لأننا نرغب دائمًا في مُتعتكم في مدونة يوتوبيا
جلبنا لكم اليوم رواية في غاية التميز
وهي رواية حفيدة الشيطان
التي جلبنا لكم الجُزء الأول منها اليوم
وسنكتب لكم كُل يوم حلقة جديدة
بعد أن يُرسلها لنا بالطبع كاتب الرواية الكاتب محمد مالك، وإذا كُنت لا تعرف الكاتب فيجب أن تتعرف عليه معنا الآن
لقراءة باقي حلقات الرواية : اضغط هنا
لقراءة الرواية الجديدة للكاتب محمد مالك بـ عنوان شهوة قاتلة : اضغط هنا
لقراءة الرواية الجديدة للكاتب محمد مالك بـ عنوان شهوة قاتلة : اضغط هنا
 |
| رواية حفيدة الشيطان الحلقة الأولى - محمد مالك |
من هو محمد مالك كاتب رواية حفيدة الشيطان
محمد مالك هو شاعر وكاتب روائي وسيناريست
له العديد من الروايات والقصص المميزة مثل:
- توبة شاذ
- عشقت خطيب إبنتي
- فتاة سجد لها الشيطان
- عائد من زمان مجهول
وغيرهم من الروايات المميزة التي تكون دائمًا الروايات الأكثر بحثًا في مُحرك البحث جوجل.
الحلقة الأولى من رواية حفيدة الشيطان
انا سلمي ربة منزل متزوجة من ٣٠ سنة وقعدت حوالي ١٥ سنه وربنا مرزقنيش بأطفال المشكلة عندي انا بسبب ضعف في التبويض مخلتش دكتور مرحتلوش ولا وصفة معملتهاش ومفيش فايدة لحد ما ستات جيراني دلوني علي راجل اكدب عليكم لو قلت عليه شيخ لا دا ساحر ومشعوذ بس بيقدر يعمل اي حاجة وينفذ اي طلب مهما كانت صعوبته ودا عن تجربه من الستات اللي راحتله وجبر بخاطرهم المهم رحتله انا وواحدة جارتي كانت ليها مصلحة عنده وقضاها حاجة شبه حاجتي كدا بس كانت لمرات ابنها وبصراحة رحتله من ورا جوزي لانه لو كان عرف كان هيبهدلني ومش بعيد يطلقني لانه راحل بتاع ربنا وحافظ كتاب الله وعارف ان المرواح عند الناس دي معصية كبيرة اوي بس انا اعمل ايه .. انا هموت واجيب حتة عيل يملي علينا البيت ومقداميش غير الراجل ده ولما رحت عند سيد الفاجر .. متستغربوش هو اسمه كدا الناس طلعت عليه اللقب ده عشان كان فعلا فاجر ويقدر يعمل اي حاجة ولما قعدت قدامه بصيلي بعنيه الحمرا وكأنها دم احمر داكن وقالي عاوزة تحملي يا سلمي ؟!! انا استغربت عرف منين بس قلت لنفسي دا ساحر واكيد عارف انا جاية ليه .. قلتله وانا الخوف هيموتني من المنظر اللي انا شايفاه صور بشعة في كل مكان وريحة البخور كانت هتخنقني .. ايوه انا نفسي احمل واخلف زي كل ست .. نفسي في عيل اشيله علي ايدي ويكبر يوم ورا يوم قدامي ويقلي يا ماما ويملي علينا حياتنا انا وابوه .. راح قالي بصوته الغليظ هتحملي بس في بنت .. انا مسألتش ساعتها اشمعني بنت لان بصراحة كل همي اني احمل وخلاص ولد او بنت متفرقش فقلتله عادي المهم ربنا يرزقني بالخلفة وخلاص .. راخ ضحك بصوت عالي وقال خلاص يا سلمي عدي تسع شهور بالكمال والتمام وهتشيلي علي ايديكي بنتك ضلام .. انا استغربت من الاسم .. ضلام !!! يعني ايه ضلام ؟!! فقالي اسمها ضلام وعلي ايديها عتاب وملام وعذاب كتير وآلام ... انا اتخضيت وقلتله يعني ايه مش فاهمة ؟!! قالي مش لازم تفهمي ما دام لازم تحملي ولاني ست جاهله وتعليمي علي ادي وكمان شوقي ولهفتي علي حتة عيل خلوني ماخدش واعيد في كلامي فراح مديني ورقة فيها كلام مكتوب وقالي استحمي بيها قبل الجماع بيومين وتعالي كمان شهرين .. انا اخدت الورقة وعملت اللي قالي عليه بالظبط وبعد شهرين رحتله زي ما قال فقالي مبروك انتي حامل في شهرين في بنت اسمها نيفين ومفيش في طباعها اتنين بس عشان حملك يثبت.. مطلوب منك طلبين .. انا طرت من الفرحة وقلتله ايه هما الطلبين وانا هنفذهم علطول .. راح طلب من اعمل اعمل حاجتين استحالة كنت اتوقع انهم يطلبوا مني دول ضد اخلاقي وديني ......
ايه هما الطلبين ؟؟ ويا تري سلمي هتنفذهم ولا لا ؟؟ دا اللي هنعرفه من البارت الثاني .. تابعوني