحكي معاك كلمتين وبعدين تريحي
نور:بعدت الغطاء شويه علي وجها
مالك:قامها من يدها لين قعمزت وبدي يحكي ويشوف لي عيونها.....عارف يلي مريتي بيه ومريت بيه حتى انا كان هلباااا
بس لو ترجعي تعيدي النضر رح تشوفي هلبا حجات مكنتيش مركزه عليها
نور:زي؟
مالك:الوجع يلي حسيته بسبب قصة يزيد كان اكتر من وجعك بألف مره ...انتي متخايله شن يعني ولد يشوف مرت هتلر بروب متخاااااايله
نور:بوجع بريئ ...مرت مالك 💔
مالك:خذي نفس وسكر عيونه لحضات ورجع فتحهم....مهما يكون
صح تسرعت بس من غيرتي يلي قاتلتني انتي متعرفيش قداش نعااااني بشكلك صوتك كل شي فيك قادر يغري اي حد نوور وانا اي حد يفكر فيك بس نبي نمزقه ع نصفين
نور:يزيد وين مالك!
مالك:معش تذكري اسمممممممه النم
نور:سكتت
مالك:وربي كنت بنقتله ووربي بس هربه فراس
نور:نزلت عيونها وبصوت متردد...مالك انا
انا نبي نرجع حوش عمي و
مالك:و شنو؟
نور:نبي نرجع زي قبل معش نبي شي لاني تعبت
تعبت من العياط من المشاكل من التكسير اثاث الحوش لازم كل شهر بتغير بسبب اعصابك
مالك:تقصدي ان نعيشو في حوش بوي؟تن....
نور:لا مالك نبي نطلقو وتنتهي القصه هاذي لاني معش متحمله ...حتى البيبي يلي ديمه نحكو عليه ونحلمو بيه طاح من قبل حتى منعرفو
مالك:مسك يدها وسكر فمها بي يده ويتكلم بي هستيريا ....لالالا لا نور لا ردي بالك معش تعاوديها
نور:ساكته
مالك:يمسح علي وجها...انتي عارفه قداش نحبك نور ميهمش الصغار منبي شي غيرك ....ردي باااالك تجيبي سيرة الطلاق ع لسانك تقعدي معاي بي ارادتك احسن من بلغصب نوور
نور:بعدت يديه...كيف بلغصب؟
مالك:قرب عليها....انتي عارفه اني ناخذك من هنايا ونحطك في مكان محدش يعرفه الا انا وربي ؟
نبعدك ع كل شي وتقعدي ليا طول عمرك انا بس نحكي معاك انا بس نحبك انا بس نشوفك انا بس نلمسك
نور:مالك هاذا مش حب ره!
مالك:سكر فمها بي صبعه...اشش هاذي حاجه فاتت الحب انتي مش فاهمه ان بتصرفاتي هاذي قاعد نحاول محمية من هلبا حجات ؟!
نور:اذكرت راجل امها وكيف مالك ميبيهاش تمشي غادي ...
مالك:مسك يدها وباسها...شوفي خلينا نتفقو تمام؟
انا بنحاول نخفف من الاعصاب والعياط والتكسير وكل شي
بس انتي حاولي تبعدي ع كل شي منبيشي جنس ادم اخطا من خوتي وبوي محدش تحكي معاااه
نور:ساكته وتشوف لي عيونه الرماديات يلي يدوبو 💕🔥
مالك:لما لما لما. نتعصب وتحسي ان بنقلب الدنيا تعالي احضنيني الصقي فيا تعالي جنبي امسكي يدي لان انتي الشي الوحيد يلي منقدرش نأذيك بنضطر نهدا بسيف
نور:فكرت دقايق بين نفسها وقلبها كان يدق بيهبل علي مالك
مالك:نور انا منعرفش نحب زي الناس الطبيعيه مهما كان رح نقعد هتلر وهتلر لما يحب الدنيا تنقلب....فهمتي نورتي ؟
نور:هزت براسها
مالك:جبدها لحضنه 💕....مش رح نخليك تبعدي عليا دقيقه ولا رح نسمح لي شي يفصل بينا حتى لو انتي طلبتي هكي
نور:بدون اي مبالغه كنت حاسه بي الامان معاه وفي حضنه جديات كان سندي وكل شي في حياتي
مالك:باسها...استاحشتك معش اديري فيا هكي
نهبل بلااااك
نور:حطت يدها ع لحيته وسكرت عيونها
مالك:رقد ع السرير وقعد ضامها في حضنه لين خذاهم النوم الزوز 💕
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم 🌤🌤
دنيا:فتحت عيونها علي صورت علاء ينوض فيها
علاء:صباح الخير
دنيا:ابتسمت...صباح الورد
علاء:هي غزالتي نوضي افطري باش نمشو المصحه عشان التحليلات يلي طلبوهم
دنيا:قعمزت وعلامات الحزن علي وجها...مسخفني
عرسك مش زي الناس وصباحيتك في المصحه؟!م.....
علاء:قاطعها.....وااااك من الدوا هيا اسكتي خلاص نبيك تبري باش نرجع زي قبل اناشبك وتناشبيني وندير فيك العار زي قبل مش متحمل نعاملك بي لطف تعرفي بسيف 😂
دنيا:ضحكت....بارد علاء مستحيل تتغير
علاء:زي ضحكتك يلي تاخد العقل ...هيا نوضي شوفي شن جابولنا فطور ...ومسكها من يدها
_______________
نور:فتحت عيونها علي ريحة مالك يلي كانت محاوطتها من كل مكان ناضت بشريه وكان هوا راقد💕
شكله ميتقاومش بشعره لحيته بكل شي فيه ....بساته علي خده بوسه طوووووويله لين ناض
مالك:صباح الخير
نور:صباح النور
مالك:جبدها لين طاحت عليه من جديد ...مفيش نور وانتي موجوده في حياتي
نور:ابتسمت وباعدت من عليه...مالك عارفه الدنيا صبح و و و ...بس نبي نطلب منك طلب
مالك:قعمز ويديه ع شعره...شنو
نور:نبي نمشي لي منى يعني خلاص خوها نسيبكم توا
مالك:سكت شويه بعدين تكلم...به خلي نقطرو ونرفعك بس متعطليش
نور:بفرح....ربع ساعه والله منعطلك
مالك:باسها ع خدها
نور:ناضت للمطبخ توتي في الفطور اما مالك رد علي تالفونه بعد 21مكالمه
مالك:صبح يافتاح
الضابط:عارف روحي نتصل بيك في الازمات بس هالمره الموضوع يخصك
مالك:قداش ليا مخدمتش الحرام لا تقولي صفقه ولا فلوس
الضابط:خوك فراس ضارب واحد 3طلقات اثنين في رجله ووحده جاته في الرئه حاليا في العنايه مش معروف مات او لا!!
مالك:فرااااس؟😨علاش شن القصه
الضابط:فراس كان مروح والولد هوا يلي تهجم عليه...تعالا المركز عشان تزيد تاخذ معلومات
مالك:يطلع في حوايجه...تمام جايكم منخلوش حد يزوره لين نجي
الضابط:تمام ...وسكر الخط
_______________
الاء:خشت للحوش ونحت وشاحها...
نهله:جايبه الشاهي ...شن صار معاكم؟
الاء:الحمد الله نضفولي الجرح مشت الامور
نهله:به الحمد الله هي تعالو افطرو
عصام:متبوش تمشو لي علاء؟!
نهله:كلمته الصبح قال ميبيش دوشه دني تعبانه ومحتاجه ترتاح
عصام:امس شن جاي يبي مالك في الليل؟!
نهله:ولدك معش فيه عقل رفع مرته لي امها ونسي يسحابها قاعده هنايا
عصام:هههههه خيره
نهله:وين نعلم بالله
عصام:ياكل...وين فراس مريتاش من امس
الاء:امس قال بنمشي المزرعه العامل مريض شوي ماشي يعاين فيه اكيد بات عادي
عصام:به به...وكملو فطورهم 
الاء:ناضت لما شافت تالفونها يشرين
شاهين:حبي الحلوه شن صار فيها
الاء:ع اساس مكنتش معاي لحضه بلحضه من بعيد
شاهين:ضحك...اكيد امالا شنو...قاعد يوجع فيك الجرح؟
الاء:لالا احسن الحمد الله
منى:شاااهين منو هاذي الاء ولا اسماء ولا نهى يلي تعرفت عليها امس ولا نصيب متع المدينه منو؟
شاهين:متصدقيهاش ادير في الجو
الاء:ضحكت...ههههه عارفه
منى:خامس وحده اليوم تقلها في نفس الكلام
شاهين:منى اطللللعي انتي ويدك المكسوره بعيد
منى:ان شاء الله ينكسر عمودها الفقري يلي تحكي معاها وتقعد زي الحنش تزحف زحف
شاهين:منننننننى😡
منى:طلعت من غرفة شاهين عشان تفتح باب الحوش
طق طق طق
منى:اقسم بالله كان حاجه تانيه من صابر الاما نعطيه طريحه نخليه محتسب الي الله مش صابر ...وفتحت الباب
نور:ماسكه الحلويات وبوجه صدمه...منى شن صاير فيك😨
منى:اخيرااااا جيتيني 😭😭😭تعالي نحكيلك راني معبيه احرف من مميري امي
نور:خشت سلمت عليها وحطت الحلويات
منى:خشي خشي اني طالعه
نور:تنحي في وشاحها ...امتى صار هاذا احكي
منى:بدت عاد 😂
____________________
مالك:اي فهمت عليك
المحامي:يعني لو جينا للحق فراس دافع ع روحه وكانت رد فعل منه ...انا نتكلم بي صفة ان سليم قاعد عايش لو انه مات بعدين في حجات تانيه
مالك:تمام تو نتابع قصة سليم هاذا ويصير خير
المحامي:هتلر بنحكي معاك بس نتمنى متفهمنيش غلط
مالك:ولع دخانه...تكلم
المحامي:يعني انت تقدر ...تقدر تقتله وبي معارفك خوك يطلع واموره تمام ...نفس القصه صارت مع يزيد
مالك:يزيد كنت ناوي نقتله بس فراس باعده
المحامي:تمام بس ياريت نفهم ليش مش راضي تقتل رغم انه سهل عليك؟
مالك:كل شي درته وسخ تقدر تتخلص منه ...الا دم
كل القصص يلي كنت فيها نقدر نطلع منها بمزاجي لاكن لما تحط روح في رقبتك محدش يفكك منها !
المحامي:صح
مالك:وتوا خلينا في قضية فراس
المحامي:اها اكيد
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
نور:نهارك اسود عليك وانتي كيف تقعدي مع ولاد بروحك؟
منى؛لهيت في تالفون سهيت ع روحي وين نعلم
نور:غبيه
منى:يالله شدي حيلك واحملي من جديد
نور:تنهدت...يصير خير معش عندي نيه في شي
منى:وانا عندي نيه في راجلك 🙃كان متبيش نحمل منه انا
نور:ياوسخه بطلي قلة ادب 😒
منى:ههههههه تغار ياحليلها
نور:اشقي بهمك راجلك في الحبس
منى:متأكد مالك ولا يرفس؟
نور:تصب في القهوا...اتصلو بيه اليوم خبروه
منى:امممم
نور:الامممم هاذي نعرفها اعقلي يامنى يدك مكسوره خير ما يتكسر حتى راسك
منى:نفسيتي زي الزفت حتى انا شوفي شعري الصبغه بدت تنزل لونها برتقالي زي المتزوجات المزينات يلي هاملين راجلهم
نور:😂😂😂طلعيلي نصبغلك انا .
منى:لا ياقلبي منوتقش في حد انا
نور:عليك هبله وخلاص ....ترن ترن ترن
نور:ايوا
مالك:اطلعي هي
نور:كان موصلتش خليني شوي تاني
مالك:قدام الحوش اطلعي استاحشتك
نور:امم به هي
منى:اي بري بري وروحو ديرو العيب باهي يامهزبه يعيط عليك ومتحرجيش زي الدلدوله
نور:ضحكت....مفيش حد يعرف مالك زيني 
منى:حتى فراس محدش يعرف حقارته زيني والله كان نعلق عليه نصبغله صلعته بي الفضي ولما يمشي تحت الشمس تبدا زي الديسكو
نور:ههههههه واااك يامنى
بعد مرور يومان 🌤
علاء:ماسك دنيا وركبو الطياره...قعمزي هنايا ياقلبي
دنيا:قعمزت بهدوء وماسكهرفي يد علاء
علاء:قعمز جنبها...شدي قولي دعاء السفر
دنيا:من وين نزلت عليك الهدايه ولا خايف اطيح بيك الطياره ؟!
علاء:هههههههه واااك من لسانك هني روحك
دنيا:مسكت خده....محلاها ضحكتك
علاء:احممم حني في الطياره يابت اتلمي
دنيا:😂😂😂
___________
فراس:يعيط بصوت عااالي...تي طلعوووووها من جابها هنايا هادي منبيش زيارااات انا النمممم
منى:اخس عليك تو انا متعبه روحي لعند هنايا عشان نطمن ع راجلي حبيبي وهكي ادير؟!
فراس:انا مش راجل حد يابنت افهمي خليني في حالي واقعدي في حالك وصبغاتك بعيد عليا
منى:اخخخ تخيل ترا نجيبو بنات زي امهم عسل واولاد زي بوهم خراوات وصلع😂ويقعدو بناتي يتجكترو بشعرهم المصبوغ طبعا و....
فراس:تي تعاااالو علقوني فلقه وطلعووووووها
منى:مستمره تهدرز ولا ع بالها
ع طاولة الغداء:-
نور:شافت تالفونها وكانت امها تتصل سكرت عليها مكانتش تبي تواجها الايام هاذي
عصام:به وتوا شن صار ؟
مالك:مش معروف لين ينوض ويطلع من العنايه بعدين نشوفو قصة فراس
نهله:تو ميقدرش يطلع بكل؟
مالك:لا عادي تو يجي مره مره يدير دوره ويرجع
نور:حطت رجلها ع رجل مالك من تحت الطاوله
مالك:زمط الماكله بتوتر وشافلها
نور:نحرك في وجلها وتبتسم كأنها مش دايره شي
عصام:كلمك علاء
مالك:اه ؟اءء اي لا اي كلمني مبكري
نور:تحرك في يدها بطلع ع رجل مالك
مالك:نحا يدها من تحت الطاوله ويهمسلها....اعقلي
عصام:المهم حط في بالك الدولارات باش تبعتهم لي علاء تلقاهم في درج المكتب
نر:ناضت للمطبخ
مالك:اي تمام الحمد الله دايمه
نهله:صحتين
مالك:لحق نور المطبخ
طق طق طق
نهله:نوضي شوفي الباب
الاء:افففف منو الحمار يلي يجي في الوقت هاذا...وناضت
________________
نور:شهت لما حضنها مالك من الخلف ويبوس فيها زي المجنون
نور:مااالك مااالك بعد الهم يشوفونا عيب
مالك:يبوس فيها ...تلعبيلي بي اعصابي قدامهم يابارده ...ودفن راسه في رقبتها 💕🤭
نور:تضحك وخايفه...تي بعد في حد جاي
مالك:بعد من عليها بهدوء
الاء:بوجه مصدوم ..نور😨
نور:يدها ع رقبتها تخفي في البوسه...اها
الاء:في حد يبيك برا ...يتبع
اسفه اليوم هاذا يلي قدرت نكتبه بنات 

تعليقات



حجم الخط
+
16
-
تباعد السطور
+
2
-