رواية دمعة قمر كاملة

عائلة ابو سعود...

عمر../ ابو سعود وهو الأخ الوحيد لـ هاشم وطمعان في املاك اخوه وظالم وقلبه من حجر

سعود../الولد الكبير لـ عمر ماخذ من ابوه كثير وعمره 21 سنة

وليد../اصغر عياله وعمره 14 سنة

البارت الأول...

شمس وهي رامية نفسها على الكنبة وماسكة الريموت وتقلب في القنوات:والله ولاعلمتك ياهمس فاتك فاتك لاوالله موب فاتك وبس إلا فاتك نص عمرك

همس ماسكة المبرد تبرد اظافرها:وش عندك بسرعة قولي تراني مشغولة ماتشوفيني ابرد اظافري

شمس:اقول قولي لو سمحتي ترا احم احم انا اكبر منك بـ

همس قاطعتها بطريقة اللامبالاة:بخمس دقايق يالله وش عندك

شمس تطلع حواجبها وتنزلها:اكبر منك بيوم اعلم منك بسنة

همس بصوتها الناعم:اوووووووف طفشت منك قولي إلي عندك ولا بطلع

شمس:خلاص بقولك مع انو يعني ماتستاهلين اقولك((ياحبي لها ولعصبيتها وه بس على توأمي الله لايحرمنا من بعض))امس وانا في المدرسة هبلت في المدرسات ونقصوك انتي يحسبونك انا ولحد الحين ماقلتلهم انو انا شمس بالعكس قلتلهم إني همس هع هع هع

همس وعيونها حمممر من القهر:إيش يانذله انا اوريك تهبلين فيهم وانا الضحية والله لااوريك يا حمارا.. ((ورمت عليها الوسادة))

شمس بطريقة استفزازية:لاوالله وتمدين يدك بعد موريتك موريتك

((وبدأت الحرب اللا منتهية مع الأختين))

في صالة البيت..

ابو فيصل يقرا في الجرايد ويشرب شاي 

ام فيصل:ماتسمع الصوت يا ابو فيصل 

ابو فيصل وحط الجرايد على جمب:إلا والله شكلهم البنات بدأو في هوشتهم اليومية

ام فيصل وهي توقف على رجولها:الله يصلحهم بس الحين بقوم افك المعركة

في غرفة البنات..

همس تصرخ بصوتها الناعم:اااااااااااه قطعتي شعري الله ياخذ شكلك

شمس بطريقة عربجية:اقول وانتي بعد غرستي اظافيرك في جلدي شيليها لا اقصها لك

همس:لا اول فكيني

شمس:لاوالله اجل الحين بقص شعركـ...

ماكملت جملتها إلا امها دخلت

ام فيصل:شعر مين ياحلوة

شمس وفكت شعر اختها اول مادخلت امها:هااا ولا شي

ام فيصل:لاباللهي والمطاقة إلي قبل شوي

همس وشمس حطو عيونهم في بعض وفي نفس الوقت:إحنا كنا نطاق

ام فيصل:الله يصلحكم بس 

وقبل لاتطلع:ايه صح ترا خالتكم اليوم جاية

همس وشمس في وقت واحد:وااااااااااااااااااااااااو ونااااااااااااااسة بس لاتنسا بناتها

ام فيصل:دارية اصلآ ماحبيتوها لله بس عشان بناتها المحبة

همس:ياقلبي على خالتي اموووووووووت فيها واحبها

ام فيصل بنص عين :باااااااااااااااين

شمس:فديتها واعشقها واموت فيها بعد بس لاتغارين يمه ترا لك محبة خاصة

ام فيصل:هههههه انا اغار الله يصلحك بس ولا تنسين ياهمس سوي ذاك الحلا الحلو وش اسمه

همس:تشيز كيك

ام فيصل:إيه الله يصلحكم ولاتتأخرون في التجهيز ترا يمكن تجيب معها خوياتها هااا لااوصيكم 

همس وشمس في وقت واحد:ابشري إلي يسرك يمه

فيصل ودوبه جاي من جامعته وهلكان واضح عليه التعب لقا ابوه قاعد يقرا جرايد في صالة البيت

فيصل:هلاوالله بالغالي ولد الغالي ((وباس راس ابوه وايده))

ابو فيصل:يالله حيه يالله حيه والله كبرت وصرت رجال ينعرف بيه

فيصل:على ايدينك يا يبه 

وشاف امه نازلة من الدرج

فيصل:هلاوالله بالغلا كله وباس راس امه

ام فيصل:يابعد قلبي ياولدي تعال احطلك الغدا 

فيصل:لاتسلمين يالغلا انا خلاص اتغديت مع اخوياي في مطعم ماري

شمس وقطعت كلام اخوها:والله ورايح مطعم ماريز الجديد وانا نفسي اروحه ((وبطريقة تمثيلية)) هئ هئ انا زعلانة كذا تروح وماتاخذنا 

فيصل:كله ولا زعل شموستي خلاص ولا يهمك بكرا بغديك فيه انتي وهموستي

شمس وهي تجري وباسته من خده:تسلم يا احلا واغلا واجمل واروع اخ في العالم والكره الأرضية

فيصل:حشى صار فلم هندي هههههههههه

الكل:ههههههههههههههه

شمس:هئ هئ تطنزون فيني هئ هئ

فيصل:لاكله إلا زعل القمر

شمس:إيه اشووا 

فيصل:يلا استأذنكم طالع انام لأني هلككككككككككككككان

ام فيصل:روح الله يسعدك دنيا واخره

شمس:كوابيس سعيدة

ابو فيصل:الله يصلحك الواحد يقول نوم العوافي موب كوابيس سعيدة

فيصل:هههههههههههه يالله استأذنكم

ابو فيصل:اجل وين رائد اشوفه مختفي

ام فيصل: كالعادة قاعد في جحره يلعب ذا السوني حقهم

ابو فيصل:الله يهديه ذا مايتعظ الأسبوع الجاي الأختبارات نهائية

ام فيصل:ايه والله الله يوفقه ويوفق البنات

ام فيصل وهي تعلي صوتها:شمس شمس ردي الله يهداك

شمس وهي تركض:سمي يمه امري

ام فيصل:بالله شوفي اخوك رائد خليه يكلم ابوك

شمس:اوكي من عيوني يمه

في غرفة رائد...

رائد متحمس مع البلاي ستيشن ويكلم نفسه:الله ياخذك ياحجر انت ماتموت مية مره رشيتك برصاص وترجع عايش ثاني ما اقول غير الله ياخذك

وش ذي المرحلة الأخيرة إلي عيت تخلص بس انا حالف ماني طالع إلا يوم اذبحه واشرب دمه

إلا فجأة جات شمس بشرها مصدقت احد قلها روحي خربي على اخوك

شمس سحبت فيش التوصيلة المشبوكة في الكهربا

رائد وعيونه حمرا وده ياكلها:ليييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييه كنت خلاص بذبحه

شمس انفجعت:بسم الله الرحمن الرحيم وش فيك شوي وتاكلني

رائد:إلا الحين باكلك

شمس وهي تركض وتكلمه من بعيد وتعلي صوتها عشان لايذبحها:ابوووووووووووووووووووووووي يبيييييييييييييييييييييييييك

في المطبخ...

همس معصبة:وين الكيك إلي قلتلك تسوينه

ميري:هدا اخو انتا اكل هوا أشان انتي قولي كده

((هذا اخوكي كلاه عشان انتي قلتي كذا))

همس وودها تذبحها:طيب يلا انقلعي سوي كيك ثاني حسبي الله ونعم الوكيل وانت يارائد حسابك عندي

الشغالة تكلم نفسها ((هادا بيت كلو مجنون))

((هذا بيتهم كل الي فيه مجانين))

همس تطلع الدريم ويب من الدولاب وتخلطه مع القشطة في الخلاط

وبعد ماخلصت تشيز كيك حطته في الثلاجة وراحت تغير ملابسها

في الدور الأرضي وبتحديد في الصالة

رائد:سم يبه

ابو فيصل:سم الله عدوك بس انت قاهرني

رائد:ماعاش مين يقهرك يبه

ابو فيصل:الحين مشاءالله انت رجال واخر سنة لك في المتوسط يعني ماودك تعدي هالسنة على خير ترا البلاي ستيشن مامنه فايده ياولدي الدراسة هي الي بتنفعك

وهي الي بتأمن مستقبلك وانا ودي عيالي يكونون من المتفوقين والمعروفين في العائلة ابي الرياجيل ان شافوك يقولون هذا رائد بن فيصل العافي ابيك تكون مشهور في عائلة العافي وماراح تكون كذا إلا بدراستك وعلمك

رائد:سم يبه ابشر إلي يرضيك

ابو فيصل:ايه لا اوصيك ياولدي اهتم بدراستك

رائد:من عيوني دام هذا يرضيك

ابو فيصل:الله يوفقك انت وخوانك ويسعدكم دنيا واخره

رائد ويبوس راس ابوه:تسلم يايبه ومافي احلا من دعاوي الوالدين الله لايحرمني منكم

ابو فيصل:ولا منكم

في غرفة البنات...

همس لبست فستان لنص الساق وعاري ولونه ترابي فاكه شعرها وحاطه ورده ورديه في شعرها وحطت شدو خفيف وردي ومرطب خفيف وردي ومو لازم تحط روج لأنو شفايفها توتيه خلقه

شمس لبست تنوره لنص الساق تفاحية وعليها رسومات ورد ليمونية ولابسة بلوزة ليمونية لنص اليد محددة بلون تفاحي وحطت شدو خفيف تفاحي ومرطب خفيف تفاحي وطالعين جناااااااااااااااااااااااااااااااااااااااااااااااا اااااااااااااااااااااااان

عند المدخل جات خالتهم ام خالد وبناتها ريم ومها 

وجايبة خوياتها اربع حريم ام تركي وام فواز وام فارس وام مهند

ملاحظة:.

ام خالد اخت ام فيصل

ولدهاخالد الكبير وهو قد فيصل وهو خطيب همس

ومها قد همس وشمس وريم اصغر منها بسنة

ام فيصل وهي ترحب وتهلل:هلاوالله تفضلوا في المجلس

مها وريم سلمو على خالتهم وعلى طول على غرفة البنات

مها تفتح باب غرفة البنات:بخخخخخخخخخخخ

شمس :جيتوا وانا اقول الشارع منور ليش اقصد البيت منور ليش

الكل :هههههههههههههههههه الله يرجك

همس وشمس في نفس الوقت:وحشتونا يالقاطعين

في المجلس...

ام خالد:وين البنات ماشفتهم 

ام تركي:هذي بنتي والله البنت السنعة دارين تعالي سلمي على خالتك ام فيصل

ملاحظة:.

ام تركي خويت ام خالد

ولدها الكبير تركي ثاني جامعة

وبنتها الوحيدة دارين وتحب تمدح بنتها في كل مجلس

ام فيصل:هلاوالله بدارين 

دارين:هلا بك زوود خالتي إذا تبين اي مساعدة تراني موجودة

ام فيصل:تسلمين يابنتي الحين بناتي جايين

ام مهند:ماسمعتم اخر خبر

ام فيصل وام تركي وام خالد في وقت واحد:وشو!!

ام مهند:ام عائشة توفت امس الله يرحمها

ام خالد:وشششووو!! ليه ماقلتيلي ومن ايش ماتت

ام مهند:جتها سكتة قلبية وهي نايمة في الفجر

ام فواز وهي ماتدري وش السالفة:الله يرحمها

ام فيصل تكلم نفسها((وينهم البنات الله يهديهم ماجو فشلوني))

في غرفة البنات...

مها:بنات ماتحسون إنا زودناها

همس بستنكار:ليش!!؟

مها:من زمان الحريم جو ولا نزلنالهم وسلمنا عليهم ودارين الله يصبرنا عليها بس

شمس وهمس بستنكار:مين دارين ذي!!؟

ريم قاطعتهم:هاذي وحدة الله يسلمكم حسودة وحقودة وماتتمنى الخير للناس واكبر منافقة شفتها

همس:الله يعينا عليها بس مدري كيف بستحملها

ريم بدلع:يالله بنات اتأخرنا عليهم

واول مادخلو المجلس

ام تركي وتطالع شمس وهمس بعيون حسودة:مشاءالله تبارك الله مين هذولا

ام فواز:ذولا القمر نازل من السما مشاءالله تبارك الله

ام مهند ماقدرت تقول من جمالهم وجاذبيتهم وحلاهم غير:مشاءالله مشاءالله

ام فارس واول مرررا يطلع صوتها طول القعدة:قمر مشاءالله ياقلبي عليهم يهبلوووووون!

دارين تطالعهم وهي حاقدة عليهم وحاسدتهم على جمالهم

ام فيصل وهي خايفة على بناتها من العين:هذولي بناتي مشاءالله عليهم الله يحفظهم

همس وشمس ومها وريم قامو يسلمون على الحريم

ام تركي بهمس تكلم ام فيصل:ابي اكلمك على جمب بعد شوي

ام فيصل:طيب انشاءالله

وبعد ماقدمو العشا وراحت ام فواز وام فارس وام مهند بقى ام تركي وراحت تكلم ام فيصل على الموضوع الي تبيها فيه

ام فيصل:هلا امري ام تركي وش بغيتي

ام تركي:تعرفين ولدي الوحيد تركي ودي اختارله احسن البنات واحنا صراحة نبي قربكم وابي اخطب بنتك همس لولدي تركي

ام فيصل:والله شرف لنا بس انتي عارفة البنت اخر سنة ليها في الثنوي وهي من اول مخطوبة لخالد ولد ام خالد

ام تركي حقدت على ام فيصل وعلى ام خالد:اهااا والله ولدها رجال والنعم بيه بس لو خذت ولدي احسنلها

ام فيصل:والله عاد اعتذر منك لأنها من زمان مخطوبة 

ام تركي:طيب شمس مخطوبة 

ام فيصل:ايه مخطوبة لولد عمها سعود

ام تركي بعيون حاقدة:يعني مالنا نصيب معاكم

ام فيصل وخايفة من نظرات ام تركي:عاد النصيب

ام تركي ودق جوالها:اجل يالله تشرفت بمعرفتكم لأنو ولدي جاه يلا مع السلامة ((ورمت لها نظرة حقد))نشوفكم على خير

ام فيصل:مع الف سلامة

في بيت ابو سعود

ابو سعود:وليد وينك تعال ابيك بسرعة

وليد بدلع:ها وش تبي

ابو سعود ولده الدلوع وليد وحبيب قلبه وطلاباته اوامر:لا حبيت اشوفك قبل ما اسافر لأني مسافر اجيب بضايع من الصين

ام سعود:تروح وترجع بالسلامة

ابو سعود:هااا لااوصيك على العيال يا ام سعود 

ام سعود:عيالي وفي عيوني يا ابو سعود

سعود داخل البيت وهو هلكان وشكله راجع من سهره من سهراته الليلية :وين رايح يبه

ابو سعود:رايح الصين اجيب بضايع وبقعد فيها سنة لأني عندي شغلات كثيرة

ام سعود وهي متعوده على سفراته المعتادة:لاتخاف علينا يا ابو سعود معنا رجال وينعرف بيه

سعود:ايه احم احم رجال ونعم الرجولة

وليد:يبه بنروح معك طيب

ابو سعود واول مرا يرفضله طلب:لامايصلح ياولدي انتم عندكم دراسة واختبارات ومايصلح تترك دراستك وتجي معي

وليد رما الوسادة الي كانت جمبه وراح جري لغرفته وهو زعلان على ابوه لأنه كل مرا يروح ويخليهم وهو اول المتضررين بروحاته لأنه دلوعه وحبيبه

ابو سعود:الله يهديك ياولدي ماتدري اني اسوي كذا عشان مصلحتكم

سعود:معليك فيه يايبه انا بنتبه لهم ولا تخاف عليهم تراهم في عيوني وعمي معنا

ابو سعود:ايه انشاءالله بوصيه عليكم وان احتجتم اي ش تراه مكاني

في غرفة وليد...

وليد ودمعته على خده ويكلم نفسه ليه يايبه تتركنا ليه مانبي فلوس ولا نبي شي من سفراتك نبيك انت يايبه! ايه نبيك انت يايبه!! لاتستغرب محنا محتاجين لفلوسك احنا محتاجين لأب حنون يحبنا ويحسسنا بالحنان والأمان الي احنا فقدناه بسسب هالفلوس حسبي الله على الفلوس ان كانت بتحرمنا من ابونا ايه حسبي الله عليها لاتستغربون هذا حال الي فاقد ابوه..

دخل سعود لأخوه وليد عشان يهديه وقال جواب لسؤال وليد وهو كان محتاج جواب لسؤاله الي بيصبره ويخليه يتحمل بعد ابوه وفرقاه وقال سعود:إذا كانت الدنيا تدور خلك على الشدة صبور اصبر وقول الله كريم يبدل الحزن بسرور ((وراح حضن اخوه إلي قام يبكي اول ماحضنه اخوه الكبير سعود وحسسه بالحنان والأمان إلي فاقدهم))

في بيت ابو تركي...

ام تركي:دارين مشاءالله شفتي البنات اليوم يهبلووووووون

دارين وفي صوتها نبرة حقد:ايه حلوين بس مدري على ايش شايفين نفسهم<<<<<<<كل ماشافت بنت حلوة وجميلة قالت شايفة نفسها

ام تركي وكانت تتمنى ربع جمالهم في بنتها

نزل تركي من غرفته وهو يدندن:هاا يمه تبين مني شي قبل لااطلع عشان الشباب عازميني على الإستراحة إلين بكرا الفجر

ام تركي:الله يهديك ياولدي متى اشوفك رجال وتكبر في عيني وتترك هالإستراحات

تركي:ذي الشنبات كلها وماني رجال

ام تركي:هههههههه لايعني تترك حركات المراهقة والإستراحات وخرابيط المراهقة

تركي:ايه انشاءالله كلها سنتين واتركها يالله مع السلامة لأن الشباب من اول يستنوني

ام تركي:تروح وترجع بالسلامة

تركي:ايه والله دعواتك يايمه تراها سر نجاحي

ام تركي:الله يوفقك ويسعدك دنيا واخره يارب

تركي:آمييييييييييين والسامعين اجمعين

دارين وهي مسرحة في همس وشمس وتتمنى تاكلهم بسنانها ولا تدري امها واخوها يتكلمون في ايش:آميييييييين

في بيت ابو فيصل وفي غرفة البنات بتحديد

همس:شفتي كيف تطالع فينا ذي الي اسمها دارين ياشمس

شمس:إيه والله كانها بتاكلنا

ريم بدلع:انا كلتني ورمتني عظم من زمان

مها:هههههههههه الله يرجكم ولا علمتكم تضاربت معها في حفلة من الحفلات

شمس وهمس وريم سوو دائرة وكلهم بفضول وفي وقت واحد:قوليلنا من الألف للياء

مها فتحت عيونها الذباحة على كبرهم:ماصدق الأسد يلقاله فريسة

شمس:إيييييييييييييييييييييييش ماسمعت

مها:هاا ولا شي

ريم:يلا قولي تراني تحمست

مها بطريقة استفزازية:لا تحسبون السالفة بالمجان اول كل وحدة منكم تعطيني 100 ريال

((كلهم طبوا على بطنها وقامو يضربونها إلي تعضها وإلي تشد شعرها وإلي تقرصها))<<<<<<<<مين قالها تحمس ناس دم اللقافة يمشي في عروقهم

مها وبصوت مخنوق:خلاص بقولكم بدون شي بالمجان

((وعلى طول فكوها ورحموها))

مها بصوت فيه نبرة قهر:حشى وحوش موب اوادم

شمس وهمس وريم بصوت واحد:نكمل ولا تقولين السالفة بحترام

مها: خلاص بقولكم مرررا من المرات وفي حفلة كنت جالسة مع البنات إلا جتني بشرها وقالت انتي شعرك كأنك مسويته عند حجة رحت رديت عليها احسن من الي مسويته عند فقيرة ولو سمحتي انا مسويته عند الكوفيرا سلوى ومو اي احد هي وانتي مدري عند اي وحدة في الشارع مسويه شعرك وقالتلي وعيونها تطلع نار من القهر على الأقل فستاني احلا من فستانك إلي جايبته 50 ريال رحت رديت عليها ولا تنسين نفسك حقك بـ25 ريال عاد لاتتكبرين علينا راحت قالتلي اقو ل بس لايكثر رحت قاطعتها وقلتلها اقصري الشر احسنلك ترا ماتعرفين انتي تتكلمين مع مين راحت رمتلي نظرة تكبر ادري اتكلم مع مها حامد العافي وشردت قبل لاارد عليها وبس هذا كل الي في الموضوع

شمس بحماس:لو انا منك كان فقعت وجهها

همس ومتحمسة اكثر منها:وانا قطعت جلدها

ريم بحماس اكثر واكثر:وانا قصيت شعرها

مها:هههههههههه الله يرجكم

ام خالد دخلت عليهم في الغرفة

ام خالد:يلا بنات خالد اخوكم من اول تحت وتأخرنا عليه

همس اول ماسمعت اسم خالد استحت وحمرت خدودها وانتبهت لها ريم ورمت لها نظرة هي فهمتها

مها:طيب الحين طالعه بس بلبس العباية ونازلة يلا سلام بنات

ريم:بااي بنات نشوفكم على خير

همس وشمس:مع السلامة خالتي ومع السلامة بنات