القائمة الرئيسية

الصفحات

رواية ذئب في الكواليس كاملة للتحميل pdf - للكاتب محمد مالك

رواية ذئب في الكواليس

أخيرًا عاد الكاتب محمد مالك للروايات الممتعة مرة أخرى 
وقدم لنا واحدة من الروايات الممتعة جدًا وهي رواية ذئب في الكواليس التي يُمكن أن نعتبرها واحدة من أمتع روايات هذه الفترة 
الرواية لم تأخذ الشهرة الكبيرة التي تستحقها حتى الآن ولكننا نعلم إن الفترة القادمة سنستمتع أكثر وأكثر 
بـ روايات الكاتب محمد مالك 
والتي تُنشر على مدونة مالك الزعيم 
ولكننا اليوم وفرنا عليكم الكثير من الجُهد 
وجلبنا لكم رواية ذئب في الكواليس كاملة للتحميل pdf دون عناء الإنتظار والبحث عن أجزاء الرواية الجديدة.
رواية ذئب في الكواليس كاملة للتحميل pdf - للكاتب محمد مالك 

عن رواية ذئب في الكواليس 

رواية ذئب في الكواليس رواية من امتع الروايات التي يُمكنك أن تقرأها للكاتب محمد مالك 
على الرغم من أن الكاتب ذو شعبية كبيرة وله كثير من الروايات الممتعة 
إلا أن هذه الرواية جعلنا نعود بالذاكرة إلى رواياته العظيمة 
رواية ذئب في الكواليس هي الرواية الأمتع من وجهة نظري 
الرواية التي تجعلك تنتظر كُل فصل من الفصول بشغف 
التي تجعلك تسمتع بكل تفاصيل الرواية 
لقراءة وتحميل رواية ذئب في الكواليس : اضغط هنا

تقيم رواية ذئب في الكواليس  

رواية ذئب في الكواليس كما قُلت هي أفضل رواية للكاتب محمد مالك منذ فترة طويلة جدًا
الأفضل بمقاييس عديدة 
سواء من جانب المتعة أو حتى من جانب طريقة الكتابة التي تطورت كثيرًا عن الروايات الأخيرة التي صدرت للكاتب 
تقيمي للرواية هو 9 من 10 درجات.

الحلقات مكتوبه

[١٩/‏٩ ٩:٢٦ ص] محمد مالك: دخل عليها ابيها بوجه عبوس غاضب وقد عزم علي قتلها انها مني احدي بناته الاربعة واكبرهم والتي عادت الي منزل ابيها صباح اليوم التالي من زواجها عادت اليه وهي تحمل معها جلباب العار واجراس الفضيحه بعد ان اكتشف زوجها انها ليست بعذراء وبعد خضوعها للفحص اكتشف الجميع انها حامل في ثلاثة اشهر .. شئ صادم بالفعل .. ف بنات هذا الرجل الطيب المعروف عنه السمعه الطيبة وحسن الاخلاق مشهورين بالعفة والطهاره والحياء وحسن التربيه .. لكن كيف حدث ذلك ؟!! هذا ما سيدفعه الي الجنون !!
فاروق .. اه يا بنت الكلب لوثتي سمعتي وشرفي وحطيتي راسي في الطين
مني .. اقسملك يا بابا اني ما حد لمسني .. وحيات المصحف ده انا اشرف من الشرف
فاروق .. امال حامل ف ٣ شهور منين ؟!! اتكلمي يا فاجرة ؟!!
مني .. صدقني مش عارفه !! واصلا مش قادره اصدق ان دا حصل !!
فاروق .. هتستهبلي يا بت ؟!! انطقي قوليلي مين الكلب اللي عمل كدا ؟!!
مني .. ورحمة ماما ما في حد قرب مني ولا لمسني ..
فاروق .. متجبيش سيرة امك الطاهرة علي لسانك يا حقيره .. انطقي يا بت مين الكلب اللي غواكي وسلمتيله نفسك ؟!
مني .. صدقني يا بابا .. انا عمري ما افكر اني اعمل حاجة زي دي ابدا .. انت عارف اخلاقي كويس .. انا بنت فاروق الروبي .. اللي الناس كلها بتحلف بأدب بناته واخلاقهم
فاروق .. ما دام انتي عرفة انك بنت فاروق الروبي ليه كسرتيني انا واخواتك البنات ؟؟! لكن انا هغسل عاري بإيدي يا مني
ثم يطعنها بالسكين في قلبها وينظر اليها وهي تلفظ انفاسها الاخيره ...
مني .. ليه كدا يا بابا ؟!! حرام عليك
ظن فاروق ان ابنته قد فرطت في شرفها ولم يدرك ان ابنته بريئة وفعلا اشرف من الشرف كما يقولون وان هناك ذئب في الكواليس سيفعل ببناته الثلاثة الباقيين كما فعل بالاولي ..
الرواية في قمة الغموض والاثارة والتشويق .. تابعوني .. تحياتي ..
[١٩/‏٩ ٩:٢٧ ص] محمد مالك: رواية ذئب في الكواليس
البارت الثاني
للكاتب المصري محمد مالك
وتم القبض علي فاروق واتهامه بقتل ابنته مني مع سبق الاصرار والترصد وحكم عليه بالسجن المشدد لمدة عشر سنوات واصبح بناته الثلاثة ياسمين وهند ورباب بلا اب وبلا ام ولا عائل لهم بعد ابيهم .. ياسمين طالبه بكلية التجاره الفرقة الرابعه وهند طالبه بكلية التربيه النوعيه الفرقة الاولي .. اما رباب فهي طالبه بالثانوية العامه بالصف الثالث الثانوي وكان لديهم ابن عم يدعي فريد صاحب مطعم بيتزا ومعجنات توفي والداه في حادث قطار منذ خمس سنوات وورث هذا المحل عن ابيه .. فريد حاصل علي دبلوم زراعة شاب مستهتر .. مدمن للمخدرات والكحول .. لا يعرف عن الاخلاق الحميدة شيئا فهو همجي انتهازي اناني وطماع دائما ما كان يحاول فاروق ابعاده عن بناته حتي انه ذات مره تقدم الي عمه ليطلب ياسمين للزواج ولكنه رفض بشدة لعدم رضائه التام علي فريد واخلاقه وطريقة حياته وبعد ان سجن الاب .. ذهب فريد ليزور بنات عمه الثلاثه والتي اصبحت حالتهم صعبه جدا لعدم وجود مصدر للدخل يقتاتون منه ..
ياسمين تفتح الباب فتتعجب عند رؤية فريد
ياسمين .. فريد ؟!!
فريد .. ايوا فريد .. ايه مش هتقليلي اتفضل ؟!
ياسمين .. ايوا بس انت عارف الظروف دلوقتي واحنا بنات لوحدنا
فريد .. انتي عبيطه ولا ايه ؟!! هو انا غريب ؟! دا انا ابن عمك .. ولولا ابوكي ودماغه الناشفه .. كان زماني جوزك وابو عيالك كمان .. اوعي كدا بلاش عبط انا جاي اطمن عليكم
ثم يدخل فريد الي الشقة دون استئذان فيلاحظ وجود طعام علي المنضده عباره عن طعميه وعيش وسلطه
فريد .. ايه دا !! هو انتوا بتتعشوا طعميه ؟!!.
ياسمين .. فضل ونعمه .. غيرنا مش لاقيها
فريد .. ايوا .. بس دي تحرق قلبكم بالليل .. كويس اني عامل حسابي وجايب معايا كباب وكفته .. شمي كدا الريحة الجميلة .. لسة سخن
ياسمين .. عايز ايه يا ابن عمي ؟!! ايه اللي فكرك بينا ؟!!
فريد .. في واحده تكلم ابن عمها بالطريقة دي ؟!! جزاتي اني جاي اسئل عليكم واطمن علي احوالكم واشوفكم اذا كنتوا عايزين حاجة
ياسمين .. جاي تسئل علينا ولا جاي تصيد في الميه العكره ؟!!
فريد .. انا !! اغص عليكي بجد يا ياسمين .. دا انا ابن عمكم يعني لحمكم ودمكم وان مكنتش اقف معاكم في محنتكم دي .. مين غيري هيقف جمبكم ؟!!
ثم تخرج هند من الغرفه ويبدوا عليها الغضب
هند .. شكرا علي سؤالك .. احنا زي الفل ومش محتاجين حد يقف جمبنا او يساعدنا في حاجة .. شرفت ونورت
فريد.. ههههه .. طول عمرك غلباويه ولسانك طويل يا هند ومع ذلك انا مش هزعل منك .. انتي اختي الصغيرة برضوا
ياسمين .. من فضلك يا فريد احنا عاوزين ندخل ننام
فريد .. اها .. بتطرودوني بأدب !! ماشي يا بنات عمي .. ع العموم دا الكارت بتاعي .. لو عزتوا حاجة كلموني .. وانا متأكد انكم هتكلموني وانا هغيب واسأل عليكم كل حين .. ثم يضع الاكل ومبلغ من المال علي المنضدة قائلا .. سلام يا قمر انتي وهي
هند .. من فضلك .. خد الحاجة دي معاك
فريد .. دا كباب وكفته لسه بنارهم .. كنت عشمان نتعشي سوا.. لكن معلش اتعشوا انتوا بيهم الف هنا وشفا
هند .. شكرا احنا اتعشينا خلاص
فريد .. طعمية ؟!!
هند .. الحمد لله
فريد .. طب والفلوس اخدها كمان ؟؟
هند .. طبعا .. مستوره الحمد لله
فريد .. اوك .. براحتكم .. سلام
ثم ينظر لهم نظرة غيظ وغصب وينصرف
ياسمين تغلق باب الشقة خلفة وتتنهد وتقول .. اف..
وبعد سويعات قليلة تذهب الفتيات للخلود الي النوم لتحدث كارثة ..
تابعوني والبارت الثالث .. ولو عايزين الرواية كاملة يبقي اعمل مشاركة للبوست واكتب تم .. اما رواية هالة والبارت الاخير منها بعد قليل .. تحياتي .. ملك الروايات الكاتب المصري محمد مالك.
[١٩/‏٩ ٩:٢٨ ص] محمد مالك: رواية ذئب في الكواليس
البارت الثالث
ودخلت ياسمين وهند عشان يناموا بعد يوم طويل من الحزن والاسي علي خسارة اختهم وسجن ابوهم وخوف شديد من المجهول اللي مستنيهم .. رباب كانت نايمه قبلهم بساعتين .. بعد ما كانت كل بنت فيهم بتنام في اوضة دلوقتي كلهم بقوا يناموا في اوضة واحدة ودخلت ياسمين وهند تحت الغطا وكل واحدة فيهم حضنت اختها عشان تحس بالامان ومفيش دقيقتين وقامت ياسمين وولعت النور وهند استغربت
هند .. ايه مالك ؟!!
ياسمين .. مش عرفة .. حاسة اني مخنوقة .. مش قادره اصدق اللي حصل دا كله .. معقول مني تكون انضحك عليها وغلطت مع حد ؟!!
هند .. وانتي تصدقي ان اختك تعمل كدا ؟!!
ياسمين .. لا مش مصدقة .. زي ما انا مش قادره اصدق ان بابا يهون عليه ان يقتل بنته حبيبته .. دي اقرب واحده فينا لقلبه !! وبعدين بابا وداها عند اكتر من دكتور وكلهم اجمعوا ان مني مش عذراء وانها حامل في ٣ شهور .. معقول يكون انضحك عليها من غير ما تحس ؟!!
هند .. العلم عند الله .. لكن انا لا يمكن اصدق ان مني تسلم نفسها ل حد ابدا حتي لو كانت بتحبه .. مع انها طول عمرها كانت مشغولة بدراستها وتفوقها ولما اتجوزت . . اتجوزت جوازه عاديه .. شخص اتقدم وطلع مناسب فاتجوزته .. لكن لا عمرها قعدت قبل الجواز ولا حبته .. الله يرحمها بقي ويسامح بابا علي اللي عمله فيها وفينا
ياسمين .. لا واللي اسمه فريد جاي يصيد في الميه العكره .. عرف اننا بقينا لوحدنا فقال يلا فرصتي ارزل عليهم
هند .. وجايز تكون نيته خير .. متنسيش انه ابن عمك واللي يعيبك يعيبه
ياسمين .. بس انتي عرفة ان اخلاقه زفت ودا كان سبب رفض بابا ليه لما اتقدملي .. يلا بقي عشان ننام خليني اقوم اشوف حكاية الشغل دي وربك يدبرها ان شاء الله
هند .. متخافيش ربنا مش هيسبنا ابدا .. هو عالم بحالنا واننا ملناش حد غيره .. يلا تصبحي علي خير ..
وبعد دقيقتين تستيقظ ياسمين منزعجه وتقول
ياسمين .. اعوذ بالله من الشيطان الرجيم
هند .. وبعدين بقي في ليلتك اللي مش فايته دي !! مالك في ايه تاني ؟!!
ياسمين .. مش عرفة حسيت زي ما يكون حد بيحسس بإيديه علي جسمي ولما ولعت النور اتخايلت بفريد ابن عمك!!
هند .. فريد !! واشمعني فريد يعني ؟!! جايز عشان شفتيه انهارده .. نامي دا من التوتر اللي احنا فيه .. يلا تصبحي علي خير
ثم تلمح بطرف عينيها دم علي السرير بجوار رباب
ياسمين .. ايه الدم دا ؟!! الحقي يا هند اختك رباب بتنزف
هند تنزعج بشدة .. ايه !! فين ؟!!
الرواية في قمة الغموض والاثارة والتشويق كما عودتكم .. لو في تفاعل ومشاركة هكمل معاكم .. والجزء الاخير من رواية هاله هينزل بس بعد تعديل بسيط علي النهايه .. تحياتي الكاتب والسيناريست المصري محمد مالك.
[١٩/‏٩ ٩:٢٩ ص] محمد مالك: رواية ذئب في الكواليس
البارت الرابع
للكاتب المصري محمد مالك
ياسمين .. رباب .. رباب قومي بسرعة
رباب تستيقظ منزعجة .. ايه في ايه ؟!!
ياسمين .. في دم كتير تحتيكي .. قومي بسرعة
رباب .. دم !! فين ؟!!
هند .. فين الدم دا
وينظر الجميع ولا يري شيئا
رباب .. فين يا بنتي الدم دا ؟!!
ياسمين .. مش عرفة !! كان هنا تحتيكي بالظبط
هند .. لا دا انتي اعصابك تعبانه
ياسمين .. صدقوني يا بنات كان في دم هنا مغرق الفرشة
رباب .. انا عذراكي يا حبيبتي .. اللي بنمر بيه دا تعب اعصابنا اوي.. يلا اطفي النور ونامي وانا هاخدك في حضني
وبالفعل تطفئ ياسمين نور الاباجورة وتضمها رباب الي صدرها قائلة
رباب .. متخافيش يا حبيبتي .. كلنا جمبك
وفجأة يرن جرس باب الشقة وياسمين تنتفض
رباب .. ايه مالك ؟!!
ياسمين .. سامعين ؟!! جرس الباب بيرن .. اوعوا تقولوا تهيآت ؟!!
هند .. لا فعلا جرس الباب بيرن .. مين دا اللي هيجيلنا في وقت زي دا ؟!!
ياسمين .. يا ماما .. ليكون حرامي
هند .. حرامي ايه بس .. احنا في منطقة شعبيه والشارع بيبقي صاحي لحد الفجر ..انا هقوم اشوف مين
ياسمين .. طب متفتحيش الباب علطول .. قولي مين الاول
رباب .. وانا وراكي بالسكينة
وتتوجه هند نحو الباب وتسأل قائلة
هند .. مين ؟!!
فريد .. انا فريد ابن عمك .. افتحي يا هند
هند .. فريد !! جاي عايز ايه دلوقتي يا فريد ؟!!
فريد .. انا نسيت علبة السجاير والولاعه علي الطربيزة عندكم
وتنظر البنات الثلاثة ناحية الطربيزة فتجد فعلا علبة سجائر وولاعة فوقها وياسمين تتوجه نحو الطربيزه وتمسك بهم ثم تتوجه نحو الباب وتشير لأختها لتفتح الباب
ياسمين .. اتفضل
فريد يبدوا عليه الارهاق الشديد والعرق الغزير والارتباك الواضح في الكلام
فريد .. اناااا . انا انا اسف اني جيت في الوقت المتأخر دا
هند .. يعني مكنش ينفع تعدي الصبح وتاخدهم ؟!! لو حد شافك من الجيران دلوقتي طالع عندنا في ساعة زي دي .. يقول علينا ايه ؟!!
فريد .. معلش .. اصل جوا علبة السجاير حاجة مهمه اوي ومينفعش تستني للصبح
هند .. الحاجة اللي مينفعش تستني للصبح !! ولا انت اللي متقدرش تستني للصبح من غير ما تشربها
فريد .. ههههه .. فاهماني انتي يا لئيمة .. ع العموم انا اسف .. تصبحوا علي خير .. ثم ينظر الي رباب نظره غريبة جدا تلاحظها هند وياسمين.. ويقول .. سلام
هند تغلق الباب .. فعلا انسان فاقد لكل معاني الادراك والشعور .. ليه حق بابا يرفض يجوزهولك يا ياسمين .. الاخ مش قادر ينام من غير ما يطفح الحشيش بتاعه
ياسمين .. ربنا يتوب عليه .. بس كان باين عليه الاجهاد والعرق الكتير .. زي ما يكون كان جاي يجري
هند .. طبعا .. عايز يلحقنا لأحسن نكتشف الامر ونتخلص منها ولا حاجة .. ربنا يرحمنا
رباب تشعر بالاعياء المفاجئ ..
رباب .. الحقوني يا بنات انا تعبانه اوي
ياسمين .. مالك يا رباب ؟!!
رباب تسقط علي الارض مغشيا عليها ....
الرواية في قمة الاثارة وقلة التفاعل هيخليني ما اكملش .. تحياتي ملك الروايات الكاتب المصري محمد مالك.
[١٩/‏٩ ٩:٣٠ ص] محمد مالك: وادي كمان بارت صغير عشان تترعبوا ومتناموش بالليل ..
ذئب في الكواليس
للكاتب المصري محمد مالك
البارت الخامس
وبعد دقائق من فقدان رباب للوعي ومحاولة كلا من هند وياسمين افاقتها بكل الطرق تستعيد رباب وعيها مرة اخري
هند .. مالك يا بنتي قلقتينا في ايه ؟!!
رباب .. مش عرفة !! حسيت فجأة بدوخة شديدة واني بغيب عن الدنيا
ياسمين .. لون وشك باهت جدا .  واضح ان عندك انيميا
هند .. ولا انيميا ولا حاجة .. دا ارهاق وقلق بسبب اللي احنا فيه .. بس برضوا لازم تروحي للدكتوره تشوفك عشان نطمن
ياسمين .. خلاص بكره نوديها عند الدكتوره ابتسام تفحصها وان طلبت تحاليل نعملها ..سلامتك يا عمري .. ثم تضمها الي صدرها بقوة والدموع تسقط من عينيها
وفي اليوم التالي ذهبت الفتيات الثلاث الي عيادة الدكتوره ابتسام لأمراض النساء ..
ابتسام .. ازيكم يا بنات ؟ عاملين ايه ؟!!
ياسمين .. الحمد لله علي كل حال
ابتسام .. بقالي كتير اوي مشوفتكومش من ساعة ما كانت ياسمين شغالة معايا هنا من خمس سنين وسابت العيادة بدون سبب !!
ياسمين .. انتي عرفة ان بابا كان رافض حكاية الشغل دي وكان موافق بالعافية عشان اتسلي مش اكتر واول ما بقيت في الثانوية العامة قالي لازم تتفرغي لدراستك انتي بقيتي شهاده دلوقتي .. عشان كدا سيبت الشغل
ابتسام .. فعلا .. باباكم بيخاف عليكم اوي .. ربنا يخليهولكم
ياسمين .. ويفك سجنه يارب
ابتسام .. سجنه !! ليه هو بابا مسجون ؟!!
ياسمين .. ايوا دا موضوع طويل هحكيه لحضرتك بعدين بس دلوقتي من فضلك اكشفي علي رباب عشان تعبانه اوي
ابتسام .. مالك يارباب .. سلامتك ؟!!
رباب .. مش عرفة .. حسة بألم جامد في منطقة الحوض وغثيان بيوصل معايا لدرجة الترجيع
ابتسام .. الدوره اخبارها ايه .. منتظمه معاكي؟
رباب ..بصراحه بقالها فتره مبتجيش!!
ابتسام .. لا .. سلامتك .. طب قومي افحصك
وتقوم ابتسام بفحص رباب داخل غرفة السونار لتعود قائلة
ابتسام .. شئ طبيعي ان الدوره تقف ومتجيش بسبب الحمل
رباب .. حمل ؟!!
ياسمين .. حمل ايه ؟!!
ابتسام .. انتي حامل في شهرين يا بنتي
هند .. نعم !! حامل ازاي ؟!! دي مش متجوزه اصلا !!!!!
دخلنا في الجد صدقوني وطول ما انتم بتشجعوني هدلعكم ع الآخر .. البوست الجاي آخر جزء من رواية هالة تابعوني ..
[١٩/‏٩ ٥:٠٩ م] محمد مالك: رواية ذئب في الكواليس
البارت السادس
للكاتب المصري محمد مالك
جميع الحقوق محفوظة
ابتسام .. ايه !! يعني ايه مش متجوزه ؟!!
هند .. يعني مش متجوزة يا دكتوره !! يعني رباب لسة بنت بنوت !! انتي متأكدة من كلامك ده ؟!!
ابتسام .. اكيد متأكدة ..
ياسمين .. ازاي ؟!!
ياسمين وهند وابتسام ينظران في ذهول ودهشة شديده ل رباب .. فما تقوله ابتسام ليس له سوي تفسير واحد ورباب تقرأ ذلك في عينيهم
رباب .. انتوا بتبصولي كدا ليه ؟! انا اشرف منكم كلكم .. محدش يبصلي البصة دي .. ثم تنهار وتبكي وتجري مسرعا خارج العيادة
ياسمين بأسي شديد .. من فضلك يا دكتوره انتي متأكده ان رباب حامل ؟!
ابتسام .. ايوا يا بنتي صدقيني .. في بطنها جنين عمره شهرين وادي صور الاشعة .. ولو مش مصدقاني ودوها عند دكتور تاني
ياسمين .. مش معقول
وتنصرف ياسمين وهند وهم يحملان الخزي والعار  بعد ان صدمتا صدمه اخري قسمت ظهرهما لا تصدقان ما سمعا وعادتا الي المنزل ليجدوا رباب تجلس في الصالة وهي في حالة انهيار شديد ...
رباب .. قلتلكم متبصوليش البصة دي .. انا اشرف منك انتي وهي
ياسمين .. طب قوليلنا ازاي دا حصل ؟!!
هند .. حد من زمايلك الولاد في المدرسة ضحك عليكي ؟!!
رباب .. انا معرفش ولاد اصلا .. كل اصحابي بنات وانتم عرفينهم كويس
ياسمين .. طب ازاي دا حصل فهمينا ؟!!
رباب .. معرفش .. معرفش
ياسمين .. رحتي مع واحدة من صحباتك اي مكان وسقتك حاجة وغيبتي عن وعيك بعدها.. انطقي ؟!!
يبدوا ان رباب تذكرت شئ ما وبدا ذلك علي وجهها الذي تغير فجأة
رباب .. انااااا .. انا .. معرفش .. معرفش .. سيبوني في حالي
ثم تدخل الي غرفتها مسرعة
ياسمين .. معقول !! رباب تعمل كدا ؟!! طب ازاي ؟!!
هند .. ومني برضوا عملت كدا ؟!! طب ازاي ؟!! هو في ايه بالظبط ؟!!
ياسمين .. والاتنين نفس الحاله مش عارفين ايه اللي حصل بالظبط ؟!!
هند .. يعني ايه ؟!! في واحد بيغتصبهم من غير ما يحسوا ؟!! مين وازاي ؟!!
وفجأة تسمع ياسمين وهند صوت صرخة رباب فتهرولان الي الغرفة لتفتحا الباب فتجدا رباب ملقاه علي الارض وقد قطعت شرايين يدها
ياسمين .. ايه ده ؟!! ايه اللي انتي عملتيه ده ؟!! الحقيني يا هند
هند .. ليه عملتي كدا في نفسك ؟!! ليه ؟!!
رباب .. غسلت عاري بإيدي .. بدال ما واحدة فيكم تقتلني وتدخل السجن زي ما حصل مع بابا وكمان عشان عاري ميلوثكمش .. بس صدقوني انا عمري ما سلمت نفسي لحد
وتلفظ رباب انفاسها الاخيره
ياسمين .. رباب !! انتي يا بت ؟!!الحقي يا هند اختك سكتت مبتتكلمش
ثم تضع اذنها علي صدها لتسمع دقات قلبها
ياسمين .. دي ماتت !! اختك ماتت يا هند .. لا .. لا ثم تضمها الي صدرها وتصرخ بصوت يهز ارجاء المكان قائلة .. لاااااااااا
ان شاء الله هنزل بالليل ببارت كبير من الرواية .. صدقوني بكتبها وانا متأثر جدا .. جسمي كله بيتنفض .. البارت الاخير من رواية هالة هنزله انهارده بعد ما استقريت علي النهايه.. تابعوني .. ملك الروايات المصري محمد مالك.

هل اعجبك الموضوع :

تعليقات

28 تعليقًا
إرسال تعليق
  1. ممكن نعرف الجزء الاخير من ذئب في الكواليس فين منزلش ليه

    ردحذف
  2. الجزء الاخير من روايه ذئب خلف الكواليس

    ردحذف
  3. ممكن الجزء الاخير من فضلك

    ردحذف
  4. لماذا رواية الذئب في الكواليس لم تكتمل

    ردحذف
  5. الجزء الأخير لم يكتمل ليه لعل المانع خير ولا لسه النهايه لم تكتمل ؟؟؟!!!

    ردحذف
  6. جميله جدا هوا فين جزء الاخير ذئب في كواليس مش لقياه فتشت عليها مش لقياها

    ردحذف
  7. فين الجزء الاخير

    ردحذف
  8. فئن الجزاء الاخير

    ردحذف
  9. اين التتمة

    ردحذف
  10. فين الجزء الاخير من ذئب في الكواليس

    ردحذف
  11. اين الجز الآخير منقصة ذئب خلف الكوالي

    ردحذف
  12. الجز الاخيراذا سمحت

    ردحذف
  13. بليز لو سمحت نهايه القصه ذئب في الكواليس

    ردحذف
  14. فين الجزء الاخير

    ردحذف
  15. لو سمحت الجزاء الاخير

    ردحذف
  16. الجزء الاخير من ذئب في الكواليس

    ردحذف
  17. فين الحزء الاخير لو سمحتو اللي لقاه يلعتلي لياه وصلت لعند بلاقو الجثتين ببيت الدكتوره

    ردحذف
  18. اي حد وصل الجزء الاخير يقلنا

    ردحذف
  19. الجزء الأخير لو سمحت

    ردحذف
  20. فين الجزء الاخير

    ردحذف
  21. الجزء الاخير من ذئب في الكواليس

    ردحذف
  22. مش عارفة انت ليه مش عايز تنهي الرواية دي أظن كفاية انتظار كده دانت بقالك شهور

    ردحذف
  23. فين الجزء الأخير من الروايه

    ردحذف

إرسال تعليق

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟