رواية هي جريئة كاملة ج1 - حسينية محمد


رواية هي جريئة

رواية هي جريئة من اشهر الروايات الالكترونية الان للكاتبة الروائية السودانية حسينية السيد وهي من اشهر الروائيات الموجودة علي شبكة الانترنت وتقوم بنشر رواياتها علي الموقع الخاص بها علي الواتباد وكذلك الفيس بوك وتعتبر رواية هي جريئة الاكثر بحثا في محرك البحث جوجل اليوم . 

عن رواية هي جريئة 

سوف اتركك عزيزي القاريء مع الجزء الاول من رواية هي جريئة

الفصل الاول

مروان :أمي ما تفتكري اني قابل الزواج ده انا جيت معاك بس عشان ما احرجك😊

علياء :(ام مروان)خلاص اسكت وخليك مهذب وانا متأكدة انو تالين ح تعجبك

مروان:ما بتهمني البت انا ما عاوز اتزوج ريحي نفسك 😤😤

علياء :خلاص يا ولد 😡😡😡

مروان :خلاص اضربي الجرس

دقت الجرس بهدوء فتحت الباب الخادمة وكانت وراها فهيمة ام تالين وابتسمت قالت ليهم اتفضلو قعدت فهيمة مع علياء في صوفا ومروان قعد براه

فهيمة:تشربو شنو

علياء:شكرا حبيبة بس عاوزين نشوف اميرتنا

فهيمة:وانت يا مروان

مروان:مع ابتسامة كوب موية لو سمحتي

وبعد مشت فهيمة

علياء :يا ود خليك مهذب شوية

وبعد شوية طلعت فهيمة لي تالين قالت ليها انزلي سريع

تالين:خليني في حالي بس 😤😤

وبعد شوية نزلت تالين وكانت كل الأنظار عليها😍😍😍حتي أمها وأم مروان ابتسمو وهم بعاينو ليها اما مروان وقف مكانة وهي منتظر تجي تسلم عليه

سلمت علي علياء وسلمت ع مروان وقعدت قصاده

#مروان بتكلم مع نفسو

هي بالجد جميلة بي فستانا الأحمر وبشرتا البيضاء وشعرا الأشقر لكن شكلها تافه وعديمة شخصية عشان تقبل بزواج زي ده

#تالين مع نفسها

واو ما اتوقعت انو وسيم كده طوله رهيب شعره الكثيف عضلاته الظاهرة لكن يا ربي ح يقبل بي ال ح اقولو شكلو دلوع امو عشان يعرس الاختارتا ليه 🤔

قطعت لحظة السكوت علياء

علياء :شنو رايكم تتعرفو ع بعض اكتر وتتكلمو مع بعض

تالين: وهي بتعاين في عيونو وبابتسامة جريئة ما عندي مانع

مروان:وهو بعاين في عيونا ولا انا

قامت تالين وهي ماشة ومروان وراها

#مروان مع نفسه ده شنو البت دي جريئة كده عجبتني😈

ملاحظة كل علامة هشتاق وراها اسم زي #مروان

معناها بتكلم مع نفسه أوك

#هي_جريئة
بقلم: حسنية محمد

الجزء 02

بقو ماشين لحدي ما وصلو لي مظلة في الحديقة وقعدت تالين ومروان قصادا

تالين :طيب انت مواقف ع الزواج ده

مروان:كنت ماموافق لكن اسي غيرت رأي

تالين:ليه

مروان :عجبتيني😊

تالين :بالجد

مروان :هز راسو بي نعم وقال ليها وانتي

تالين:انا موافقة وبي شدة

مروان بي استغراب :ليه

تالين :عاين واسمع كويس الكلام ال ح اقولو انا عمري 19سنة اوك وامي متحكمة بكل ميراث ابوي وما ح أقدر اخد الميراث إلا عمري 21سنة لكن إذا اتزوجت ح اقدر اخد ورثتي وامي ما ح تدخل فيني تاني انا ما عندي مشكلة اتزوجك انت ح تساعدني اخد ورثتي وانا ح اساعدك انك تسكت نقة أمك من كلاما عن العرس معاك مع احلي أيام حياتك انا اعرسك والبس الزفاف حتي حقوقك الشرعية ح اديك ليها يعني ح نمشي شهر عسل و نعيش كأي زوجين وما ح أقصر معاك بعد 10شهور ح نطلق مروان سكت مسافة وبعداك

مروان:إذا انتي عاوزة تتزوجي عشان ورثتك ليه نعيش زي المتزوجين

تالين:انا ما كنت عاوزة اتزوج لكن بعد وفاة ابوي وامي استولت علي الميراث وأنا عانيت عشان كده لازم اتزوج

مروان :ليه تختاريني انا يا تالين كان تختاري حبيبك

تالين :لا انت لأنك عجبتني و بعدين انت م ح تطمع في قروشي وانت بالجد وسيم والأهم اني ما ح أقبل أفقد عذريتي مع حبيب

مروان أستغرب في جرأة تالين وبقي ساكت مستغرب وقال

مروان :طيب لو كان عندي حبيبة ورفضت المسك

تالين:ما ظنيت انك ترفضني لكن ما مهم المهم الزواج والميراث ولو عندك حبيبة انا ح أشرح ليها الموضوع ولو ما عجبتك وده طبعا من المستحيلات 😌ما مشكلة لو ما عملنا علاقة ما شي كعب يعني ولو كمان انت ما بتحب النسوان وعندك ميول تاني ما مشكلة

مروان بغضب: 😡😡حسني الفاظك كل الموضوع اني ما فكرت يوم في الزواج

#تالين:ده زواج مؤقت وح نعيش ايام حلوة😉ولو حصل بينا شي بترجاك ما تعمل علاقة مع تانية ما تخوني وانا مرتك وما ح ازعجك انا م ح اصر اكتر من كده قول جوابك

بعد 15دقيقة من السكوت وقف مروان وصاح بدلتة

هنا تالين غمضت عيونا ونزلت رأسا وقالت جواها عارفة ح يرفض

مروان:ما عاوز يحصل حمل ولا غيرة ولا مشاكل ولا خيانة ولو عندك حبيب انفصلي منو ومدة الزواج ح نتفق عليها

تالين استوعبت انو وافق ولمعت عيونا وابتسمت يعني انت موافق

مروان :أيوة موافق

تالين :صرخت يبييي ونطت حضنتو شديد

حاضر يا زوجي المستقبلي كل القلتو ح اعملو

مروان ما عمل اي ردة فعل لحدي هي ما زحت منو

تالين:طيب اسفة ارح نكلمهم بي قرارنا

مروان:طيب امشي

مشي مروان قداما بي سرعة وهي بتحاول تلحق خطواتو السريعة وقامتو العالية وهي بالكعب وقصيرة لمن ما قدرت مسكت طرف بدلتو وقالت ليه امشي براحة ياخ إنتبه وخفف سرعتو وصلو جوا ومروان ماف ملامح في وشو

وحمر لي تالين وتالين طولي فكت ايدو

بعدها امو قالت اها وصلتو لي شنو

تالين بي صرخة وحضنتة من نصو:نحن ا اتفقنا

علياء زغردت أما فهيمة عاينت لي مروان ولما مروان شاف نظرتا خت ايدو في كتف تالين وقربا عليه وابتسم

يتبع.....


الجزء 03

وفي صباح اليوم التاني كانت فهيمة قاعدة في صفرة الأكل وتالين كانت بتجهز نفسها للجامعة لبست بنطلون ابيض وقميص رمادي وشالت الشنطة ونزلت تحت لقت أمها

تالين :صباح الخير

فهيمة:أهلا بعروسة الموسم

تالين:في شنو ما عجبك اني أمس اتفقت مع زوجي المستقبلي 😊😊

فهيمة:ليه ما يعجبني و بعدين عارفة اني ح اقنعو انو ما يتزوجك😉

تالين:هه معليش حبيبتي انا اذكي منك وا أكد ليك انك م ح تفرقينا😇وشالت شنطتا وطلعت

"""""""""""""""""""في بيت مروان

جهز نفسة ونزل تحت لي امو منتظراهو علي صفرة الأكل

مروان:صباح الخير أمي

علياء:صباح السعادة أن شاء الله نمت كويس

مروان بي استغراب:الحمدلله ليه في شي حصل

علياء :لالا ماف شي بس مبسوطة عشان وافقت علي تالين

مروان:كويس انك مبسوطة

علياء:ح تتلاقو الليلة

مروان:ما ظنيت ما اتفقنا وما شلت رقما

علياء: ليه المفروض تتفقو ع موعد الخطوبة وتعرفو بعض اكتر عشان تعرفو بعض اكتر

مروان:كويس ح اشوف يلا أنا ماشي

طلع مروان وركب عربيتو وطول الطريق بقي يفكر فيها هي جريئة لكن غامضة بتمثل أنها قوية رغم أنها ضعيفة من داخلا لحدي ما قطع تفكيرو صوت التلفون وكان رقم ما مسجل

مروان: الو منو معاي

المتصل:الووو زوجي العزيز

ابتسم مروان طوالي :أهلا زوجتي الجريئة

تالين :ههههههه عجبني اسمي الجديد كيف انت

مروان:بخير لكن كيف جبتي رقمي

تالين:شلتو أمس لمن كنت في الحمام

مروان:بالجد انتي سريعة

تالين:عارفة المهم اتصلت عشان اقول ليك موفق في شغلك

مروان:شكرا وليكي كمان لكن ما عارف بتشتغلي شنو

تالين:لا انا بدرس في كلية اللغات

مروان: ادرسي كويس طفلتي

تالين :بدين تضايقني انت ع فكرة

مروان: خلاص ما تضايقي وريني عندك عربية

تالين:لالا فهيمة رفضت تشتري لي عربية

مروان:طيب بتنتهي متين اجي اسوقك

تالين:ما تتعب نفسك

مروان بصوت حاد:بتنتهي متين

تالين:3

مروان:طيب استنيني في مدخل الجامعة

باي

يتبع.....


الجزء 04

بعد تالين قفلت الخط قالت اممممم حلو شكلو ما دلوع امو وبعدين انا بحب الزول البهتم بي طيب نشوف شنو البحصل

"""""""

بعد 3ساعات مروان طلع من مكتبة ماشي علي تالين

تالين جاد ماشة مسكا واحد اسمو جاد

جاد:تالين عاوز اتكلم معاك

تالين:في شنو يا جاد انا قلت ليك ما عاوزة اسمع تفاهاتك دي تاني

جاد:حبي ليك ما تفاهة

تاليت:لا تفاهة خاصة اني رفضتك مية ومرة و بعدين انا ح أتزوج ومشت

جاد مسك يدها بقوة وسحبا:تالين كيف يعني ح تتزوجي انتي ملكي انا وم حاسمح ليك تخوني حبي

تالين:زح مني وجعتني ياخ ومشت ركبت مع مروان

وابتسمت ليه كيف مروان وقربت منو عشان تبوس خدو

مروان بغضب لانو انتبه لي جاد:في شنو الود ده زعجك

تالين لا بس جعانة عاوزة آكل

مروان:طيب

تالين :ما وريتني ليه تعبت نفسك وجيت

مروان:عشان ما عاوز زوجتي تتعب بالتكسي😇

تالين :شكرا ليك طيب ممكن تاخدني اشتري وجبات سريعة

مروان:ابتسم وقال ليها حاااضر

ونزل طلب الأكل ورجع

تالين :انت ليه بتكون طوالي ساكت

مروان :عشان ما بحب الكلام الكتير

تالين:طيب اتكلمت مع أمك

مروان:قالت اتعرف عليك عشان نعمل خطوبة

تالين:انا ما عاوزة خطوبة عاوزة عرس طوالي وبسرعة

مروان:انا ما عندي مشكلة لكن ح تقولي شنو لي امي وأمك

تالين:ح اقول ليهم اني بحبك وما بقدر استحمل اكتر من كده 😉

مروان:طيب خير يلا اكلي وع فكرة عندي حفلة المساء تجي

تالين:جدا كم الساعة

مروان:6مساء بكون عندك

تالين:حاضر وعاوز تنزل مروان مساك

مروان :ما نسيتي حاجة

تالين:هههه اتعودت سريع وطبعت بوسة طويلة قريب لي شفايفو

مروات ابتسم وهي نزلت عدل قعدتو ومشي. ""تالين دخلت البيت ظبطت المنبه ونامت بعد شوية المنبة رن دخلت استحمت واتجهزت ونزلت تحت مصدعة قالت الخدامة اديني حبوب صداع فهيمة شافتا جات قالت ليها طالعة مع مروان

تالين:أيوة

فهيمة :شايفاك اتفقتي معاه بسرعة لكن اسفة لأني ح افرق بين عصافير الحب

تالين:معليش م ح تقدري لأني وريادة كل حاجة

مروان وصل ورسل ليها رسالة شالت شنطتا وطلعت وامها واقفة مصدومة وبقت تصرخ تالين يا تااااالين ابتسمت ليها ابتسامة شماتة وطلعت

كان مروان واقف وبعاين في الشارع لحدي ما عيونو وقعت عليها 😍😍كانت لابسة فستان اسود مع الجسم وع الركبة وكعب عالي وشعرا ذيل حصان قربت منو وهمست

تالين:طالعة ما حلوة ولا شنو

مروان:طالعة اكتر من مدهشة

تالين:لي اي درجة

مروان سحبها من خصرا لمن جسمهم التصق وهمس ليها:لي درجة الإثارة ونزل طبع بوسة في رقبتا هي اتوترت ومروان حسة بي رعشتا وحرارة جسمها ارتفعت طوالي زحت منو قالت ليه ح نتاخر مروان ابتسم ولاحظ توترا وقال ليها معاك حق اتفضلي فتح ليها باب العربية ركبت قفل الباب وركب ومشو

يتبع.....
#هي_جريئة
بقلم: حسنية محمد

الجزء 05

وهم ماشين اماندا كانت بتلعب بي شعرا تلفون مروان رن عملة صامت تاني رنا قفلو ورماه

تالين:دي منو ولا ده منو البتزعج راجلي

مروان وبتكبر:معجباتي كتار

تالين:طيب رد عليهم😏😏

مروان:كيف ارد عليهم ومعاي أجمل واحدة فيهم

تالين :ليهم حق يعجبو بيك

مروان:ليه

تالين:لانو كلامك حلو وبتخلي حتي التافهه تحس أنها أميرة

مروان:لالا حبيبتي ما تقولي علي نفسك تافهه😂😂😂😂

تالين :تافه انت😒😒

مروان ضحك بصوت عالي بعداك اتكلم بجدية:ع فكرة حبيبتي ما صاح تنبزي راجلك

تالين:طيب طيب ما تتكلم معاي تاني

مروان سحب تالين لي صدرو لمن اتهجمت

تالين:في شنو

مروان:استرخي

تالين:حضنك دافي وحلو

مروان:كلو ليك 😉

وابتسمت وسكتت

#مروان مع نفسه

طفولتا مغطية ع شخصيتا وبتمثل أنها جريئة هي ما قدرت تستحمل بوسة وبدت ترجف طيب ح يحصل شنو لو نمت معاها هه اراهن ع انو جسم ما أتلمس قبل كده ح يكون ح يكون حاجة ممتعة اني أكون اول راجل في حياتا شكلو مغامراتي معاك ما ح تنتهي يا تالين

$تالين مع نفسها

في شنو يا غبية شكلي ح أفضح نفسي بوسة بس عملت فيني كده لكن بالجد هو مثير يعني حتي لو عاهرة مكاني كان ارتعشت ياااا ربي اااووف لازم أهدأ بعدين هو لا ح يطمع في قروشي وكونو يعمل معاي علاقة ما كعب احسن امشيه لحدي ما اتطلق وأخلص

"""""

مروان وقف العربية اماندا انتبهت وقامت عدلت شعرا ومكياجا

مروان:لمن ننزل في ناس ح تعاين لينا ما تنتبهي معاهم طيب و ح تشوفي حاجات غريبة ما تركزي

تالين :طيب

نزلو ومن دخلو كده الناس بقت تعاين ليهم

تالين:شايفة انو جذبنا الناس بسرعة

مروان:طيب خليكي قوية وما تخافي

شدت تالين يد مروان مسكا ودخلو وقفو في طاولة طويلة ما فيها كراسي ختت شنطتا ونظرت بي استغراب شافت وزراء ومهندسين ومغنين و ناس مشهورين كتير طوالي قربت منو وهمست ليه انت منو يا مروان

مروان:تسمحي لي برقصة

تالين:جدا

والأغنية اشتغلت قام شداها من نصها وهمس ليها انا أسمي مروان يورك ولقبي ملك البورصة عشان انا بقدر اخلي اي سهم في اي شركة ينجح ولا يفشل

تالين:😳😳😳تفاجأت وقالت وقعت نفسي مع منو😨😨

يتبع.....


#هي_جريئة
بقلم: حسنية محمد

الجزء 06

قرب مروان وهمس:وقعتي نفسك مع واحد ما ح تحبي تزعليه

تالين :ابتسمت بحب المغامرات الصعبة

مروات:بحب عنادك

انتهت الحفلة و وصل تالين للبيت

تالين قربت عليه وباستو قالت ليه باي حبيبي

مروان سحبا من يدا:ع فكرة انا راجل ما شافع وبفضل طريقة تانية عشان تودعيني

تالين :😇اتفضل ودعني

مروان قرب منها وهجم علي شفايفا بكل قوة وبدأ يقبل الشفة التحت ومرة فوق ومرة الاتنين سوا تالين حاولت تعمل زيو ما قدرت لانو كان بمشي يدو في جسمها بكل قوة بعدها بعد عنها عشان يتنفس ونفسهم كان قايم وخت راسو في صدرها وهمس ليها بحب تودعيني كده

تالين:عجبتني الطريقة ونزلت دخلت البيت ومروان اتحرك

دخلت تالين غرفتا ورمت نفسها في السرير و اتذكرت كيف قبلا فجأة اتذكرت كلامو مروان يورك ملك البورصة ياااربي وقعت نفسي في متاهه 😖😖😖قامت استحمت وغيرت ونامت

مروان دخل بيتو لقي امو منتظراه صرخت فيه قالت بعد ده لو ما اتكلمت معاه في موضوع الزواج ارجع قال ليها اطمني اتفقنا نعملو20الشهر ده ابتسمت علياء وقالت ليه ربنا يتمم ع خير

قام مروان ومشي غرفتو واستحمي غير ونام

وديني محل جمالكي بسرعة واتصلت تلفون

في اليوم التاني صحت تالين جهزت هدوم الرياضة لبست عملت شعرها كعكة وشالت شنطة ضهر وتلفونا ونزلت لقت أمها في طاولة الفطور وسكتت

تالين؛:في شنو حبيبتي

فهيمة ابتسمت بسخرية

تالين :لمت حاجاتا قالت ليها ع العموم عرسي 20 الشهر ده خليك جاهزة وطلعت

فهيمة بقت تنادي وتصرخ وتهدد فيها تالين ركبت سماعات وطلعت

أما مروان اتجهز ووصل الشغل كان بتكلم مع السكرتيرة ما عاوزيحصل اي غلط في الحفلة واتفضلي طلعت السكرتيرة شال تلفونو ومشي ع البلكونة واتصل بي تالين

كانت تالين كملت تمرينا شافت تلفونا وابتسمت قالت للمدرب عن إذنك طلعت برا وردت بفرح صباح الخير زوجي العزيز

مروان ابتسم من سمع صوتا:صباح النور يا مثيرتي😍😍 وين انتي

تالين:في التمرين خلصت

مروان:طيب عندنا حفلة الليلة السواق ح يجيك الساعة8:00خليك جاهزة وماف داعي ترفضني بأي وقفل الخط

تالين:مندهشة يقفل الخط في وشي غبي متخلف اهبل 😡😡😡يا الله الحفلة لازم أسرع لازم أكون احلي واحدة شالت شنطتا وجرت وقفت تاكسي

تالين :نور حبيبتي

نور :افتكرتك نسيتيني

تالين:انا بقدر

نور:بطلي رسميات عاوزة اي لون

تالين:ههههههههه ماف زول بعرفني زيك اللون الأسود وقفلت الخط

السواق :يا آنسة وصلنا نزلت تالين ودخلت بسرعة وصرخت محمد بلييز ساعدني عاوزة أغير لون شعري

محمد قال لي المساعدة جهزي لي لون قرمزي وأنا بهتم بيها عملت شعرا ومكياج وطلعت للتاكسي مشت محل نور شالت فستانا اول ما شافتو اندهشت واااو رهيب حضنت نور وجرت ركبت وصلت البيت اتجهزت ونزلت والساعة8:00كان السواق قداما

يتبع.....
#هي_جريئة
بقلم: حسنية محمد

الجزء 07

ركبت واتحركو اتصل مروان ردت

تالين :مال في شنو

مروان: ليه بس اللهجة دي

تالين:انت كيف تكلمني في وقت قصير زي ده خليتني اعمل اي حاجة بسرعة

مروان:هههههه بتتكلمي زي الاطفال كده ليه انا واثق ح تكوني حلوة😉

تالين:اقفل فضل لينا كتير عشان اوصل

مروان:لالا فضل7دقايق وتوصلي

تالين:طيب تمام

عاينت الدقايق كده لقتها 7 دقايق عاوزة تتكلم السواق قال ليها وصلنا يا آنسة استغربت من دقة المواعيد

فتح ليها الباب بوديقارد ضخم لمن استغربت قال ليها آنسة تالين انزلي وما تتكلمي مع زول وخلي راسك مخفوض وما تزحي من نصنا تالين هزت راسا ونزلت حاوطوها 6ستة بوديقارد لمن اتقدمت لقت كمية من الصحفيين اتخلعت وبقت منزلة راسا وقفت تشوف في الناس واحد منهم قال ليها يا آنسة لو سمحتي السيد مروان منتظرنا ومشو في مرر طويل وقفو جمب باب ذهبي كبير وفتحو ليها الباب دخلت المكان كلو كان مظلم وحست انو في ناس لكن ما قادرة تميزهم

وفجأة أتقدم ليها مروان وقال ليها أهلا مرتي

تالين:ده شنو يا مروان ليه الصحافة في شنو وديل منو عاوز مني شنو انت 😭😭

مروان:عاوزك لي وتكوني حلالي وتشاركيني عالمي وطلع خاتم من جيبو ونزل ع ركبتو وقال ليها تتزوجيني

تالين:اااااااااااااا وحضنتو شدييييد والناس صفقت والأنوار ولعت لقت اصحابا ومحمد ونور وعلياء وأمها وناس مشهورين كتير

عملو حفلة بعد الحفلة انتهت علياء قالت لي مروان انا الليلة ح أبيت مع عمت فهيمة مريضة انت وصل تالين البيت وارجع قال ليها طيب بعد طلعو

تالين:مروان وصلني البيت بالجد تعبانة شديد

مروان خت ايدو في جيبو وعاين ليها : الليلة ح تبيتي معاي

تالين اتهجمت وبقت تطلع مليون حجة انا بكرة عندي جامعة وامتحانات انا يا مروان

مروان سحبا من يدها ودخلا العربية واتحرك لما هم طالعين الصحافة كانت بتهاجم تالين خافت وختت وشها في حضن مروان وهم ماشين في الطريق

تالين:مروان ده شنو ده ليه الصحفيين بعملو كده

مروان ببرود:ما حصل شي

تالين بتصرخ:مروان كان ممكن اموت رجعتي البيت

مروان: لا

تالين بصراخ زايد مروااااان رجعني البيت

مروان:وقف العربية سحب يدا بقوة ومسك وشها شديد بي يدو التانية ايااك تصرخي فيني تاني إياك تعلي صوتك فاهمة

تالين عيونا اتملو دموع

مروان:فاهمة ولا لا

تالين : دموعا نزلو فاهمة

مروان :بكون احسن ودور العربية وكول الطريق تالين تبكي وبتشهق بي صوت عالي وهو ما شغال بيها وصلو قدام البيت شاء تلفونو وبدلتو من المقعد الورا ونزل مشي جهة تالين ال كانت بتحاول تهدي نفسها وفتح ليها الباب قال ليها انزلي عاينت ليه بعيون دامعة ونزلت وهو كان واقف ليها قريب شديد ما مديها مساحة نزلت وقفت كانت قريبة منو شديد

يتبع.....

#هي_جريئة
بقلم: حسنية محمد

الجزء 08

نزلت وبقت قريبة شديد وبقت تبكي وتلعب بي اصابعا هو مرر يدو ع شعرها لي نهايتو ومسك نصها وقربا منو شديد جسمهم بقي سوا ورفع راسا بي يدو وقال ليها ليه بتبكي ما ردت عليه قرب اكتر لمن نفسهم اختلط وقال ليها ما عاوز اجن بتبكي ليه

تالين وهي بتبكي وتشهق:بكره الصحفيين و..... وانت صرخت فيني دون....دون سبب

مروان :ما كنت عارف

وبقو واقفين كده ساكتين وهو قريب منها شديد بعدها تالين هدت شوية

ختت يدها في رقبتو وقال ليه مروان

مروان:نعم

تالين ممكن تقبلني

مروان قرب عليها وبقي يبوسا بعنف لي درجة أنها كانت محتاجة تتنفس وما قدرت ضربتو في صدرو إنتبه ورجع ورا مروان وتالين أنفاسهم بقت عالية ومسك يدها وقال ليها يلا ندخل تالين كانت خايفة بس سحبا وراهو تالين فكت يدها وشبكت اصابعا مع مروان وقالت ليه كده احسن نحنا مخطوبين ما موديني السجن 😒

مروان ابتسم دون ما يشعر

#مروان مع نفسة البكي ده كلو عشان عليت صوتي

وطلعو لقت الطباخة قالو ليها يا آنسة تتعشي شنو تالين بقت تشرح ليها عاوزة شريحة لحمة مع صلصلة حارة وامممم عاوزة مايونيز

مروان بقي يضحك فيها االطباخة قالت وانت يا سيد مروان

مروان:زيها وطلع ع السلم لي غرفتو

#تالين مع نفسا

يااارببببي ح يحصل شنو ح يغتصبني😣😣لالا لا ح يفتحني😵😵😵😰😢😢😢لالا انا غبية لأني قلت ليه بوسني ح يقول انا لمحت ليه😭😭😭😭اااووف اسي المهم أكون قوية قدامو وما أكون خايفة يلا تالين امشي 😢😢

#مروان مع نفسة

من متين انا بعتذر لي بت غبي يا مروان كان اوصلا بيتم وخلاص لي جبتها ياخ طيب ما دام اصلا جات ونحنا برانا احسن استغل الفرصة وأشوف كيف ح نكون راجل ومرتو😈😈

مسك يدها ودخلو الغرفة فكا يدها تالين قعدت في كرسي ومروان طلع البدلة ورماها في الكرسي وبدأ يفك أزرار قميصه تالين شافته لفت وشها وخجلت هو شاف ردة فعلا أبتسم طلع قميصه وقرب عليها قال ليها خجلتي طيب ح تعملي شنو يوم دخلتنا وشها بقي أحمر من الخجل قال طيب قومي شوفي ليك غيار من الغرفة ديك وادخلي الحمام انا طالع شوية برا مروان طلع تالين أخدت نفس وقالت الحمدلله دخلت غرفة الملابس انبهرت بي البدلات والجزم والالوان فتشت ما لقت حاجة قدرها شالت قميص اسود حق مروان وفتشت لقت بوكسر وطلعت وطلعت الحمام انبهرت في الحمام كبير واحلي حاجة في جاكوزي قعدت تفكر فجأة قالت مروان ح يجي في اي لحظة احسن استحمي سريع واطلع استحمت وطلعت لقت مروان في الكرسي لمن شافا بي القميص كان قصير مغطي نص اردافا بس انبهر وقال ليها بالجد مثيرة هي خجلت وبعدها

يتبع.....
#هي_جريئة
بقلم: حسنية محمد

الجزء 09

قعدت جمبو فتشت تلفونا اتصلت بي أمها

فهيمة:في شنو

تالين:انا ح أبيت عند مروان رسلي لي هدومي تبع الجامعة

فهيمة:تقدم ملحوظ

تالين : عارفة حبيبتي عارفة ما قدرت أبعد عنو بعد المفاجأة دي ما وريتيني عجبتك

فهيمة:😡عاوزة اي ملابس

تالين :ههه رقم 4

وفصلت الخط فضلت تعاين لي مروان ومروان بعاين لي رجولا قال ليها مثيرة بلعت ريقا وقالت عارفة لكن ما ح يحصل شي إلا بعد الزواج يا مروان

مروان ابتسم وقال ليها أيوة اطمني جرس الغرفة ضرب فتحت الخادمة وجابت العشا قعدو ع الصفرة تالين بقت تأكل بي شراهة وهو قعد يعاين ليها انتبهت قالت ليه ما تعاين ليه وبعدين ليه ما أكلت قال ليها قلت اخليها ليك احتمال ما شبعتي اتغاظت تالين ولفت وشها مروان ضحك من تصرفا سمعت ضحكتو انصدمت قالت ليها ضحكتك حلوة يا راجل داسيها ليه

مروان: شكرا شكرا ع المجاملة

بعدها تالين بي جدية :اها ح انوم وين انا نعست

مروان:بغرفتك

تالين:اي غرفة انت جهزت لي غرفة هنا

مروان:لا بس بعد الزواج غرفتي هي غرفتك

تالين:لالا لالا ما بحب أشارك غرفة مع زول لا

مروان:اطمني نحنا ما ح نتشارك الغرفة حبيبتي

اتنهدت تالين بعدها مروان قال بس ح نتشارك السرير كمان تالين نفسا اتقطع بقت تجيب حجج لالا مروان ما بقدر انا برفس بالليل مسكا من يدا مشي ع الغرفة وهي لسة بتتكلم انا بشخر وكتير انا قرب منها مروان وقبلا سكتت تالين قال ليها كويس انك سكتي اخدي راحتك واتسطحي انا جاي

كانت تالين عاوزة تتكلم قال ليها لو نطقتي كلمة ح اعاقبك طوالي سكتت مروان دخل الحمام طوالي رقدت وغطت جسمها كلو ما عدا راسا طلع من الحمام عاين ليها رفع حاجب وقال ليها في شنو

تالين: ماف شي بس بحب انوم كده

مروان طلع التيشيرت صرخت وغطت وشها

مروان اتخلع :في شنو

تالين أشارت ليه بي صباعا وقالت :ألبس هدومك يا منحرف

مروان:منو منحرف يا واطية

تالين زحت الغطا وقفت ورجولا مفرقة في السرير عشان تثبت كويس وصرخت فيه وكانت بتنط انا واطية يا حقير يا منحرف يا جذمة فجأة لاحظت انها بتصرخ في مروان بقت تتتمتم انا انا اس اسفة اسفة وبقت ترجع لي ورا كانت عاوزة تقع مروان ثبتها وحضنا
  

تقييم رواية هي جريئة

من خلال متابعتي للرواية يمكنني تقييم الرواية بتسع درجات من العشرة


مستنية تعليقاتكم واراءكم في الرواية و شير للموقع حتي تصلك الرواية pdf



تعليقات



حجم الخط
+
16
-
تباعد السطور
+
2
-